JƐRƖMAAYA 32:44 - WƖA TENIŊ

⁴⁴ Nɩaa jaŋ joŋ warɩpʋla a yɔɔ ŋmaŋkaanɩŋ, dɩ ba ŋmʋnsɛ tenniŋ a joŋ neniee, a kɛŋ tenni-la pilime tɔ ka dɩ nɩaa dii ŋaa pɛ-naaraa. Wɩɩŋ deeŋ jaŋ ŋaa Bɛnjamɩŋ tinteeŋ arɩ tabiisi-la sɩ golli Jerusalɛm lɛ. Ʋ jaŋ ŋaa Juda tasɩŋ arɩ tintee-la peelee sɩ yʋga lɛ, a pɛ wɩɩjʋʋlʋŋ dundollu-la sɩ hɛ peelee bʋbʋɔŋ arɩ wɩɩpɔsʋŋ nadiiŋ dɩɩrɩŋ, bɛɛ wɩaa mɩ jaŋ leŋ dɩ ba bɩra mɩɩra kɔ ba tinteeŋ. Mɩ-na ma Tɩɩna nɛ bʋla.”

JƐRƖMAAYA 32:44 ပူးပေါင်းရင်းမြစ်များ

AZAAYA 44:26

Mɩ nɛ leŋe wɩalɩŋ mɩ tɩntɩnna arɩ mɩ tɩndaaraa sɩ bʋla kʋ ŋaa wʋtɩtɩɩba. Mɩ bʋla arɩ nɩaa jaŋ bɩra hɔŋ Jerusalɛm lɛ, ka ba wasa saa Juda tasɩ-la ma sɩ pɩŋ jikpeeŋ.

JƐRƖMAAYA 13:19

Ba jaŋ tɔ tabala-la sɩ hɛ Juda tinteeŋ wɩɩpɔsʋŋ nadiiŋ dɩɩrɩŋ a hɛ, nʋʋkala tuo sɩ jaŋ wuo laaba ta. Ba jaŋ kɛsɛ Juda nɩaa kala a kaa mʋ yoŋ-baga, ba jaŋ kɛsɛ ba kala a kaa viiri.

JƐRƖMAAYA 17:26

Nɩaa jaŋ lɩɩ Juda tasɩŋ arɩ tabiisi-la sɩ golli Jerusalɛm a kɔ. Dɔnsʋŋ ma jaŋ lɩɩ Bɛnjamɩŋ tinteeŋ arɩ wɩɩjʋʋlʋŋ dɩɩrɩŋ dundollu-la sɩ hɛ peelee bʋbʋɔŋ, arɩ wɩɩpɔsʋŋ nadiiŋ tintee-la peelee sɩ yʋga. Ba jaŋ kɛŋ kʋnyɩgaa Wɩɩsʋlʋŋ kɩaa, pʋsʋŋ ma ba sɩ jaŋ kpʋ ŋaa Wɩɩsʋlʋŋ, mɩaa Wɩɩsʋlʋŋ kɩaa, kʋsʋɔrʋsʋŋ arɩ Wɩɩsʋlʋŋ kɩaa ma ba sɩ jaŋ kaa lɔllɛmɛ a kaa kɔ mɩ-na ma TƖƖNA dɩa.

JƐRƖMAAYA 30:18

Wɩɩ-la La TƖƖNA sɩ bʋla nɛ ŋ-la: “Mɩ jaŋ leŋ dɩ mɩ nɩaa Iziral tɩŋŋaa bɩra tɩɩ ba tinteeŋ. Mɩ jaŋ fá ba nenige. Ba jaŋ bɩra paa Jerusalɛm kɛrɩsɩ-la sɩ tele a wasa saa, dɩ kuoru dɩa-la wasa chɩŋ ʋ dɩchɩnɩŋ.

JƐRƖMAAYA 30:3

Tapʋlaa ka kɔ nɛ, mɩ-na ma TƖƖNA jaŋ kɛŋ mɩ nɩaa Iziral tɩŋŋaa arɩ Juda nɩaa mɩɩra lɩɩ yoŋ-baga kɔ, a bɩra leŋ dɩ ba hɔŋ tintee-la mɩ sɩ joŋo pɩ ba naabalɩmaba ʋ ŋaa ba kʋŋ lɛ. Mɩ-na ma TƖƖNA nɛ bʋla.”

JƐRƖMAAYA 31:23

Wɩɩ-la La TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: “Dɩ mɩ nɛ kɛmba mɩɩra lɩɩ yoŋ-baga kɔ, nɩalɩŋ sɩ hɛ Juda tinteeŋ arɩ ʋ tasɩŋ lɛ jaŋ bɩra kɔ a bʋl wɩaa deemba: ‘La TƖƖNA jaŋ pɛ tʋɔpʋl dɩa deeŋ sɩ chɩŋ peel-la sɩ bɩ disiniŋ kɛnɛ lɛ nyuŋ.’

JƐRƖMAAYA 32:10

Ŋɩɩ nɛ mɩ joŋ mɩ neniiŋ teŋ-la sɩ dagɛ wɩɩ-la mɩ sɩ ŋaa lɛ, aŋ kaa pilime tɔ, a leŋ nʋʋ pɛ na, aŋ joŋ warɩpʋla-la daŋ sanɩa lɛ a magɩsɛ.

