JƐRƖMAAYA 33:7 - WƖA TENIŊ

⁷ Mɩ jaŋ kɛŋ Juda arɩ Iziral nɩaa mɩɩra lɩɩ yoŋ-baga-la ba sɩ yuo kɛsɛba mʋ a kɔ, a leŋ dɩ ba chɩŋ a nagɛ ŋɩɩ ba fa sɩ naga.

JƐRƖMAAYA 33:7 ပူးပေါင်းရင်းမြစ်များ

WƖA YƖƖLAA 126:1

La Tɩɩna sɩ kɛnla mɩɩra kɔ Jerusalɛm, wɩɩ-la nagɛ duosoo nɛ a pɩla.

WƖA YƖƖLAA 126:4

La Tɩɩna, pɛ la lɛ dɩ la bɩra dʋa, a nagɛ duonuŋ sɩ yie nɩɩ fuo-bʋa bɩra kɛŋ lɩɩŋ ŋɩɩ.

WƖA YƖƖLAA 14:7

Mɩɩ sʋl Wɩa nɛ dɩ nʋʋ lɩɩ Zaayɔŋ lɛ a kʋ laa Iziral tɩŋŋaa ta. La Tɩɩna, dɩ ŋ nɛ bɩra pɛ ŋ nɩaa lɛ, Jekɔb doho nɩaa, Iziral tɩŋŋaa tʋɔŋ jaŋ tɔrɛ dɩ ba jʋjʋɔsɛ.

WƖA YƖƖLAA 85:1

La Tɩɩna, ŋ pɛ ŋ tinteeŋ nɩaa lɛ nɛ woruŋ, a leŋ wɩaa vɛŋ woruŋ a pɩ Jekɔb doho nɩaa.

AZAAYA 1:26

Mɩ jaŋ leŋ dɩ nɩalɩŋ sɩ jaŋ bibemma nagɛ faafaa-la nɩaa, ma nɩalɩŋ sɩ bʋl wɩaa chɩchagɩlɛma jaŋ bɩra nagɛ bumbuŋ nɩalɩŋ. Nɩaa jaŋ yɩyɩrɛ Jerusalɛm tabal-la nɩaa sɩ kɛŋ tʋɔpʋla, taŋ-la nɩaa sɩ kɛŋ wʋtɩtɩɩ.”

AZAAYA 52:8

Nɩalɩŋ sɩ pɔ Jerusalɛm kala ka ŋaa goŋ nɛ arɩ tʋɔtɔrʋŋ. Dɩ La TƖƖNA nɛ mɩɩra kɔ Zaayɔŋ, ba jaŋ naʋ arɩ ba sɩɩŋ.

JƐRƖMAAYA 23:3

Mɩ tɩtɩa jaŋ kɛŋ mɩ nɩaa nɩkaana-la kaa kʋ lɩɩ tinteye-la lɛ mɩ sɩ kiriba mʋ hɛ, a kɛmba mɩɩra kɔ ba tɩtɩa tinteeŋ. Dɩ ba nɛ kɔ nɩmɛ, ba jaŋ lʋl biiriŋ, a pʋŋa yʋgɛ.

JƐRƖMAAYA 24:6

Mɩ jaŋ beŋ ba nyuŋ dɩ wɩaa zɔmɔ pɩba, a kɛmba mɩɩra kɔ tinteeŋ deeŋ. Mɩ jaŋ leŋ dɩ ba chɩŋ, mɩ bɩ jaŋ leŋ dɩ ba tel. Mɩ jaŋ leŋ dɩ ba naapoloo jʋʋ tinteeŋ, mɩ bɩ jaŋ churiba.

JƐRƖMAAYA 29:14

ma jaŋ namɛ. Mɩ-na ma TƖƖNA nɛ bʋla. Mɩ jaŋ kɛmma mɩɩra lɩɩ yoŋ-baga-la kɔ. Mɩ jaŋ chɛ kɛsɛma a lɩɩ tinteye-la arɩ lere-la kala mɩ sɩ kɛmma pɩsa hɛ lɛ. Mɩ-na ma TƖƖNA nɛ bʋla. Mɩ jaŋ mɩɩra kɛmma kɔ lee-la ma fa sɩ hɛ, ka mɩ kɛmma mʋ yoŋ-baga.”

