JƐRƖMAAYA 32:40 - WƖA TENIŊ

⁴⁰ Mɩ jaŋ hɛ niiŋ sɩ bɩ dɩdɛrɩŋ kɛnɛ mɩ dɩ ba pɛgɛ. Mɩ bɩ jaŋ kɔ dɩ mɩ vɩa dɩ mɩ ŋaa wʋzɔŋŋɔɔ a pɩba. Mɩ jaŋ ŋaa dɩ ba fɩfámɛ, dɩ ŋɩɩ leŋ dɩ ba sɩ́ mɩ harɩŋ mɩɩrʋ.

JƐRƖMAAYA 32:40 ပူးပေါင်းရင်းမြစ်များ

2 SAMƲƐL 23:4

kuoru-la nagɛ taŋ sɩ pʋla leriŋ pʋllɛ nɛ, duoŋ-bɩlɩmbaaŋ kala tuo, a bɩra nagɛ duonuŋ sɩ nɩa yaŋ nyʋ.’

WƖA YƖƖLAA 80:19

La Tɩɩna Wɩa doluŋ kala Tɩɩna, kɛnla mɩɩra kɔ, a suri ŋ sɩaa pɩla dɩ la wuo na wiese.

AZAAYA 24:5

Dʋnɩa nɩaa ŋaa tinteeŋ kɛŋ disiniŋ nɛ. Ba chei La TƖƖNA wombie-la ʋ sɩ bile dɩ la tuto nɛ a vɩa wɩalɩŋ ʋ sɩ daga, aŋ ŋaa wɩaa chei nii-la fa sɩ maga ʋ hɛ ʋ dɩ ba pɛgɛ a kaa mʋ wuu.

AZAAYA 55:3

Má jegile nɩɩ woruŋ a kɔ mɩ teeŋ, má nɩɩ woruŋ, ŋɩɩ nɛ ma jaŋ kɛŋ mɩɩsɩŋ. Mɩ jaŋ hɛ nii-la sɩ bɩ jaŋ dɛrɛ mɩ dɩ ma pɛgɛ a choma arɩ wʋtɩtɩɩ a nagɛ ŋɩɩ mɩ fa sɩ cho kuoro Devit.

AZAAYA 61:8

La TƖƖNA sɩ, “Mɩ-na ma TƖƖNA cho wʋtɩtɩɩ nɛ woruŋ, aŋ bɛrɛ gaarɩŋ arɩ wʋbɔŋŋɔɔ ŋaanɩŋ. Mɩ jaŋ tiŋ mɩ nɩaa arɩ tʋɔpʋla aŋ bil nii-la sɩ bɩ dɛrɛ mɩ dɩ ba pɛgɛ.

JƐRƖMAAYA 24:7

Mɩ jaŋ pɩba tʋɔ-la sɩ jaŋ leŋ dɩ ba jɩŋ arɩ mɩ nɛ ba TƖƖNA. Ba jaŋ ŋaa mɩ nɩaa, dɩ mɩ ma ŋaa ba Wɩa, bɛɛ wɩaa ba jaŋ mɩɩra kɔ mɩ teeŋ arɩ ba tʋɔŋ kala.

JƐRƖMAAYA 31:34

Nʋʋkala bɩra bɩ jaŋ dagɛ ʋ dɔŋɔ tɩɩna koo ʋ naambii ŋɩɩ ʋ sɩ jaŋ ŋaa a jɩmmɛ, bɛɛ wɩaa ba kala jaŋ jɩmmɛ, a chɩŋ nɩbiisiŋ lɛ a kaa jɩl nɩbalaa. Mɩ jaŋ joŋ ba wʋbɔŋŋɔɔ chɛba. Mɩ bɩra bɩ jaŋ liliisi ba wʋbɔŋŋɔɔ wɩaa. Mɩ-na ma Tɩɩna nɛ bʋla.”

JƐRƖMAAYA 50:5

Ba jaŋ pɩɛsa chɛ Zaayɔŋ wombiiŋ, a bɩrɩma joŋ ba sɩaa chaasɛ nɩmɛ. Ba jaŋ joŋ ba tɩtɩa mɛrɛ La TƖƖNA lɛ, a hɛ niiŋ sɩ bɩ dɩdɛrɩŋ kɛnɛ ba sɩ bɩ jaŋ yʋ ʋ wɩaa.

ƐZƖKƖƐL 36:26

Mɩ jaŋ pɩma tʋɔ-falɩŋ, a joŋ dɩŋ-falɩŋ ma hɛ ma lɛ. Mɩ jaŋ lɩɩsɛ tʋɔ-dol-la ma sɩ kɛnɛ sɩ nagɛ tabɩɩŋ ta, aŋ pɩma tʋɔ-la sɩ pʋnyɛ.

