JƐRƖMAAYA 33:2 - WƖA TENIŊ

² Wɩɩ-la La TƖƖNA nɛ sɩ ŋaa dʋnɩa, ʋ nɛ sɩ mɛʋ a leŋ ʋ chɩŋ woruŋ, ʋ yɩrɩŋ ŋaa La TƖƖNA sɩ bʋla nɛ ŋ-la:

JƐRƖMAAYA 33:2 ပူးပေါင်းရင်းမြစ်များ

WƖA YƖƖLAA 102:16

La Tɩɩna jaŋ paa Zaayɔŋ wasa saa, a dagɛ ʋ doluŋ.

WƖA YƖƖLAA 87:5

Wɩa sɩ kɩɩ kʋŋkala jaŋ leŋ dɩ ʋ jaŋ-la sɩ chɩŋ Zaayɔŋ lɛ kɛŋ doluŋ, dɩ nʋʋkala bʋl, “Ba lʋlla ma nɩmɛ nɛ.”

MOSIS KƐŊ IZIRAL TƖŊŊAA LƖƖ 15:3

La TƖƖNA ŋaa bayuoru nɛ, ʋ yɩrɩŋ nɛ La TƖƖNA.

MOSIS KƐŊ IZIRAL TƖŊŊAA LƖƖ 6:3

Mɩ kɛŋ mɩ tɩtɩa dagɛ Abɩraham, Aɩzɩk arɩ Jekɔb arɩ mɩ nɛ Wɩa doluŋ kala Tɩɩna, ama mɩ bɩ leŋe ba jɩŋ arɩ mɩ yɩrɩŋ nɛ ‘ma TƖƖNA.’

AZAAYA 14:32

Wʋbɛɛ nɛ saa la jaŋ bʋla pɩ nɩalɩŋ ba sɩ tɩma ba lɩɩ Fɩlɩsɩtɩa tinteeŋ kɔ? Ma jaŋ bʋla pɩba arɩ La TƖƖNA nɛ leŋe Zaayɔŋ chɩŋ kpaŋkpaŋ, ʋ nɩaa fa sɩɩ na hɛɛŋ ŋɩɩ, dɩ ba mʋ nɩmɛ a wuo hɔŋ, wɩɩ bɩ baa walɩmɛ.”

AZAAYA 37:26

Sanakɛrɩb, ŋ bɩ wɩalɩŋ mɩ-na La TƖƖNA sɩ bɩɩna bil faafaa kala dɩ mɩ ŋaa nɩa? Lɛɛlɛ mɩ ŋaaba nɛ. Mɩ nɛ pɩŋ doluŋ ŋ kaa kɛŋ tasɩ-la kala ba sɩ saa kɛrɩsɩŋ golli bɩrɩmɛ ba nagɛ tabɩaa sɩ daŋ dɔŋɔ lɛ.

AZAAYA 42:8

Mɩ yɩrɩŋ nɛ ma TƖƖNA, mɩ bɩ jaŋ joŋ mɩ tʋla a pɩ kʋŋ dɔŋ kala, koo a joŋ mɩ dɛnnɛ a pɩ tɔŋŋɔɔ.

AZAAYA 43:1

Wɩɩ-la La TƖƖNA sɩ bʋla nɛ ŋ-la. “Mɩ nɛ ŋaa ma, má sɩ́ fawʋllʋŋ fá, mɩ nɛ laama ta, mɩ jɩmma nɛ a yɩrɛma, ma ŋaa mɩ nɩaa.

AZAAYA 43:21

Ba nɛ nɩalɩŋ mɩ sɩ ŋaa a pɩ mɩ tɩtɩa dɩ ba dɩdɛnnɛmɛ.

AZAAYA 62:7

Má sɩ́ leŋe dɩ La TƖƖNA ma wiesi, see dɩ ʋ leŋe dɩ Jerusalɛm chɩŋ kpaŋkpaŋ, dɩ ʋ yɩrɩŋ yɩrɛ dʋnɩa kala lɛ.

JƐRƖMAAYA 10:16

Jekɔb Wɩa-na bɩ ba naga. Ʋ nɛ ŋaa kʋŋkala, aŋ lɩɩsɛ Iziral tɩŋŋaa ba ŋaa ʋ nɩaa. Ʋ yɩrɩŋ nɛ La TƖƖNA doluŋ kala Tɩɩna.

