JƐRƖMAAYA 32:39 - WƖA TENIŊ

³⁹ Mɩ jaŋ leŋ dɩ ba kɛŋ tʋɔ-bala a ŋɩŋaa wʋbala sɩ jaŋ leŋ dɩ ba fɩfámɛ bʋa na-kala, dɩ ŋɩɩ ŋaa wʋzɔŋ a pɩ ba dɩ ba doho nɩaa ba ha sɩ jaŋ lʋl.

JƐRƖMAAYA 32:39 ပူးပေါင်းရင်းမြစ်များ

WƖAA DƖ-SUOMUŊ 17:7

Mɩ jaŋ leŋ dɩ nii-la mɩ sɩ bile mɩ dɩ ŋ doho nɩaa arɩ nɩalɩŋ sɩ jaŋ to ŋ harɩŋ kɔ pɛgɛ, dɩ ʋ chɩŋ kpaŋkpaŋ a kaa mʋ wuu. Mɩ jaŋ ŋaa ŋ dɩ nɩalɩŋ sɩ jaŋ to ŋ harɩŋ kɔ Wɩa.

WƖAA DƖ-SUOMUŊ 18:19

Mɩ nɛ lɩɩsʋ dɩ ʋ dagɛ ʋ biiriŋ arɩ ʋ doho nɩaa sɩ jaŋ to harɩŋ kɔ mɩ wombiiŋ dɩ ba kɛŋ wʋtɩtɩɩ, a ŋɩŋaa wɩaa ba bʋa lɛ, dɩ ŋɩɩ leŋ dɩ mɩ ŋaa wɩɩ-la mɩ sɩ bʋla pɩ Abɩraham arɩ mɩ jaŋ ŋaa pʋ.”

WƖAA DƖ-SUOMUŊ 22:12

Ŋɩɩ nɛ Wɩa tɩndaarʋ-la bʋla pʋ, “Sɩ́ bile wɩɩkala ŋaa. Lɛɛlɛ mɩ jɩma ŋ fá Wɩa nɛ a laaʋ dii, bɛɛ wɩaa ŋ bɩ ʋ nii-la vɩa ʋ sɩ sɩ ŋ kɛŋ ŋ bii-bala-la kpʋ a nyɩga pʋ.”

2 IZIRAL TƖŊŊAA NAABARƖŊ 30:12

Wɩa fa joŋ ʋ nɩsɩŋ daŋ Juda nɩaa ma lɛ nɛ a leŋ ba niiŋ magɛ dɔŋɔ dɩ ba ŋaa wɩɩ-la kuoro arɩ ʋ tɩntɩnnɩ-hɩasɩŋ sɩ bʋla. Ba fa to La TƖƖNA niiŋ nɛ a ŋaa wɩalɩŋ.

WƖA YƖƖLAA 112:1

Má dɛnnɛ La Tɩɩna. Nʋʋ na-kala sɩɩ zil La Tɩɩna tʋɔŋ jaŋ tɔrɛ, nʋʋ na-kala sɩɩ to ʋ niiŋ wɩaa arɩ tʋɔtɔrʋŋ.

WƖA YƖƖLAA 128:6

A leŋ dɩ ŋ mɩɩsɩŋ duomi, dɩ ŋ na ŋ nihee. A leŋ dɩ fɩɛlɩŋ hɛ Iziral tinteeŋ lɛ.

WƖA YƖƖLAA 86:11

La Tɩɩna, dagɛmɛ ŋ wombiiŋ, dɩ mɩ toŋ arɩ wʋtɩtɩɩ. Leŋ dɩ mɩ kɛŋ tʋɔ-bala a fɩfá ŋ-na Wɩa.

NAMAGABA 23:17

Sɩ́ leŋe dɩ ŋ yaraa bibieri wʋbɔŋ ŋaaraa nyuŋ, ama ŋ-na ha cho dɩ ŋ fá La Tɩɩna.

AZAAYA 35:8

Womporuŋ jaŋ pɩŋ nɩmɛ, dɩ ba kɛnʋ yɩyɩrɛ wombii-la sɩ bɩ disiniŋ kɛnɛ. Disiŋ tɩɩna kala bɩ jaŋ vɛŋ ʋ lɛ, see nɩalɩŋ sɩ bɩ disiniŋ kɛnɛ dʋndʋŋa. Nɩyaara-la sɩɩ ŋaa wʋbɔŋŋɔɔ bɩ ʋ lɛ jaŋ vɛŋ.

