JƐRƖMAAYA 34:14 - WƖA TENIŊ

¹⁴ Jɩsɩŋ balɩpɛ na-kala lɛ, ma kʋŋkala maga ŋ joŋ Hiburu tɩɩna sɩ ŋaa ŋ yomo ta nɛ, nɩalɩŋ sɩ joŋ ba tɩtɩa yalla pɩma. Dɩ ʋ nɛ tɩma pɩŋ jɩsɩŋ balɩdʋ, ʋ maga ŋ joŋu ta nɛ dɩ ʋ mʋ. Ama ma naabalɩmaba bɩ jegile nɩɩ mɩ teeŋ koo a kaa tɩŋ.

JƐRƖMAAYA 34:14 ပူးပေါင်းရင်းမြစ်များ

1 KUOROO 21:25

(Nʋʋkala fa tuo a joŋ ʋ tɩtɩa hɛ wʋbɔŋŋɔɔ ŋaanɩŋ lɛ La TƖƖNA sɩɩŋ lɛ a magɛ Ahab. Ʋ haala Jɛzɛbɛl nɛ fa yigu hɛ ʋ ŋɩŋaa wʋbɔmɔ-la.

1 KUOROO 9:22

Ama Solomoŋ fa bɩ leŋe Iziral tɩɩna kala ŋaa yomo. Ba nɛ fa ŋaa ʋ laalɩyuoroo, arɩ ʋ tɩntɩnnɩ-hɩasɩŋ, arɩ sɩpaalaaraa arɩ ʋ laalɩyuori-hɩasɩŋ arɩ ʋ laalɩŋ janɩŋ torukoba nɩhɩasɩŋ arɩ nɩalɩŋ sɩ kɛŋ torukoba-la vɩvɛŋ.

2 IZIRAL TƖŊŊAA NAABARƖŊ 28:10

Lɛɛlɛ maa chɛ dɩ ma kɛŋ Juda arɩ Jerusalɛm baalaa arɩ haalaa bɩrɩmɛ ma yosi nɛ. Ama ma ma ŋaa wʋbɔŋŋɔɔ nɛ ma TƖƖNA Wɩa teeŋ.

2 IZIRAL TƖŊŊAA NAABARƖŊ 36:16

Ama ba bɩ ʋ wʋlaabʋlla-la teeŋ jegile nɩɩ, aŋ mɔmba a sieri ba lɛ. Ba ŋaa ŋɩɩ nɛ La TƖƖNA baanɩŋ chaasa sii ba nyuŋ, wɩɩkala tuo sɩ jaŋ pɔ dɩ ʋ sɩ́ ba dɔgʋsʋ.

NƐHƖMAAYA 9:30

Jɩ-daŋ nɛ ŋ kɛŋ kenyiri arɩ ba. Ŋ Dɩma to ŋ wʋlaabʋllaa lɛ nɛ a bʋl wɩaa chagɩlɛba. Ama ba bɩ jegile nɩɩ, ŋɩɩ nɛ ŋ jomba hɛ tintee-wogusuŋ nɩaa nɩsɩŋ lɛ.

AZAAYA 50:1

Wɩɩ-la La TƖƖNA sɩ pɩɛsɛ Iziral tɩŋŋaa nɛ ŋ-la: “Teŋ-la mɩ sɩ ŋmʋnsa pɩ ma naaŋ, aŋ kiru ta hɛ nɩɩ nɛ? Koo kʋbɛɛ chɩŋ nɛ mɩ dii a joŋu yalla tiŋ? Ma wʋbɔŋŋɔɔ wɩaa nɛ tɩɩ ma nagɛ nʋʋ ba sɩ yalla. Ma wʋcheelee nɛ tɩɩ mɩ kirima ta.

AZAAYA 58:6

Nii-vɔbɩɩ-la doho mɩ sɩɩ chɛ nɛ ŋ-la: Má laa nɩalɩŋ wɩaa sɩ nyaga bil ba nɩna hɛɛŋ ta, a giri wʋbɔŋŋɔɔ ŋaanɩŋ, a laa nɩalɩŋ sɩ bɩ wɩɩ ŋaa ka baa dɔgɩsɛba ta.

JƐRƖMAAYA 11:7

A chɩŋ bʋa-la lɛ mɩ fa sɩ kɛŋ ma naabalɩmaba a lɩɩ Ijipiti tinteeŋ lɛ a kaa kʋ yi jɩnɩŋ, mɩ kpʋrɩsɛ ba dɩgɩlaa bʋlɩa bʋlɩa nɛ a bʋl: Má to mɩ niiŋ.

JƐRƖMAAYA 32:30

Iziral tɩŋŋaa arɩ Juda nɩaa hambiiriŋ kala lɛ a kaa kɔ ŋ-la, ba bɩ wʋzɔŋ kala ŋaa mɩ sɩɩŋ lɛ, see wʋbɔŋ. Wʋtɩtɩɩ, Iziral tɩŋŋaa bɩ wʋzɔŋ kala ŋaa, ba mɩɩra kɛŋ vesi-la ba tɩtɩa sɩ ŋaa nɛ a leŋ mɩ baanɩŋ sii. Mɩ-na ma TƖƖNA nɛ bʋla.

