JƐRƖMAAYA 33:22 - WƖA TENIŊ

²² Mɩ jaŋ leŋ dɩ mɩ tɩntɩnna Devit doho nɩaa arɩ Levi doho nɩalɩŋ sɩɩ tɩŋ mɩ sɩpaaŋ doho nɩaa pʋŋ woruŋ a bɩ nii kɛnɛ a nagɛ chɛnwʋlaa sɩ hɛ wɩa-nyuŋ koo hagɩlɩ-bumbugulo sɩ pɩŋ mʋgʋ-balɩŋ niiŋ.”

JƐRƖMAAYA 33:22 ပူးပေါင်းရင်းမြစ်များ

WƖAA DƖ-SUOMUŊ 13:16

Mɩ jaŋ leŋ dɩ ŋ doho nɩaa nagɛ hagɩlɩ-biee. Dɩ nʋʋ nɛ jaŋ wuo dɩɩsɛ hagɩlɩ-bie, ʋ jaŋ wuo dɩɩsɛ ŋ doho nɩaa.

WƖAA DƖ-SUOMUŊ 15:5

Ŋɩɩ nɛ La TƖƖNA kɛŋ Abɩram lɩɩ dɩ-jalɩŋ aŋ bʋl, “Beŋ wɩa-nyuŋ a na chɛnwʋlaa sɩ magɛ ŋɩɩ, ŋ bɩ jaŋ wuo dɩɩsɛba. Ŋɩɩ nɛ ŋ doho nɩaa jaŋ magɛ.”

WƖAA DƖ-SUOMUŊ 22:17

mɩ jaŋ pɛ ŋ lɛ a leŋ dɩ ŋ doho nɩaa pʋŋ a nagɛ chɛnwʋlaa, koo hagɩlɩ-bumbugulo sɩ hɛ mʋgʋ-balɩŋ niiŋ. Ŋ doho nɩaa jaŋ yuo laa ba dʋndɔŋŋɔɔ tinteeŋ.

WƖAA DƖ-SUOMUŊ 28:14

Ŋ doho nɩaa jaŋ pʋŋa nagɛ hagɩlɩ-biee a jɛrɛ su lee-kala a hɛ wɩɩpɔsʋŋ, wɩɩjʋʋlʋŋ arɩ taŋ-sɛsɩŋ kala. Ŋ dɩ ŋ doho nɩaa lɛ nɛ mɩ jaŋ to a pɛ dʋnɩa nɩaa kala lɛ.

WƖA YƖƖLAA 22:30

La Tɩɩna, nɩalɩŋ ba ha sɩ jaŋ lʋl, ba ma jaŋ nɩɩ ŋ wɩaa a toŋ.

WƖA YƖƖLAA 89:29

Ʋ kuoruŋ jaŋ chɩŋ kpaŋkpaŋ a kaa mʋ wuu, a nagɛ wɩa-nyuŋ sɩ chɩŋ ŋɩɩ. Bʋa na-kala lɛ, ʋ doho nʋʋ nɛ jaŋ dii kuoruŋ.

AZAAYA 48:19

Ma doho nɩaa fa jaŋ yʋgɛ a nagɛ hagɩlɩ-biee nʋʋ sɩ bɩ jaŋ wuo dɩɩsɛ. Ba yɩrɩŋ fa bɩ jaŋ kɔ dɩ ʋ lɛlɛ mɩ teeŋ.

AZAAYA 66:21

La TƖƖNA bɩra sɩ, “Mɩ jaŋ tʋɔsɛ ba dɔnsʋŋ dɩ ba ŋaa Wɩɩsʋllɩ sɩpaalaaraa, ka dɩ dɔnsʋŋ ma pɛ tɩtɩŋ tɩntɩmɩɩ-la Levi doho nɩaa sɩɩ tɩŋ mɩ dɩɩ-zɔŋ-la lɛ.

JƐRƖMAAYA 30:19

Ba jaŋ yɩɩ yɩɩlaa a lʋlɔllɛmɛ, aŋ ŋaa goŋ a jʋjʋɔsɛ. Mɩ jaŋ leŋ dɩ ba pʋŋa pɛ, ba bɩ jaŋ muuri. Mɩ jaŋ leŋ dɩ nɩaa zizilba, ba bɩ jaŋ bee gʋʋnɛba.