ƐZƖKƖƐL 36:27

Mɩ jaŋ joŋ mɩ Dɩma a hɛ ma lɛ, a leŋ dɩ ma to mɩ wʋdagaa a fɩɛlɛ ma sɩaa a to wombie-la mɩ sɩ bile dɩ ma tuto.

ƐZƖKƖƐL 37:26

Mɩ jaŋ bil niiŋ mɩ dɩ ba pɛgɛ dɩ fɩɛlɩŋ hɛ ba teeŋ a kaa mʋ wuu. Mɩ jaŋ leŋ dɩ ba chɩŋ, a leŋ dɩ ba nɩaa pʋŋa pɛ. Mɩ dɩɩ-balɩŋ jaŋ hɛ ba tʋɔŋ a kaa mʋ wuu.

ƐZƖKƖƐL 39:29

Mɩ bɩra bɩ jaŋ joŋ harɩŋ yɩa Iziral tɩŋŋaa. Mɩ jaŋ joŋ mɩ Dɩma hɛ ba lɛ. Mɩ-na ma TƖƖNA Wɩɩjarɩbakɔ nɛ bʋla.”

MƖKA 4:5

Tinteyee nɩaa kala kɛŋ ba vesiŋ yɩrɩŋ nɛ vɩvɛŋ. La-na jaŋ kɛŋ La TƖƖNA Wɩa yɩrɩŋ nɛ vɛŋ a kaa mʋ wuu.

MOSIS BƖRA WULLI WƖA WOMBIIŊ 31:6

Má nyɩrɛ bɔyɛ a kɛŋ tʋɔ-doluŋ. Má sɩ́ leŋe dɩ fawʋllʋŋ kɛmma koo ma chichel a tɩŋ ba wɩaa, ma TƖƖNA Wɩa jaŋ hɛ ma teeŋ a kɛmma mʋ. Ʋ bɩ jaŋ kɔ dɩ ʋ vɩama ta koo ʋ lɩɩ ma harɩŋ da.”

MOSIS BƖRA WULLI WƖA WOMBIIŊ 31:8

La TƖƖNA tɩtɩa jaŋ hɛ ŋ teeŋ a laa ŋ sɩpaaŋ. Ʋ bɩ jaŋ kɔ dɩ ʋ vɩaŋ ta koo ʋ lɩɩ ŋ harɩŋ da. Sɩ́ leŋe dɩ fawʋllʋŋ kɛnɩŋ koo dɩ ŋ nandaasɩŋ yʋɔrɛ.”

Hiburu TƖŊŊAA 13:20

A leŋ dɩ Wɩa sɩɩ pɩ nɩaa fɩɛlɩŋ pɛ ma lɛ. Ʋ nɛ chɩsɛ La Tɩɩna Yesu Kirisito sʋʋŋ lɛ. Yesu Kirisito nagɛ pie-daarɩ-duo nɛ aa beŋ ʋ nɩaa nyuŋ woruŋ. Ʋ chalɩŋ nɛ Wɩa kaa bil nii-la sɩ jaŋ hɛ nɩmɛ a kaa mʋ wuu ʋ dɩ ʋ nɩaa pɛgɛ.

Hiburu TƖŊŊAA 4:1

Wɩa fa sɩ bʋla arɩ la jaŋ wuo kɔ ʋ teeŋ a na wiese, ŋɩɩ ha chɩna nɛ. Ŋɩɩ wɩaa má kɛŋ ma tɩtɩa woruŋ dɩ wiese deeŋ sɩ́ ma kʋŋkala lɛ bal.

Hiburu TƖŊŊAA 7:24

Ama Kirisito-na jaŋ ŋaa Wɩɩsʋllɩ sɩpaalaara a kaa mʋ wuu, bɛɛ wɩaa ʋ bɩ sʋʋ.

Jeems 1:17

Kʋzɔŋ-na kala lɩɩ Wɩa teeŋ nɛ. Ʋ nɛ ta kɩalɩŋ kala sɩ hɛ wɩa-nyuŋ lɛ a chaanɛ. Ama dɩ ba nɛ jʋa, birimiŋ yie hɛ nɩmɛ. Wɩa tɩtɩa bɩ ŋɩɩ naga. Ʋ bɩ bɩrɩmɛ.

1 Pɩɩta 1:5

A tɩŋ ma sɩ laa ʋ wɩaa dii ŋɩɩ, Wɩa ka pɔma nɛ arɩ ʋ doluŋ. Dɩ dʋnɩa nɛ kʋ dɩdɛrɛ, ʋ jaŋ dagɛ nɩaa ŋɩɩ ʋ sɩ laama ta.