JƐRƖMAAYA 35:15

Mɩ tɩŋ mɩ wʋlaabʋllaa kala ma teeŋ nɛ bʋlɩa bʋlɩa. Ba bʋla pɩma, ‘Ma kʋŋkala maga ma bɩrɩma lɩɩ ma wʋbɔŋŋɔɔ lɛ nɛ, a bɩrɩmɛ ma wʋŋaalaa. Má sɩ́ vesiŋ to, dɩ ma nɛ ŋaa ŋɩɩ, ma jaŋ hɔŋ tintee-la mɩ sɩ joŋo pɩ ma dɩ ma naabalɩmaba lɛ.’ Ama ma bɩ jegile nɩɩ mɩ teeŋ koo a kaa tɩŋ.

ƐZƖKƖƐL 20:4

Nuhuobiiŋ, ŋ jaŋ diiba sarɩyaa? Ŋɩɩ-na liisiba a mʋ tɩgɛ wʋkɩsɩa-la ba naabalɩmaba sɩ ŋaa lɛ.

ƐZƖKƖƐL 20:8

Ama ba vɩa mɩ niiŋ nɛ a bɩ jegile nɩɩ mɩ teeŋ. Ba bɩ tɔmɔ-la sɩ ŋaa disiŋ kɩa ka ba choba joŋo ta, ba bɩra bɩ Ijipiti tɩŋŋaa tɔŋŋɔɔ ma leŋe. Ŋɩɩ nɛ mɩ sɩ mɩ jaŋ na baanɩŋ ba nyuŋ a ŋaa baaŋ wɩaa ba lɛ Ijipiti tintee-la lɛ.

LEVI DOHO NƖAA 25:10

Dɩ ma nɛ ŋaa ŋɩɩ, má lɩɩsɛ jɩ-mahɩŋ balɩa arɩ fii, dɩ ʋ ŋaa jɩna-la nʋʋkala sɩ maga dɩ ʋ tɩɩ ʋ tɩtɩa. Jɩna deeŋ tʋɔŋ, dɩɩsɩŋ arɩ tinteye-la kala nɩaa sɩ yɔbɔ maga dɩ ba joŋo pɩ ba tɩŋŋaa nɛ, ka dɩ yosuŋ ma mɩɩra mʋ ba dɩa nɩaa teeŋ.

AMƆS 2:6

Wɩɩ-la La Tɩɩna sɩ bʋla nɛ ŋ-la: “Mɩ bɩ jaŋ leŋ dɩ mɩ baanɩŋ fɩɛlɛ, mɩ jaŋ dɔgɩsɛ Iziral nɩaa a tɩŋ ba wʋbɔŋ dandaŋ-la wɩaa. Ba kɛsɛ tʋɔpʋl tɩŋŋaa yallɛ moribiee nɛ, aŋ kɛsɛ nɩalɩŋ ma sɩ bɩ ba tɩtɩa lɛ wuo pɛ a yallɛ nɛntɛŋŋɛɛ yalɩŋ.

AMƆS 8:6

La jaŋ wuo joŋ mɩɩ-hagɩla a yallɛ yal-haaŋ, a yɔɔ summo-la sɩ bɩ ba chɩŋŋaa wuo tiŋ dɩ ba ŋaa la yosi, dɩ ba chɩmɩŋ nɛ paala bɩ nɛntɛŋŋɛɛ yalɩŋ yie ma.’ ”

Rom Tɩŋŋaa 7:24

Mɩ lɛlɛ nɛ. Wɩalɩŋ sɩ hɛ mɩ lɛ kɛmmɛ kaa mʋ sʋʋŋ bʋa nɛ. Kʋbɛɛ nɛ jaŋ laamɛ ta ba lɛ?

MOSIS BƖRA WULLI WƖA WOMBIIŊ 15:1

Dɩ nʋʋkala nɛ joŋ kɩaa chɩŋ ʋ dɔŋɔ, dɩ jɩ-pɛɩ nɛ kʋ dɛrɛ, ʋ maga dɩ ʋ giri chɩŋ-la ta.

MOSIS BƖRA WULLI WƖA WOMBIIŊ 15:12

Dɩ ma Iziral tɩŋŋaa baal koo haal nɛ joŋ ʋ tɩtɩa a yalla pɩ ma dɔŋɔ a ŋaa yoŋ, dɩ ʋ nɛ tɩŋ tɩntɩŋŋaa pɩŋ jɩsɩŋ balɩdʋ, jɩ-pɛɩ lɛ, ʋ maga dɩ ŋ joŋu ta nɛ.

MOSIS BƖRA WULLI WƖA WOMBIIŊ 15:9

Dɩ jɩ-pɛɩ-la lɛ ma sɩ jaŋ giri chɩŋŋaa ta nɛ kpaga ma, ka dɩ ma naambiiri-la kʋŋ nɩsɩŋ buo, dɩ ʋ chɩchɛ ʋ chɩŋ kʋŋ ma teeŋ, má sɩ́ tʋɔhɛɛŋ kɛŋ a vɔmʋ. Dɩ ma nɛ vɔmʋ dɩ ʋ yele pɩ La TƖƖNA, ma jaŋ laa cheeriŋ La TƖƖNA teeŋ.