JƐRƖMAAYA 32:23 - WƖA TENIŊ

²³ Ba kʋ jʋʋ tintee-la nɛ a tɩɩʋ, ama ba bɩ ŋ niiŋ sɛyɛ koo a to wombii-la ŋ sɩ bile dɩ ba tuto. Ba bɩ wɩalɩŋ ŋ sɩ daga dɩ ba ŋaa kʋŋkala ŋaa. Ŋɩɩ nɛ ŋ kɛŋ wʋlɔrʋŋ deeŋ kala kʋ hɛ ba lɛ.

JƐRƖMAAYA 32:23 ပူးပေါင်းရင်းမြစ်များ

ƐZƖRA 9:7

A chɩŋ la naabalɩmaba bʋa lɛ a kaa kɔ jɩnɩŋ, la wʋcheelee chaasa yʋgɛ nɛ woruŋ. A tɩŋ la wʋbɔŋŋɔɔ wɩaa nɛ tɩɩ ŋ joŋ la dɩ la kuoroo arɩ ŋ Wɩɩsʋllɩ sɩpaalaaraa hɛ tintee-wogusuŋ kuoroo nɩsɩŋ lɛ. Ba kpʋla, a laa la kɩaa, aŋ kɛsɛ la dɔnsʋŋ kaa mʋ tɔ bɩnɩŋ dɩa. La dii hɩɩsɩŋ nɛ woruŋ, arɩ jɩnɩmba la ha sɩɩ dii hɩɩsɩŋ ŋɩɩ.

NƐHƖMAAYA 9:15

Losuŋ sɩ kɛmba, ŋ pɩba Wɩa-jaŋ kʋdiilee nɛ. Lɩɩ-nyʋasʋŋ ma sɩ kɛmba, ŋ leŋe lɩɩŋ lɩɩ bʋŋ lɛ nɛ ba nyʋa. Ŋ bʋla pɩba arɩ ba yuo laa tintee-la ŋ sɩ chaasa ŋmɩɛsɛ arɩ ŋ jaŋ joŋo pɩba nɛ.

WƖA YƖƖLAA 78:10

Ba fa bɩ nii-la Wɩa sɩ bile ʋ dɩ ba pɛgɛ ka to a vɩa dɩ ba to wombii-la ʋ sɩ bile dɩ ba tuto.

JƐRƖMAAYA 2:7

Mɩ kɛmma kaa kʋ jʋʋ tinteeŋ sɩ sɩma nɛ, dɩ ma dii ʋ kɩaa arɩ kʋzɔŋ na-kala sɩ hɛ ʋ lɛ a nɩɩ sɩma. Ama ma kʋ jʋʋ nɛ a ŋaa disiniŋ hɛ mɩ tintee-la mɩ sɩ joŋo pɩma lɛ, a leŋ mɩ dɩ-tɩɩlɩŋ nagɛ kʋŋ mɩ sɩɩ kɩsʋ.

JƐRƖMAAYA 26:4

Bʋla pɩba, ‘Wɩɩ-la mɩ-na ma TƖƖNA sɩ bʋla nɛ ŋ-la: Dɩ ma nɛ bɩ jegile nɩɩ mɩ teeŋ a to wombii-la mɩ sɩ bile dɩ ma tuto, wombii-la mɩ sɩ joŋo bil ma sɩpaaŋ,

JƐRƖMAAYA 44:10

Arɩ jɩnɩŋ kala ba ha bɩ ba tɩtɩa kaa muuri koo a zilmi, koo a to wombii-la mɩ sɩ bile dɩ ba tuto, arɩ mɩ wʋdagaa mɩ sɩ bile pɩ ma dɩ ma naabalɩmaba.

JƐRƖMAAYA 7:26

Ama ba fa bɩ mɩ teeŋ jegile nɩɩ, a vɩa dɩ ba tomi. Ba fa kɛŋ nyuduoŋ nɛ a wasa ŋaa wʋbɔŋŋɔɔ a kɩɩ ba naabalɩmaba.

JEMBIEE 1:18

La TƖƖNA ŋaa tʋɔpʋl Tɩɩna nɛ, ka mɩ pɛ vɩa wɩalɩŋ ʋ sɩ daga. Nʋʋkala jegili mɩ teeŋ, má bee na hɛɛ-la mɩ sɩɩ na. Mɩ bapʋɔsaa arɩ mɩ hatoloo kala nɛ ba kɛsɛ mʋ yoŋ-baga.

