JƐRƖMAAYA 32:29 - WƖA TENIŊ

²⁹ Babɩlɔŋ tɩmma-la sɩɩ yuo tabalɩŋ deeŋ jaŋ kʋ jʋʋ joŋ nyiniŋ hɛʋ. Ba jaŋ nyɩgʋ dɩ ʋ dii tel, a pɛ dɩɩsɩ-la nɩaa sɩ kaa ŋaa wɩaa mɩ baanɩŋ sii lɛ. Dɩɩsɩ-la nyuŋ nɛ ba nyɩgɛ kʋsʋɔrʋsʋŋ pɩpɩ vene-la ba sɩɩ yɩrɛ Baal, aŋ pɛ ŋaa kʋnyʋalaa Wɩɩsʋlʋŋ ma aa pɩ vesiŋ.

JƐRƖMAAYA 32:29 ပူးပေါင်းရင်းမြစ်များ

2 KUOROO 25:9

Ʋ sɩ kɔ, ʋ nyɩgɛ Wɩa dɩɩ-bal-la, kuoru dɩa arɩ Jerusalɛm dɩɩsɩŋ kala. Dɩɩ-nyuŋ kala sɩ hɛ nɩmɛ nɛ ʋ nyɩgɛ.

2 IZIRAL TƖŊŊAA NAABARƖŊ 36:19

Ŋɩɩ nɛ ba chol nyiniŋ hɛ Wɩa dɩɩ-bal-la lɛ aŋ ŋmoo jebii-la sɩ golli Jerusalɛm lo a nyɩgɛ kuoru dɩɩsɩ-la a chei kʋzɔŋ na-kala sɩ hɛ nɩmɛ.

NƐHƖMAAYA 8:16

Ŋɩɩ nɛ nɩalɩŋ mʋ chɛ pɩpaarɩ-la kaa kɔ hɛ lɛŋŋɛɛ pɩ ba tɩtɩa ba lusunuŋ nyuŋ, ba kaalɩsɩŋ lɛ, Wɩa dɩa kaalɩsɩŋ lɛ, ba jaŋ dɩ-hilimiŋ Lɩɩŋ Boi-baal-la leriŋ, arɩ dɩ-hilimii-la dɔŋɔ ma sɩ hɛ Efirem Boi-baalɩŋ lɛ.

AZAAYA 22:1

Wɩɩ-la Wɩa sɩ bʋla tɩgɛ fuonaa-la lɛ ba sɩ yie mʋ nɩna wɩaa Wɩa teeŋ nɛ ŋ-la: Wʋbɛɛba nɩɩ walɩmɛma lɛɛlɛ, ma kala sii fá jɩl lusunuŋ?

JƐRƖMAAYA 11:17

Mɩ-na ma TƖƖNA, doluŋ kala Tɩɩna sɩ leŋe ma hɛ nɩmɛ, bʋla arɩ wʋlɔrʋŋ jaŋ jʋʋma, bɛɛ wɩaa ma Iziral arɩ ma Juda nɩaa ŋaa wʋbɔŋŋɔɔ nɛ a nyɩgɛ kʋsʋɔrʋsʋŋ pɩpɩ vene-la ba sɩɩ yɩrɛ Baal a ŋaa mɩ baanɩŋ sii.”

JƐRƖMAAYA 17:27

Ama dɩ ma nɛ bɩ mɩ niiŋ to a joŋ chɛ-wiesii-la dɩ ʋ ŋaa tapʋl-zɔŋ, aŋ chʋŋ kɩaa to boi-baala-la kʋʋ jʋʋ Jerusalɛm chɛ-wiesii-la chɛɛŋ, ŋɩɩ-na mɩ jaŋ chol nyiniŋ nʋʋ sɩ bɩ jaŋ wuo dɩsɛ a hɛ Jerusalɛm boi-baala-la lɛ dɩ ʋ dii Jerusalɛm dɩɩ-duoruŋ kala.”

JƐRƖMAAYA 19:13

Jerusalɛm dɩɩsɩŋ arɩ Juda kuoroo dɩɩsɩŋ kala jaŋ kɛŋ disiniŋ a nagɛ Tɔfɛf. Ba dɩɩsɩ-la kala lɛ ba sɩ nyɩgɛ kʋsʋɔrʋsʋŋ lusuŋ-nyuŋ a pɩpɩ chɛnɛ arɩ chɛnwʋlaa aŋ ŋaa kʋnyʋalaa ma pɩpɩ ba vesiŋ kala jaŋ kɛŋ disiniŋ.’ ”

JƐRƖMAAYA 21:10

La TƖƖNA bɩra sɩ, “Mɩ chaasa kɛŋ mɩ tʋɔŋ dɩ mɩ ŋaa wʋbɔŋ nɛ tabalɩŋ deeŋ lɛ, wʋzɔŋ dee. Mɩ jaŋ joŋu hɛ Babɩlɔŋ kuoro nɩsɩŋ lɛ, dɩ ʋ cheyu arɩ nyiniŋ.”

JƐRƖMAAYA 30:14

Ma sɩŋŋaa kala yʋ ma wɩaa nɛ, ba bɩ ma wɩaa chɩla. Mɩ ŋmooma a nagɛ ma dʋndɔmɔ sɩ jaŋ ŋmooma ŋɩɩ nɛ, a dɔgɩsɛma a nagɛ tʋɔhɛɛ tɩɩna sɩ jaŋ ŋaama ŋɩɩ, bɛɛ wɩaa ma cheeriŋ chaasa yʋgɛ nɛ, ma wʋbɔŋŋɔɔ ma faasa yʋgɛ.

