JƐRƖMAAYA 32:5 - WƖA TENIŊ

⁵ Ʋ jaŋ kɛŋ Zedikaaya mʋ Babɩlɔŋ tinteeŋ, dɩ ʋ hɛ nɩmɛ a mʋ yi bʋa-la lɛ mɩ sɩ dɔgʋsʋ woruŋ. Dɩ ma nɛ yuo Babɩlɔŋ tɩŋŋaa, ma bɩ jaŋ wuo yuo diiba.’ ” Mɩ-na ma TƖƖNA nɛ bʋla.

JƐRƖMAAYA 32:5 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 13:12

Wɩa hɛ la teeŋ nɛ, ʋ nɛ ŋaa la sɩpaalaara. Ʋ Wɩɩsʋllɩ sɩpaalaaraa jaŋ ŋmʋʋ ba banyilliŋ a yɩrɛ laalɩŋ hɛ ma lɛ. Iziral tɩŋŋaa, má sɩ́ La TƖƖNA, ma nyɩmmaba Wɩa kaa yuo yuosuŋ, bɛɛ wɩaa ma bɩ jaŋ wuo yuo dii.”

2 IZIRAL TƖŊŊAA NAABARƖŊ 24:20

Ŋɩɩ nɛ Wɩa Dɩma kʋ jʋʋ Zɛkarɩya sɩ ŋaa Jehoyada, Wɩɩsʋllɩ sɩpaalaara nanʋala. Ʋ chɩŋ nɩalɩŋ sɩpaaŋ a bʋla pɩba, “Wɩɩ-la Wɩa sɩ bʋla nɛ ŋ-la: ‘Bɛɛ nɛ tɩɩ ma vɩa wɩalɩŋ La TƖƖNA sɩ daga? Wɩɩkala bɩ jaŋ vɛŋ woruŋ a pɩma. Ma sɩ vɩa La TƖƖNA ŋɩɩ, ʋ ma vɩama nɛ.’ ”

NAMAGABA 21:30

Ŋ cho ŋ kɛŋ wʋjɩmɩŋ koo ŋ jɩŋ wɩaa sɩaa koo a bɩbɩɩnɛ wɩaa woruŋ ɛɛ kala, ŋɩɩ bɩ jaŋ wuo leŋ dɩ ŋ chɩŋ La Tɩɩna sɩpaaŋ.

JƐRƖMAAYA 2:37

Ma jaŋ paa ma nɩsaa chʋŋ ma nyuŋ lɛ a lɩɩ tinteeŋ lɛ, bɛɛ wɩaa mɩ-na ma TƖƖNA vɩa nɩalɩŋ lɛ ma sɩ joŋ ma yɩɛlaa hɛ nɛ. Ba bɩ jaŋ pɛ ma lɛ.”

JƐRƖMAAYA 27:22

‘Ba jaŋ paaba kaa mʋ Babɩlɔŋ, dɩ ba hɛ nɩmɛ a mʋ yi tapʋlɩɩ-la mɩ sɩ jaŋ kʋ paaba. Mɩ-na ma TƖƖNA nɛ bʋla. Mɩ jaŋ paaba, a mɩɩra kɛmba kʋ bil leriŋ deeŋ.’ ”

JƐRƖMAAYA 32:24

Bee na ŋɩɩ ba sɩ saa vaŋkumba dɩ ba yuo dii tabal-la. A tɩŋ laalɩŋ, losuŋ arɩ nyanyalɩŋ wɩaa, tabal-la jaŋ jʋʋ Babɩlɔŋ tɩmma-la sɩɩ yuou nɩsɩŋ. Wɩɩ-la ŋ sɩ bʋla sɛnɛ ŋaa nɛ, ʋ nɛ ŋ nɩna ŋɩɩ lɛɛlɛ.

JƐRƖMAAYA 32:6

La TƖƖNA bʋla pɩ mɩ-na Jɛrɩmaaya,

JƐRƖMAAYA 33:5

bʋa-la lɛ Babɩlɔŋ tɩŋŋaa sɩ yuo diiba nɛ ŋ-la: Dɩɩsɩ-la jaŋ su arɩ sʋʋnʋŋ nɩalɩŋ mɩ sɩ jaŋ faasa na baanɩŋ a kpʋ. Mɩ jaŋ lɩɩsɛ mɩ sɩaa tabalɩŋ deeŋ lɛ a tɩŋ wʋbɔmɔ-la kala ba sɩ ŋaa wɩaa.

