JƐRƖMAAYA 33:17 - WƖA TENIŊ

¹⁷ Wɩɩ-la La TƖƖNA sɩ bʋla nɛ ŋ-la: “Devit doho nʋʋ nɛ jaŋ dii kuoruŋ bʋa na-kala Iziral tinteeŋ lɛ.

JƐRƖMAAYA 33:17 ပူးပေါင်းရင်းမြစ်များ

2 SAMƲƐL 3:29

A leŋ dɩ Jʋab arɩ ʋ nyɩmma dɩa nɩaa na hɛɛŋ a tɩŋ Abɩna sʋʋŋ wɩaa, a leŋ dɩ Jʋab dɩa lɛ bʋa na-kala dɩ nʋʋ kɛŋ naawalɩŋ sɩɩ lɩɩ nʋɔlʋŋ koo dayalɩmɩŋ koo dɩ nʋʋ ŋaa puwuol koo dɩ ba kpʋkpʋba laalɩŋ lɛ koo dɩ kʋdiilee nyaa ba dɩa lɛ.”

2 SAMƲƐL 7:12

Dɩ ŋ tapʋlaa nɛ yie dɩ ŋ sʋʋ a mʋ ŋ nyɩmmaba teeŋ, mɩ jaŋ lɩɩsɛ ŋ bii-lʋlʋŋ dɩ ʋ dii kuoruŋ ŋ nyuŋ. Mɩ jaŋ leŋ dɩ ʋ kuoruŋ chɩŋ.

2 SAMƲƐL 7:13

Ʋ nɛ nɩɩ-la sɩ jaŋ saa dɩa pɩmɛ. Mɩ jaŋ leŋ dɩ ʋ kuoruŋ chɩŋ a kaa mʋ wuu.

1 KUOROO 2:4

Dɩ ŋ nɛ to La TƖƖNA niiŋ, ʋ jaŋ leŋ dɩ nii-la ʋ sɩ hɛ pɩmɛ chɩŋ. Ʋ fa bʋla pɩmɛ nɛ arɩ ʋ jaŋ leŋ dɩ mɩ doho nɩaa nɛ didii kuoruŋ Iziral tinteeŋ lɛ, dɩ ba nɛ jaŋ kɛŋ wʋtɩtɩɩ a tou arɩ ba tʋɔŋ arɩ ba wɩɩ wɩɩkala.

1 KUOROO 8:25

La TƖƖNA, Iziral tɩŋŋaa Wɩa, ŋ hɛ niiŋ a pɩ mɩ nyɩmma Devit sɩ ŋaa ŋ tɩntɩnnʋ nɛ a bʋl, ‘Nʋʋ jaŋ lɩɩ ŋ doho nɩaa tʋɔŋ bʋa na-kala a dii Iziral kuoruŋ, dɩ ba nɛ fɩɛlɛ ba sɩaa a to mɩ niiŋ arɩ ŋ-na Devit sɩ ŋaa ŋɩɩ.’

2 KUOROO 11:2

Ama kuoro Jehoram tolo Jehoseba sɩ ŋaa Ahazɩa dɩhaala lʋara kɛŋ kuoro Ahazɩa hambolibiisi-la ba sɩɩ chɛ dɩ ba kpʋ tʋɔŋ dɔŋɔ a faa. Bile yɩrɩŋ nɛ fa Jʋas. Ʋ fa kɛŋ ʋ dɩ nɩɩ-la sɩɩ benu nɛ a kaa jʋʋ faa Wɩa dɩɩ-balɩŋ dɩɩ-pɩnɩŋ dɔŋɔ lɛ. Ŋɩɩ nɛ Atalɩa fa bɩ wuo kpʋʋ.

1 IZIRAL TƖŊŊAA NAABARƖŊ 17:27

Ŋ tʋɔtɔrʋŋ lɛ nɛ ŋ pɛ mɩ-na ŋ tɩntɩnna doho nɩaa lɛ, a leŋ ba ŋaa nɩalɩŋ ŋ sɩ lɩɩsa ba didii kuoruŋ. La TƖƖNA, ŋ pɛ mɩ dɩa nɩaa lɛ nɛ, mɩ laa dii arɩ ŋ ha jaŋ pɛ mɩ doho nɩaa lɛ a kaa mʋ wuu.”

WƖA YƖƖLAA 132:12

Dɩ ŋ biiriŋ nɛ to nii-la sɩ hɛ la pɛgɛ, a kɛŋ wɩalɩŋ mɩ sɩ dagɛba a tɩtɩŋ, ŋɩɩ-na ba biiriŋ ma jaŋ didii kuoruŋ a kaa mʋ wuu.”

AZAAYA 9:7

Ʋ kuoruŋ doluŋ arɩ ʋ fɩɛlɩŋ jaŋ pʋŋa pɩpɛ a kaa mʋ wuu, ʋ bɩ jaŋ dɛrɛ. Ʋ nɛ jaŋ hɔŋ Devit kuoru kpasa-la nyuŋ a beŋ ʋ nɩaa a kɛŋ kuorii-la woruŋ a leŋ dɩ ʋ chɩŋ kpaŋkpaŋ. Ʋ jaŋ kɛŋ wʋtɩtɩɩ arɩ tʋɔpʋla a benu a lɩɩ bʋa-la lɛ a kaa mʋ wuu. La TƖƖNA doluŋ kala Tɩɩna nyuŋ sɩ nyaasɛ wɩɩŋ deeŋ lɛ nɛ jaŋ leŋ dɩ ʋ ŋaa.

JƐRƖMAAYA 17:25

ŋɩɩ-na kuorusu-la sɩ jaŋ hɔŋ Devit kuoru kpasa nyuŋ arɩ ba tɩntɩnnɩ-hɩasɩŋ jaŋ to boi-baalaa deemba kʋ jʋʋ tabal-la. Ba dɩ ba tɩntɩnnɩ-hɩasɩŋ jaŋ jɩl janɩŋ arɩ janɩŋ torukoba a kʋ jʋʋ. Juda nɩaa arɩ nɩalɩŋ sɩ hɛ Jerusalɛm lɛ jaŋ hɔŋ tabalɩŋ deeŋ lɛ a kaa mʋ wuu.

JƐRƖMAAYA 35:19

Ŋɩɩ wɩaa, wɩɩ-la mɩ-na ma TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: ‘Rekab nanʋala Jonadab jaŋ kɛŋ hambolibie bʋa na-kala dɩ ʋ tɩma pɩpɩmɛ.’ ”