JEMBIEE 1:8

Jerusalɛm nɩaa ŋaa wʋbɔŋŋɔɔ kɩŋkɛŋ nɛ, ŋɩɩ leŋ ʋ kɛŋ disiniŋ. Nɩalɩŋ kala fa sɩɩ zilu mɩɩra kɛnʋ gbigbesi nɛ, bɛɛ wɩaa ba na ʋ bʋbʋɔŋ kala nɛ. Ʋ tɩtɩa hʋʋnɛ aŋ gʋrɛ nyuŋ.

ƐZƖKƖƐL 20:18

Tintee-hɩlɩɩ-la lɛ, mɩ fa bʋla pɩ ba biiriŋ, ‘Má pɔ ma sɩ́ ma nyɩmmaba wʋdagaa to koo a to ba wombiee koo a to ba tɔmɔ-la a ŋaa disiniŋ hɛ ma tɩtɩa lɛ.

ƐZƖKƖƐL 20:21

Ama biiri-la ma fa vɩa mɩ niiŋ nɛ: Ba bɩ mɩ wombiee arɩ mɩ niiŋ wɩalɩŋ dɔnsʋŋ mɩ fa sɩ dagɛba to, wɩalɩŋ nʋʋ sɩ jaŋ to a kɛŋ mɩɩsɩŋ. Ba fa chaasa chei mɩ chɛ-wiesii-la nɛ. Ŋɩɩ nɛ mɩ fa sɩ mɩ jaŋ faasa na baanɩŋ ba nyuŋ a cheiba tintee-hɩlɩŋ lɛ.

ƐZƖKƖƐL 20:8

Ama ba vɩa mɩ niiŋ nɛ a bɩ jegile nɩɩ mɩ teeŋ. Ba bɩ tɔmɔ-la sɩ ŋaa disiŋ kɩa ka ba choba joŋo ta, ba bɩra bɩ Ijipiti tɩŋŋaa tɔŋŋɔɔ ma leŋe. Ŋɩɩ nɛ mɩ sɩ mɩ jaŋ na baanɩŋ ba nyuŋ a ŋaa baaŋ wɩaa ba lɛ Ijipiti tintee-la lɛ.

Luuk 17:10

Ma saa nagɛ ŋɩɩ nɛ. Dɩ ma nɛ ŋaa wɩalɩŋ kala ba sɩ sɩ dɩ ma ŋaa, ʋ maga dɩ ma bʋl, ‘La ŋaa tɩntɩnnaa nɛ, ʋ bɩ maga dɩ ba lɔllɛla. Tɩntɩmɩɩ-la sɩ maga dɩ la tɩŋ nɛ la tɩŋ.’ ”

Jɔɔŋ 15:14

Dɩ ma nɩɩ ŋaa wɩalɩŋ mɩ sɩ bʋla pɩma dɩ maa ŋaa, ma jaŋ ŋaa mɩ nandɔnsʋŋ.

Galiisia Nɩaa 3:10

Nɩalɩŋ sɩɩ chɛ dɩ ba to wɩalɩŋ Mosis sɩ bile lɛ a kɛŋ tʋɔpʋla, Wɩa ŋmɩɛsa hɛ ba lɛ nɛ, bɛɛ wɩaa Wɩa teniŋ tʋɔŋ ba bʋla arɩ nɩɩ-la kala sɩ bɩ wɩalɩŋ kala Mosis sɩ ŋmʋnsa bil ka to, Wɩa ŋmɩɛsa hɛ ʋ lɛ nɛ.

Jeems 2:10

Dɩ nʋʋ nɛ paala tuto wɩalɩŋ kala ba sɩ ŋmʋnsa bil dɩ nɩaa tuto aŋ chei ba tʋɔŋ wʋbala ma, ʋ naga ʋ chei wɩalɩŋ kala nɛ ŋɩɩ Wɩa sɩpaaŋ.

JOSUA 21:43

La TƖƖNA joŋ tintee-la kala ʋ fa sɩ hɛ niiŋ a pɩ Iziral tɩŋŋaa naabalɩmaba, arɩ ʋ jaŋ joŋo pɩba dɩ ʋ ŋaa ba kʋŋ pɩba nɛ. Ba hɔŋ nɩmɛ.

JOSUA 23:16

Dɩ ma nɛ vɩa dɩ ma to nii-la sɩ hɛ ma dɩ ma TƖƖNA Wɩa pɛgɛ, kʋ-la ʋ sɩ dagɛma, aŋ kpʋkpaarɛ vesiŋ a kpikpirimi ba sɩpaaŋ, La TƖƖNA jaŋ na baanɩŋ ma nyuŋ a leŋ dɩ ma kala guu nyɩɩgɛ tintee-zɔŋ-la ʋ sɩ joŋo pɩma lɛ.”