JƐRƖMAAYA 33:21 - WƖA TENIŊ

²¹ ŋɩɩ-na, ŋ jaŋ wuo chei nii-la sɩ hɛ mɩ dɩ mɩ tɩntɩnna Devit pɛgɛ, arɩ nii-la mɩ sɩ bile mɩ dɩ Levi doho nɩaa pɛgɛ arɩ ba nɛ ŋaa Wɩɩsʋllɩ sɩpaalaaraa a tɩtɩŋ mɩ sɩpaaŋ, dɩ Devit bɩra sɩ́ doho nʋʋ kɛŋ sɩ jaŋ dii kuoruŋ.

JƐRƖMAAYA 33:21 ပူးပေါင်းရင်းမြစ်များ

WƖA YƖƖLAA 89:34

Mɩ bɩ jaŋ chei nii-la mɩ sɩ bile mɩ dɩ ʋ pɛgɛ, koo a lɩɩ wɩalɩŋ mɩ sɩ bʋla harɩŋ.

2 IZIRAL TƖŊŊAA NAABARƖŊ 7:18

mɩ jaŋ leŋ dɩ ŋ kuoruŋ chɩŋ, arɩ mɩ fa sɩ hɛ niiŋ mɩ dɩ ŋ nyɩmma Devit pɛgɛ ŋɩɩ, bʋa-la lɛ mɩ sɩ sɩ, ‘Ŋ doho nɩaa nɛ jaŋ didii kuoruŋ Iziral lɛ.’

2 IZIRAL TƖŊŊAA NAABARƖŊ 21:7

Ama La TƖƖNA fa tɩŋ ʋ tɩntɩnna Devit wɩaa nɛ a bɩ Juda tinteeŋ cheye, bɛɛ wɩaa ʋ fa hɛ niiŋ nɛ ʋ dɩ Devit pɛgɛ arɩ ʋ jaŋ leŋ dɩ ʋ doho nɩaa nɛ didii kuoruŋ Juda tinteeŋ lɛ a kaa mʋ wuu.

2 SAMƲƐL 23:5

Ŋɩɩ Wɩa sɩ jaŋ pɛ mɩ doho nɩaa lɛ nɛ ŋɩɩ, bɛɛ wɩaa, ʋ nɛ hɛ nii-la sɩ bɩ dɛrɛ a pɩmɛ, nii-la sɩ bɩ jaŋ kɔ dɩ ʋ birige. Nii-la suo nɛ, ʋ bɩ jaŋ kɔ dɩ ʋ kɛnʋ bɩrɩmɛ. Wɩɩ-la kala mɩ sɩɩ chɛ nɛ ŋɩɩ, mɩ jɩma bʋa na-kala ʋ jaŋ ŋaa ŋɩɩ a pɩmɛ.

Jɔɔŋ Wʋnaalaa 5:10

Ŋ leŋe nɩalɩŋ ŋ sɩ yɔbɔ, dii kuoruŋ nɛ a laa nɩaa nyuŋ a tɩma pɩpɩ Wɩa. Ba jaŋ beŋ tinteeŋ kala.”

Matiu 24:35

Wɩa nyuŋ arɩ tinteeŋ kala jaŋ lɛl, ama wɩalɩŋ mɩ sɩ bʋla bɩ jaŋ lɛl.

DANƖƐL 7:14

Ʋ joŋ doluŋ, yɩrɩŋ arɩ kuoruŋ doluŋ pʋ. Nɩaa kala, tinteyee nɩaa arɩ yikoro na-kala nɩaa dɩdɛnnʋ. Ʋ doluŋ ŋaa dol-la sɩ bɩ dɛrɛ nɛ, ʋ bɩ lɛl. Ʋ kuoruŋ ma ŋaa kʋŋ nʋʋ sɩ bɩ jaŋ wuo chei.

JƐRƖMAAYA 33:18

Levi doho nɩaa ma sɩ ŋaa Wɩɩsʋllɩ sɩpaalaaraa jaŋ hɛ nɩmɛ bʋa na-kala a ŋɩŋaa kʋnyɩgaa Wɩɩsʋlʋŋ, mɩaa Wɩɩsʋlʋŋ, a kpʋ pʋsʋŋ ma a ŋɩŋaa Wɩɩsʋlʋŋ.”

AZAAYA 55:3

Má jegile nɩɩ woruŋ a kɔ mɩ teeŋ, má nɩɩ woruŋ, ŋɩɩ nɛ ma jaŋ kɛŋ mɩɩsɩŋ. Mɩ jaŋ hɛ nii-la sɩ bɩ jaŋ dɛrɛ mɩ dɩ ma pɛgɛ a choma arɩ wʋtɩtɩɩ a nagɛ ŋɩɩ mɩ fa sɩ cho kuoro Devit.

WƖA YƖƖLAA 132:17

Mɩ jaŋ leŋ dɩ Devit doho nʋʋ dii kuoruŋ nɩmɛ, dɩ ʋ kuoruŋ kɛŋ doluŋ a chaanɛ a nagɛ chaanɩŋ sɩ bɩ dɩsɛ,

WƖA YƖƖLAA 89:36

Ʋ doho nɩaa nɛ jaŋ didii kuoruŋ bʋa na-kala. Mɩ sɩpaaŋ, ʋ kuoruŋ jaŋ chɩŋ a kaa mʋ wuu a nagɛ wɩɩpɔsʋŋ sɩ chɩŋ ŋɩɩ.

AZAAYA 66:22

Tintee-falɩɩ-la arɩ wɩa-nyuŋ kʋfalɩɩ-la mɩ sɩ jaŋ ŋaa dɩ ba hɛ nɩmɛ deeŋ deeŋ ŋɩɩ, ŋɩɩ tɩtɩa nɛ ma doho nɩaa arɩ ma yɩrɩŋ jaŋ hɛ nɩmɛ deeŋ deeŋ.” La TƖƖNA nɛ bʋla.