JƐRƖMAAYA 33:8 - WƖA TENIŊ

⁸ Mɩ jaŋ pɩɩsɛ wʋbɔŋ-la kala ba sɩ ŋaa mɩ lɛ a ta, a joŋ wʋbɔmɔ-la ma kala ba sɩ vɩamɛ aŋ ŋaa chɛba.

JƐRƖMAAYA 33:8 ပူးပေါင်းရင်းမြစ်များ

WƖA YƖƖLAA 130:4

Ama ŋ nɛ joŋ wɩaa chɩchɛla, ŋɩɩ wɩaa ʋ maga dɩ la fáŋ.

WƖA YƖƖLAA 130:8

Ʋ nɛ jaŋ laa Iziral tɩŋŋaa ta ba wʋbɔŋŋɔɔ kala lɛ.

WƖA YƖƖLAA 51:2

Chɛsɛ mɩ wʋbɔŋŋɔɔ kala ta, aŋ sɩ́ leŋe dɩ mɩ kɛŋ disiniŋ.

WƖA YƖƖLAA 65:3

La wʋbɔŋŋɔɔ fa sɩ nyagɛla bil, ŋ joŋo chɛla nɛ.

AZAAYA 4:2

Wɩaa deemba kala harɩŋ, La TƖƖNA jaŋ leŋ dɩ Iziral tinteeŋ zɔŋ a pɩ nɩalɩŋ sɩ bɩ sʋba. Ba tʋɔŋ jaŋ tɔrɛ dɩ ba bibigisi a tɩŋ kɩalɩŋ ba sɩ pɛrɛ sɩ jaŋ wasɛ tintee-la lɛ.

AZAAYA 44:22

Mɩ dʋɔrɛ ma wʋcheelee kala ta nɛ a nagɛ duoŋ-bɩlɩmbaanɩŋ sɩ sie, a lɩɩsɛ ma wʋbɔŋŋɔɔ ma kala ta arɩ nyalɩŋ sɩ huoso. Má mɩɩra kɔ mɩ teeŋ, mɩ laama ta nɛ.”

AZAAYA 56:7

Mɩ jaŋ kɛmba mʋ mɩ peel-zɔŋ-la sɩ bɩ disiniŋ kɛnɛ nyuŋ, a leŋ ba kɛŋ tʋɔtɔrʋŋ mɩ dɩɩ-bal-la lɛ ba sɩɩ chʋɔlɛmɛ. Dɩ ba nɛ kɛŋ Wɩɩsʋlʋŋ kɩaa kɔ mɩ Wɩɩsʋllɩ koruŋ, mɩ jaŋ laa ba sʋla. Mɩ dɩa nɛ jaŋ ŋaa tinteyee kala Wɩa dɩ-chʋɔlʋŋ.”

JƐRƖMAAYA 31:34

Nʋʋkala bɩra bɩ jaŋ dagɛ ʋ dɔŋɔ tɩɩna koo ʋ naambii ŋɩɩ ʋ sɩ jaŋ ŋaa a jɩmmɛ, bɛɛ wɩaa ba kala jaŋ jɩmmɛ, a chɩŋ nɩbiisiŋ lɛ a kaa jɩl nɩbalaa. Mɩ jaŋ joŋ ba wʋbɔŋŋɔɔ chɛba. Mɩ bɩra bɩ jaŋ liliisi ba wʋbɔŋŋɔɔ wɩaa. Mɩ-na ma Tɩɩna nɛ bʋla.”

JƐRƖMAAYA 50:20

Bʋa-la lɛ ba jaŋ chɛ dɩ ba na Iziral tɩŋŋaa wʋcheeliŋ. Mɩ-na ma TƖƖNA nɛ bʋla, ama ba bɩ jaŋ na wʋcheeli kala. Ba jaŋ chɛ dɩ ba na Juda nɩaa ma wʋbɔŋŋɔɔ, ama ba bɩ jaŋ na wʋbɔŋ kala, bɛɛ wɩaa mɩ jaŋ joŋ nɩalɩŋ sɩ ka wʋbɔŋŋɔɔ chɛba.

JEMBIEE 4:22

Zaayɔŋ nɩaa, Wɩa dɔgɩsɛma dɛrɛ nɛ. Wɩa bɩra bɩ jaŋ leŋ dɩ ma hɛ yoŋ-baga lɛ a dieni. Ama ma nɩalɩŋ sɩ hɛ Ɛdɔm lɛ, ʋ jaŋ dɔgɩsɛma a tɩŋ ma wʋbɔŋŋɔɔ wɩaa, a leŋ dɩ nʋʋkala na ma bɔnsʋŋ.

ƐZƖKƖƐL 36:25

Mɩ jaŋ joŋ lɩɩzɔmʋŋ a mɩsɛma, dɩ ʋ ŋaa dɩ ma zɔŋ. Mɩ jaŋ pɩɩsɛ tɔmɔ-la ma sɩ kpaara a kɛŋ disiniŋ arɩ disiŋ dɔŋ kala ma sɩ ŋaa a ta.

ƐZƖKƖƐL 36:33

Wɩɩ-la mɩ-na ma TƖƖNA Wɩɩjarɩbakɔ bɩra sɩ bʋla nɛ ŋ-la: “Dɩ mɩ nɛ pɩɩsɛ ma wʋbɔŋŋɔɔ ta, mɩ jaŋ leŋ dɩ ma bɩra hɔŋ ma tasɩŋ lɛ, a wasa paa jikpeeni-la saa.

LEVI DOHO NƖAA 16:30

bɛɛ wɩaa tapʋlʋŋ deeŋ nɛ Wɩɩsʋllɩ sɩpaalaaraa jaŋ ŋaa Wɩɩsʋlʋŋ a pɩɩsɛ ma wʋbɔŋŋɔɔ ta dɩ ma sɩ́ disiniŋ kɛŋ mɩ-na ma TƖƖNA sɩpaaŋ.

ZƐKARƖYA 13:1

La TƖƖNA sɩ, “Tapʋlɩɩ-la mɩ jaŋ suri lɩɩ-bul-sɩɩŋ a pɩ Devit doho nɩaa arɩ Jerusalɛm nɩaa, a chɛsɛ ba wʋbɔŋŋɔɔ arɩ ba disiniŋ ta.

Jɔɔŋ Wʋnaalaa 1:5

arɩ Yesu Kirisito teeŋ. Ʋ nɛ ŋaa wɩalɩŋ sɩada tɩɩna a kɛŋ wʋtɩtɩɩ. Ʋ nɛ ŋaa Nɩɩ-la sɩ sʋba aŋ laa sɩpaaŋ sii sʋʋŋ lɛ. Ʋ nɛ kɛŋ dʋnɩa kuoroo kala doluŋ. Má leŋ dɩ la dɛnnʋ, a tɩŋ ʋ sɩ chola ŋɩɩ a joŋ ʋ chalɩŋ a jaasɛ, a lɩɩsɛla wʋbɔŋŋɔɔ lɛ.