JƐRƖMAAYA 33:26 - WƖA TENIŊ

²⁶ ŋɩɩ-na mɩ fa jaŋ vɩa Jekɔb doho nɩaa arɩ mɩ tɩntɩnna Devit, a bɩ jaŋ lɩɩsɛ ʋ hambolibiisiŋ dɔŋɔ dɩ ʋ beŋ Abɩraham, Aɩzɩk arɩ Jekɔb doho nɩaa. Mɩ jaŋ leŋ dɩ ba bɩra mɩɩra kɔ ba tinteeŋ a fá ba nenige.”

JƐRƖMAAYA 33:26 ပူးပေါင်းရင်းမြစ်များ

WƖAA DƖ-SUOMUŊ 49:10

Kuori-dantɩga-la bɩ jaŋ kɔ dɩ ʋ lɩɩ ŋ nɩsɩŋ lɛ koo dɩ ʋ paala sʋrɩsɛ ŋ naasɩŋ bʋbʋɔŋ, a mʋʋ yi nɩɩ-la sɩ maga dɩ ʋ tɩɩʋ. Tinteyee kala jaŋ tuto ŋ niiŋ.

ƐZƖRA 2:1

Juu tɩmma-la fa sɩ hɛ yoŋ-baga lɛ, a lɩɩ Babɩlɔŋ tinteeŋ a mɩɩra kɔ Jerusalɛm arɩ Juda, ba kʋŋkala mʋ hɔŋ ba tasɩŋ lɛ. Babɩlɔŋ kuoro Nebukadineza nɛ fa yuo kɛsɛba kaa mʋ nɩmɛ.

ƐZƖRA 2:70

Wɩɩsʋllɩ sɩpaalaaraa, Levi doho nɩaa, yɩɩlɩ yɩɩraa, nɩalɩŋ sɩɩ pɔ Wɩa dɩɩ-bal-la boi-baalaa, arɩ nɩalɩŋ sɩɩ tɩŋ Wɩa dɩɩ-bal-la lɛ a pɛ nɩaa dɔnsʋŋ lɛ mɩɩra mʋ hɔŋ tasɩ-la lɛ ba naabalɩmaba sɩ lɩa lɛ, ka Iziral tɩŋŋaa nɩkaana-la hɔŋ ba tasɩŋ lɛ.

WƖA YƖƖLAA 126:1

La Tɩɩna sɩ kɛnla mɩɩra kɔ Jerusalɛm, wɩɩ-la nagɛ duosoo nɛ a pɩla.

AZAAYA 14:1

La TƖƖNA jaŋ fá Iziral tɩŋŋaa nenige. Ʋ jaŋ bɩra lɩɩsɛ Iziral tɩŋŋaa dɩ ba ŋaa ʋ nɩaa, a leŋ dɩ ba hɔŋ ba tɩtɩa tinteeŋ lɛ. Nɩwogusuŋ jaŋ kʋ pɛ hɔŋ Jekɔb doho nɩalɩŋ tinteeŋ lɛ dɩ ba niiŋ ŋaa kʋbala.

AZAAYA 54:8

Mɩ fa na baanɩŋ nɛ woruŋ a joŋ harɩŋ yɩaŋ mʋa, ama lɛɛlɛ mɩ jaŋ dagɛ mɩ chono-la sɩ bɩ dɛrɛ a pɩŋ.” Ŋ Laataara sɩ bʋl wɩɩ-la nɛ ŋɩɩ.

JƐRƖMAAYA 3:12

Mʋ heele bʋl wɩɩŋ deeŋ mɩ sɩɩ bʋl, wɩɩpɔsʋŋ nagʋa dɩɩrɩŋ, ‘Ma Iziral tɩŋŋaa sɩ bɩ wʋtɩtɩɩ kɛnɛ, La TƖƖNA sɩ má mɩɩra kɔ. Mɩ bɩra bɩ jaŋ kɛŋ mɩ sɩaa chei ma nyuŋ, mɩɩ fá nɩaa nenige nɛ. Mɩ-na ma TƖƖNA nɛ bʋla. Mɩ bɩ jaŋ na baanɩŋ ma nyuŋ a kaa mʋ wuu.

