JƐRƖMAAYA 32:35 - WƖA TENIŊ

³⁵ Ba saa vesiŋ dɩ-kpaaraa nɛ Bɛŋ Hɩnɔm fuonaaŋ lɛ a pɩ vene-la ba sɩɩ yɩrɛ Baal dɩ ba kɛsɛ ba hambolibiisiŋ arɩ ba hantolibiisiŋ a kpaarɛ vene-la ba sɩɩ yɩrɛ Mɔlɛk. Wɩɩ mɩ sɩ bɩ ba daga, ŋɩɩ paala bɩ mɩ tʋɔbɩɩnaa ma kɔ arɩ ba jaŋ ŋaa wʋkɩsɩŋ deeŋ a leŋ dɩ Juda ŋaa wʋbɔŋ.

JƐRƖMAAYA 32:35 ပူးပေါင်းရင်းမြစ်များ

1 KUOROO 11:33

Mɩ jaŋ ŋaa wɩɩŋ deeŋ, bɛɛ wɩaa Solomoŋ arɩ Iziral tɩŋŋaa vɩamɛ nɛ aŋ kpʋkpaarɛ Sɩdɔŋ tɩŋŋaa vene-la ba sɩɩ yɩrɛ Asɩtɔrɛf, arɩ Mʋab tɩŋŋaa vene Chɛmɔs, arɩ Amɔŋ tɩŋŋaa vene Mɔlɛk. Solomoŋ bɩ mɩ wombiee to, a bɩ wɩalɩŋ mɩ sɩɩ chɛ ŋaa arɩ ʋ nyɩmma Devit sɩ ŋaa ŋɩɩ.

1 KUOROO 11:7

Jerusalɛm wɩɩpɔsʋŋ dundolo kʋbala nyuŋ, Solomoŋ ŋaa wʋkɩsɩɩ a saa vʋɩyaa dɩ-kpaarɩŋ, a kpʋkpaarɛ Mʋab tɩŋŋaa vene-la ba sɩɩ yɩrɛ Chɛmɔs arɩ Amɔŋ tɩŋŋaa veŋ-bɔŋ-la ba sɩɩ yɩrɛ Mɔlɛk.

1 KUOROO 14:16

La TƖƖNA jaŋ vɩa Iziral tɩŋŋaa ta a tɩŋ wʋbɔmɔ-la Jerobuam sɩ ŋaa, a leŋ Iziral tɩŋŋaa ma pɛ ŋaaba.”

1 KUOROO 15:26

Nadab ma fa ŋaa wʋbɔŋŋɔɔ nɛ La TƖƖNA teeŋ, arɩ ʋ nyɩmma sɩ ŋaa ŋɩɩ. Ŋɩɩ leŋ Iziral tɩŋŋaa ma ŋaa wʋbɔmɔ-la.

1 KUOROO 15:30

Wɩɩŋ deeŋ ŋaa a tɩŋ Jerobuam sɩ ŋaa wʋbɔmɔ-la wɩaa nɛ, a leŋ Iziral tɩŋŋaa ma ŋaa ba tɩtɩa, ŋɩɩ leŋ La TƖƖNA baanɩŋ sii.

1 KUOROO 16:19

Wɩaa deemba kala ŋaa a tɩŋ wʋbɔmɔ-la Zimiri sɩ ŋaa La TƖƖNA teeŋ nɛ. Wʋbɔmɔ-la Jerobuam sɩ ŋaa tɩtɩa nɛ ʋ ma ŋaa a leŋ Iziral tɩŋŋaa ma ŋaa wʋbɔmɔ-la.

1 KUOROO 21:22

Mɩ jaŋ leŋ dɩ ŋ dɩa nagɛ Nɛbat nanʋala Jerobuam dɩa arɩ Ahija nanʋala Baasa dɩa, a tɩŋ ŋ sɩ ŋaa wʋbɔŋŋɔɔ a leŋ Iziral tɩŋŋaa ma ŋaa wʋbɔmɔ-la a leŋ mɩ baanɩŋ sii.

2 KUOROO 21:11

“Juda tinteeŋ kuoro Manasɛ sɩ ŋaa wʋbɔŋŋɔɔ deemba, ba nɛ kɩɩ Amɔrɩ tɩŋŋaa sɩ ŋaa wʋbɔmɔ-la. Ʋ leŋe Juda doho nɩaa kpaarɛ vʋɩyaa nɛ a ŋaa wʋbɔŋŋɔɔ.

2 KUOROO 21:4

Ʋ saa fa vʋɩyaa korunuŋ nɛ La TƖƖNA dɩɩ-bal-la sɩ hɛ Jerusalɛm lɛ tʋɔŋ, lee-la La TƖƖNA sɩ bʋla arɩ ʋ yɩrɩŋ jaŋ hɛ.

