JƐRƖMAAYA 33:18 - WƖA TENIŊ

¹⁸ Levi doho nɩaa ma sɩ ŋaa Wɩɩsʋllɩ sɩpaalaaraa jaŋ hɛ nɩmɛ bʋa na-kala a ŋɩŋaa kʋnyɩgaa Wɩɩsʋlʋŋ, mɩaa Wɩɩsʋlʋŋ, a kpʋ pʋsʋŋ ma a ŋɩŋaa Wɩɩsʋlʋŋ.”

JƐRƖMAAYA 33:18 ပူးပေါင်းရင်းမြစ်များ

ƐZƖRA 3:5

Ʋ ŋɩɩ harɩŋ lɛ, ba joŋ kʋnyɩgaa Wɩɩsʋlʋŋ kɩalɩŋ ba sɩ maga dɩ baa nyɩgɛ bʋa na-kala, chɛŋ-falɩŋ Wɩɩsʋlʋŋ kɩaa arɩ Wɩɩsʋlʋŋ kɩalɩŋ kala ba sɩ yie ŋaa La TƖƖNA gbielee lɛ, a saa pɛ tʋɔtɔrɛ Wɩɩsʋlʋŋ kɩalɩŋ ba sɩ kaa kʋ pɩ La TƖƖNA lɛ.

AZAAYA 56:7

Mɩ jaŋ kɛmba mʋ mɩ peel-zɔŋ-la sɩ bɩ disiniŋ kɛnɛ nyuŋ, a leŋ ba kɛŋ tʋɔtɔrʋŋ mɩ dɩɩ-bal-la lɛ ba sɩɩ chʋɔlɛmɛ. Dɩ ba nɛ kɛŋ Wɩɩsʋlʋŋ kɩaa kɔ mɩ Wɩɩsʋllɩ koruŋ, mɩ jaŋ laa ba sʋla. Mɩ dɩa nɛ jaŋ ŋaa tinteyee kala Wɩa dɩ-chʋɔlʋŋ.”

AZAAYA 61:6

Ma-na jaŋ ŋaa La TƖƖNA Wɩɩsʋllɩ sɩpaalaaraa, a ŋaa la Wɩa tɩntɩnnaa. Ma nɛ jaŋ tɩɩ tinteyee kala dʋa, a kɛŋ ba kɩalɩŋ ŋmuŋmoo bɔyɛ.

JƐRƖMAAYA 33:19

La TƖƖNA bɩra bʋl wɩaa pɩ Jɛrɩmaaya:

JƐRƖMAAYA 33:22

Mɩ jaŋ leŋ dɩ mɩ tɩntɩnna Devit doho nɩaa arɩ Levi doho nɩalɩŋ sɩɩ tɩŋ mɩ sɩpaaŋ doho nɩaa pʋŋ woruŋ a bɩ nii kɛnɛ a nagɛ chɛnwʋlaa sɩ hɛ wɩa-nyuŋ koo hagɩlɩ-bumbugulo sɩ pɩŋ mʋgʋ-balɩŋ niiŋ.”

JƐRƖMAAYA 35:19

Ŋɩɩ wɩaa, wɩɩ-la mɩ-na ma TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: ‘Rekab nanʋala Jonadab jaŋ kɛŋ hambolibie bʋa na-kala dɩ ʋ tɩma pɩpɩmɛ.’ ”

ƐZƖKƖƐL 44:15

Ama Levi tɩmma-la sɩ ŋaa Zadɔk doho nɩaa a ŋaa Wɩɩsʋllɩ sɩpaalaaraa, nɩalɩŋ sɩ to wʋtɩtɩɩ a tɩŋ mɩ dɩa-la tɩntɩŋŋaa bʋa-la lɛ Iziral tɩŋŋaa kala sɩ vɩamɛ, ba-na jaŋ chɩŋ mɩ sɩpaaŋ a joŋ Wɩɩsʋlʋŋ pʋsʋŋ nʋʋŋ arɩ chalɩŋ a ŋaa Wɩɩsʋlʋŋ pɩpɩmɛ. Mɩ-na ma TƖƖNA Wɩɩjarɩbakɔ nɛ bʋla.

ƐZƖKƖƐL 45:5

Ma jaŋ keri lee-la sɛmɛ dɔŋɔ dɩ ʋ duomuŋ ŋaa naakieliŋ bʋɩ fii arɩ balɩa arɩ zɔɔ-banɔŋ, dɩ ʋ jalɩŋ ma ŋaa naakieliŋ bʋɩ banɔŋ a pɩ Levi tɩmma-la sɩɩ tɩŋ mɩ dɩɩ-bal-la lɛ dɩ ba saa ba dɩɩsɩŋ nɩmɛ a jʋjʋʋ.

