Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




JƐRƖMAAYA 32:24 - WƖA TENIŊ

24 Bee na ŋɩɩ ba sɩ saa vaŋkumba dɩ ba yuo dii tabal-la. A tɩŋ laalɩŋ, losuŋ arɩ nyanyalɩŋ wɩaa, tabal-la jaŋ jʋʋ Babɩlɔŋ tɩmma-la sɩɩ yuou nɩsɩŋ. Wɩɩ-la ŋ sɩ bʋla sɛnɛ ŋaa nɛ, ʋ nɛ ŋ nɩna ŋɩɩ lɛɛlɛ.

အခန်းကိုကြည့်ပါ။ ကော်ပီ




JƐRƖMAAYA 32:24
35 ပူးပေါင်းရင်းမြစ်များ  

Ŋɩɩ nɛ Jʋab arɩ ʋ laalɩyuoro-la kala kʋ golli Abɛl Bɛf Maaka chu a tɔ Sɛba hɛ. Ba kɛŋ tɩɛrɩŋ saa vaŋkumba a yelli kɛrɛ-la dɩ ba to ba lɛ jʋʋ taŋ-la, aŋ suomo ŋmuŋmoo kɛrɛ-la dɩ ba lo.


Ŋɩɩ wɩaa ŋ-la nɛ La TƖƖNA bʋl a mʋ tɩgɛ Asiiria kuoro lɛ: ‘Ʋ bɩ jaŋ wuo kʋ jʋʋ taŋ deeŋ koo a yuo hɛmɩŋ ʋ lɛ. Ʋ laalɩyuoroo bɩ jaŋ wuo golli taŋ deeŋ chu a yuou, ba bɩ jaŋ wuo saa lusuŋ-choluŋ a to nɩmɛ jʋʋ.


“Nyanyal bɔŋŋɔɔ jaŋ kpʋba. Ba bɩ jaŋ hugiba koo a yel ba yoho. Ba jaŋ nagɛ nʋsʋrʋŋ a pɩŋ tinteeŋ. Ba jaŋ kpʋ dɔnsʋŋ laalɩŋ lɛ, dɩ losuŋ ma kɛŋ dɔnsʋŋ dɩ ba sʋʋ. Ba kʋsʋʋnʋŋ jaŋ bɩrɩmɛ zaaraa arɩ baga kɩaa kʋdiilee.”


Mɩ jaŋ joŋ ba tabalɩŋ deeŋ dʋa kala a pɩ ba dʋndɔŋŋɔɔ, ba kʋŋaalaa, ba kʋyuŋŋoo arɩ Juda kuoroo dʋa kala. Ba jaŋ yuo laa ba kala a kaa mʋ Babɩlɔŋ.


Mɩ jaŋ joŋ laalɩŋ, losuŋ arɩ nyanyalɩɩ a hɛ ba lɛ, a cheiba ŋɩɩ halɩɩ dɩ ba dɛrɛ tintee-la mɩ sɩ joŋo pɩ ba dɩ ba naabalɩmaba lɛ.”


Wʋtɩtɩɩ, wɩɩ-la La TƖƖNA doluŋ kala Tɩɩna sɩ bʋla nɛ ŋ-la: “Mɩ jaŋ joŋ laalɩŋ, losuŋ arɩ nyanyalɩɩ a hɛ nɩaa deemba lɛ, aŋ leŋ dɩ ba nagɛ tutogi-nambɩlaa sɩ cheye, a lɔrɛ a bɩ ba dii kɛnɛ.


Mɩ jaŋ joŋ laalɩŋ, losuŋ arɩ nyanyal-bɔmʋŋ a kire to ba harɩŋ. Mɩ jaŋ leŋ dɩ ba kɛŋ nyɛsɩŋ dʋnɩa kuori-gentisiŋ nɩaa kala teeŋ, dɩ nɩaa kɛŋ ba yɩrɩŋ ŋmɩɛsa hɩhɛ dɔŋɔ lɛ. Nɩaa jaŋ naba dɩ fawʋllʋŋ kɛmba dɩ ba hihirigi. Tinteye-la kala lɛ mɩ sɩ kiriba hɛ, nɩaa jaŋ sisieri ba lɛ a mʋmɔmba.


