JƐRƖMAAYA 33:9 - WƖA TENIŊ

⁹ Ŋɩɩ nɛ tabalɩŋ deeŋ jaŋ laa yɩrɩŋ pɩmɛ dɩ mɩ tʋɔŋ tɔrɛ, dɩ nɩaa dɩdɛnnɛmɛ a zizilmi dʋnɩa tinteye-la kala nɩaa sɩ nɩɩ wʋzɔmɔ-la mɩ sɩ ŋaa pʋ sɩpaaŋ. Fawʋllʋŋ jaŋ kɛmba dɩ ba chichel a tɩŋ dʋa bal-la arɩ fɩɛl-la mɩ sɩ pʋ wɩaa.”

JƐRƖMAAYA 33:9 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 20:29

Tinteye-la kala sɩ golliba a nɩɩ ŋɩɩ La TƖƖNA tɩtɩa sɩ yuo dii Iziral tɩŋŋaa dʋndɔŋŋɔɔ, fawʋllʋŋ kɛmba a tɩŋ Wɩa wɩaa.

NƐHƖMAAYA 6:16

La dʋndɔŋŋɔɔ sɩ hɛ tinteye-la kala sɩ gollila lɛ a nɩɩ wɩɩŋ deeŋ, fawʋllʋŋ kɛmba ba yɩɛlaa kala lɛl, bɛɛ wɩaa ba jɩma arɩ la Wɩa nɛ pɛ la lɛ la tɩŋ tɩntɩmɩŋ deeŋ.

ƐSƖTA 8:17

Tintee-na kala arɩ taŋ na-kala lɛ tɩndaara-la sɩ kɛŋ nii-la kuoro sɩ bile teniŋ a mʋ karɩma pɩba, Juu tɩmma-la sɩ hɛ nɩmɛ tʋɔŋ yie tɔrɛ nɛ, tapʋlɩɩ-la ŋaa tapʋl-zɔŋ ba gbigbieli. Nɩwogusuŋ dɔnsʋŋ yʋgɛ a joŋ ba tɩtɩa arɩ ba ma ŋaa Juu tɩmma, bɛɛ wɩaa fawʋllʋŋ kɛmba nɛ a tɩŋ Juu tɩmma-la wɩaa.

WƖA YƖƖLAA 130:4

Ama ŋ nɛ joŋ wɩaa chɩchɛla, ŋɩɩ wɩaa ʋ maga dɩ la fáŋ.

WƖA YƖƖLAA 40:3

Ʋ dagɛmɛ yɩɩl-falɩŋ nɛ mɩ sɩ jaŋ yɩɩ a dɛnnʋ. Nɩ-daŋ jaŋ na a fá Wɩa, a laa La Tɩɩna dii.

AZAAYA 43:21

Ba nɛ nɩalɩŋ mɩ sɩ ŋaa a pɩ mɩ tɩtɩa dɩ ba dɩdɛnnɛmɛ.

AZAAYA 55:13

Lere-la sɔsʋŋ sɩ nyʋ tɔ, bʋtʋnsʋŋ nɛ jaŋ mɩɩra nyʋ nɩmɛ. Lere-la sɩ jaŋ lugo tɔ kɩŋkɛŋ, chɛyɛɛ jaŋ mɩɩra nyʋ nɩmɛ. Wɩɩŋ deeŋ jaŋ ŋaa magɩl sɩ jaŋ hɛ nɩmɛ deeŋ deeŋ, a liliisi wɩɩ-la La TƖƖNA sɩ ŋaa, ʋ bɩ jaŋ kɔ dɩ ʋ dɩsa.

AZAAYA 60:5

Dɩ ŋ nɛ na ŋɩɩ, ŋ yaraa jaŋ fɩɛlɛ ba nyuŋ, ŋ tʋɔŋ kala jaŋ tɔrɛ dɩ ŋ jʋjʋɔsɛ. Ba jaŋ paa nɩalɩŋ kala sɩ hɛ mʋgʋ-balɩŋ cholo dʋa a kaa kɔ ŋ teeŋ, ba jaŋ kɛŋ tinteyee nɩaa dʋa kʋ pɩŋ.

