JƐRƖMAAYA 33:6 - WƖA TENIŊ

⁶ Ama arɩ ŋɩɩ kala, mɩ ha jaŋ pɩ mɩ nɩaa yarɩfɩɛlaa dɩ ba duori. Mɩ jaŋ vaarɛba a leŋ dɩ ba tinteeŋ chaasa kɛŋ fɩɛlɩŋ dɩ ba hɔŋ sɔm.

JƐRƖMAAYA 33:6 ပူးပေါင်းရင်းမြစ်များ

WƖA YƖƖLAA 147:3

Ʋ leŋe nɩalɩŋ tʋɔŋ sɩ cheye bɩra tɔrɛ nɛ, aŋ vɔɔ tɔ ba naawɩɩlaa ma.

WƖA YƖƖLAA 37:11

Ama nɩalɩŋ sɩ kɛŋ ba tɩtɩa muuri nɛ jaŋ tɩɩ tintee-la a hɔŋ arɩ fɩɛlɩŋ woruŋ.

WƖA YƖƖLAA 67:2

Ŋɩɩ nɛ jaŋ leŋ dɩ dʋnɩa nɩaa kala jɩŋ ŋ wombiee a toŋ, dɩ tinteyee nɩaa na ŋɩɩ ŋ sɩ laa nɩaa tɩta.

WƖA YƖƖLAA 72:7

Leŋ dɩ tʋɔpʋla hɛ nɩmɛ kuoro mɩɩsɩŋ bʋa kala lɛ, dɩ yarɩfɩɛlaa hɛ nɩmɛ deeŋ deeŋ a nagɛ chɛnɛ sɩ pɔsɔ chɩŋ.

MOSIS KƐŊ IZIRAL TƖŊŊAA LƖƖ 34:6

Ŋɩɩ nɛ ʋ to Mosis sɩpaaŋ bal aŋ bʋl, “Mɩ nɛ ma TƖƖNA, mɩ nɛ ma TƖƖNA, mɩ nɛ ŋaa Wɩa-la sɩɩ fá nɩaa nenige. Mɩ nɛ ŋaa Wɩa-la nɩaa sɩ jaŋ wuo jʋʋ mɩ lahɔrɩmɔ, mɩ baanɩŋ bɩ lɩma lɩma ka sii, a cho nɩaa kɩŋkɛŋ a kɛŋ wʋtɩtɩɩ,

TƖƖCHA 3:3

Bʋa-la lɛ ba sɩ jaŋ kpʋ arɩ bʋa-la lɛ ba sɩ jaŋ tɩɩbɛ. Bʋa-la lɛ ba sɩ jaŋ ŋmoo lo arɩ bʋa-la lɛ ba sɩ jaŋ saa.

AZAAYA 2:4

Ʋ jaŋ laa tinteyee nɩaa wɩaa a jɩma pɩba, aŋ kɛŋ ba nɩ-daŋ hɛ dɔŋɔ lɛ dɩ ba ŋaa sɩma. Ba jaŋ kɛŋ ba tokobiee a libi pirisiŋ, aŋ kɛŋ ba tiŋŋee ma a libi sɩɩkɔrʋsʋŋ. Tintee kala bɩra bɩ jaŋ joŋ tokobiiŋ a je ʋ dɔŋɔ lɛ, koo a bɩra gʋnnɛ laalɩŋ yuonuŋ.

AZAAYA 30:26

Chɛnɛ pʋlʋmʋŋ jaŋ chaanɛ a nagɛ wɩɩpɔsʋŋ, ka wɩɩpɔsʋŋ ma chaanɛ a kɩɩ ŋɩɩ ʋ sɩ vɛnɛ chɩchaanɛ naansɩɩŋ bʋlɩpɛ, a nagɛ tapʋlaa balɩpɛ pʋlʋmʋŋ sɩ kʋ pɛ dɔŋɔ a chaanɛ tapʋl-bala. Wɩaa deemba kala jaŋ ŋaa bʋa-la lɛ La TƖƖNA sɩ jaŋ leŋ dɩ naawɩɩla-la ʋ sɩ hɛ ʋ nɩaa lɛ fɩɛlɛ.

