JƐRƖMAAYA 32:19 - WƖA TENIŊ

¹⁹ Ŋ wɩaa kala ŋaa wʋbala nɛ, ŋ wʋŋaalaa ma kala ŋaa wʋduoru. Ŋ sɩaa ka na nuhuobiinee wʋŋaalaa kala nɛ. Ŋ yie tiŋ nʋʋkala a lɩɩ ŋɩɩ ʋ mɛlɛ arɩ ʋ wʋŋaalaa sɩ naga nɛ.

JƐRƖMAAYA 32:19 ပူးပေါင်းရင်းမြစ်များ

1 KUOROO 8:32

ŋ hɛ ŋ jaŋ lɛ nɛ, jegile nɩɩ a laa wɩɩ-la jɩŋ. Dɔgɩsɛ nɩɩ-la sɩ laa cheeriŋ, aŋ joŋ nɩɩ-la sɩ bɩ wɩɩ cheye ta.

2 IZIRAL TƖŊŊAA NAABARƖŊ 16:9

La TƖƖNA sɩaa hɛ dʋnɩa lɛ nɛ a bee chɩchɛ nɩalɩŋ sɩɩ tou arɩ ba tʋɔŋ kala dɩ ʋ pɩba doluŋ. Nɩyaarɛ wɩɩ nɛ ŋ ŋaa ŋɩɩ. A chɩŋ lɛɛlɛ kaa mʋ ŋ dɩ laalɩŋ puu dɔŋɔ nɛ.”

JOB 34:11

Ʋ yie joŋ nuhuobiine wʋŋaalaa chɩmɩŋ timu nɛ, a timu a magɛ ŋɩɩ ʋ mɛlɛ sɩ naga.

JOB 34:21

Wɩa sɩaa hɛ nuhuobiinee wombiee lɛ nɛ, ʋ yie na naakiel kala ba sɩ joŋo nɛ.

WƖA YƖƖLAA 111:2

La Tɩɩna tɩŋ tɩntɩŋ-duoruŋ yʋgɛ nɛ. Nʋʋ na-kala tʋɔŋ sɩ tɔrɛ ba lɛ kɛmba bɩbɩɩnɛ.

WƖA YƖƖLAA 34:15

La Tɩɩna sɩaa pɛ tʋɔpʋl tɩŋŋaa lɛ nɛ, a jegilee nɩɩ ba nii-ŋmobo.

WƖA YƖƖLAA 62:12

chonuŋ ma ŋaa ʋ-na La Tɩɩna kʋŋ. Wʋtɩtɩɩ, ŋ jaŋ tiŋ nʋʋkala a magɛ ŋɩɩ ʋ sɩ tɩma magɛ.

WƖA YƖƖLAA 92:6

Nɩchʋʋla bɩ ba wuo jɩŋ, nɩyaarɩŋ bɩ ba bʋbʋɔŋ wuo jɩŋ.

MOSIS KƐŊ IZIRAL TƖŊŊAA LƖƖ 15:11

La TƖƖNA, vesiŋ tʋɔŋ, veŋ bɛɛ nɛ hɛ nɩmɛ a magɩŋ? Kʋbɛɛ nɛ hɛ nɩmɛ a jaŋ wuo dagɛ ʋ tʋɔpʋla arɩ ʋ doluŋ a magɛ dɩ la fɩfáʋ a dɛnnʋ a tɩŋ ʋ sɩɩ ŋaa wʋkpuŋkperisiŋ?

NAMAGABA 5:21

La Tɩɩna ka na la naavɛnɛɛ kala nɛ, a bibeŋ la wʋŋaalaa.

NAMAGABA 8:14

Mɩ jɩŋ nɩaa chagɩlɩŋ, a jɩŋ wɩaa jense bʋlʋŋ ma, mɩ jɩŋ wɩaa a kɛŋ doluŋ ma.

TƖƖCHA 12:14

Wɩa jaŋ dii la sarɩya wɩɩ na-kala la sɩ ŋaa lɛ, dɩ ba ŋaa wʋzɔmɔ koo wʋbɔmɔ, a pɛ wɩalɩŋ kala la sɩ lʋara ŋaa lɛ.

