JƐRƖMAAYA 32:41 - WƖA TENIŊ

⁴¹ Mɩ jaŋ jʋjʋɔsɛ dɩ mɩ nɛ ŋaa wʋzɔŋŋɔɔ pɩba, aŋ sɛnɛ kɛŋ mɩ tʋɔŋ arɩ mɩ wɩɩkala a leŋ dɩ ba hɔŋ tinteeŋ deeŋ lɛ.”

JƐRƖMAAYA 32:41 ပူးပေါင်းရင်းမြစ်များ

WƖA YƖƖLAA 80:8

La nagɛ girep tɩa nɛ, ŋ kɛnla kaa lɩɩ Ijipiti tinteeŋ lɛ. Ŋ kiri tinteyee dɔnsʋŋ nɩaa nɛ aŋ jonla chɔnsɛ.

AZAAYA 60:21

Ŋ nɩaa kala jaŋ ŋaa tʋɔpʋl tɩmma, ba jaŋ tɩɩ tintee-la a kaa mʋ wuu. Ba nagɛ tɩɩsɩŋ mɩ sɩ chɔnsɔ nɛ, mɩ tɩntɩmɩŋ nɛ ŋɩɩ dɩ mɩ dagɛ mɩ doluŋ.

AZAAYA 62:4

Ba bɩra bɩ jaŋ yɩrɩŋ kʋvɩataalɩɩ. Ba bɩra bɩ jaŋ yɩrɛ ŋ tinteeŋ jikpeeŋ. Ama ba jaŋ yɩyɩrɩŋ: ‘Hefiziba’. (Ʋ bʋbʋɔŋ nɛ: Wɩa choŋ nɛ.) Ŋ tinteeŋ ma yɩrɩŋ jaŋ ŋaa: ‘Bewula’. (Ʋ bʋbʋɔŋ nɛ: bala tɩɩna). La TƖƖNA tʋɔŋ jaŋ tɔrɛ ŋ nyuŋ, a kɛŋ ŋ tinteeŋ ma woruŋ a nagɛ baala sɩ kɛŋ ʋ haala woruŋ.

AZAAYA 62:5

A nagɛ bapʋɔsʋŋ sɩ yie jaa hatolo ŋɩɩ, ŋɩɩ tɩtɩa nɛ ŋ biiriŋ jaŋ kʋ laa ŋ tinteeŋ a tɩɩ. Wɩa tʋɔŋ jaŋ tɔrɛ ŋ nyuŋ a nagɛ baala tʋɔŋ sɩ yie tɔrɛ ʋ ha-falɩŋ nyuŋ ŋɩɩ.

AZAAYA 65:19

Mɩ tʋɔŋ jaŋ tɔrɛ Jerusalɛm lɛ, mɩ tʋɔŋ jaŋ tɔrɛ mɩ nɩaa nyuŋ. Nɩaa bɩra bɩ jaŋ nɩɩ dɩ baa ŋmoo niiŋ koo a yiyel nɩmɛ.

JƐRƖMAAYA 18:9

Dɩ bʋa dɔŋɔ ma lɛ nɛ dɩ mɩ bʋl arɩ ba saa tintee koo kuori-gentine a leŋ dɩ ʋ chɩŋ woruŋ,

JƐRƖMAAYA 24:6

Mɩ jaŋ beŋ ba nyuŋ dɩ wɩaa zɔmɔ pɩba, a kɛmba mɩɩra kɔ tinteeŋ deeŋ. Mɩ jaŋ leŋ dɩ ba chɩŋ, mɩ bɩ jaŋ leŋ dɩ ba tel. Mɩ jaŋ leŋ dɩ ba naapoloo jʋʋ tinteeŋ, mɩ bɩ jaŋ churiba.