JƐRƖMAAYA 31:37

Wɩɩ-la La TƖƖNA sɩ bʋla nɛ ŋ-la: “Dɩ nʋʋ nɛ jaŋ wuo magɩsɛ wɩa-nyuŋ, a wuo chɛ na dʋnɩa gentine ma, mɩ jaŋ vɩa Iziral doho nɩaa kala, a tɩŋ wɩalɩŋ kala ba sɩ ŋaa. Mɩ-na ma TƖƖNA nɛ bʋla.”

JƐRƖMAAYA 33:18

Levi doho nɩaa ma sɩ ŋaa Wɩɩsʋllɩ sɩpaalaaraa jaŋ hɛ nɩmɛ bʋa na-kala a ŋɩŋaa kʋnyɩgaa Wɩɩsʋlʋŋ, mɩaa Wɩɩsʋlʋŋ, a kpʋ pʋsʋŋ ma a ŋɩŋaa Wɩɩsʋlʋŋ.”

JƐRƖMAAYA 33:23

La TƖƖNA bʋl wɩaa pɩ Jɛrɩmaaya:

ƐZƖKƖƐL 37:10

Ŋɩɩ nɛ mɩ bʋl wɩaa ʋ doluŋ lɛ arɩ ŋɩɩ ʋ sɩ dagɛmɛ, wiese kʋ jʋʋba ba kɛŋ mɩɩsɩŋ a sii chɩŋ. Ba fa ŋaa laalɩyuori dandaŋ nɛ.

ƐZƖKƖƐL 44:15

Ama Levi tɩmma-la sɩ ŋaa Zadɔk doho nɩaa a ŋaa Wɩɩsʋllɩ sɩpaalaaraa, nɩalɩŋ sɩ to wʋtɩtɩɩ a tɩŋ mɩ dɩa-la tɩntɩŋŋaa bʋa-la lɛ Iziral tɩŋŋaa kala sɩ vɩamɛ, ba-na jaŋ chɩŋ mɩ sɩpaaŋ a joŋ Wɩɩsʋlʋŋ pʋsʋŋ nʋʋŋ arɩ chalɩŋ a ŋaa Wɩɩsʋlʋŋ pɩpɩmɛ. Mɩ-na ma TƖƖNA Wɩɩjarɩbakɔ nɛ bʋla.

HOSIA 1:10

Ama bʋa kʋbala jaŋ yi dɩ Iziral tɩŋŋaa pʋŋ a nagɛ hagɩla sɩ pɩŋ mʋgʋ-balɩŋ niiŋ nʋʋ sɩ bɩ jaŋ wuo magɩsɛ koo a dɩɩsɛ. Lee-la ba sɩ bʋla pɩba arɩ ba bɩ mɩ nɩaa ŋaa, ba jaŋ bɩra kɛmba yɩrɛ ‘Wɩa sɩ weye biiriŋ’.

ZƐKARƖYA 10:8

Mɩ jaŋ fʋʋla yɩrɛba a kɛmba kʋ hɛ dɔŋɔ. Wʋtɩtɩɩ, mɩ jaŋ laaba ta, ba jaŋ bɩra yʋgɛ arɩ ba fa sɩ yʋga ŋɩɩ.

ZƐKARƖYA 12:8

Tapʋlɩɩ-la, mɩ-na ma TƖƖNA jaŋ chu tɔ nɩalɩŋ sɩ hɛ Jerusalɛm lɛ, dɩ ba tʋɔŋ nɩɩ-la sɩ paala pʋgʋsɛ kɛŋ doluŋ a nagɛ kuoro Devit, dɩ Devit doho nɩaa ma nagɛ mɩ-na Wɩa, a nagɛ mɩ-na ba TƖƖNA tɩndaarʋ-la sɩ laa ba sɩpaaŋ.

ZƐKARƖYA 2:4

a bʋla pʋ: “Fá mʋ bʋla pɩ bapʋɔsɩ-bie-la, ‘Jerusalɛm jaŋ ŋaa tabal kɛrɩsɩŋ sɩ bɩ gollo, a tɩŋ nɩaa arɩ pʋsʋŋ sɩ jaŋ faasa yʋgɛ ʋ lɛ wɩaa.

Hiburu TƖŊŊAA 11:12

Abɩraham fa hɩɛsa nɛ woruŋ a kieli biiriŋ lʋlʋŋ a kpagɛ sʋʋŋ aŋ lʋl bile. Ʋ doho nɩaa pʋŋa yʋgɛ woruŋ a nagɛ chɛnwʋlaa, koo hagɩla sɩ pɩŋ mʋgʋ-balɩŋ niiŋ nɛ.