AZAAYA 62:1

A tɩŋ Jerusalɛm wɩaa mɩ bɩ jaŋ tɔrɛ mɩ niiŋ, a tɩŋ Zaayɔŋ wɩaa mɩ bɩ jaŋ ŋaa chɩm, see mɩ sɩ na dɩ ʋ tʋɔpʋla wɩaa chaana a nagɛ taŋ sɩ pʋla, dɩ ʋ laatanɩŋ wɩaa ma lɩɩ sɩɩŋ.

AZAAYA 62:12

Ba jaŋ yɩrɛma, “Tʋɔpʋl tɩmma, nɩalɩŋ La TƖƖNA sɩ laa ta. Ba jaŋ yɩyɩrɛ Jerusalɛm Wɩa ta-chooluŋ, Tabal-la Wɩa sɩ bɩ vɩa ta.”

AZAAYA 62:4

Ba bɩra bɩ jaŋ yɩrɩŋ kʋvɩataalɩɩ. Ba bɩra bɩ jaŋ yɩrɛ ŋ tinteeŋ jikpeeŋ. Ama ba jaŋ yɩyɩrɩŋ: ‘Hefiziba’. (Ʋ bʋbʋɔŋ nɛ: Wɩa choŋ nɛ.) Ŋ tinteeŋ ma yɩrɩŋ jaŋ ŋaa: ‘Bewula’. (Ʋ bʋbʋɔŋ nɛ: bala tɩɩna). La TƖƖNA tʋɔŋ jaŋ tɔrɛ ŋ nyuŋ, a kɛŋ ŋ tinteeŋ ma woruŋ a nagɛ baala sɩ kɛŋ ʋ haala woruŋ.

AZAAYA 62:7

Má sɩ́ leŋe dɩ La TƖƖNA ma wiesi, see dɩ ʋ leŋe dɩ Jerusalɛm chɩŋ kpaŋkpaŋ, dɩ ʋ yɩrɩŋ yɩrɛ dʋnɩa kala lɛ.

AZAAYA 64:2

Dɩ ŋ nɛ kʋ tuu, ba jaŋ chel ŋ sɩpaaŋ a nagɛ ba sɩ chɔ lɩɩŋ ʋ wuwulimi. Kʋ tuu a dagɛ ŋ doluŋ dɩ ŋ dʋndɔŋŋɔɔ jɩmɩŋ, aŋ ŋaa dɩ tinteyee nɩaa kala chichel ŋ sɩpaaŋ.

JƐRƖMAAYA 13:11

A nagɛ ba sɩ yie joŋ tɩŋgɛnnɛ vɔɔ tɩŋa ŋɩɩ, ŋɩɩ tɩtɩa nɛ mɩ fa vɔɔ Iziral doho arɩ Juda doho nɩaa kala a mɛrɛ mɩ tɩtɩa lɛ. Mɩ fa ŋaa ŋɩɩ dɩ ba ŋaa mɩ nɩaa nɛ, a dɩdɛnnɛmɛ a yɩyɩrɛ mɩ yɩrɩ-balɩŋ a zizilmi, ama ba fa bɩ jegile nɩɩ. Mɩ-na ma TƖƖNA nɛ bʋla.

JƐRƖMAAYA 16:19

La TƖƖNA, mɩ doluŋ arɩ mɩ dɩ-duoŋ, ŋ nɛ mɩ yie yuori dɩ hɛɛŋ nɛ jʋʋmɛ. Tinteyee nɩaa jaŋ kɔ ŋ teeŋ, a lɩɩ dʋnɩa sɛmɛ na-kala a bʋl, La naabalɩmaba bɩ kʋŋkala kɛnɛ see vesiŋ sɩ bɩ wʋtɩtɩɩ kɛnɛ, tɔŋŋɔɔ sɩ ŋaa kʋpɛɩba a bɩ wʋzɔŋ kala ŋaa pɩba.

JƐRƖMAAYA 24:6

Mɩ jaŋ beŋ ba nyuŋ dɩ wɩaa zɔmɔ pɩba, a kɛmba mɩɩra kɔ tinteeŋ deeŋ. Mɩ jaŋ leŋ dɩ ba chɩŋ, mɩ bɩ jaŋ leŋ dɩ ba tel. Mɩ jaŋ leŋ dɩ ba naapoloo jʋʋ tinteeŋ, mɩ bɩ jaŋ churiba.