AZAAYA 52:8

Nɩalɩŋ sɩ pɔ Jerusalɛm kala ka ŋaa goŋ nɛ arɩ tʋɔtɔrʋŋ. Dɩ La TƖƖNA nɛ mɩɩra kɔ Zaayɔŋ, ba jaŋ naʋ arɩ ba sɩɩŋ.

AZAAYA 65:23

Ba bɩ jaŋ lɔlɔ tɩta pɛɩ, koo a lʋl ba biiriŋ dɩ ba cheŋ naabɔmʋŋ. Mɩ-na ma TƖƖNA tɩtɩa nɛ jaŋ pɛ ba dɩ ba doho nɩaa lɛ bʋa na-kala.

JƐRƖMAAYA 24:7

Mɩ jaŋ pɩba tʋɔ-la sɩ jaŋ leŋ dɩ ba jɩŋ arɩ mɩ nɛ ba TƖƖNA. Ba jaŋ ŋaa mɩ nɩaa, dɩ mɩ ma ŋaa ba Wɩa, bɛɛ wɩaa ba jaŋ mɩɩra kɔ mɩ teeŋ arɩ ba tʋɔŋ kala.

JƐRƖMAAYA 31:33

La TƖƖNA bɩra sɩ, “Bʋa-la lɛ nii-la mɩ sɩ jaŋ bil mɩ dɩ Iziral tɩŋŋaa pɛgɛ nɛ ŋ-la: Mɩ jaŋ joŋ wombii-la mɩ sɩ bile dɩ ba tuto wɩaa hɛ ba nyuŋ lɛ, aŋ ŋmʋnsʋ a hɛ ba tʋɔŋ ma lɛ. Mɩ jaŋ ŋaa ba Wɩa, dɩ ba ma ŋaa mɩ nɩaa.

JƐRƖMAAYA 32:40

Mɩ jaŋ hɛ niiŋ sɩ bɩ dɩdɛrɩŋ kɛnɛ mɩ dɩ ba pɛgɛ. Mɩ bɩ jaŋ kɔ dɩ mɩ vɩa dɩ mɩ ŋaa wʋzɔŋŋɔɔ a pɩba. Mɩ jaŋ ŋaa dɩ ba fɩfámɛ, dɩ ŋɩɩ leŋ dɩ ba sɩ́ mɩ harɩŋ mɩɩrʋ.

JƐRƖMAAYA 6:16

Wɩɩ-la La TƖƖNA sɩ bʋla nɛ ŋ-la: “Má chɩŋ wɛŋ-chɛŋŋɛɛ lɛ aŋ beŋ, má pɩɛsa chɛ a jɩŋ wombii-bɩnɩa-la, má pɩɛsa na lee-la wombii-zɔŋ-la sɩ hɛ, a tou, dɩ ma dɩnsɩŋ na wiese. Ama ma sɩ, ‘La bɩ jaŋ tou.’

ƐZƖKƖƐL 36:26

Mɩ jaŋ pɩma tʋɔ-falɩŋ, a joŋ dɩŋ-falɩŋ ma hɛ ma lɛ. Mɩ jaŋ lɩɩsɛ tʋɔ-dol-la ma sɩ kɛnɛ sɩ nagɛ tabɩɩŋ ta, aŋ pɩma tʋɔ-la sɩ pʋnyɛ.

ƐZƖKƖƐL 37:22

Mɩ jaŋ kɛŋ ba kala hɛ dɔŋɔ dɩ ba ŋaa tintee bala nɩaa tintee-la lɛ, Iziral peelee nyuŋ. Ba jaŋ kɛŋ kuoru bala dɩ ʋ bibemba. Ba bɩra bɩ jaŋ pɔrɛ dɔŋɔ lɛ a ŋaa tinteyee balɩa koo a ŋaa kuoru gentisiŋ balɩa.

ƐZƖKƖƐL 37:24

Mɩ tɩntɩnna Devit nɛ jaŋ ŋaa ba kuoro, dɩ ba kala pie-daara ŋaa kʋbala. Ba kala jaŋ tuto wombie-la mɩ sɩ bile dɩ ba tuto, a fɩɛlɛ ba sɩaa a tuto mɩ wʋdagaa ma.