NAMBABA 3:5

Ŋɩɩ nɛ La TƖƖNA bʋla pɩ Mosis,

Rom Tɩŋŋaa 1:21

Ba jɩma Wɩa hɛ nɩmɛ nɛ, ama ba bɩ ʋ ka zil arɩ ʋ ŋaa Wɩa. Ba bɩ ʋ ka lɔllɛ. Ba tʋɔbɩɩnaa kala bɩrɩma nɛ ba ŋɩŋaa wʋlɩɩlɩŋ. Ba tʋɔbɩɩŋ lɔrʋnʋ-la kɛmba kaa mʋ hɛ birimiŋ tʋɔŋ.

Rom Tɩŋŋaa 15:16

dɩ mɩ tɩŋ Yesu Kirisito tɩntɩŋŋaa nɩalɩŋ sɩ bɩ Juu tɩŋŋaa ŋaa tʋɔŋ. Mɩ tɩŋ ba tʋɔŋ a nagɛ Wɩɩsʋllɩ sɩpaalaara nɛ, a bʋl Wɩa wʋzɔmɔ-la pɩba. Mɩ ŋaa ŋɩɩ dɩ Wɩa wuo laa nɩalɩŋ sɩ bɩ Juu tɩŋŋaa ŋaa, a nagɛ Wɩɩsʋlʋŋ kɩaa Wɩa Dɩŋ-zɔŋ-la sɩ ŋaa ba bɩ disiniŋ kɛnɛ dɩ mɩ joŋo pɩ Wɩa dɩ ʋ tʋɔtɔrɛ ba nyuŋ.

MOSIS BƖRA WULLI WƖA WOMBIIŊ 18:1

Levi doho nɩalɩŋ sɩ ŋaa Wɩɩsʋllɩ sɩpaalaaraa arɩ Levi doho nɩaa kala bɩ maga dɩ ba kɛŋ tinteeŋ kpaal Iziral tinteeŋ kala lɛ. Ba kpaalɩŋ nɛ kɩalɩŋ Iziral tɩŋŋaa sɩ kaa kɔ dɩ ba ŋaa Wɩɩsʋlʋŋ a pɩ La TƖƖNA.

MOSIS BƖRA WULLI WƖA WOMBIIŊ 24:8

Dɩ dayalɩbɩŋ nɛ jʋʋ ma jaŋ, má fɩɛlɛ ma sɩaa a to Levi doho sɩ ŋaa Wɩɩsʋllɩ sɩpaalaaraa niiŋ. Wɩalɩŋ kala mɩ sɩ dagɛba, má fɩɛlɛ ma sɩaa a toba.

JOSUA 3:3

a bʋla pɩ nɩalɩŋ, “Dɩ ma nɛ na dɩ Levi doho Wɩɩsʋllɩ sɩpaalaaraa joŋ ma TƖƖNA Wɩa niiriŋ daga-la, ʋ maga dɩ ma sii ma dɩhɔnʋŋ a to ba harɩŋ nɛ.

1 Pɩɩta 2:5

Ma ma nagɛ tabɩɩ-la sɩ kɛŋ mɩɩsɩŋ nɛ. Ŋɩɩ wɩaa, má leŋ dɩ Wɩa kɛmma saa ʋ dɩa, a leŋ dɩ ma ŋaa nɩa sɩ́ bɩ disiniŋ kɛnɛ a laa nɩaa nyuŋ a tɩma pʋpʋ, a nagɛ Wɩɩsʋllɩ sɩpaalaaraa. Wɩa chɛ dɩ ma to Yesu Kirisito lɛ nɛ a ŋaa Wɩɩsʋlɩɩ-la sɩ maga a pʋ.

1 Pɩɩta 2:9

Ama Wɩa lɩɩsɛma nɛ dɩ ma ŋaa ʋ nɩaa, a laa nɩaa nyuŋ a tɩma pɩpɩ ma Kuoro. Ma ŋaa nɩa sɩ bɩ disiniŋ kɛnɛ nɛ. Wɩa tɩtɩa nɛ tɩɩma. Ʋ yɩrɛma dɩ ma wuo bʋl wʋkpuŋkperisi-la kala ʋ sɩ ŋaa a pɩ nɩaa arɩ ŋɩɩ ʋ sɩ lɩɩsɛma birimiŋ tʋɔŋ a kaa kʋ jʋʋ ʋ pʋlʋŋ-jalɩɩ-la tʋɔŋ.

Jɔɔŋ Wʋnaalaa 1:6

Ʋ nɛ leŋe la dɩ ʋ kala dii kuoruŋ a tɩmaa pɩ Wɩa, Nɩɩ-la sɩ ŋaa ʋ Nyɩmma. Ʋ nɛ kɛŋ yɩrɩŋ arɩ doluŋ a kaa mʋ wuu. Amɩɩ.

Jɔɔŋ Wʋnaalaa 5:10

Ŋ leŋe nɩalɩŋ ŋ sɩ yɔbɔ, dii kuoruŋ nɛ a laa nɩaa nyuŋ a tɩma pɩpɩ Wɩa. Ba jaŋ beŋ tinteeŋ kala.”