JƐRƖMAAYA 26:6

ŋɩɩ-na mɩ jaŋ leŋ dɩ mɩ dɩɩ-balɩŋ deeŋ ma nagɛ taŋ-la ba sɩɩ yɩrɛ Sɩlɔ, dɩ dʋnɩa tinteyee nɩaa kala kɛŋ tabalɩŋ deeŋ yɩrɩŋ ŋmɩɛsa hɩhɛ nɩaa lɛ.’ ”

JƐRƖMAAYA 29:1

Teŋ-la Jɛrɩmaaya sɩ ŋmʋnsa Jerusalɛm lɛ a kaa mʋ pɩ nɩhɩasɩ-la sɩ hɛ yoŋ-baga lɛ arɩ Wɩɩsʋllɩ sɩpaalaaraa, Wɩa wʋlaabʋllaa arɩ nɩalɩŋ kala Nebukadineza sɩ kɛsɛ lɩɩ Jerusalɛm a kaa mʋ Babɩlɔŋ nɛ ŋ-la.

JƐRƖMAAYA 3:17

Bʋa-la lɛ ba jaŋ yɩrɛ Jerusalɛm La Tɩɩna kuoru kpasa. Ŋɩɩ nɛ tinteyee nɩaa kala jaŋ kɔ Jerusalɛm a zil mɩ-na ma TƖƖNA. Ba bɩra bɩ jaŋ tuto ba nyuduoŋ arɩ ba tʋɔbɔmʋŋ harɩŋ.

JƐRƖMAAYA 3:19

Mɩ-na tɩtɩa nɛ fa sɩ, “Mɩ tʋɔŋ fa jaŋ tɔrɛ dɩ mɩ kɛmma a nagɛ mɩ biiriŋ, a joŋ tinteeŋ sɩ zɔmɔ woruŋ a pɩma. Tintee-la nɛ zɔmɔ kɩɩ tintee kala dʋnɩa lɛ. Mɩ fa bɩɩna ma jaŋ kɛmmɛ yɩrɛ ‘Ma Nyɩmma’, aŋ bɩra bɩ jaŋ mɩɩrɛ mɩ harɩŋ.

JƐRƖMAAYA 31:14

Mɩ jaŋ leŋ dɩ Wɩɩsʋllɩ sɩpaalaaraa vɔgɛ arɩ Wɩɩsʋlʋŋ kʋ-daŋ, a leŋ dɩ mɩ nɩaa vɔgɛ arɩ kʋ-daŋ-la mɩ sɩ jaŋ pɩba. Mɩ-na ma TƖƖNA nɛ bʋla.”

JƐRƖMAAYA 31:4

Iziral tɩmma, mɩ jaŋ bɩra kɛmma kɩɩ dɩ ma chɩŋ woruŋ. Ma jaŋ bɩra paa ma chɩnchɩgɩsɩŋ, a lɩɩ dɩ ma dɩ nɩalɩŋ tʋɔŋ sɩ tɔrɔ gʋa.

JƐRƖMAAYA 32:42

Wɩɩ-la La TƖƖNA bɩra sɩ bʋla nɛ ŋ-la: “Mɩ sɩ lɛrɛ wʋbɔŋ-balaa deemba kala kʋ hɛ nɩaa deemba lɛ ŋɩɩ, ŋɩɩ tɩtɩa nɛ mɩ jaŋ pɩba dʋa-la kala mɩ sɩ hɛ niiŋ arɩ mɩ jaŋ joŋo pɩba.

JƐRƖMAAYA 33:14

La TƖƖNA sɩ, “Tapʋlaa ka kɔ nɛ, mɩ jaŋ leŋ dɩ tʋɔtɔrɛ nii-la mɩ sɩ hɛ pɩ mɩ nɩaa Iziral tɩŋŋaa arɩ Juda nɩaa sɛnɛ kʋ ŋaa wʋtɩtɩɩ.

JƐRƖMAAYA 4:2

aŋ kɛŋ wʋtɩtɩɩ, a ŋɩŋaa wɩaa ba bʋa lɛ arɩ tʋɔpʋla a ŋmɩɛsɛ mɩ-na ma TƖƖNA sɩ weye, ŋɩɩ na, tinteyee nɩaa jaŋ chɩchɛ dɩ mɩ pɛ ba ma lɛ, dɩ nɩaa kala jʋjʋɔsɛ mɩ teeŋ.”