JƐRƖMAAYA 30:18

Wɩɩ-la La TƖƖNA sɩ bʋla nɛ ŋ-la: “Mɩ jaŋ leŋ dɩ mɩ nɩaa Iziral tɩŋŋaa bɩra tɩɩ ba tinteeŋ. Mɩ jaŋ fá ba nenige. Ba jaŋ bɩra paa Jerusalɛm kɛrɩsɩ-la sɩ tele a wasa saa, dɩ kuoru dɩa-la wasa chɩŋ ʋ dɩchɩnɩŋ.

JƐRƖMAAYA 30:20

Ba biiriŋ jaŋ nagɛ faafaa-la, dɩ ba tasɩŋ ma chɩŋ woruŋ mɩ sɩɩŋ lɛ. Mɩ jaŋ dɔgɩsɛ nɩalɩŋ kala sɩ nyagɛba bil.

JƐRƖMAAYA 30:3

Tapʋlaa ka kɔ nɛ, mɩ-na ma TƖƖNA jaŋ kɛŋ mɩ nɩaa Iziral tɩŋŋaa arɩ Juda nɩaa mɩɩra lɩɩ yoŋ-baga kɔ, a bɩra leŋ dɩ ba hɔŋ tintee-la mɩ sɩ joŋo pɩ ba naabalɩmaba ʋ ŋaa ba kʋŋ lɛ. Mɩ-na ma TƖƖNA nɛ bʋla.”

JƐRƖMAAYA 31:28

Mɩ fa sɩ beŋ ba nyuŋ a kɛmba churi ŋɩɩ, a yigiba lo, a cheiba, a lɛrɛ wʋlɔrʋŋ kʋ hɛ ba lɛ, ŋɩɩ tɩtɩa nɛ mɩ jaŋ bɩra beŋ ba nyuŋ dɩ ba wasa hɔŋ a leŋ dɩ ba chɩŋ woruŋ. Mɩ-na ma TƖƖNA nɛ bʋla.

JƐRƖMAAYA 31:38

La TƖƖNA bɩra sɩ, “Tapʋlaa ka kɔ nɛ, ba sɩ jaŋ wasa saa tabalɩŋ deeŋ a pɩmɛ, a chɩŋ Hananɛl dɩɩ-leŋii-la lɛ a kaa mʋ yi boi-baal-la sɩ hɛ je-gʋnʋŋ lɛ.

JƐRƖMAAYA 31:4

Iziral tɩmma, mɩ jaŋ bɩra kɛmma kɩɩ dɩ ma chɩŋ woruŋ. Ma jaŋ bɩra paa ma chɩnchɩgɩsɩŋ, a lɩɩ dɩ ma dɩ nɩalɩŋ tʋɔŋ sɩ tɔrɔ gʋa.

JƐRƖMAAYA 32:44

Nɩaa jaŋ joŋ warɩpʋla a yɔɔ ŋmaŋkaanɩŋ, dɩ ba ŋmʋnsɛ tenniŋ a joŋ neniee, a kɛŋ tenni-la pilime tɔ ka dɩ nɩaa dii ŋaa pɛ-naaraa. Wɩɩŋ deeŋ jaŋ ŋaa Bɛnjamɩŋ tinteeŋ arɩ tabiisi-la sɩ golli Jerusalɛm lɛ. Ʋ jaŋ ŋaa Juda tasɩŋ arɩ tintee-la peelee sɩ yʋga lɛ, a pɛ wɩɩjʋʋlʋŋ dundollu-la sɩ hɛ peelee bʋbʋɔŋ arɩ wɩɩpɔsʋŋ nadiiŋ dɩɩrɩŋ, bɛɛ wɩaa mɩ jaŋ leŋ dɩ ba bɩra mɩɩra kɔ ba tinteeŋ. Mɩ-na ma Tɩɩna nɛ bʋla.”

JƐRƖMAAYA 33:11

tʋɔtɔrɛ goŋ nɩmɛ. Ha-falaa arɩ ba balaba jaŋ bɩra ŋaa goŋ, dɩ nɩalɩŋ ma sɩ kɛŋ Wɩɩsʋlʋŋ kɩaa kɔ mɩ-na ma TƖƖNA dɩa dɩ ba lɔllɛmɛ bʋl, ‘Má lɔllɛ La TƖƖNA doluŋ kala Tɩɩna, bɛɛ wɩaa ʋ wɩaa zɔmɔ ʋ chonuŋ bɩ dɛrɛ.’ Mɩ jaŋ leŋ dɩ tinteeŋ deeŋ bɩra kɛŋ dʋa arɩ ʋ fa sɩ nagɛ ŋɩɩ. Mɩ-na ma TƖƖNA nɛ bʋla.”

