JƐRƖMAAYA 33:5 - WƖA TENIŊ

⁵ bʋa-la lɛ Babɩlɔŋ tɩŋŋaa sɩ yuo diiba nɛ ŋ-la: Dɩɩsɩ-la jaŋ su arɩ sʋʋnʋŋ nɩalɩŋ mɩ sɩ jaŋ faasa na baanɩŋ a kpʋ. Mɩ jaŋ lɩɩsɛ mɩ sɩaa tabalɩŋ deeŋ lɛ a tɩŋ wʋbɔmɔ-la kala ba sɩ ŋaa wɩaa.

JƐRƖMAAYA 33:5 ပူးပေါင်းရင်းမြစ်များ

AZAAYA 64:7

La kʋŋkala bɩŋ ka chʋɔlɛ nʋʋkala bɩŋ bee chɛ dɩ ŋ pɛ ʋ lɛ. La wʋbɔŋŋɔɔ leŋe ŋ joŋ harɩŋ a yɩala nɛ a vɩala ta.

AZAAYA 8:17

Mɩ jaŋ gbɛrɛ La TƖƖNA, ʋ kɛŋ ʋ tɩtɩa faa Iziral tɩŋŋaa nɛ. Mɩ jaŋ joŋ mɩ yɩɛlaa kala hɛ ʋ lɛ.

JƐRƖMAAYA 18:17

Mɩ jaŋ kɛŋ mɩ nɩaa pɩsɛ ba dʋndɔŋŋɔɔ sɩpaaŋ, a nagɛ peliŋ sɩ du lɩɩ wɩɩpɔsʋŋ a paa kʋŋkɔlʋŋ. Mɩ jaŋ joŋ mɩ harɩŋ yɩaba, mɩ sɩpaaŋ dee, tapʋlɩɩ-la wʋlɔrʋnʋŋ sɩ jaŋ jʋʋba.”

JƐRƖMAAYA 21:10

La TƖƖNA bɩra sɩ, “Mɩ chaasa kɛŋ mɩ tʋɔŋ dɩ mɩ ŋaa wʋbɔŋ nɛ tabalɩŋ deeŋ lɛ, wʋzɔŋ dee. Mɩ jaŋ joŋu hɛ Babɩlɔŋ kuoro nɩsɩŋ lɛ, dɩ ʋ cheyu arɩ nyiniŋ.”

JƐRƖMAAYA 32:5

Ʋ jaŋ kɛŋ Zedikaaya mʋ Babɩlɔŋ tinteeŋ, dɩ ʋ hɛ nɩmɛ a mʋ yi bʋa-la lɛ mɩ sɩ dɔgʋsʋ woruŋ. Dɩ ma nɛ yuo Babɩlɔŋ tɩŋŋaa, ma bɩ jaŋ wuo yuo diiba.’ ” Mɩ-na ma TƖƖNA nɛ bʋla.

JƐRƖMAAYA 42:18

Wɩɩ-la La TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: ‘A nagɛ mɩ sɩ na baanɩŋ a dɔgɩsɛ nɩalɩŋ sɩ hɛ Jerusalɛm lɛ ŋɩɩ, ŋɩɩ tɩtɩa nɛ mɩ jaŋ na baanɩŋ a ŋaa ma lɛ, dɩ ma nɛ mʋ Ijipiti tinteeŋ. Mɩ jaŋ leŋ dɩ ma kɛŋ nyɛsɩŋ nɩaa sɩaa lɛ. Nɩaa jaŋ sisieri ma lɛ, a kɛŋ ma yɩrɩŋ ŋmɩɛsa hɩhɛ nɩaa lɛ, a joŋ cheeriŋ pɩpɩma. Ma bɩra bɩ jaŋ kɔ dɩ ma na leriŋ deeŋ.’

JEMBIEE 2:7

La TƖƖNA vɩa ʋ koruŋ ta nɛ a leŋ ʋ dɩɩ-balɩŋ ma ta. Ʋ joŋ Jerusalɛm kɛrɩsɩŋ hɛ ʋ dʋndɔŋŋɔɔ nɩsɩŋ lɛ nɛ ba yige lo, aŋ jʋʋ ŋɩŋaa laalɩyuori diiri goŋ La TƖƖNA dɩɩ-balɩŋ tʋɔŋ a nagɛ gbiele tapʋlʋŋ.

ƐZƖKƖƐL 39:29

Mɩ bɩra bɩ jaŋ joŋ harɩŋ yɩa Iziral tɩŋŋaa. Mɩ jaŋ joŋ mɩ Dɩma hɛ ba lɛ. Mɩ-na ma TƖƖNA Wɩɩjarɩbakɔ nɛ bʋla.”

MƖKA 3:4

Bʋa kʋbala jaŋ yi dɩ ma ŋmoo niiŋ a pɩ ma TƖƖNA, ama ʋ jaŋ fʋʋla yagɛma. Bʋa-la lɛ ʋ jaŋ kɛŋ ʋ tɩtɩa faama, bɛɛ wɩaa wʋbɔŋ nɛ ma ŋaa.”

MOSIS BƖRA WULLI WƖA WOMBIIŊ 31:17

Dɩ ŋɩɩ nɛ kʋ ŋaa, mɩ baanɩŋ jaŋ sii ba nyuŋ dɩ mɩ vɩaba, a joŋ harɩŋ yɩaba dɩ ba chei. Wʋlɔrʋnʋŋ arɩ wʋwalɩmaa jaŋ jʋʋba. Bʋa-la lɛ ba jaŋ bʋl, ‘La Wɩa sɩ tuo la teeŋ nɛ tɩɩ wʋlɔrʋnʋŋ deemba kala ŋɩŋaa la lɛ ŋɩɩ.’

MOSIS BƖRA WULLI WƖA WOMBIIŊ 31:18

Mɩ jaŋ joŋ mɩ harɩŋ yɩaba, a tɩŋ ba sɩ vɩamɛ aŋ ŋaa wʋbɔŋŋɔɔ a kpʋkpaarɛ vesiŋ wɩaa.

MOSIS BƖRA WULLI WƖA WOMBIIŊ 32:20

Ŋɩɩ nɛ ʋ bʋl, “Mɩ jaŋ joŋ mɩ harɩŋ a yɩaba aŋ na ba dɩdɛrɩŋ sɩ jaŋ nagɛ ŋɩɩ, bɛɛ wɩaa ba ŋaa nyu-duo tɩmma nɛ, ba bɩ wʋtɩtɩɩ kɛnɛ.