JƐRƖMAAYA 32:28 - WƖA TENIŊ

²⁸ Ŋɩɩ wɩaa, wɩɩ-la mɩ-na ma TƖƖNA sɩ bʋla nɛ ŋ-la: Mɩɩ chɛ mɩ joŋ tabalɩŋ deeŋ hɛ Babɩlɔŋ kuoro Nebukadineza arɩ ʋ nɩaa nɩsɩŋ lɛ nɛ dɩ ba yuo diiu.

JƐRƖMAAYA 32:28 ပူးပေါင်းရင်းမြစ်များ

2 KUOROO 25:11

Nebuzaradaŋ sɩ ŋaa nɩalɩŋ sɩɩ pɔ kuoro nɩhɩaŋ kɛsɛ nɩalɩŋ kala sɩ ka Jerusalɛm lɛ, a kaa mʋ yoŋ-baga a pɛ nɩalɩŋ Nebukadineza fa sɩ laa sɩpaaŋ kɛsɛ mʋ lɛ.

2 IZIRAL TƖŊŊAA NAABARƖŊ 36:17

Ŋɩɩ nɛ ʋ lɛrɛ Babɩlɔŋ kuoro kʋ hɛ ba lɛ, ʋ kpʋ ba baalaa arɩ haalaa, hambiisiŋ arɩ nɩhɩasɩŋ kala, a kpʋ ba bapʋɔsaa ma sɩ paala hɛ Wɩa dɩɩ-bal-la lɛ. Wɩa fa joŋ ba kala hɛ Nebukadineza nɩsɩŋ lɛ nɛ.

AZAAYA 29:2

Ama arɩ ŋɩɩ kala mɩ jaŋ leŋ dɩ wʋlɔrʋŋ jʋʋ Jerusalɛm dɩ ʋ tʋɔŋ chei dɩ ʋ ŋmoo niiŋ. Ʋ jaŋ nagɛ Wɩɩsʋllɩ koruŋ chalɩŋ sɩ tɔ.

JƐRƖMAAYA 20:5

Mɩ jaŋ joŋ ba tabalɩŋ deeŋ dʋa kala a pɩ ba dʋndɔŋŋɔɔ, ba kʋŋaalaa, ba kʋyuŋŋoo arɩ Juda kuoroo dʋa kala. Ba jaŋ yuo laa ba kala a kaa mʋ Babɩlɔŋ.

JƐRƖMAAYA 21:10

La TƖƖNA bɩra sɩ, “Mɩ chaasa kɛŋ mɩ tʋɔŋ dɩ mɩ ŋaa wʋbɔŋ nɛ tabalɩŋ deeŋ lɛ, wʋzɔŋ dee. Mɩ jaŋ joŋu hɛ Babɩlɔŋ kuoro nɩsɩŋ lɛ, dɩ ʋ cheyu arɩ nyiniŋ.”

JƐRƖMAAYA 32:24

Bee na ŋɩɩ ba sɩ saa vaŋkumba dɩ ba yuo dii tabal-la. A tɩŋ laalɩŋ, losuŋ arɩ nyanyalɩŋ wɩaa, tabal-la jaŋ jʋʋ Babɩlɔŋ tɩmma-la sɩɩ yuou nɩsɩŋ. Wɩɩ-la ŋ sɩ bʋla sɛnɛ ŋaa nɛ, ʋ nɛ ŋ nɩna ŋɩɩ lɛɛlɛ.

JƐRƖMAAYA 32:3

Juda tinteeŋ kuoro Zedikaaya nɛ fa kɛnʋ tɔ hɛ lee-la, aŋ bʋl, “Bɛɛ nɛ tɩɩ ŋ bʋl ŋɩɩ? Ŋ sɩ sɩ, ‘Wɩɩ-la La TƖƖNA sɩ bʋla nɛ ŋ-la: Mɩɩ chɛ mɩ joŋ tabalɩŋ deeŋ a hɛ Babɩlɔŋ kuoro nɩsɩŋ lɛ dɩ ʋ yuo diiu.

JƐRƖMAAYA 32:36

Ma bʋlaa tɩgɛ tabalɩŋ deeŋ lɛ, ‘Laalɩŋ, losuŋ arɩ nyanyalɩɩ jaŋ leŋ dɩ taŋ deeŋ jʋʋ Babɩlɔŋ kuoro nɩsɩŋ,’ ama wɩɩ-la mɩ-na ma TƖƖNA, Iziral tɩŋŋaa Wɩa sɩ bʋla nɛ ŋ-la:

JƐRƖMAAYA 34:2

Wɩɩ-la La TƖƖNA, Iziral tɩŋŋaa Wɩa sɩ bʋla nɛ ŋ-la: Mʋ Juda tinteeŋ kuoro Zedikaaya teeŋ a bʋla pʋ, “Wɩɩ-la mɩ-na ma TƖƖNA sɩ bʋla nɛ ŋ-la: Mɩɩ chɛ mɩ joŋ tabalɩŋ deeŋ a hɛ Babɩlɔŋ kuoro nɩsɩŋ lɛ nɛ dɩ ʋ nyɩgʋ.

JƐRƖMAAYA 34:3

Ŋ bɩ jaŋ fori ʋ nɩsɩŋ lɛ, ba jaŋ yuo kɛnɩŋ a kaa mʋ hɛ ʋ nɩsɩŋ lɛ. Ŋ jaŋ na Babɩlɔŋ kuoro arɩ ŋ sɩɩŋ, ŋ dɩ ʋ jaŋ joŋ sɩaa chaasɛ dɔŋɔ a bʋl wɩaa. Ŋɩɩ harɩŋ nɛ ba jaŋ kɛnɩŋ mʋ Babɩlɔŋ.