AZAAYA 28:29

Wɩaa deemba kala lɩɩ La TƖƖNA doluŋ kala Tɩɩna sɩ jɩŋ nɩaa chagɩlɩŋ woruŋ, a kɛŋ wʋjɩmɩŋ kɩŋkɛŋ teeŋ nɛ.

AZAAYA 40:13

Kʋbɛɛ nɛ jaŋ wuo jɩŋ La TƖƖNA tʋɔbɩɩnaa koo a bʋl wɩaa a chagɩlʋ?

AZAAYA 59:18

Ba sɩ ŋaa wɩaa magɛ ŋɩɩ chɩmɩŋ nɛ ʋ jaŋ joŋo timba, ʋ jaŋ na baanɩŋ a dɔgɩsɛ ʋ dʋndɔŋŋɔɔ, Ʋ jaŋ tiŋ nɩalɩŋ ma kala sɩ hɛ tinteye-la lɩɩŋ sɩ gollo chu lɛ.

AZAAYA 9:6

bɛɛ wɩaa ba lʋl bii nɛ a pɩla, hambolibie nɛ ba joŋo pɩla, ʋ nɛ jaŋ bibenla. Ba jaŋ yɩyɩrʋ: Nɩɩ-la sɩ jɩŋ nɩaa chagɩlɩŋ ʋ dɔŋ tuo, Wɩa sɩ kɛŋ doluŋ, Nyɩmma-la sɩ jaŋ hɛ nɩmɛ deeŋ deeŋ, Kuori-bile sɩ kɛŋ fɩɛlɩŋ kʋkɔ.

JƐRƖMAAYA 16:17

Mɩ sɩaa ka na ba wʋŋaalaa kala nɛ. Wɩalɩŋ kʋŋkala bɩ faa mɩ teeŋ. Ba wʋbɔŋŋɔɔ ma bɩ faa mɩ teeŋ.

JƐRƖMAAYA 17:10

Mɩ-na ma TƖƖNA nɛ yie beŋ nɩa tʋɔŋ a magɩsʋ na wɩalɩŋ sɩ hɛ ʋ nyuŋ lɛ aŋ timu a mʋ tɩgɛ ʋ mɛlɛ, arɩ ʋ wʋŋaalaa sɩ nagɛ ŋɩɩ lɛ.”

JƐRƖMAAYA 21:14

Mɩ jaŋ dɔgɩsɛma arɩ ma wʋŋaalaa sɩ dagɛ ŋɩɩ. Mɩ-na ma TƖƖNA nɛ bʋla. Mɩ jaŋ joŋ nyiniŋ hɛ ma duuŋ lɛ, dɩ ʋ dii kʋŋkala sɩ gollima. Mɩ-na ma TƖƖNA nɛ bʋla.”

JƐRƖMAAYA 23:24

Nʋʋkala bɩ jaŋ wuo faa lee dɩ mɩ sɩ́ ʋ na. Mɩ hɛ tinteeŋ arɩ Wɩa-jaŋ kala lɛ nɛ. Mɩ-na ma TƖƖNA nɛ bʋla.

JƐRƖMAAYA 25:14

Babɩlɔŋ tɩmma-la jaŋ ŋaa tintee daŋ nɩaa arɩ kuori duoruŋ yosi. Mɩ jaŋ timba a tɩŋ ba mɛlɛ arɩ ba wʋŋaalaa wɩaa.”

DANƖƐL 2:45

Duoso-la ŋ sɩ na dɩ bʋŋ yɛrɛ lɩɩ peeliŋ nyuŋ, ka nuhuobiine dee bɩ yɛrɛ, ʋ bʋbʋɔŋ nɛ ŋɩɩ. Bʋŋ-la sɩ yɛrɛ hɔɔ-la, kɔlɩɩ-la, chʋrʋ-la, hɔpʋla-la arɩ sɛlɩmɛ-la muno muno ŋɩɩ, Wɩa sɩ yʋga joŋ wɩɩ-la maachie sɩ jaŋ ŋaa nɛ a dagɛ ŋ-na kuoro ŋɩɩ. Ŋ duoso-la ŋaa wʋtɩtɩɩ nɛ, ʋ bʋbʋɔŋ ma ŋaa wʋtɩtɩɩ.”