JƐRƖMAAYA 31:28

Mɩ fa sɩ beŋ ba nyuŋ a kɛmba churi ŋɩɩ, a yigiba lo, a cheiba, a lɛrɛ wʋlɔrʋŋ kʋ hɛ ba lɛ, ŋɩɩ tɩtɩa nɛ mɩ jaŋ bɩra beŋ ba nyuŋ dɩ ba wasa hɔŋ a leŋ dɩ ba chɩŋ woruŋ. Mɩ-na ma TƖƖNA nɛ bʋla.

ƐZƖKƖƐL 36:36

Ŋɩɩ nɛ tinteye-la ha sɩ ka a gollima jaŋ jɩŋ arɩ mɩ-na ma TƖƖNA nɛ wasa paa tasɩ-la ba fa sɩ cheye saa, a pɛrɛ baga-la fa sɩ pɩŋ hoi. Mɩ-na ma TƖƖNA nɛ bʋla, mɩ jaŋ ŋaa wɩɩ-la mɩ sɩ bʋla.”

HOSIA 14:5

Mɩ jaŋ nagɛ nyalɩŋ a nyala hɛ Iziral tɩŋŋaa lɛ. Ʋ jaŋ fɩɩlɛ a nagɛ tɩa sɩ fɩɩla. Ʋ jaŋ nagɛ kuolo sɩ hɛ Lɛbanɔŋ lɛ, ʋ naapoloo tuu tinteeŋ,

AMƆS 9:15

Mɩ jaŋ leŋ dɩ Iziral tɩŋŋaa naapoloo chaasa jʋʋ tintee-la mɩ sɩ joŋo pɩba. Nʋʋkala bɩra bɩ jaŋ wuo churiba a kaa mʋ wuu. Mɩ-na ma Tɩɩna Wɩa nɛ bʋla.”

MƖKA 7:18

Wɩa, nʋʋkala tuo a nagɩŋ, ŋ nɛ nɩɩ-la sɩ joŋ ŋ nɩalɩŋ sɩ ka a bɩ sʋba wʋcheelee arɩ ba wʋbɔŋŋɔɔ a chɛba. Ŋ bɩ baanɩŋ na didieni, ŋ cho nɩaa nenige fanɩŋ nɛ.

ZEFANAAYA 3:17

Ma TƖƖNA Wɩa hɛ ma teeŋ nɛ, ʋ kɛŋ doluŋ nɛ dɩ ʋ laama ta. Ʋ tʋɔŋ jaŋ faasa tɔrɛ ma nyuŋ, ʋ chonuŋ jaŋ leŋ dɩ ma hɔŋ sɔm, dɩ ʋ yɩɩ tʋɔtɔrɛ yɩɩlaa a jʋɔsɛ ma wɩaa.”

MOSIS BƖRA WULLI WƖA WOMBIIŊ 28:63

La TƖƖNA tʋɔŋ sɩ tɔrɔ ʋ ŋaa ma pʋŋ a kɛŋ dʋa ŋɩɩ, ŋɩɩ tɩtɩa nɛ ʋ tʋɔŋ jaŋ tɔrɛ dɩ ʋ cheima. Ba jaŋ kirima tintee-la ma sɩɩ jʋʋ dɩ ma tɩɩ lɛ.

MOSIS BƖRA WULLI WƖA WOMBIIŊ 30:9

Ŋɩɩ nɛ ma TƖƖNA Wɩa jaŋ leŋ dɩ ma dʋa woruŋ wɩɩ na-kala ma sɩɩ ŋaa lɛ. Ʋ jaŋ leŋ dɩ ma pʋŋ, dɩ ma pʋsʋŋ ma pʋŋ a yʋgɛ, dɩ kʋdiilee ma pʋrɩgɛ ma tinteeŋ lɛ. Ma TƖƖNA tʋɔŋ bɩra jaŋ tɔrɛ ma nyuŋ woruŋ dɩ ʋ leŋ dɩ ma kuori arɩ ʋ fa sɩ ŋaa ŋɩɩ ma naabalɩmaba lɛ.