ƐZƖKƖƐL 37:25

Ba jaŋ hɔŋ tintee-la mɩ fa sɩ joŋo pɩ mɩ tɩntɩnna Jekɔb lɛ, lee-la ba naabalɩmaba fa sɩ hɔnɔ. Ba dɩ ba biiriŋ arɩ ba nihee kala jaŋ hɔŋ nɩmɛ a kaa mʋ wuu. Mɩ tɩntɩnna Devit nɛ jaŋ ŋaa ba sɩpaalaara a kaa mʋ wuu.

Jɔɔŋ 14:6

Ŋɩɩ nɛ Yesu bʋla pʋ, “Mɩ nɛ ŋaa wombiiŋ a mʋmʋ Wɩa-jaŋ. Mɩ nɛ bɩra wʋtɩtɩɩ Tɩɩna ma, a bɩraa pɩ nɩaa ma mɩɩsɩŋ. Nʋʋkala bɩ mɩ Nyɩmma teeŋ wuo mʋ, see dɩ ʋ to mɩ lɛ.

Jɔɔŋ 17:21

Mɩ Nyɩmma, mɩɩ sʋlʋŋ dɩ ba kala wuo ŋaa kʋbala, a nagɛ ŋ sɩ hɛ mɩ lɛ mɩ ma hɛ ŋ lɛ ŋɩɩ. Dɩ ŋ nɛ ŋaa ŋɩɩ, dʋnɩa nɩaa jaŋ wuo laa dii arɩ ŋ nɛ tɩmmɛ.

Tɩntɩŋŋaa 13:33

Lɛɛlɛ ʋ ŋaa wɩɩ-la pɩla nɛ, la nɩalɩŋ sɩ ŋaa ba doho nɩaa. Wɩa chɩsɛ Yesu sʋʋŋ lɛ nɛ ʋ kɛŋ mɩɩsɩŋ. Ba fa ŋmʋnsɛ ŋɩɩ nɛ Wɩa teniŋ sɛmɛ dɔŋɔ lɛ ba sɩɩ yɩrɛ Wɩa yɩɩlaa teniŋ tʋɔŋ. Ba ŋmʋnsa a tɩgɛ Yesu lɛ a bʋl, ‘Ŋ ŋaa mɩ Bii nɛ. Mɩ nɛ lʋlʋŋ jɩnɩŋ.’

Tɩntɩŋŋaa 2:39

Wɩalɩŋ Wɩa sɩ bʋla, ma nɛ ʋ bʋla pa, ma dɩ ma biiriŋ arɩ nɩalɩŋ kala sɩ lɩɩ dɩ-boluŋ, nʋʋ na-kala Wɩa sɩ yɩra dɩ ʋ kɔ ʋ teeŋ.”

Tɩntɩŋŋaa 3:26

Ŋɩɩ nɛ Wɩa lɩɩsɛ ʋ tɩntɩnna Yesu, dɩ ʋ laa sɩpaaŋ kɔ ma teeŋ a pɛ ma lɛ, dɩ ma kala bɩrɩma lɩɩ ma wʋbɔŋŋɔɔ ŋaanɩŋ lɛ.”

Tɩntɩŋŋaa 4:32

Nɩalɩŋ kala fa sɩ laa Yesu wɩaa dii, ba kala kɛŋ tʋɔ-bala arɩ nii-bala. Dɩ nʋʋ nɛ kɛŋ kʋŋ ma, ʋ bɩ jaŋ bʋl ʋ nɛ tɩɩ kʋa deeŋ, ba kala nɛ yie tɩɩʋ.

Tɩntɩŋŋaa 9:31

Ŋɩɩ harɩŋ lɛ nɩalɩŋ sɩ laa Yesu wɩaa dii aa hilimi Judiya arɩ Galilii arɩ Samarɩa tinteeŋ lɛ kala na wiese, a wasa laa Wɩa dii, a to La Tɩɩna Yesu a fɩfáʋ. Wɩa Dɩŋ-zɔmʋŋ ma pɛ ba lɛ. Ba pʋŋa pɛ.

