JƐRƖMAAYA 33:16 - WƖA TENIŊ

¹⁶ Tapʋlɩa-la lɛ, ba jaŋ laa Juda nɩaa ta, dɩ Jerusalɛm nɩaa hɔŋ sɔm. Ba jaŋ yɩyɩrɛ tabal-la: La TƖƖNA nɛ ŋaa la kɛŋ tʋɔpʋla.”

JƐRƖMAAYA 33:16 ပူးပေါင်းရင်းမြစ်များ

AZAAYA 45:17

Ama La TƖƖNA jaŋ laa Iziral tɩŋŋaa ta, a laa ba ta a kaa mʋ wuu. Ba bɩ jaŋ dii hɩɩsɩŋ, a kaa mʋ deeŋ deeŋ, hɩɩsɩŋ bɩ jaŋ diiba.

AZAAYA 45:22

Má mɩɩra kɔ mɩ teeŋ dɩ mɩ laama ta, ma nɩalɩŋ kala sɩ hɛ dʋnɩa lɛ, bɛɛ wɩaa, mɩ dʋndʋŋa nɛ Wɩa, Wɩa dɔŋ bɩra tuo.

JƐRƖMAAYA 23:5

La TƖƖNA sɩ, “Tapʋlaa ka kɔ nɛ, dɩ mɩ lɩɩsɛ tʋɔpʋl Tɩɩna Devit doho nɩaa tʋɔŋ, ʋ jaŋ ŋaa kuoru sɩ jaŋ beŋ ʋ nɩaa arɩ wʋjɩmɩŋ. Ʋ jaŋ kɛŋ wʋtɩtɩɩ, a ŋaa wɩaa ba bʋa lɛ tintee-la lɛ.

JƐRƖMAAYA 23:6

Ʋ kuoruŋ bʋa lɛ, ʋ jaŋ laa Juda nɩaa ta, dɩ Iziral nɩaa ma hɔŋ sɔm. Yɩrɩ-la ba sɩ jaŋ yɩyɩrʋ nɛ: La TƖƖNA nɛ ŋaa la kɛŋ tʋɔpʋla koo La TƖƖNA nɛ laala ta arɩ wʋtɩtɩɩ.”

JƐRƖMAAYA 30:10

Ŋɩɩ wɩaa, má sɩ́ fawʋllʋŋ fá, mɩ tɩntɩnna Jekɔb doho nɩaa. Iziral tɩmma, má sɩ́ leŋe dɩ ma niiree maa. Mɩ-na ma TƖƖNA nɛ bʋla. Mɩ jaŋ sɛnɛ laama ta tintee-bolii-la ma sɩ hɛ lɛ a kɛmma kɔ dɩa. Mɩ jaŋ laa ma doho nɩalɩŋ sɩ hɛ yoŋ-baga lɛ ta. Iziral tinteeŋ jaŋ bɩra kɛŋ fɩɛlɩŋ dɩ ba hɔŋ sɔm, nʋʋkala bɩ jaŋ ŋaa dɩ fawʋllʋŋ kɛmba.

JƐRƖMAAYA 32:37

Mɩ jaŋ sɛnɛ kɛsɛba hɛ dɔŋɔ lɛ a kaa lɩɩ tinteye-la kala lɛ mɩ sɩ chaasa na baanɩŋ mɩ yaraa hosi mɩ kiriba hɛ lɛ. Mɩ jaŋ kɛmba mɩɩra kɔ leriŋ deeŋ dɩ ba hɔŋ sɔm.

JƐRƖMAAYA 50:7

Nʋʋ na-kala sɩ naba yie kpʋba nɛ. Ba dʋndɔŋŋɔɔ sɩ, ‘La bɩ cheeriŋ kɛnɛ, bɛɛ wɩaa ba ŋaa wʋbɔŋ nɛ ba TƖƖNA teeŋ, Nɩɩ-la sɩɩ pɩba kʋdiilee. La TƖƖNA lɛ nɛ ba nyɩmmaba fa joŋ ba yɩɛlaa hɛ.’

ƐZƖKƖƐL 28:26

Ba jaŋ hɔŋ nɩmɛ, wɩɩkala bɩ baa walɩmɛ, a saa dɩɩsɩŋ a pɛrɛ girep tɩɩsɩŋ bagɩsɩŋ. Mɩ jaŋ dɔgɩsɛ nɩalɩŋ kala sɩ hɔnɔ kpagɛba a bene gʋʋnɛba. Iziral tɩŋŋaa jaŋ hɔŋ sɔm, ŋɩɩ nɛ ba jaŋ jɩŋ arɩ mɩ nɛ ba TƖƖNA.”

ƐZƖKƖƐL 38:8

Dɩ jɩ-daŋ nɛ kʋ bal, mɩ jaŋ leŋ dɩ ŋ mʋ yuo tintee kʋbala nɩaa sɩ yuo laalɩŋ aŋ lɛɛlɛ fɩɛla hɔŋ. Ba kɛmba kaa lɩɩ tintee daŋ nɛ a mɩɩra kɔ Iziral tinteeŋ. Ŋ jaŋ mʋ yuo Iziral tintee-la, lee-la fa sɩ pɩŋ hoi a dieni. Ama lɛɛlɛ ʋ nɩaa hɔŋ ʋ lɛ nɛ, wɩɩkala bɩ baa walɩmɛ.