Ŋ sɩ jaŋ joŋ tabal-la a hɛ Babɩlɔŋ tɩŋŋaa nɩsɩŋ lɛ ma, ŋ-na La TƖƖNA Wɩɩjarɩbakɔ ha bʋla pɩmɛ, ‘Joŋ warɩpʋla a yɔɔ tintee-la, aŋ leŋ dɩ nɩaa ŋaa pɛ-naaraa.’ ”


Ŋɩɩ wɩaa, wɩɩ-la mɩ-na ma TƖƖNA sɩ bʋla nɛ ŋ-la: Mɩɩ chɛ mɩ joŋ tabalɩŋ deeŋ hɛ Babɩlɔŋ kuoro Nebukadineza arɩ ʋ nɩaa nɩsɩŋ lɛ nɛ dɩ ba yuo diiu.


Juda tinteeŋ kuoro Zedikaaya nɛ fa kɛnʋ tɔ hɛ lee-la, aŋ bʋl, “Bɛɛ nɛ tɩɩ ŋ bʋl ŋɩɩ? Ŋ sɩ sɩ, ‘Wɩɩ-la La TƖƖNA sɩ bʋla nɛ ŋ-la: Mɩɩ chɛ mɩ joŋ tabalɩŋ deeŋ a hɛ Babɩlɔŋ kuoro nɩsɩŋ lɛ dɩ ʋ yuo diiu.


Ma bʋlaa tɩgɛ tabalɩŋ deeŋ lɛ, ‘Laalɩŋ, losuŋ arɩ nyanyalɩɩ jaŋ leŋ dɩ taŋ deeŋ jʋʋ Babɩlɔŋ kuoro nɩsɩŋ,’ ama wɩɩ-la mɩ-na ma TƖƖNA, Iziral tɩŋŋaa Wɩa sɩ bʋla nɛ ŋ-la:


Ʋ jaŋ kɛŋ Zedikaaya mʋ Babɩlɔŋ tinteeŋ, dɩ ʋ hɛ nɩmɛ a mʋ yi bʋa-la lɛ mɩ sɩ dɔgʋsʋ woruŋ. Dɩ ma nɛ yuo Babɩlɔŋ tɩŋŋaa, ma bɩ jaŋ wuo yuo diiba.’ ” Mɩ-na ma TƖƖNA nɛ bʋla.


Wɩɩ-la mɩ-na ma TƖƖNA, Iziral tɩŋŋaa Wɩa sɩ bʋla tɩgɛ dɩɩsɩ-la sɩ hɛ tabalɩŋ deeŋ lɛ arɩ Juda kuoroo dɩɩsɩ-la ba sɩ saa vaŋkumba yelli a yuo laalɩŋ yige lo


Ŋɩɩ wɩaa, wɩɩ-la mɩ-na ma TƖƖNA sɩ bʋla nɛ ŋ-la: Ma bɩ mɩ niiŋ to, ma bɩ ma dɔnsʋŋ tɩŋŋaa sɩ ŋaa ma yosuŋ joŋo ta. Ŋɩɩ wɩaa mɩ-na jaŋ jomma ta: Mɩ jaŋ leŋ dɩ laalɩŋ, losuŋ arɩ nyanyal-bɔmʋŋ kpʋma. Mɩ jaŋ leŋ dɩ ma nagɛ kʋŋ sɩɩ sʋɔrʋ kuori-gentisiŋ kala sɩ hɛ dʋnɩa lɛ teeŋ.


Ʋ sɩ dii kuoruŋ ʋ jɩsɩŋ nibi, chɛŋ fii, tapʋl fii lɛ Babɩlɔŋ kuoro Nebukadineza sii kɛsɛ ʋ laalɩyuoroo kala ba kʋ yuo Jerusalɛm. Ba fa ŋmoo buguŋ tabal-la harɩŋ nɛ aŋ saa vaŋkumba a golli tabal-la kɛrɛ ba sɩ jaŋ to jʋʋ tabal-la tʋɔŋ.


Chɛŋ-nɛsɛ tʋɔŋ tapʋl nibi chɛɛŋ, losuŋ faasa jʋʋ tabal-la woruŋ, kʋdiilii kala tuo dɩ ba dii.


Wɩɩ-la La TƖƖNA doluŋ kala Tɩɩna sɩ bʋla nɛ ŋ-la: “Má keri Jerusalɛm tɩɩsɩŋ lo, a saa lusuŋ-choluŋ yelli ʋ kɛrɩsɩŋ. Ʋ maga mɩ dɔgɩsɛ tabalɩŋ deeŋ nɩaa nɛ, bɛɛ wɩaa ba wʋrɩgɛ nɩaa nɛ kɩŋkɛŋ ʋ lɛ.


