JƐRƖMAAYA 32:31 - WƖA TENIŊ

³¹ A chɩŋ tapʋlɩɩ-la ba sɩ saa tabalɩŋ deeŋ a kaa kɔ jɩnɩŋ, ba leŋe mɩ baanɩŋ chaasa sii nɛ. Mɩ baanɩŋ sie nɛ a magɛ mɩ leŋ dɩ tabal-la nyɩɩgɛ mɩ sɩaa lɛ.

JƐRƖMAAYA 32:31 ပူးပေါင်းရင်းမြစ်များ

2 KUOROO 21:16

Manasɛ ha pɛ kpʋ nɩaa sɩ bɩ wɩɩ cheye a yʋgɛ nɛ a leŋ Jerusalɛm kala ŋaa disiŋ, a pɛ ʋ sɩ leŋe Juda nɩaa ŋaa wʋbɔŋ-la, a ŋaa wʋbɔŋŋɔɔ La TƖƖNA teeŋ.

2 KUOROO 23:15

Kuoro Josaaya fa bɩra chei koru-la sɩ hɛ Bɛtɛl lɛ arɩ vesiŋ dɩ-kpaarɩ-la Nɛbat nanʋala Jerobuam sɩ saa, nɩɩ-la sɩ leŋe Iziral tɩŋŋaa jʋʋ wʋbɔmʋŋ. Koru-la arɩ vesi-la dɩ-kpaarɩŋ kala nɛ ʋ ŋmoo lo aŋ nyɩgɛ vʋɩyaa dɩ-kpaarɩŋ a nɔŋ ba kala ba nagɛ munuŋ aŋ nyɩgɛ Asɩra daa-la ma.

2 KUOROO 23:27

Ŋɩɩ nɛ La TƖƖNA bʋl, “Mɩ jaŋ kiri Juda tɩŋŋaa ta mɩ sɩpaaŋ arɩ mɩ fa sɩ laa sɩpaaŋ kiri Iziral tɩŋŋaa ta ŋɩɩ. Mɩ jaŋ vɩa Jerusalɛm, taŋ-la mɩ sɩ lɩɩsa arɩ mɩ dɩɩ-bal-la mɩ sɩ sɩ ba chʋchʋɔlɛmɛ nɩmɛ.”

JƐRƖMAAYA 23:39

Ŋɩɩ wɩaa, mɩ jaŋ sɛnɛ yʋ ma wɩaa aŋ kirima ta mɩ sɩpaaŋ, aŋ vɩa tabal-la ma mɩ sɩ joŋo pɩ ma dɩ ma naabalɩmaba a ta.

JƐRƖMAAYA 27:10

Nɩaa deemba nyɩɛ wɩaa nɛ pɩma sɩ jaŋ leŋ ba lɩɩsɛma ma tinteeŋ lɛ dɩ ma mʋ hɛ dɩ-bolii. Mɩ jaŋ kirima ta dɩ ma sʋʋ.

JEMBIEE 1:8

Jerusalɛm nɩaa ŋaa wʋbɔŋŋɔɔ kɩŋkɛŋ nɛ, ŋɩɩ leŋ ʋ kɛŋ disiniŋ. Nɩalɩŋ kala fa sɩɩ zilu mɩɩra kɛnʋ gbigbesi nɛ, bɛɛ wɩaa ba na ʋ bʋbʋɔŋ kala nɛ. Ʋ tɩtɩa hʋʋnɛ aŋ gʋrɛ nyuŋ.

DANƖƐL 9:16

La TƖƖNA, a tɩŋ tʋɔpʋl wɩalɩŋ kala ŋ sɩ ŋaa wɩaa, sɩ́ baanɩŋ na. Leŋ dɩ ŋ baanɩŋ fɩɛlɛ Jerusalɛm nyuŋ sɩ ŋaa ŋ tabalɩŋ, a ŋaa ŋ dundolo sɩ bɩ disiniŋ kɛnɛ. La wʋbɔŋŋɔɔ arɩ la nyɩmmaba wʋbɔŋŋɔɔ leŋe Jerusalɛm arɩ ŋ nɩaa ŋaa nɩmɔmɩa nɛ nɩalɩŋ kala sɩ gollila teeŋ.

Matiu 23:37

Ma Jerusalɛm nɩaa, ma kpʋ Wɩa wʋlaabʋllaa nɛ, a joŋ tabɩaa yagɛ tɩndaara-la Wɩa sɩ tɩma dɩ ba kɔ ma teeŋ. Naansɩɩŋ yʋga nɛ mɩ fa cho dɩ mɩ chu tɔ ma nɩaa kala arɩ jimiŋ sɩ yie chu tɔ ʋ biiriŋ ŋɩɩ, ka ma bɩ sɛyɛ.