JƐRƖMAAYA 32:37

Mɩ jaŋ sɛnɛ kɛsɛba hɛ dɔŋɔ lɛ a kaa lɩɩ tinteye-la kala lɛ mɩ sɩ chaasa na baanɩŋ mɩ yaraa hosi mɩ kiriba hɛ lɛ. Mɩ jaŋ kɛmba mɩɩra kɔ leriŋ deeŋ dɩ ba hɔŋ sɔm.

JƐRƖMAAYA 33:11

tʋɔtɔrɛ goŋ nɩmɛ. Ha-falaa arɩ ba balaba jaŋ bɩra ŋaa goŋ, dɩ nɩalɩŋ ma sɩ kɛŋ Wɩɩsʋlʋŋ kɩaa kɔ mɩ-na ma TƖƖNA dɩa dɩ ba lɔllɛmɛ bʋl, ‘Má lɔllɛ La TƖƖNA doluŋ kala Tɩɩna, bɛɛ wɩaa ʋ wɩaa zɔmɔ ʋ chonuŋ bɩ dɛrɛ.’ Mɩ jaŋ leŋ dɩ tinteeŋ deeŋ bɩra kɛŋ dʋa arɩ ʋ fa sɩ nagɛ ŋɩɩ. Mɩ-na ma TƖƖNA nɛ bʋla.”

JƐRƖMAAYA 33:13

Tintee-la peelee sɩ yʋga tasɩŋ lɛ, wɩɩjʋʋlʋŋ dɩɩrɩŋ dundollu-la sɩ hɛ peelee bʋbʋɔŋ arɩ wɩɩpɔsʋŋ nadiiŋ, Bɛnjamɩŋ tinteeŋ lɛ, tabiisi-la sɩ golli Jerusalɛm arɩ Juda tasɩŋ lɛ, pie-daaraa jaŋ bɩra daa ba piesee. Mɩ-na ma TƖƖNA nɛ bʋla.”

JƐRƖMAAYA 33:26

ŋɩɩ-na mɩ fa jaŋ vɩa Jekɔb doho nɩaa arɩ mɩ tɩntɩnna Devit, a bɩ jaŋ lɩɩsɛ ʋ hambolibiisiŋ dɔŋɔ dɩ ʋ beŋ Abɩraham, Aɩzɩk arɩ Jekɔb doho nɩaa. Mɩ jaŋ leŋ dɩ ba bɩra mɩɩra kɔ ba tinteeŋ a fá ba nenige.”

JƐRƖMAAYA 33:7

Mɩ jaŋ kɛŋ Juda arɩ Iziral nɩaa mɩɩra lɩɩ yoŋ-baga-la ba sɩ yuo kɛsɛba mʋ a kɔ, a leŋ dɩ ba chɩŋ a nagɛ ŋɩɩ ba fa sɩ naga.

OBADAAYA 1:19

Nɛgɛf nɩaa jaŋ laa Ɛsɔ tinteeŋ tɩɩ, dɩ nɩalɩŋ sɩ hɛ dundollu-la sɩ hɛ peeliŋ bʋbʋɔŋ ma laa Fɩlɩsɩtɩa nɩaa tinteeŋ. Ba jaŋ laa Efirem arɩ Samarɩa tinteeŋ, ka dɩ Bɛnjamɩŋ ma tɩɩ Gɩlɩad tinteeŋ.

OBADAAYA 1:20

Iziral tɩmma-la sɩ mʋ yoŋ-baga jaŋ mɩɩra kɔ ba tinteeŋ, a laa tintee-la kala a kaa mʋ yi Zarɛfaf tinteeŋ. Jerusalɛm nɩalɩŋ ba sɩ kaa mʋ yoŋ-baga sɩ kʋ hɛ Sɛfarad tinteeŋ lɛ jaŋ laa Nɛgɛf tasɩŋ kala tɩɩ.

ZEFANAAYA 2:7

Juda nɩkaanaa nɛ jaŋ hɔŋ tintee-la lɛ, nɩmɛ nɛ ba pʋsʋŋ jaŋ didii yaŋ. Dɩdaanɩŋ ba jaŋ pɩŋ Asɩkɛlɔŋ tɩmma-la dɩɩsɩŋ lɛ. Ba TƖƖNA Wɩa jaŋ beŋ ba nyuŋ, ʋ jaŋ leŋ dɩ ba bɩra dʋa.

ZƐKARƖYA 7:7

Wɩɩ-la tɩtɩa mɩ-na ma TƖƖNA sɩ to mɩ wʋlaabʋlla-la sɩ laa sɩpaaŋ kɔ, bʋa-la lɛ Jerusalɛm arɩ ʋ tasɩ-la sɩ gollu fa sɩ kɛŋ nɩaa yʋgɛ ba hɔŋ sɔm a kɛŋ dʋa, a pɛ wɩɩpɔsʋŋ nadiiŋ dɩɩrɩŋ arɩ wɩɩjʋʋlʋŋ dɩɩrɩŋ dundollu-la sɩ hɛ peelee bʋbʋɔŋ a bʋl nɛ ŋɩɩ.”