2 KUOROO 23:10

Josaaya fa bɩra chei vesiŋ dɩ-kpaara-la ba sɩɩ yɩrɛ Tɔfɛf a hɛ Bɛŋ Hɩnɔm fuonaaŋ lɛ, dɩ nɩaa bɩra sɩ́ ba biiriŋ kaa mʋ kpʋ a nyɩga pɩ vene-la ba sɩɩ yɩrɛ Mɔlɛk.

2 KUOROO 23:15

Kuoro Josaaya fa bɩra chei koru-la sɩ hɛ Bɛtɛl lɛ arɩ vesiŋ dɩ-kpaarɩ-la Nɛbat nanʋala Jerobuam sɩ saa, nɩɩ-la sɩ leŋe Iziral tɩŋŋaa jʋʋ wʋbɔmʋŋ. Koru-la arɩ vesi-la dɩ-kpaarɩŋ kala nɛ ʋ ŋmoo lo aŋ nyɩgɛ vʋɩyaa dɩ-kpaarɩŋ a nɔŋ ba kala ba nagɛ munuŋ aŋ nyɩgɛ Asɩra daa-la ma.

2 KUOROO 3:3

Ama wʋbɔmɔ-la Nɛbat nanʋala Jerobuam fa sɩ ŋaa, a leŋ Iziral tɩŋŋaa ŋaa ba tɩtɩa, Joram ma fa ŋaa ba tɩtɩa nɛ.

2 IZIRAL TƖŊŊAA NAABARƖŊ 33:6

Ʋ kɛŋ ʋ tɩtɩa hambolibiisiŋ mʋ Hɩnɔm Fuonaaŋ a kpʋ nɛ a nyɩga pɩ vesiŋ. Ʋ faa vʋgʋ nɛ, a ŋɩŋaa chichiribi wɩaa arɩ hɩl wɩaa, a yɩyɩrɛ kantɔŋŋɔɔ arɩ lɛlɛɛ. Ʋ fa ŋaa wʋbɔŋŋɔɔ yʋgɛ nɛ woruŋ a leŋ La TƖƖNA baanɩŋ chaasa sii ʋ nyuŋ.

2 IZIRAL TƖŊŊAA NAABARƖŊ 33:9

Ama Manasɛ leŋe Juda arɩ Jerusalɛm nɩaa yeŋŋi nɛ, a wasa ŋaa wʋbɔŋŋɔɔ a kɩɩ tinteye-la fa sɩ hɛ lee-la La TƖƖNA cheiba ka Iziral tɩŋŋaa kʋ hɔŋ.

2 IZIRAL TƖŊŊAA NAABARƖŊ 36:14

Wɩɩsʋllɩ sɩpaalaaraa arɩ nɩalɩŋ kala wasa bɩ wʋtɩtɩɩ kɛnɛ Wɩa teeŋ. Ba faa ŋaa wʋkɩsɩa-la tinteye-la sɩ kpagɛba nɩaa sɩɩ ŋaa nɛ, a ŋaa disiniŋ hɩhɛ La TƖƖNA dɩɩ-bal-la ʋ sɩ lɩɩsa Jerusalɛm lɛ dɩ ba zizilu.

MOSIS KƐŊ IZIRAL TƖŊŊAA LƖƖ 32:21

Ŋɩɩ nɛ Mosis pɩɛsɛ Arɔŋ, “Bɛɛ nɛ nɩaa deemba ŋaa ŋ lɛ, ŋ lɛrɛ wʋbɔŋ-balɩŋ deeŋ kʋ hɛ ba lɛ?”

AZAAYA 57:5

Ma yie ŋɩŋaa bachɔrʋŋ arɩ hachɔrʋŋ wɩaa nɛ tɩɩ-lugunuŋ tʋɔŋ, aŋ kɛsɛ ma biiriŋ ma a kpʋkpaarɛ vʋɩyaa lɩɩ-libisiŋ tʋɔŋ arɩ bʋ-kuloo nyuŋ.

JƐRƖMAAYA 19:2

dɩ ma mʋ Bɛŋ-Hɩnɔm fuonaaŋ sɩ kpagɛ kanchelliŋ boi-baalɩŋ. Dɩ ma nɛ mʋ nɩmɛ, bʋl wɩalɩŋ mɩ sɩ jaŋ bʋla pɩŋ.