JƐRƖMAAYA 44:8

Bɛɛ nɛ tɩɩ ma kɛŋ kɩalɩŋ ma tɩtɩa sɩ ŋaa a leŋ mɩ baanɩŋ sii, ma sɩ nyɩgɛ kʋsʋɔrʋsʋŋ a pɩpɩ Ijipiti vesiŋ lee-la ma sɩ kʋ hɔŋ? Ma jaŋ chei ma tɩtɩa, dɩ dʋnɩa tinteyee kala nɩaa sisieri ma lɛ, a kɛŋ ma yɩrɩŋ ŋmɩɛsa hɩhɛ nɩaa lɛ.

JƐRƖMAAYA 49:25

Bɛɛ nɛ tɩɩ ba vɩa tabal-la sɩ kɛŋ yɩrɩŋ ta, taŋ-la nyuŋ mɩ tʋɔŋ sɩ tɔrɔ?

ƐZƖKƖƐL 26:20

Mɩ jaŋ leŋ dɩ ŋ mʋ lɛlɛɛ-jaŋ a pɛ faafaa nɩaa tʋɔŋ. Mɩ jaŋ leŋ dɩ ŋ hɛ bʋa tʋɔŋ. Ŋ bɩra bɩ jaŋ wuo guoli nɩweyee tʋɔŋ.

ƐZƖKƖƐL 36:35

Ba jaŋ bʋl, ‘Tinteeŋ deeŋ fa sɩ pɩŋ kʋŋkʋlʋŋ ŋɩɩ, lɛɛlɛ ʋ mɩɩra nagɛ Ɛdɩŋ ŋmaŋkaa-la nɛ, tabalaa deemba fa pɩŋ jikpeeŋ nɛ a ŋaa hoi a kala chei, ba lɛ nɛ nɩaa lɛɛlɛ hɛ ŋɩɩ a saa kɛrɩsɩŋ golli.’

ƐZƖKƖƐL 39:13

Nʋʋkala sɩ hɛ tintee-la lɛ jaŋ pɛ a hugiba. Tapʋlɩɩ-la mɩ yɩrɩŋ sɩ jaŋ yɩrɛ, nɩalɩŋ ma sɩ hugiba jaŋ laa yɩrɩŋ. Mɩ-na ma TƖƖNA Wɩɩjarɩbakɔ nɛ bʋla.

HOSIA 3:5

Ʋ ŋɩɩ harɩŋ lɛ, Iziral tɩŋŋaa jaŋ mɩɩra chɛ ba TƖƖNA Wɩa arɩ ba kuoro Devit leriŋ. Ba jaŋ fɩfá La TƖƖNA a kɔ ʋ teeŋ tapʋlaa dɩdɛrɩŋ a chɩchɛ dɩ ʋ pɛ ba lɛ dɩ ba na wʋzɔŋŋɔɔ.

ZƐKARƖYA 1:17

Ha heele bʋl: Wɩɩ-la La TƖƖNA doluŋ kala Tɩɩna sɩ bʋla nɛ ŋ-la: ‘Dʋa jaŋ bɩra yʋgɛ mɩ tasɩŋ lɛ. Mɩ-na ma TƖƖNA jaŋ nyagɛ Zaayɔŋ bɔyɛ, aŋ lɩɩsɛ Jerusalɛm dɩ ʋ ŋaa mɩ tabalɩŋ.’ ”

ZƐKARƖYA 12:2

“Mɩ jaŋ leŋ dɩ Jerusalɛm nagɛ nyʋnyʋala girep nɛnɛɛ sɩnɩŋ sɩ hɛ ʋ tʋɔŋ. Tinteye-la sɩ kpagʋ jaŋ nyʋa a bugi a gɩgɛrɛ. Nɩaa jaŋ kʋ golli Juda arɩ Jerusalɛm chu dɩ ba yuo.

MOSIS BƖRA WULLI WƖA WOMBIIŊ 30:5

Ʋ jaŋ kɛmma kɔ tintee-la sɩ ŋaa ma naabalɩmaba kʋŋ, dɩ ma bɩra tɩɩʋ. Ʋ jaŋ leŋ dɩ ma dʋa kɩaa woruŋ a pʋŋa yʋgɛ a paala kɩɩ ma naabalɩmaba.