JƐRƖMAAYA 32:3

Juda tinteeŋ kuoro Zedikaaya nɛ fa kɛnʋ tɔ hɛ lee-la, aŋ bʋl, “Bɛɛ nɛ tɩɩ ŋ bʋl ŋɩɩ? Ŋ sɩ sɩ, ‘Wɩɩ-la La TƖƖNA sɩ bʋla nɛ ŋ-la: Mɩɩ chɛ mɩ joŋ tabalɩŋ deeŋ a hɛ Babɩlɔŋ kuoro nɩsɩŋ lɛ dɩ ʋ yuo diiu.

JƐRƖMAAYA 34:2

Wɩɩ-la La TƖƖNA, Iziral tɩŋŋaa Wɩa sɩ bʋla nɛ ŋ-la: Mʋ Juda tinteeŋ kuoro Zedikaaya teeŋ a bʋla pʋ, “Wɩɩ-la mɩ-na ma TƖƖNA sɩ bʋla nɛ ŋ-la: Mɩɩ chɛ mɩ joŋ tabalɩŋ deeŋ a hɛ Babɩlɔŋ kuoro nɩsɩŋ lɛ nɛ dɩ ʋ nyɩgʋ.

JƐRƖMAAYA 39:8

Babɩlɔŋ tɩmma-la chol nyiniŋ hɛ kuoro dɩa lɛ arɩ nɩalɩŋ dɩɩsɩŋ aŋ ŋmoo Jerusalɛm jebiee lo.

JƐRƖMAAYA 44:25

Wɩɩ-la La TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: Ma dɩ ma haalaa wʋŋaalaa sɛnɛ dagɛ nii-la ma sɩ hɛ nɛ a bʋl, ‘La jaŋ sɛnɛ to niiri-la la sɩ hɛ arɩ la jaŋ nyɩgɛ kʋsʋɔrʋsʋŋ, a wansɛ kʋnyʋalaa ma a pɩ wɩa-nyuŋ veŋ ha-kuoru-la. Má ŋaa wɩalɩŋ kala ma sɩ hɛ niiŋ arɩ ma jaŋ ŋaa. Má lɩɩsɛ niiri-la kala ma sɩ ta.’ ”

JƐRƖMAAYA 52:12

Nebukadineza sɩ dii kuoruŋ, ʋ jɩsɩŋ fii arɩ nibi, chɛŋ nɔŋ, tapʋl-fii lɛ, ŋɩɩ nɛ Nebuzaradaŋ sɩ ŋaa laalɩyuoro-la sɩɩ pɔ kuoro kʋhɩaŋ, aŋ pɛ ŋaa ʋ tɩntɩnnʋ kɔ Jerusalɛm.

JƐRƖMAAYA 52:13

Ʋ sɩ kɔ, ʋ nyɩgɛ Wɩa dɩɩ-bal-la, kuoru dɩa arɩ Jerusalɛm dɩɩsɩŋ kala. Dɩɩ-nyuŋ kala sɩ hɛ nɩmɛ nɛ ʋ nyɩgɛ.

JƐRƖMAAYA 7:17

Ŋ bɩ wɩalɩŋ ba sɩɩ ŋaa Juda tasɩŋ arɩ Jerusalɛm womporunuŋ lɛ naa?

JƐRƖMAAYA 7:18

Biiriŋ jaa daasɩŋ hɩhɛ dɔŋɔ nɛ, nyɩmmaba ma hɩhɛ nyiniŋ, haalaa ma bubuu munuŋ dɩ ba wasɛ boroboro pɩ vene-la ba sɩɩ yɩrɛ wɩa-nyuŋ ha-kuoro. Ba wansɛ kʋnyʋalaa ma aa pɩ vesiŋ nɛ. Ba ŋaa wɩaa deemba kala a chɩchɛ dɩ mɩ baanɩŋ sii nɛ.

JEMBIEE 4:11

La TƖƖNA chaasa na baanɩŋ nɛ, ʋ baanɩŋ chaasa sii nɛ ʋ pɔsɛ. Ʋ fuuni nyiniŋ hɛ Zaayɔŋ lɛ nɛ, ʋ joŋ ʋ kala kɔlɩmɛ a tuu yi gentine.

ƐZƖKƖƐL 23:47

Nɩ-daŋ-la jaŋ yagɛba arɩ tabɩaa a kpʋba arɩ ba tokobiee, ba jaŋ kpʋ ba hambolibiisiŋ arɩ ba hantolibiisiŋ kala aŋ nyɩgɛ ba dɩɩsɩŋ.

Matiu 22:7

Ŋɩɩ nɛ kuoru-la na baanɩŋ a ta ʋ laalɩyuoroo, ba mʋ kpʋ nɩalɩŋ sɩ kpʋ ʋ dɩa tɩntɩnna-la aŋ nyɩgɛ ba tabalɩŋ kala.

Tɩntɩŋŋaa 10:9

Taŋ sɩ pʋla, wɩa magɛ nyu-gbaŋa dɩ ba mʋ kpagɛ Jɔpa. Ba sɩɩ mʋ ŋɩɩ, Pɩɩta ma jɩl lusuŋ dɩ ʋ chʋɔlɛ Wɩa.

Hiburu TƖŊŊAA 3:16

Kʋbɛɛba nɛ nɩɩ Wɩa yikoro aŋ lɩɩ Wɩa harɩŋ ŋɩɩ? Ba nɛ nɩalɩŋ Mosis fa sɩ kaa lɩɩ Ijipiti tinteeŋ lɛ.