Rom Tɩŋŋaa 11:16

Dɩ ŋ nɛ buu boroboro munuŋ a laa sɩpaaŋ lɔgɛ mʋa a pɩ Wɩa, dɩ ʋ nɛ bɩ disiniŋ kɛnɛ, kʋkaanɩŋ ma bɩra bɩ disiniŋ kɛnɛ. Dɩ tɩa naapoloo ma nɛ zɔmɔ, ʋ naakelee ma zɔmɔ nɛ.

1 Kɔrɩntɩ Nɩaa 7:14

Wɩɩ-la sɩ tɩɩ nɛ ŋ-la: Dɩ haala nɛ laa Wɩa wɩaa dii aŋ ka ʋ bala bɩ laa dii, a tɩŋ haal-la wɩaa, Wɩa yie joŋ arɩ baal-la ma bɩ disiniŋ kɛnɛ. Ŋɩɩ tɩtɩa nɛ, dɩ baal nɛ laa Wɩa wɩaa dii aŋ ka ʋ haala bɩ laa dii, a tɩŋ baal-la wɩaa, Wɩa yie joŋ arɩ haal-la ma bɩ disiniŋ kɛnɛ. Dɩ ŋɩɩ fa dee, ba biiriŋ fa jaŋ nagɛ nɩalɩŋ sɩ bɩ Wɩa ka chʋɔlɛ biiriŋ a kɛŋ disiniŋ. Ama ba biiriŋ bɩ disiniŋ kɛnɛ Wɩa teeŋ.

2 Kɔrɩntɩ Nɩaa 13:11

Mɩ naambiiriŋ, mɩ teniŋ dɩdɛrɩŋ nɛ ŋ-la. Maa ŋaa wɩalɩŋ sɩ jaŋ leŋ dɩ ma chaasa ŋaa nɩzɔmɔ. Má jegile nɩɩ wɩalɩŋ mɩ sɩɩ chɛ mɩ bʋla pɩma, má kɛŋ nii-bala a ŋaa sɩma. Dɩ ma nɛ ŋaa ŋɩɩ, Wɩa sɩ cho nɩaa jaŋ hɛ ma teeŋ a leŋ dɩ ma hɔŋ arɩ yarɩfɩɛlaa.

MOSIS BƖRA WULLI WƖA WOMBIIŊ 5:29

Dɩ ba nɛ jaŋ kɛŋ ŋɩɩ naaŋ lɛ a zizilmi, aŋ tuto wɩalɩŋ mɩ sɩ daga, ŋɩɩ fa jaŋ leŋ dɩ wɩaa vɛŋ woruŋ a pɩ ba dɩ ba biiriŋ kala a kaa mʋ wuu.

MOSIS BƖRA WULLI WƖA WOMBIIŊ 6:2

Ma dɩ ma biiriŋ arɩ ma nihee kala maga dɩ má zizil ma TƖƖNA Wɩa nɛ bʋa na-kala lɛ, a tuto wombie-la arɩ niiri-la kala mɩ sɩ jaŋ dagɛma, dɩ ŋɩɩ leŋ dɩ ma kɛŋ mɩɩ-duduoŋ tintee-la lɛ ʋ sɩ jaŋ joŋo pɩma.

MOSIS BƖRA WULLI WƖA WOMBIIŊ 6:24

Ŋɩɩ nɛ La TƖƖNA Wɩa bʋla pɩla arɩ la to wɩaa deemba kala aa zilu. Dɩ la nɩɩ toba bʋa na-kala, ʋ jaŋ beŋ la nyuŋ woruŋ a leŋ dɩ la wɩaa kala vɩvɛŋ ba bʋa lɛ.

Hiburu TƖŊŊAA 10:20

Wombii-falɩɩ nɛ Yesu suro pɩla. Wombii-la ʋ sɩ suro pɩla lɛ nɛ la jaŋ to a jʋʋ Wɩa dɩ-zɔŋ-la, a kɛŋ mɩɩsɩŋ Wɩa teeŋ. Yesu sɩ sʋba ŋɩɩ, ʋ kɛŋ patɩɩsaŋ-la fa sɩ kɛrɛ Wɩa dɩ-zɔŋ-la lee-la zɔmʋŋ sɩ bɩ magɩa kɛnɛ suro pɩla nɛ.