ƐZƖKƖƐL 48:35

Kɛrɛ-la sɩ golli tabal-la chu, ʋ duomuŋ kala jaŋ ŋaa naakieliŋ bʋɩ nibi, a chɩŋ bʋa-la lɛ a kaa mʋ tabal-la yɩrɩŋ jaŋ ŋaa ‘LA TƖƖNA HƐ DƖMƐ.’ ”

DANƖƐL 9:7

La TƖƖNA, ŋ ŋaa tʋɔpʋl Tɩɩna nɛ, ama jɩnɩŋ hɩɩsɩŋ kɛŋ la Juda nɩaa arɩ Jerusalɛm nɩaa arɩ Iziral tɩŋŋaa kala nɛ, nɩalɩŋ sɩ kpaga arɩ nɩalɩŋ kala sɩ hɛ dɩ-boloo, tinteye-la lɛ ŋ sɩ kɛnla pɩsa hɛ a tɩŋ la sɩ bɩ wʋtɩtɩɩ kɛnɛ ŋ teeŋ wɩaa.

Rom Tɩŋŋaa 11:26

Ŋ-la lɛ nɛ Wɩa jaŋ to a laa Iziral tɩŋŋaa kala ta. Ba ŋmʋnsɛ ŋɩɩ nɛ Wɩa teniŋ tʋɔŋ. Ba sɩ, “La Laataara jaŋ lɩɩ Zaayɔŋ. Ʋ jaŋ kiri wʋbɔŋŋɔɔ kala Jekɔb doho nɩaa tʋɔŋ.”

1 Kɔrɩntɩ Nɩaa 1:30

Ama Wɩa leŋe ma to Kirisito Yesu lɛ nɛ a kɛŋ mɩɩsɩŋ. Wɩa saa leŋe Kirisito nɛ ŋaa la wʋjɩmɩŋ. A tɩŋ ʋ wɩaa Wɩa laala ta nɛ, la kʋ ŋaa tʋɔpʋl tɩmma ʋ teeŋ, a ŋaa nɩalɩŋ sɩ bɩ disiniŋ kɛnɛ.

2 Kɔrɩntɩ Nɩaa 5:21

Kirisito fa bɩ wʋbɔŋ kɛnɛ, ama a tɩŋ la wɩaa, Wɩa leŋe ʋ sʋʋ a nagɛ wʋbɔŋ ŋaarʋ. Wɩa ŋaa ŋɩɩ dɩ la wuo to Kirisito lɛ nɛ a kɛŋ tʋɔpʋla ʋ teeŋ.

MOSIS BƖRA WULLI WƖA WOMBIIŊ 33:12

Bɛnjamɩŋ doho ma lɛ ŋ-la nɛ ʋ bʋl: “Nɩalɩŋ La TƖƖNA sɩ cho nɛ ŋ-la a leŋ ba hɔŋ sɔm. Ʋ hɛ ba teeŋ nɛ bʋa na-kala lɛ a pʋpɔba.”

MOSIS BƖRA WULLI WƖA WOMBIIŊ 33:28

Iziral tɩŋŋaa jaŋ hɔŋ tintee-la sɩ kɛŋ fɩɛlɩŋ lɛ, tintee-la duoŋ-zɔmʋŋ sɩ jaŋ nɩɩ, dɩ kʋdiilee arɩ tɩɩnɛnɛɛ sɩnɩŋ hɛ nɩmɛ.

Fɩlɩpa Nɩaa 3:9

dɩ mɩ dɩ Kirisito kala ŋaa kʋbala. Tʋɔpʋla-la mɩ sɩ kɛnɛ, ʋ bɩ mɩ tɩtɩa lɛ lɩa, ʋ saa bɩra bɩ Juu tɩŋŋaa naabalɩmaba wombiiŋ ma lɛ lɩa. Ama lɛɛlɛ mɩ sɩ laa Kirisito wɩaa dii, ŋɩɩ nɛ tɩɩ mɩ kɛŋ tʋɔpʋla ʋ teeŋ. Tʋɔpʋla deeŋ-na lɩɩ Wɩa teeŋ nɛ, ʋ joŋu pɩ nʋʋkala sɩ laa ʋ wɩaa dii nɛ.

2 Pɩɩta 1:1

Mɩ-na Saamɔŋ Pɩɩta nɛ ŋmʋnsɛ teniŋ deeŋ pɩpɩma. Mɩ ŋaa Yesu Kirisito tɩntɩnnʋ nɛ a ŋaa ʋ nanzɔɔ ma. Mɩ ŋmʋnsɛ teniŋ deeŋ pɩpɩ ma nɩalɩŋ ma sɩ laa Yesu Kirisito wɩaa dii arɩ la ma sɩ laa ʋ wɩaa dii ŋɩɩ. La dɩ ma kala ŋaa tʋɔpʋl tɩmma nɛ a tɩŋ Wɩa arɩ la Laataara Yesu Kirisito wɩaa.