JƐRƖMAAYA 34:11 - WƖA TENIŊ

¹¹ Ama ʋ ŋɩɩ harɩŋ, ba bɩra kɛŋ ba tʋɔbɩɩnaa bɩrɩmɛ, a kɛsɛ ba yosu-la ba fa sɩ joŋo ta ba bɩra ŋaa yosi.

JƐRƖMAAYA 34:11 ပူးပေါင်းရင်းမြစ်များ

WƖA YƖƖLAA 125:5

Ama La Tɩɩna, dɩ ŋ nɩɩ dɔgɩsɛ nɩbɔŋŋɔɔ, dɔgɩsɛ nɩalɩŋ ma sɩɩ to nɩbɔŋ wombiee. A leŋ dɩ fɩɛlɩŋ hɛ Iziral tinteeŋ lɛ.

WƖA YƖƖLAA 36:3

Baa bʋl wʋbɔŋŋɔɔ nɛ aa nyɩsɛ nɩaa, a bɩra bɩ wʋjɩmɩŋ kɛnɛ dɩ baa ŋaa wʋzɔŋŋɔɔ.

MOSIS KƐŊ IZIRAL TƖŊŊAA LƖƖ 8:15

Ama Ijipiti tinteeŋ kuoro sɩ na dɩ sɔrɔ-la sʋba ŋɩɩ, ʋ tʋɔŋ bɩra dol. Ʋ bɩ chɛ dɩ ʋ nɩɩ Mosis arɩ Arɔŋ teeŋ arɩ La TƖƖNA fa sɩ bʋl ŋɩɩ.

MOSIS KƐŊ IZIRAL TƖŊŊAA LƖƖ 8:8

Ijipiti tinteeŋ kuoro yɩrɛ Mosis arɩ Arɔŋ a bʋl, “Má sʋl La TƖƖNA dɩ ʋ leŋ dɩ sɔrɔ-la nyɩɩgɛ mɩ dɩ mɩ nɩaa tinteeŋ lɛ, ka dɩ mɩ leŋ dɩ ʋ nɩaa mʋ a kpʋ pʋsʋŋ a ŋaa Wɩɩsʋlʋŋ a dɛnnʋ.”

MOSIS KƐŊ IZIRAL TƖŊŊAA LƖƖ 9:28

Má sʋl La TƖƖNA pɩla, duoŋ-tabɩaa arɩ duoŋ kpɩa-na-la dɔgɩsɛla yʋgɛ nɛ. Mɩ jaŋ leŋ dɩ ma mʋ, ma bɩra bɩ maga dɩ ma hɛ daha.”

NAMAGABA 26:11

A nagɛ vaha sɩ yie tʋɔsɛ aŋ gʋra paa dii ŋɩɩ, ŋɩɩ tɩtɩa nɛ nɩyaarɩŋ ma yie ŋaa nɩyaarɩ wɩɩŋ aŋ bɩra ŋaa wɩɩ-la tɩtɩa.

TƖƖCHA 8:11

Dɩ ba nɛ bɩ nʋʋ sɩ ŋaa wʋbɔŋ dɔgʋsɔ lɩma, nɩaa yie bɩbɩɩnɛ ba ŋɩŋaa wʋbɔŋŋɔɔ nɛ.

JƐRƖMAAYA 34:10

Ŋɩɩ nɛ tɩntɩnnɩ-hɩasɩ-la arɩ nɩalɩŋ kala sɛɩ a bil niiŋ arɩ ba jaŋ joŋ ba yoŋ-baalaa arɩ ba yoŋ-haalaa ta a bɩra sɩ́ ba kaa bɩrɩmɛ yosi. Ba sɛɩ a jomba ta.

JƐRƖMAAYA 34:12

Ŋɩɩ nɛ La TƖƖNA bʋl wɩaa a pɩ Jɛrɩmaaya. Ʋ sɩ,

JƐRƖMAAYA 34:16

Ama lɛɛlɛ ma bɩra mɩɩrɛ harɩŋ nɛ a chei mɩ yɩrɩŋ. Ma kʋŋkala bɩra mɩɩra kɛsɛ ma yoŋ-baala-la arɩ yoŋ-haala-la ma fa sɩ joŋo ta dɩ ba mʋ lee-kala ba sɩɩ chɛ nɛ. Ma fʋgɛba nɛ ba bɩra ŋaa ma yosi.

JƐRƖMAAYA 34:21

Mɩ jaŋ joŋ Juda tinteeŋ kuoro Zedikaaya arɩ ʋ tɩntɩnnɩ-hɩasɩŋ a hɛ ba dʋndɔmɔ-la sɩɩ chɛ ba lɩɩsɛ ba mɩɩsɩŋ nɩsɩŋ lɛ, Babɩlɔŋ kuoro laalɩyuoro-la sɩ mɩɩrɛ harɩŋ a bɩra bɩ maa yuo.

JƐRƖMAAYA 37:5

Ijipiti tinteeŋ kuoro laalɩyuoroo kala fa lɩɩ Ijipiti tinteeŋ lɛ nɛ. Babɩlɔŋ tɩmma-la sɩ mʋʋ yuo Jerusalɛm a gollo chu sɩ nɩɩ ba wɩaa, ba leŋ Jerusalɛm aŋ mɩɩrɛ.

HOSIA 6:4

La TƖƖNA sɩ, “Efirem, wʋbɛɛ nɛ mɩ jaŋ wuo ŋaa ŋ lɛ? Juda, wʋbɛɛ nɛ mɩ jaŋ wuo ŋaa ŋ lɛ? Ŋɩɩ ŋ sɩ chomi nagɛ bʋrʋŋ sɩ yie tɔ chʋchʋɔŋ nɛ, a nagɛ nyalɩŋ sɩ yie guu huo.

HOSIA 7:16

Ba bɩ mɩɩra kɔ mɩ-na Wɩa sɩ kɩɩ kʋŋkala teeŋ, ba nagɛ toŋ sɩ golibo nɛ. Ba jaŋ kpʋ ba sɩpaalaaraa laalɩŋ lɛ, a tɩŋ nii-jɩgɩ wɩalɩŋ ba sɩɩ bʋl. Wɩɩŋ deeŋ wɩaa, ba jaŋ mɔmba Ijipiti tinteeŋ lɛ.”

ZEFANAAYA 1:6

Mɩ jaŋ chei nɩalɩŋ sɩ mɩɩrɛ mɩ-na ba TƖƖNA harɩŋ tonuŋ, a bɩ mɩ bee chɩchɛ, a bɩ mɩ pɩɛsa nɩna wɩaa.”

1 SAMƲƐL 24:19

Dɩ nʋʋ nɛ na ʋ dʋndɔmɔ, ʋ jaŋ leŋu ta dɩ ʋ mʋ pɛɩ? La Tɩɩna jaŋ timiŋ woruŋ a tɩŋ wʋzɔŋ-la ŋ sɩ ŋaa mɩ lɛ jɩnɩŋ.

1 SAMƲƐL 26:21

Ŋɩɩ nɛ Sɔɔl bʋl, “Devit, mɩ ŋaa wʋbɔŋ nɛ, mɩɩra kɔ mɩ bii, bɛɛ wɩaa jɩnɩŋ ŋ leŋ mɩ mɩɩsɩŋ pɩmɛ nɛ, mɩ bɩra bɩ jaŋ ŋaaŋ wʋbɔŋ kala. Mɩ wʋŋaalaa ŋaa nɩyaarɛ wɩaa nɛ, mɩ cheeriŋ yʋga.”