JƐRƖMAAYA 16:21

La TƖƖNA bʋl, “Ŋɩɩ-na mɩ jaŋ dagɛba bʋa deeŋ lɛ, mɩ jaŋ dagɛba mɩ doluŋ kala. Ŋɩɩ nɛ ba jaŋ jɩŋ arɩ mɩ nɛ ba TƖƖNA.”

JƐRƖMAAYA 32:18

Ŋ yie dagɛ ŋ chonuŋ a pɩ nɩaa bʋɩba nɛ, ama ŋ yie dɔgɩsɛ nɩaa biiriŋ arɩ ba nihee a tɩŋ ba nyɩmmaba wʋbɔŋŋɔɔ wɩaa. Ŋ nɛ Wɩa sɩ faasa kɛŋ doluŋ, ŋ yɩrɩŋ nɛ La TƖƖNA, doluŋ kala Tɩɩna.

JƐRƖMAAYA 51:19

Jekɔb Wɩa-na bɩ ba naga. Ʋ nɛ ŋaa kʋŋkala, aŋ lɩɩsɛ Iziral tɩŋŋaa ba ŋaa ʋ nɩaa. Ʋ yɩrɩŋ nɛ La TƖƖNA doluŋ kala Tɩɩna.

AMƆS 5:8

La TƖƖNA nɛ ŋaa chɛnwʋlaa a leŋ ba chɩŋ ba dɩchɩnaa, ʋ nɛ kɛŋ birimiŋ a bɩrɩmɛ pʋlʋmʋŋ, a bɩra kɛŋ pʋlʋmʋŋ ma a bɩrɩmɛ birimiŋ. Ʋ nɛ yie leŋ mʋgʋ-balɩŋ lɩɩŋ bɩrɩmɛ duonuŋ a nɩɩ hɛ tinteeŋ lɛ. Ʋ yɩrɩŋ nɛ La TƖƖNA.

AMƆS 9:6

La Tɩɩna saa ʋ kuoru dɩa Wɩa-jaŋ nɛ aŋ leŋ ʋ gentine hɛ tinteeŋ. Ʋ leŋe mʋgʋ-balɩŋ lɩɩŋ sii jɩl wɩa-nyuŋ a bɩrɩmɛ duonuŋ a nɩɩ hɛ tinteeŋ lɛ. Ʋ yɩrɩŋ nɛ La TƖƖNA.

Hiburu TƖŊŊAA 11:10

Abɩraham faa chɛ dɩ ʋ jʋʋ taŋ-la Wɩa tɩtɩa sɩ bil ʋ gentine a saa nɛ. Taŋ deeŋ nɛ jaŋ hɛ nɩmɛ deeŋ deeŋ a mʋmʋ.

Hiburu TƖŊŊAA 11:16

Ama ba faa chɛ dɩ ba hɔŋ tintee-la sɩ zɔmɔ kɩɩ tintee kala. Wɩa-jaŋ nɛ ŋɩɩ. Wɩa tɩtɩa nɛ saa jaŋ-la a pɩba. Ŋɩɩ nɛ tɩɩ ba yɩrɛ Wɩa yɩrɩŋ, ka hɩɩsɩŋ bɩ Wɩa kɛnɛ.

Jɔɔŋ Wʋnaalaa 21:10

Ŋɩɩ nɛ Wɩa Dɩŋ-zɔmʋŋ kʋ hɛ mɩ lɛ, Wɩa tɩndaarʋ-la jommi kaa jɩl peel-bal kʋbala sɩ leŋie nyuŋ. Ŋɩɩ nɛ ʋ dagɛmɛ taŋ-la sɩ bɩ disiniŋ kɛnɛ baa yɩrɛ Jerusalɛm, dɩ ʋ lɩɩ Wɩa-jaŋ kuu tuu tinteeŋ.

Jɔɔŋ Wʋnaalaa 21:2

Ŋɩɩ nɛ mɩ na Wɩa taŋ-la sɩ bɩ disiniŋ kɛnɛ, Jerusalɛm falɩɩ-la, dɩ ʋ lɩɩ Wɩa-jaŋ a kʋ tuu. Wɩa kpɩɛrʋ ʋ zɔŋ a nagɛ ba sɩ yie kpɩɛrɛ haala ŋɩɩ nɛ a kaa mʋ pɩ ʋ bala.