JƐRƖMAAYA 32:20 - WƖA TENIŊ

²⁰ Ŋ ŋaa wʋmagɩlaa arɩ wʋkpuŋkperisiŋ nɛ Ijipiti tinteeŋ lɛ, aŋ ha ŋɩŋaaba a kaa kɔ jɩnɩŋ, Iziral tɩŋŋaa arɩ dʋnɩa nɩaa kala tʋɔŋ. Ŋɩɩ leŋ ŋ laa yɩrɩ-balɩŋ lee-kala.

JƐRƖMAAYA 32:20 ပူးပေါင်းရင်းမြစ်များ

2 SAMƲƐL 7:23

Tintee dɔŋ tuo dʋnɩa lɛ a magɛ ŋ nɩaa Iziral tɩŋŋaa. Ba nɛ ŋ laa ta Ijipiti tɩŋŋaa nɩsɩŋ lɛ faafaa, bʋa-la lɛ ba sɩ ŋaa yosuŋ. Ŋ laaba ta dɩ ba ŋaa ŋ nɩaa. Wʋbala-la arɩ wʋkpuŋkperisi-la ŋ sɩ ŋaa pɩba leŋe ŋ yɩrɩŋ yɩrɛ nɛ dʋnɩa kala lɛ. Ŋ kiri tinteyee arɩ ba vesiŋ ta nɛ ŋ nɩaa sɩpaaŋ. Ba nɛ nɩalɩŋ ŋ sɩ laa ta Ijipiti tinteeŋ lɛ.

1 IZIRAL TƖŊŊAA NAABARƖŊ 17:21

Tintee dɔŋ tuo dʋnɩa lɛ a magɛ ŋ nɩaa Iziral tɩŋŋaa. Ba nɛ ŋ laa ta Ijipiti tɩŋŋaa nɩsɩŋ lɛ faafaa, bʋa-la lɛ ba sɩ ŋaa yosuŋ. Ŋ laaba ta dɩ ba ŋaa ŋ nɩaa nɛ. Wʋbala-la arɩ wʋkpuŋkperisi-la ŋ sɩ ŋaa pɩba leŋe ŋ yɩrɩŋ yɩrɛ nɛ dʋnɩa kala lɛ. Ŋ kiri tinteyee nɩaa ta nɛ ŋ nɩaa sɩpaaŋ, ŋ nɩalɩŋ ŋ sɩ laa ta Ijipiti tinteeŋ lɛ.

NƐHƖMAAYA 9:10

Ŋ ŋaa wʋmagɩlaa arɩ wʋkpuŋkperisiŋ nɛ Ijipiti kuoro, ʋ tɩntɩnnɩ-hɩasɩŋ arɩ ʋ nɩaa kala lɛ, bɛɛ wɩaa ŋ jɩŋ ŋɩɩ Ijipiti tɩŋŋaa sɩ wʋrɩgɛ ba nɛ. Ŋ laa yɩrɩŋ a pɩ ŋ tɩtɩa nɛ a kaa kɔ arɩ jɩnɩŋ kala.

NƐHƖMAAYA 9:11

Ŋ leŋe mʋgʋ-balɩŋ kpaa balɩa nɛ Iziral tɩŋŋaa sɩpaaŋ, ba to ʋ tʋɔŋ a vɛŋ tintee-hɩlɩŋ lɛ a lɩɩ. Ama ŋ leŋe nɩalɩŋ sɩ kire to ba harɩŋ tuu lɩɩŋ bʋbʋɔŋ nɛ, a nagɛ ba sɩ joŋ tabɩɩŋ hɛ lɩɩ-balɩŋ lɛ.

WƖA YƖƖLAA 135:9

Ʋ ŋaa wʋmagɩlaa arɩ wʋkpuŋkperisiŋ nɛ dɩ ʋ dɔgɩsɛ Ijipiti tinteeŋ kuoro arɩ ʋ tɩntɩnnɩ-hɩasɩŋ kala.

MOSIS KƐŊ IZIRAL TƖŊŊAA LƖƖ 10:2

Ŋɩɩ jaŋ leŋ dɩ ma wuo bʋla pɩ ma biiriŋ arɩ ma nihee ŋɩɩ mɩ sɩ wʋrɩgɛ Ijipiti tɩŋŋaa arɩ wʋmagɩla-la mɩ sɩ ŋaa ba tʋɔŋ, dɩ ma wuo jɩŋ arɩ mɩ nɛ ŋaa ma TƖƖNA.”

MOSIS KƐŊ IZIRAL TƖŊŊAA LƖƖ 3:20

Mɩ jaŋ joŋ mɩ doluŋ a fʋgɛ Ijipiti tɩŋŋaa, a ŋaa wʋmagɩlaa Ijipiti tinteeŋ lɛ. Ŋɩɩ harɩŋ, ʋ jaŋ leŋ dɩ ma mʋ.

MOSIS KƐŊ IZIRAL TƖŊŊAA LƖƖ 7:3

Mɩ saa jaŋ leŋ dɩ Ijipiti tinteeŋ kuoro tʋɔŋ pɩrɛ, dɩ mɩ ŋaa wʋmagɩlaa arɩ wʋkpuŋkperisiŋ Ijipiti tinteeŋ lɛ.