JƐRƖMAAYA 31:20

Efirem nɛ mɩ hambolibii-chooluŋ, mɩ tʋɔŋ tɔrɛ ʋ nyuŋ. Mɩ yie bʋl wɩaa a jʋʋ ʋ lɛ ma nɛ, ama mɩ haa liisi ʋ wɩaa nɛ. Mɩ tʋɔŋ kɛnʋ woruŋ, mɩ chaasaa fá ʋ nenige. Mɩ-na ma TƖƖNA nɛ bʋla.

JƐRƖMAAYA 31:35

Wɩɩŋ deeŋ nɛ La TƖƖNA bʋl, nɩɩ-la sɩ leŋe wɩɩpɔsʋŋ pʋpɔsɛ wɩɩhɛyɛ, a leŋ chɛnɛ arɩ chɛnwʋlaa pʋpɔsɛ tɩtaŋɩŋ, ʋ nɛ yie kɛŋ mʋgʋ-balɩŋ vuugi ʋ lɩɩ-peliŋ dɔŋ. Ʋ yɩrɩŋ nɛ La TƖƖNA doluŋ kala Tɩɩna.

JƐRƖMAAYA 31:37

Wɩɩ-la La TƖƖNA sɩ bʋla nɛ ŋ-la: “Dɩ nʋʋ nɛ jaŋ wuo magɩsɛ wɩa-nyuŋ, a wuo chɛ na dʋnɩa gentine ma, mɩ jaŋ vɩa Iziral doho nɩaa kala, a tɩŋ wɩalɩŋ kala ba sɩ ŋaa. Mɩ-na ma TƖƖNA nɛ bʋla.”

JƐRƖMAAYA 33:24

“Ŋ bɩ nɩa arɩ nɩaa ka bʋl arɩ mɩ vɩa kuori gentisiŋ deemba balɩa mɩ sɩ lɩɩsa ta nɛɛ? Ŋɩɩ wɩaa ba sɩɩŋ bɩ mɩ nɩaa ka su, a bɩra bɩ bene arɩ ba ŋaa tintee ma.

ƐZƖKƖƐL 39:25

Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Lɛɛlɛ, mɩ jaŋ fá Jekɔb doho nɩaa sɩ ŋaa Iziral tɩŋŋaa nenige, a leŋ dɩ ba mɩɩra lɩɩ yoŋ-baga kɔ, a tɩɩ ba tinteeŋ. Mɩ tʋɔŋ ka wɩɩ mɩ yɩrɩ zɔmʋŋ lɛ nɛ.

HOSIA 1:7

Ama mɩ jaŋ dagɛ mɩ chonuŋ Juda doho nɩaa lɛ, a laaba ta. Ama laalɩyuori kɩaa deemba dee mɩ jaŋ kaa laaba ta: Toŋ koo tokobiiŋ koo laalɩŋ janɩŋ koo laalɩŋ ja-jɩllaa. Mɩ-na ba TƖƖNA Wɩa nɛ jaŋ laaba ta.”

HOSIA 2:23

Mɩ tɩtɩa nɛ jaŋ holluŋ tintee-la lɛ, mɩ jaŋ dagɛ mɩ chonuŋ Lo-Ruhama lɛ, nɩɩ-la mɩ fa sɩ sɩ mɩ bɩ ʋ cho. Mɩ jaŋ bʋla pɩ Lo-Ammi, nɩalɩŋ ma mɩ fa sɩ sɩ ma bɩ mɩ nɩaa ŋaa: Ma ŋaa mɩ nɩaa nɛ lɛɛlɛ. Ba ma jaŋ bʋl, ‘Ŋ nɛ La Wɩa.’ ”

ZƐKARƖYA 10:6

Mɩ jaŋ leŋ dɩ Juda nɩaa kɛŋ doluŋ aŋ laa Josɛf doho nɩaa ta. Mɩ jaŋ fá ba nenige a kɛmba mɩɩra kɔ dɩa. Ba jaŋ nagɛ nɩa mɩ fa sɩ bɩ vɩa ta, bɛɛ wɩaa, mɩ nɛ ba TƖƖNA Wɩa, mɩ jaŋ laa ba sʋla.

Rom Tɩŋŋaa 11:32

Nɩalɩŋ kala sɩ bɩ Wɩa niiŋ wɩaa ka to, ba wʋbɔŋŋɔɔ nyagɛba bil nɛ, ŋɩɩ nɛ Wɩa wuo fá ba nenige.