JƐRƖMAAYA 33:26

ŋɩɩ-na mɩ fa jaŋ vɩa Jekɔb doho nɩaa arɩ mɩ tɩntɩnna Devit, a bɩ jaŋ lɩɩsɛ ʋ hambolibiisiŋ dɔŋɔ dɩ ʋ beŋ Abɩraham, Aɩzɩk arɩ Jekɔb doho nɩaa. Mɩ jaŋ leŋ dɩ ba bɩra mɩɩra kɔ ba tinteeŋ a fá ba nenige.”

JƐRƖMAAYA 42:10

‘Dɩ ma nɛ hɔŋ tinteeŋ deeŋ lɛ, mɩ jaŋ leŋ dɩ ma waa, mɩ bɩ jaŋ yigima lo. Mɩ jaŋ leŋ dɩ ma chɩŋ, mɩ bɩ jaŋ churima. Mɩ tʋɔŋ chaasa chei nɛ wʋlɔrʋnʋ-la mɩ sɩ joŋo hɛ ma lɛ.

JƐRƖMAAYA 50:4

La TƖƖNA sɩ, “Tapʋlɩa-la lɛ, Iziral tɩŋŋaa arɩ Juda nɩaa kala jaŋ yele mʋ a chɛ ba TƖƖNA Wɩa.

JEMBIEE 4:22

Zaayɔŋ nɩaa, Wɩa dɔgɩsɛma dɛrɛ nɛ. Wɩa bɩra bɩ jaŋ leŋ dɩ ma hɛ yoŋ-baga lɛ a dieni. Ama ma nɩalɩŋ sɩ hɛ Ɛdɔm lɛ, ʋ jaŋ dɔgɩsɛma a tɩŋ ma wʋbɔŋŋɔɔ wɩaa, a leŋ dɩ nʋʋkala na ma bɔnsʋŋ.

ƐZƖKƖƐL 39:25

Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Lɛɛlɛ, mɩ jaŋ fá Jekɔb doho nɩaa sɩ ŋaa Iziral tɩŋŋaa nenige, a leŋ dɩ ba mɩɩra lɩɩ yoŋ-baga kɔ, a tɩɩ ba tinteeŋ. Mɩ tʋɔŋ ka wɩɩ mɩ yɩrɩ zɔmʋŋ lɛ nɛ.

HOSIA 2:15

Nɩmɛ nɛ mɩ jaŋ bɩra joŋ ʋ tɩɩnɛnɛɛ bagɩsɩŋ pʋ, a leŋ dɩ Akɔ fuonaa-la fa sɩ ŋaa wʋjʋʋlaa lee, dɩ ʋ mɩɩra ŋaa lee sɩ kɛŋ yɩɛlaa. Nɩmɛ nɛ ʋ jaŋ yɩɩ yɩɩlaa a nagɛ ʋ hambiiriŋ bʋa lɛ, a nagɛ tapʋlɩɩ-la ʋ sɩ lɩɩ Ijipiti tinteeŋ lɛ.

ZEFANAAYA 3:20

Bʋa-la lɛ, mɩ jaŋ kɛsɛma kʋ hilimi. Bʋa-la nɛ yie, mɩ jaŋ kɛsɛma kɔ dɩa. Mɩ jaŋ leŋ dɩ dʋnɩa nɩaa kala bɩbɛsɛ ma lɛ a zizilma dɩ mɩ nɛ leŋe dɩ ma bɩra dʋa ba sɩɩŋ lɛ.” La TƖƖNA nɛ bʋla.

ZƐKARƖYA 1:17

Ha heele bʋl: Wɩɩ-la La TƖƖNA doluŋ kala Tɩɩna sɩ bʋla nɛ ŋ-la: ‘Dʋa jaŋ bɩra yʋgɛ mɩ tasɩŋ lɛ. Mɩ-na ma TƖƖNA jaŋ nyagɛ Zaayɔŋ bɔyɛ, aŋ lɩɩsɛ Jerusalɛm dɩ ʋ ŋaa mɩ tabalɩŋ.’ ”