Wɩɩ-la mɩ-na ma TƖƖNA Wɩɩjarɩbakɔ sɩɩ bʋl nɛ ŋ-la: Ʋ jaŋ ŋaa wʋlɔrʋ a pɩ Jerusalɛm nɩaa dɩ mɩ nɛ joŋ wɩaa deemba banɛsɛ dɔgɩsɛba: laalɩŋ, losuŋ, baga kɩaa arɩ nyanyal bɔŋŋɔɔ, dɩ ba kpʋ ʋ nɩaa arɩ ʋ pʋsʋŋ.


To-hɛŋ-la sɩ hɛ ʋ nadiiŋ nɩsɩŋ lɛ nɛ ʋ jaŋ kaa tɔnsɔ lɩɩsɛ Jerusalɛm. Ŋɩɩ nɛ ba jaŋ ŋaa laalɩyuori goŋ, a pa wombiiŋ dɩ ba kpʋ nɩaa, a ŋaa doloo ma ba sɩ jaŋ kaa ŋmoo boi-baalaa lo, aŋ saa lusuŋ-chol-sɩaa a tɩgɛ jebii-la lɛ, a paa kɩaa bil dɩ ba sii je dɩ ba chɩŋ ba lɛ aŋ bibeŋ taŋ-la kala.


Jerusalɛm jaŋ pɩŋ jikpeeŋ, ʋ jaŋ pɩŋ jikpeeŋ. Mɩ jaŋ leŋ dɩ ʋ pɩŋ jikpeeŋ deeŋ deeŋ a mʋ yi bʋa-la lɛ nɩɩ-la sɩ tɩɩʋ sɩ jaŋ kɔ, dɩ mɩ joŋo hɛ ʋ nɩsɩŋ lɛ.’


Ʋ jaŋ yuo kpʋ nɩalɩŋ sɩ hɔŋ ŋ tintee-la lɛ mʋgʋ-balɩŋ niiŋ. Ʋ jaŋ kʋ chɩna golluŋ, a paa kɩaa a bil dɩ ba sii je dɩ ba chɩŋ ba nyuŋ a bibeŋ taŋ-la kala, aŋ saa vaŋkumba a jɩla tɩgɛ ŋ jeyee lɛ a kɛŋ hɔɔtaalɩ-la laalɩyuoroo sɩ kaa kɛrɛ laa bayuori-hɛŋŋɛɛ a kaa kɩɛla golluŋ.


Saa lusuŋ-chol sɩaa a tɩgɛ tiebii-la lɛ, a ŋaa leree a nagɛ laalɩyuoroo nɛ ŋmoo bugoo a gollu, a ŋaa doloo ma ba sɩ jaŋ kaa ŋmobu lo a golli ʋ kala.


Baa sieri kuoru balaa lɛ nɛ, a mʋmɔŋ tɩntɩnnɩ-hɩasɩŋ ma lɛ. Baa mɔŋ tabala-la kala ba sɩ saa kɛrɩsɩŋ golli nɛ. Ba saa vaŋkumba nɛ a yelli kɛrɩsɩ-la a to nɩmɛ jʋʋ yuo kɛsɛba.


Ama mɩ niiŋ wɩaa arɩ mɩ niiri-la mɩ sɩ joŋo dagɛ mɩ tɩntɩnnaa sɩ ŋaa mɩ wʋlaabʋllaa dii ma naabalɩmaba nɛ. Ŋɩɩ nɛ ba bɩrɩma lɩɩ ba wʋbɔŋŋɔɔ lɛ aŋ bʋl, ‘La TƖƖNA doluŋ kala Tɩɩna joŋ la wombiee arɩ la wʋŋaalaa sɩ nagɛ ŋɩɩ chɩmɩŋ nɛ a tiŋ la lɛ, arɩ ŋɩɩ ʋ sɩ bɩɩna dɩ ʋ ŋaa.’ ”


Wɩa nyuŋ arɩ tinteeŋ kala jaŋ lɛl, ama wɩalɩŋ mɩ sɩ bʋla bɩ jaŋ lɛl.


Jɩnɩŋ, wɩa-nyuŋ arɩ tinteeŋ pɛ na nɛ, dɩ ma nɛ ŋaa wɩaa deemba kʋŋkala ma sɩɩ chol Jɔdaŋ fuo-la dɩ ma laa tintee-la a tɩɩ lɛ, La TƖƖNA jaŋ guu cheima. Ma bɩ jaŋ hɔŋ nɩmɛ dieni ka dɩ ʋ cheima.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