JƐRƖMAAYA 32:8 - WƖA TENIŊ

⁸ La TƖƖNA sɩ bʋl ŋɩɩ, mɩ naambie Hanamɛl kɔ mɩ teeŋ, nɩalɩŋ sɩɩ pɔ leriŋ kaala-la tʋɔŋ a bʋl, “Laa mɩ ŋmaŋkaa-la sɩ hɛ Anatɔf lɛ Bɛnjamɩŋ tinteeŋ a yɔɔ. Ŋ nɛ kɛŋ wombiiŋ dɩ ŋ wuo bilu, yɔɔ dɩ ʋ ŋaa ŋ kʋŋ.” Ŋɩɩ nɛ mɩ jɩŋ arɩ La TƖƖNA nɛ bʋl wɩɩŋ deeŋ.

JƐRƖMAAYA 32:8 ပူးပေါင်းရင်းမြစ်များ

1 KUOROO 2:26

aŋ bʋla pɩ Abɩata ma sɩ ŋaa Wɩɩsʋllɩ sɩpaalaara, “Mɩɩra mʋ ŋ jaŋ Anatɔf. Ʋ fa maga dɩ mɩ kpʋŋ nɛ, ama mɩ bɩ jaŋ kpʋŋ a tɩŋ ŋ sɩ chʋŋ La TƖƖNA Wɩɩjarɩbakɔ niiriŋ daga-la mɩ nyɩmma Devit sɩpaaŋ, a pɛ na hɛɛ-la ma mɩ nyɩmma sɩ na wɩaa.”

1 KUOROO 22:25

Mɩkaaya bʋl, “Tapʋlɩɩ-la ŋ jaŋ kɛŋ ŋ tɩtɩa jʋʋ faa dɩa sɩpaaŋ, ŋɩɩ nɛ ŋ jaŋ jɩŋ arɩ mɩ bʋl wʋtɩtɩɩ.”

1 IZIRAL TƖŊŊAA NAABARƖŊ 6:60

Bɛnjamɩŋ doho nɩaa ma tinteeŋ lɛ ba joŋ tasɩŋ deemba nɛ pɩba: Geba, Alɛmɛf arɩ Anatɔf a pɛ ba pʋsʋŋ dɩ-diilee lɛ. Tasɩŋ fii arɩ batori nɛ ba joŋo pɩ Arɔŋ doho nɩaa.

JƐRƖMAAYA 1:1

Wɩalɩŋ Hɩlɩkaaya nanʋala Jɛrɩmaaya sɩ bʋla nɛ ŋ-la. Ʋ fa ŋaa Wɩɩsʋllɩ sɩpaalaaraa dɔŋɔ nɛ, a lɩɩ taŋ-la ba sɩɩ yɩrɛ Anatɔf sɩ hɛ Bɛnjamɩŋ tinteeŋ lɛ.

JƐRƖMAAYA 32:2

Bʋa-la lɛ, dɩ Babɩlɔŋ kuoro laalɩyuoroo kʋʋ yuo Jerusalɛm a gollu chu, ka ba kɛŋ Wɩa wʋlaabʋlla Jɛrɩmaaya ma tɔ hɛ laalɩyuoro-la sɩɩ pɔ kuoro kaala lɛ, Juda tinteeŋ kuoru dɩa lɛ.

JƐRƖMAAYA 32:25

Ŋ sɩ jaŋ joŋ tabal-la a hɛ Babɩlɔŋ tɩŋŋaa nɩsɩŋ lɛ ma, ŋ-na La TƖƖNA Wɩɩjarɩbakɔ ha bʋla pɩmɛ, ‘Joŋ warɩpʋla a yɔɔ tintee-la, aŋ leŋ dɩ nɩaa ŋaa pɛ-naaraa.’ ”

JƐRƖMAAYA 32:7

“Ŋ nyɩmbie Salum nanʋala Hanamɛl jaŋ kɔ ŋ teeŋ a bʋl, ‘Laa mɩ ŋmaŋkaa-la sɩ hɛ Anatɔf lɛ a yɔɔ, bɛɛ wɩaa ŋ nɛ ŋaa mɩ naambile sɩ tɩgɛ mɩ lɛ a jaŋ dii mɩ dʋa dɩ mɩ nɛ tuo. Ŋ nɛ kɛŋ wombiiŋ dɩ ŋ yɔbʋ.’ ”

JƐRƖMAAYA 33:1

Jɛrɩmaaya fa ha sɩ hɛ nɩalɩŋ sɩɩ pɔ leriŋ kaala-la lɛ ba sɩ kɛnʋ tɔ hɛ, ŋɩɩ nɛ La TƖƖNA bʋl wɩaa pʋ lɩamɩŋ lɛ:

JƐRƖMAAYA 37:12

Jɛrɩmaaya suomo lɩɩ tabal-la lɛ dɩ ʋ mʋ Bɛnjamɩŋ tinteeŋ a laa ʋ tinteeŋ kpaalɩŋ nɩalɩŋ sɩ hɛ nɩmɛ tʋɔŋ.

ƐZƖKƖƐL 12:7

Ŋɩɩ nɛ mɩ ŋaa wɩalɩŋ kala La TƖƖNA fa sɩ sɩ mɩ ŋaa. Wɩɩhɛyɛ mɩ paa mɩ kɩaa kʋ lɩɩ dɩ mɩ mʋ yoŋ-baga. Dɩdaanɩŋ mɩ ta jeeŋ luri a paa mɩ kɩaa baasɛ a lɩɩ sɩɩ-dɩsaa ka ba bibeŋ.

ZƐKARƖYA 11:11

Mɩ chei nii-la nɛ tapʋlɩɩ-la. Nɩalɩŋ sɩɩ na hɛɛŋ ba tʋɔŋ fa sɩɩ bemmi jɩma arɩ La TƖƖNA niiŋ wɩaa nɛ.

Jɔɔŋ 4:53

Bile nyɩmma jɩŋ arɩ bʋa-la lɛ nɛ Yesu bʋla pʋ arɩ ʋ bie kɛŋ mɩɩsɩŋ nɛ. Ŋɩɩ nɛ ʋ dɩ ʋ dɩa nɩaa kala laa ʋ wɩaa dii.