MOSIS KƐŊ IZIRAL TƖŊŊAA LƖƖ 9:16

ama mɩ lemma nɛ, dɩ mɩ dagɛ mɩ doluŋ dɩ mɩ yɩrɩŋ yɩrɛ dʋnɩa sɛmɛ na-kala.

AZAAYA 63:12

Nɩɩ-la sɩ joŋ ʋ doluŋ a pɩ Mosis, ʋ leŋ mʋga-la fa sɩ pɩŋ ba sɩpaaŋ kpaa balɩa, dɩ ʋ laa yɩrɩ-la sɩ bɩ dɛrɛ a pɩ ʋ tɩtɩa,

AZAAYA 63:14

a nagɛ ba sɩ yie daa nɛsɩŋ kaa mʋ fuonaaŋ ba dii ya-fɩɛlɩŋ aŋ pɩnaa wiesi ŋɩɩ, ŋ Dɩma pɩ ŋ nɩaa wiese nɛ. Ŋ-la nɛ ŋ beŋ ŋ nɩaa nyuŋ a laa yɩrɩ-bal-la sɩ bɩ dɛrɛ.

JƐRƖMAAYA 13:11

A nagɛ ba sɩ yie joŋ tɩŋgɛnnɛ vɔɔ tɩŋa ŋɩɩ, ŋɩɩ tɩtɩa nɛ mɩ fa vɔɔ Iziral doho arɩ Juda doho nɩaa kala a mɛrɛ mɩ tɩtɩa lɛ. Mɩ fa ŋaa ŋɩɩ dɩ ba ŋaa mɩ nɩaa nɛ, a dɩdɛnnɛmɛ a yɩyɩrɛ mɩ yɩrɩ-balɩŋ a zizilmi, ama ba fa bɩ jegile nɩɩ. Mɩ-na ma TƖƖNA nɛ bʋla.

DANƖƐL 6:28

Ŋɩɩ nɛ Danɩɛl wɩɩkala vɛŋ woruŋ Daarus arɩ Siirus, Pɛsɩa tɩmma-la kuoruŋ bʋa lɛ.

DANƖƐL 9:15

La TƖƖNA Wɩa, ŋ nɛ kɛŋ ŋ naduo-la a kɛŋ ŋ nɩaa kaa lɩɩ Ijipiti tinteeŋ lɛ a laa yɩrɩŋ pɩ ŋ tɩtɩa a kaa kɔ arɩ jɩnɩŋ. La ŋaa wʋbɔŋ nɛ, la cheye nɛ.

Tɩntɩŋŋaa 7:36

Mosis ŋaa wʋmagɩlaa arɩ wʋkpuŋkperisiŋ Ijipiti tinteeŋ lɛ, aŋ-na kɛsɛ ʋ nɩaa lɩɩ Ijipiti tʋɔŋ. Ʋ fa ŋaa wʋmagɩlaa arɩ wʋkpuŋkperisiŋ nɛ mʋgʋ-bal-la ba sɩɩ yɩrɛ Mʋgʋ-fɩaŋ arɩ tintee-hɩlɩɩ-la lɛ ba sɩ baara jɩsɩŋ mahɩŋ balɩa.

MOSIS BƖRA WULLI WƖA WOMBIIŊ 11:3

Ma na wʋmagɩla-la kala ʋ sɩ ŋaa Ijipiti tinteeŋ kuoro arɩ ʋ nɩaa kala lɛ nɛ.

MOSIS BƖRA WULLI WƖA WOMBIIŊ 4:34

Veŋ bɛɛ nɛ hɛ nɩmɛ a jaŋ wuo mʋ tinteeŋ tʋɔŋ a ŋaa wɩaa magɩsɛba, a ŋaa wʋkpuŋkperisiŋ arɩ wʋmagɩlaa, a yuo laalɩŋ, a dagɛ ʋ doluŋ a ŋaa wɩaa sɩ kɛŋ fawʋllʋŋ a laa ʋ nɩaa tintee-la nɩaa teeŋ? Ŋ-la nɛ ma TƖƖNA Wɩa ŋaa ma sɩɩŋ lɛ aŋ laama kaa kʋ lɩɩ Ijipiti tinteeŋ lɛ.

MOSIS BƖRA WULLI WƖA WOMBIIŊ 6:22

La sɩɩŋ lɛ nɛ La TƖƖNA ŋaa wʋkpuŋkperisiŋ, wʋmagɩlaa arɩ wʋduoruŋ Ijipiti tinteeŋ kuoro arɩ ʋ tɩntɩnnɩ-hɩasɩŋ kala lɛ.

MOSIS BƖRA WULLI WƖA WOMBIIŊ 7:19

Ma na wʋkpuŋkperisi-la arɩ wʋmagɩla-la arɩ wʋduoru-la La TƖƖNA Wɩa sɩ kɛŋ ʋ doluŋ ŋaa nɛ, aŋ kɛmma kaa kʋ lɩɩ Ijipiti tinteeŋ lɛ. Wɩalɩŋ tɩtɩa nɛ ma TƖƖNA Wɩa jaŋ joŋo ŋaa nɩalɩŋ ma sɩɩ fá lɛ.