AZAAYA 39:8

Ŋɩɩ nɛ Hezikaaya bʋla pɩ Azaaya, “Wɩɩ-la La TƖƖNA sɩ bʋla ŋaa wʋzɔŋ nɛ.” Ʋ bʋl ŋɩɩ, bɛɛ wɩaa ʋ-na fa bɩɩna La TƖƖNA sɩ, ʋ mɩɩsɩŋ kala lɛ fɩɛlɩŋ jaŋ hɛ nɩmɛ, wʋwalɩmɩɩ kala bɩ jaŋ jʋʋ-ʋ.

AZAAYA 54:13

Mɩ-na ŋ TƖƖNA tɩtɩa nɛ jaŋ dagɛ ŋ biiriŋ. Ba jaŋ kɛŋ fɩɛlɩŋ woruŋ.

AZAAYA 55:7

Nɩbɔŋŋɔɔ, má leŋ wʋbɔmɔ-la ma sɩɩ ŋaa, aŋ bɩrɩmɛ ma tʋɔbɩɩnaa. Má mɩɩra kɔ ma TƖƖNA Wɩa teeŋ, ʋ jaŋ fá ma nenige aŋ joŋ ma wʋbɔŋŋɔɔ chɛma lɩma.

AZAAYA 57:18

Mɩ na wɩalɩŋ kala ma sɩ ŋaa nɛ, ama mɩ ha jaŋ vaarɛma. Mɩ jaŋ laa ma sɩpaaŋ a beŋ ma nyuŋ woruŋ, a nyagɛ nɩalɩŋ kala sɩɩ yel bɔyɛ.

AZAAYA 57:19

Mɩ jaŋ ŋaa dɩ nɩalɩŋ kala sɩɩ yel Iziral lɛ yaraa fɩɛlɛ, dɩ ba suri ba niiŋ a dɛnnɛmɛ. Nɩalɩŋ sɩ hɛ dɩ-boloo arɩ dɩ kpagɩsɩŋ kala jaŋ kɛŋ fɩɛlɩŋ. Mɩ jaŋ vaarɛba.

AZAAYA 58:8

Ŋɩɩ nɛ mɩ pʋlʋmʋŋ jaŋ chaana hɛ ma lɛ a nagɛ chʋchʋɔŋ wɩɩpɔsʋŋ. Wɩalɩŋ kala fa sɩ nagɛ nyanyalaa ma lɛ, ba kala jaŋ lɛl, ka ma duori. Mɩ-na ma TƖƖNA jaŋ hɛ ma teeŋ a laama ta, mɩ tʋla jaŋ hɛ ma lɛ a pɔma.

AZAAYA 66:12

Wɩɩ-la La TƖƖNA sɩ bʋla nɛ ŋ-la: “Mɩ jaŋ leŋ dɩ fɩɛlɩŋ hɛ Jerusalɛm lɛ, a nagɛ fuoŋ lɩɩŋ sɩ bɩ hʋ. Mɩ jaŋ leŋ dɩ tinteyee dʋa kala ŋaa ʋ kɩaa a su leriŋ a nagɛ fuoŋ lɩɩŋ sɩ suo a pɛllɛ lɩlɩɩ. Ʋ jaŋ dɩɛsɛma a nagɛ naaŋ sɩ yie dɩɛsɛ ʋ bie ŋɩɩ a paama kori a jomma holli ʋ naasɩŋ lɛ.

JƐRƖMAAYA 17:14

La TƖƖNA, vaarɛmɛ, dɩ ŋ nɛ ŋaa ŋɩɩ, mɩ jaŋ duori. Dɩ ŋ nɛ laamɛ ta, mɩ jaŋ na wiese, ŋ nɛ mɩɩ dɛnnɛ.

JƐRƖMAAYA 29:11

Mɩ jɩŋ tʋɔbɩɩna-la mɩ sɩ kɛnɛ arɩ ma nɛ. Mɩ-na ma TƖƖNA nɛ bʋla. Mɩ kɛŋ mɩ tʋɔŋ dɩ mɩ ŋaama woruŋ nɛ, mɩ bɩ chɛ dɩ mɩ ŋaa wʋbɔŋ ma lɛ. Mɩ kɛŋ mɩ tʋɔŋ dɩ mɩ leŋ dɩ ma kɛŋ yɩɛlaa nɛ, dɩ ma chie zɔŋ.

JƐRƖMAAYA 3:22

Ma ŋaa nɩa sɩ bɩ wʋtɩtɩɩ kɛnɛ nɛ, má mɩɩra kɔ mɩ teeŋ. Mɩ jaŋ vaarɛma a leŋ dɩ ma kɛŋ wʋtɩtɩɩ.” Nɩalɩŋ jaŋ bʋl, “La jaŋ kɔ ŋ teeŋ, ŋ nɛ La TƖƖNA Wɩa.