DANƖƐL 4:35

Dʋnɩa nɩaa kala bɩ kɩa ŋaa ʋ sɩpaaŋ. Ʋ nɛ kɛŋ doluŋ dɩ ʋ ŋaa wɩɩ-la kala ʋ sɩɩ chɛ Wɩa tɩndaaraa arɩ nuhuobiinee kala lɛ. Nʋʋkala bɩ jaŋ wuo pɔ dɩ ʋ sɩ́ wɩɩ ŋaa koo a pɩɛsʋ: Wʋbɛɛ nɛ ŋ ŋaa ŋ-la?

ZƐKARƖYA 9:1

La TƖƖNA bʋl wɩaa a tɩgɛ hɛɛ-la taŋ-la ba sɩɩ yɩrɛ Hadɩrak arɩ Damasɩkʋs tabalɩŋ nɩaa sɩ jaŋ na lɛ. La TƖƖNA sɩaa pɛ nʋʋkala lɛ nɛ, Iziral tɩŋŋaa dʋndʋŋa lɛ dee.

Matiu 16:27

Mɩ-na Nuhuobiine Bie jaŋ kɔ arɩ mɩ Nyɩmma tʋla, a pɛ mɩ tɩndaaraa lɛ. Dɩ la nɛ kɔ, Wɩa jaŋ tiŋ nʋʋkala a magɛ ŋɩɩ ʋ sɩ tɩma.

Jɔɔŋ 5:29

a sii ba bʋɔsʋŋ lɛ a kʋ lɩɩ. Nɩalɩŋ sɩ ŋaa wʋzɔŋŋɔɔ jaŋ sii a kɛŋ mɩɩsɩŋ, nɩalɩŋ ma sɩ ŋaa wʋbɔŋŋɔɔ jaŋ sii, dɩ Wɩa dii ba sarɩya a joŋ cheeriŋ pɩba.”

2 Kɔrɩntɩ Nɩaa 5:10

bɛɛ wɩaa la kala jaŋ mʋ chɩŋ Kirisito sɩpaaŋ dɩ ʋ dii la sarɩya. Kirisito jaŋ tiŋ nʋʋkala magɛ ŋɩɩ ʋ sɩ tɩma magɛ dʋnɩa deeŋ lɛ. Dɩ ŋ nɛ faa ŋaa wʋzɔŋŋɔɔ, ʋ jaŋ joŋ wʋzɔŋŋɔɔ timiŋ. Dɩ ŋ nɛ faa ŋaa wʋbɔŋŋɔɔ ma, ʋ jaŋ joŋ wʋbɔŋŋɔɔ timiŋ.

Ɛfɛsɩs Nɩaa 1:11

Wɩa tʋɔtɔrʋŋ arɩ ʋ chɛnɩŋ lɛ nɛ ʋ yie ŋaa wɩɩkala. Ʋ to Kirisito lɛ nɛ a lɩɩsɛla a leŋ la ŋaa ʋ nɩaa, arɩ ŋɩɩ ʋ sɩ bɩɩna bil faafaa kala.

Hiburu TƖŊŊAA 4:13

Kʋŋkala tuo sɩ jaŋ wuo kɛŋ ʋ tɩtɩa faa Wɩa teeŋ. Wɩa na kʋŋkala nɛ, ʋ teeŋ ba kala hɛ pʋlʋmʋŋ tʋɔŋ nɛ. Ʋ jaŋ leŋ dɩ la dagɛ la wʋŋaalaa kala a pʋ.

Jɔɔŋ Wʋnaalaa 2:23

Mɩ jaŋ ŋmoo ʋ harɩ-tooroo kala kpʋ. Dɩ mɩ nɛ ŋaa ŋɩɩ, nɩalɩŋ kala sɩ laa Yesu wɩaa dii aa hilimi jaŋ jɩŋ arɩ mɩ jɩŋ nʋʋkala tʋɔbɩɩnaa nɛ. Nʋʋkala sɩ tɩma magɛ ŋɩɩ, ŋɩɩ nɛ mɩ jaŋ timu magɛ.

Jɔɔŋ Wʋnaalaa 22:12

Yesu sɩ, “Má bee na, mɩ jaŋ kɔ lɛɛlɛ, mɩ jaŋ kʋ tiŋ nʋʋkala. Nʋʋkala sɩ tɩma magɛ ŋɩɩ, ŋɩɩ tɩtɩa nɛ ʋ jaŋ laa ʋ time.