JƐRƖMAAYA 37:10

Dɩ ma nɛ fa paala yuo dii Babɩlɔŋ tɩŋŋaa laalɩyuoroo kala sɩɩ yuoma ma, aŋ ka ba nɩalɩŋ sɩ bolimo dʋndʋŋa ma ba lɛŋŋɛɛ lɛ, ba jaŋ wuo kʋ lɩɩ a nyɩgɛ tabalɩŋ deeŋ dɩ ʋ dii tel.”

JƐRƖMAAYA 39:4

Juda tinteeŋ kuoro Zedikaaya arɩ laalɩyuoro-la kala sɩ naba, ba fá lɩɩ tabal-la lɛ tɩtaŋɩŋ. Ba to wombii-la sɩ hɛ kuoro gaarɩŋ lɛ nɛ a mʋ to boi-baal-la sɩ hɛ jebie-la balɩa pɛgɛ a to Araba dɩɩrɩŋ a mʋ.

JƐRƖMAAYA 39:5

Ama Babɩlɔŋ laalɩyuoro-la kire to ba harɩŋ a mʋ kɛŋ Zedikaaya Jeriko tintee-taalɩŋ lɛ. Ba kɛnʋ a kaa mʋ Babɩlɔŋ kuoro Nebukadineza teeŋ Rɩbɩla sɩ hɛ Hamaf tinteeŋ lɛ. Ʋ diiu sarɩya a joŋ cheeriŋ pʋ.

JƐRƖMAAYA 39:7

Ŋɩɩ nɛ ʋ leŋ ba kɔrɩgɔ chaarɛ Zedikaaya ma sɩaa, aŋ hɛʋ kɔlɩɩŋ chɔrʋmɔɔ a kɛnʋ mʋ Babɩlɔŋ.

JEMBIEE 1:14

Ʋ vɔɔ mɩ wʋbɔŋŋɔɔ mɛrɛ daaŋ lɛ nɛ. Ʋ pɩɩnɛba hɛ dɔŋɔ a nagɛ ŋmɛnɩŋ nɛ. Ba nɛ ʋ joŋo hɛ mɩ baŋŋaa, mɩ bɩra bɩ dol kala kɛnɛ. La TƖƖNA jommi hɛ nɩalɩŋ sɩ dolie kɩɩmɛ nɩsɩŋ lɛ nɛ.

ƐZƖKƖƐL 12:12

Jerusalɛm sɩpaalaara jaŋ paa ʋ kɩaa baasɛ a lɩɩ sɩɩ-dɩsaa, ba jaŋ ta jeeŋ luro pʋ dɩ ʋ to nɩmɛ lɩɩ. Ʋ jaŋ tɔ ʋ sɩaa dɩ ʋ sɩ́ tintee-la lɛ ʋ sɩɩ lɩɩ na.

ƐZƖKƖƐL 12:13

Mɩ jaŋ yuo mɩ jóŋ a kɛnʋ, mɩ jaŋ kɛnʋ mʋ Babɩlɔŋ, Chalɩdɩ tɩŋŋaa tinteeŋ. Ʋ bɩ jaŋ na lee-la, ama nɩmɛ nɛ ʋ jaŋ sʋʋ.

ƐZƖKƖƐL 17:15

Ama Juda kuoro nɩɩ-la kʋ magɛ ŋɩɩ, a vɩa dɩ ʋ to Babɩlɔŋ kuoro niiŋ aŋ tɩŋ nɩaa dɩ ba mʋ Ijipiti tinteeŋ a kɛsɛ janɩŋ arɩ laalɩyuori-daŋ kɔ. Kuoro deeŋ jaŋ wuo na wɩɩ-la ʋ sɩɩ chɛɛ? Ʋ jaŋ wuo fori wɩaa deemba lɛɛ? Ʋ jaŋ wuo chei nii-la ba sɩ pɛ aŋ fori?

NAMBABA 14:41

Ŋɩɩ nɛ Mosis bʋl, “Bɛɛ nɛ tɩɩ ma bɩ chɛ dɩ ma to La TƖƖNA niiŋ? Dɩ ma nɩɩ ŋaa ŋɩɩ, ma bɩ jaŋ na wʋzɔŋ.