HOSIA 6:1

Iziral tɩŋŋaa sɩ, “Má kɔ dɩ la mɩɩra mʋ La TƖƖNA teeŋ. Ʋ kɛnla pʋɔsɛ muno muno nɛ, ama ʋ jaŋ vaarɛla. Ʋ pɩrɛla nɛ, ama ʋ jaŋ vɔɔ tɔ la naawɩɩlaa.

HOSIA 7:1

Dɩ mɩ nɩɩ chɛ dɩ mɩ vaarɛ Iziral tɩŋŋaa na-kala, Efirem wʋbɔŋŋɔɔ yie chaasa lɩɩ chɩŋ nɛ kporo, Samarɩa ma nɩbɔŋ wɩaa chɩŋ kporo. Baa nyɩsɛ nɩaa nɛ, gaaraa boro jʋjʋʋ nɩaa dɩɩsɩŋ wɛŋ-boruroo gurigoo laa nɩaa kɩaa womporunuŋ lɛ.

MƖKA 4:3

Ʋ jaŋ laa tintee daŋ nɩaa wɩaa jɩma pɩba, a kɛŋ tintee-duoruŋ sɩ hɛ dɩ-boloo arɩ dɩ-kpagɩsɩŋ nɩaa kʋ hɛ dɔŋɔ dɩ ba ŋaa sɩma. Ba jaŋ kɛŋ ba tokobiee a libi pirisiŋ, aŋ kɛŋ ba tiŋŋee ma a libi sɩɩ-kɔrʋsʋŋ. Tintee kala bɩra bɩ jaŋ joŋ tokobiiŋ a je ʋ dɔŋɔ lɛ, koo a bɩra gʋnnɛ laalɩŋ yuonuŋ.

MƖKA 7:20

Ŋ jaŋ kɛŋ wʋtɩtɩɩ Jekɔb teeŋ, a fá Abɩraham doho nɩaa nenige, a nagɛ ŋ sɩ hɛ niiŋ pɩ la naabalɩmaba ŋɩɩ faafaa kala.

MALAKAƖ 4:2

Ama, ma nɩalɩŋ sɩɩ zilmi, mɩ doluŋ jaŋ hɛ ma lɛ a nagɛ wɩɩpɔsʋŋ dɩ ma duori. Ma jaŋ lɩɩ fɩla jʋɔsɛ a nagɛ ba sɩ kɛŋ nɛ-biiriŋ suro ta ba lɩɩ jʋjʋɔsɛ.

Jɔɔŋ 10:10

Gaara-na yie kɔ dɩ ʋ gaa nɛ, a kpʋ, a chei kɩaa, ama mɩ-na kɔ dɩ nɩaa wuo kɛŋ mɩɩsɩŋ, dɩ ba tʋɔŋ tʋtɔrɛ woruŋ bʋa na-kala lɛ.”

Ɛfɛsɩs Nɩaa 6:23

La Nyɩmma Wɩa arɩ La Tɩɩna Yesu Kirisito jaŋ leŋ dɩ la naambiiri-la kala sɩ laa Yesu wɩaa dii hɔŋ arɩ fɩɛlɩŋ, a kɛŋ wʋtɩtɩɩ, a cho dɔŋɔ.

MOSIS BƖRA WULLI WƖA WOMBIIŊ 32:39

Má bee na, mɩ-na nɛ Wɩa, Wɩa dɔŋ bɩra tuo. Mɩ yie kpʋ nɛ aŋ bɩra chɩsɛ, a pɩrɛ aŋ vaarɛ, nʋʋkala bɩ jaŋ wuo laa nʋʋ ta mɩ nɩsɩŋ lɛ.

1 Pɩɩta 1:3

Má leŋ dɩ la dɛnnɛ Wɩa, ʋ nɛ ŋaa La Tɩɩna Yesu Kirisito Nyɩmma. Ʋ fá la nenige nɛ kɩŋkɛŋ a leŋ la kɛŋ mɩɩ-falɩŋ, a tɩŋ ʋ sɩ chɩsɛ Yesu Kirisito sʋʋŋ lɛ. La saa yɩɛlʋ arɩ la jaŋ kɛŋ mɩɩsɩŋ,