JƐRƖMAAYA 30:14

Ma sɩŋŋaa kala yʋ ma wɩaa nɛ, ba bɩ ma wɩaa chɩla. Mɩ ŋmooma a nagɛ ma dʋndɔmɔ sɩ jaŋ ŋmooma ŋɩɩ nɛ, a dɔgɩsɛma a nagɛ tʋɔhɛɛ tɩɩna sɩ jaŋ ŋaama ŋɩɩ, bɛɛ wɩaa ma cheeriŋ chaasa yʋgɛ nɛ, ma wʋbɔŋŋɔɔ ma faasa yʋgɛ.

JƐRƖMAAYA 44:4

Mɩ tɩŋ mɩ wʋlaabʋllaa nɛ ba teeŋ bʋlɩa bʋlɩa, ba bʋla pɩba, ‘Má sɩ́ wʋkɩsɩa-la mɩ sɩ bɛrɛ ŋaa.’

JƐRƖMAAYA 7:30

La TƖƖNA bʋla, “Juda nɩaa ŋaa wʋbɔŋŋɔɔ nɛ mɩ sɩɩŋ lɛ. Ba joŋ ba vʋɩyaa mɩ sɩɩ kɩsʋ nɛ a bil mɩ dɩɩ-bal-la mɩ yɩrɩŋ sɩ hɛ lɛ, a ŋaa ʋ kɛŋ disiniŋ.

JƐRƖMAAYA 7:31

Ba bil vene-la ba sɩɩ yɩrɛ Tɔfɛf dɩ-kpaarɩŋ nɛ Bɛŋ Hɩnɔm fuonaaŋ lɛ, dɩ ba kɛsɛ ba hambolibiisiŋ arɩ ba hantolibiisiŋ a nyɩnyɩgɛ. Wɩɩ mɩ sɩ bɩ ba daga, ŋɩɩ paala bɩ mɩ tʋɔbɩɩnaa kɔ.”

ƐZƖKƖƐL 23:37

Ba ŋaa hachɔrʋŋ wɩaa nɛ a kpʋ nɩaa. Ba to tɔŋŋɔɔ nɛ a ŋaa hachɔrʋŋ wɩaa, a paala kɛsɛ hambolibiisi-la ba sɩ lʋla pɩmɛ a kpʋ nyɩga pɩ ba tɔŋŋɔɔ.

LEVI DOHO NƖAA 18:21

Má pʋpɔ ma sɩ́ ma bii kaa pa dɩ ba kaa kpaarɛ vene-la ba sɩɩ yɩrɛ Mɔlɛk, a hɛ ma Wɩa hɩɩsɩŋ. Mɩ nɛ ŋaa ma TƖƖNA.

Tɩntɩŋŋaa 7:43

Ma vesiŋ nɛ ma kpʋkpaarɛ. Ma vene ba sɩɩ yɩrɛ Mɔlɛk, ʋ lɛbɩŋ nɛ ma kaa chʋŋaa vɛŋ, a chʋŋ ma chɛnwʋlʋŋ vene ma, vene-la ba sɩɩ yɩrɛ Refaŋ ʋ magɩlɩŋ nɛ. Kɩaa deemba nɛ ma mɛ a chʋchʋɔlɛ. Ŋɩɩ wɩaa mɩ jaŋ leŋ ba kɛmma kaa mʋ yoŋ-baga dɩ-bolii, a kieli Babɩlɔŋ.’ ”

MOSIS BƖRA WULLI WƖA WOMBIIŊ 12:31

Má bɩ maga dɩ má zil ma TƖƖNA Wɩa ŋɩɩ nɩalɩŋ sɩɩ zil ba vesiŋ. Dɩ ba nɩɩ kpaarɛ ba vesiŋ, ba yie ŋaa wɩalɩŋ sɩ bɩ bana kɛnɛ a kɩkɩsɛ nɛ La TƖƖNA teeŋ. Ba yie wuo joŋ ba biiriŋ a nyɩga pɩ ba vesiŋ.

MOSIS BƖRA WULLI WƖA WOMBIIŊ 18:10

Ma pɔ má sɩ́ ma bii-kala, baal koo haal kaa kpʋ a nyɩgɛ koruŋ nyuŋ a pɩ vene kala. Má sɩ́ vʋgʋ, a sɩ́ chichiribi wɩaa ŋaa, hɩllɩŋ,

MOSIS BƖRA WULLI WƖA WOMBIIŊ 24:4

ʋ bala-la fa sɩ laa sɩpaaŋ a jaaʋ aŋ kiru ta bɩra bɩ maga dɩ ʋ jaaʋ, bɛɛ wɩaa haal-la kɛŋ disiniŋ nɛ. Ŋɩɩ kɩsɛ nɛ La TƖƖNA teeŋ. Má sɩ́ disiniŋ ŋaa hɛ tintee-la ma TƖƖNA Wɩa sɩ jaŋ joŋo pɩma dɩ ʋ ŋaa ma kʋŋ lɛ.