Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




JƐRƖMAAYA 32:18 - WƖA TENIŊ

18 Ŋ yie dagɛ ŋ chonuŋ a pɩ nɩaa bʋɩba nɛ, ama ŋ yie dɔgɩsɛ nɩaa biiriŋ arɩ ba nihee a tɩŋ ba nyɩmmaba wʋbɔŋŋɔɔ wɩaa. Ŋ nɛ Wɩa sɩ faasa kɛŋ doluŋ, ŋ yɩrɩŋ nɛ La TƖƖNA, doluŋ kala Tɩɩna.

အခန်းကိုကြည့်ပါ။ ကော်ပီ




JƐRƖMAAYA 32:18
33 ပူးပေါင်းရင်းမြစ်များ  

Ama Jekɔb Wɩa sɩ ŋaa doluŋ kala TƖƖNA leŋe ʋ toŋ arɩ ʋ nɩsaa kɛŋ doluŋ nɛ, a tɩŋ Wɩa sɩ ŋaa Iziral tɩŋŋaa pʋpɔɔrɔ wɩaa.


Ŋ-la nɛ La TƖƖNA fa bʋl, ‘Mɩ dɩa na dɩ ba kpʋ Nabɔf arɩ ʋ biiriŋ ŋmaŋkaaŋ deeŋ lɛ. Mɩ saa jaŋ leŋ dɩ ba kpʋ ŋ ma ŋmaŋkaaŋ deeŋ tɩtɩa lɛ.’ Ŋɩɩ wɩaa, joŋ Joram kʋsʋʋŋ yuo hɛ ŋmaŋkaa-la lɛ, arɩ La TƖƖNA fa sɩ bʋl ŋɩɩ.”


Ŋɩɩ nɛ mɩ bʋl, “Ou, La TƖƖNA Wɩa, ŋ sɩ hɛ ŋ jaŋ lɛ, ŋ kɛŋ doluŋ nɛ woruŋ, la chaasa fɩfáŋ. Ŋ kɛŋ nii-la sɩ hɛ ŋ dɩ ŋ nɩaa pɛgɛ kaa tɩtɩŋ nɛ arɩ wʋtɩtɩɩ, nɩalɩŋ sɩ choŋ a tuto ŋ wʋdagaa.


La Tɩɩna Wɩa doluŋ kala Tɩɩna yɩrɛ dʋnɩa nɩaa kala nɛ, a chɩŋ wɩɩpɔsʋŋ dɩɩrɩŋ a kaa mʋ wɩɩjʋʋlʋŋ dɩɩrɩŋ a kʋ hɛ dɔŋɔ lɛ.


Ŋ nɩɩ beŋ mʋgʋ-balɩŋ, dɩ ʋ lɩɩ pel-duoŋ nɛ sie, ŋ yie ŋaa ʋ sigili nɛ.


Ŋɩɩ nɛ ʋ to Mosis sɩpaaŋ bal aŋ bʋl, “Mɩ nɛ ma TƖƖNA, mɩ nɛ ma TƖƖNA, mɩ nɛ ŋaa Wɩa-la sɩɩ fá nɩaa nenige. Mɩ nɛ ŋaa Wɩa-la nɩaa sɩ jaŋ wuo jʋʋ mɩ lahɔrɩmɔ, mɩ baanɩŋ bɩ lɩma lɩma ka sii, a cho nɩaa kɩŋkɛŋ a kɛŋ wʋtɩtɩɩ,


a cho nɩaa arɩ ba doho doho bʋɩba, a joŋ nɩaa wʋbɔŋŋɔɔ arɩ ba wʋcheelee aa chɛba. Ama mɩ bɩ nɩalɩŋ sɩ ŋaa wɩaa chei ka leŋ pɛɩ, mɩ yie dɔgɩsɛ biiriŋ arɩ ba ma biiriŋ arɩ biiri-la ma nihee a tɩŋ ba nyɩmmaba wʋbɔŋŋɔɔ wɩaa.”


Iziral tɩŋŋaa nɩkaana-la jaŋ mɩɩra kɔ la Wɩa doluŋ kala Tɩɩna teeŋ.


Mɩ nɛ kɩɩ kʋŋkala a ŋaa Wɩa sɩ bɩ disiniŋ kɛnɛ. Mɩ hɛ nɩmɛ nɛ a kaa mʋ wuu. Mɩ hɛ wɩa-nyuŋ dɩ-bolii sɩ bɩ disiniŋ kɛnɛ nɛ. Ama mɩ ha yie guoli nɩalɩŋ sɩ kɛŋ ba tɩtɩa muuri a bɩrɩma lɩɩ ba wʋbɔŋŋɔɔ lɛ tʋɔŋ nɛ, a leŋ ba kɛŋ yɩɛlaa.


bɛɛ wɩaa ba lʋl bii nɛ a pɩla, hambolibie nɛ ba joŋo pɩla, ʋ nɛ jaŋ bibenla. Ba jaŋ yɩyɩrʋ: Nɩɩ-la sɩ jɩŋ nɩaa chagɩlɩŋ ʋ dɔŋ tuo, Wɩa sɩ kɛŋ doluŋ, Nyɩmma-la sɩ jaŋ hɛ nɩmɛ deeŋ deeŋ, Kuori-bile sɩ kɛŋ fɩɛlɩŋ kʋkɔ.


Jekɔb Wɩa-na bɩ ba naga. Ʋ nɛ ŋaa kʋŋkala, aŋ lɩɩsɛ Iziral tɩŋŋaa ba ŋaa ʋ nɩaa. Ʋ yɩrɩŋ nɛ La TƖƖNA doluŋ kala Tɩɩna.


La TƖƖNA, nʋʋkala tuo a nagɩŋ, ŋ nɛ yʋga, ŋ nɛ kɛŋ doluŋ, ŋ yɩrɩŋ ma yʋgɛ.


Ama La TƖƖNA hɛ mɩ teeŋ nɛ a nagɛ laalɩyuori babii-balɩŋ. Ŋɩɩ wɩaa, nɩalɩŋ sɩ to naasɩŋ dʋdɔgɩsɛmɛ jaŋ gɛrɛ tel, ba bɩ jaŋ yuo diimi. Ba jaŋ yuo lɔl, dɩ hɩɩsɩŋ chaasa diiba. Nɩaa bɩ jaŋ kɔ dɩ ba yʋ hɩɩsɩ-la sɩ diiba wɩaa.


Wɩɩŋ deeŋ nɛ La TƖƖNA bʋl, nɩɩ-la sɩ leŋe wɩɩpɔsʋŋ pʋpɔsɛ wɩɩhɛyɛ, a leŋ chɛnɛ arɩ chɛnwʋlaa pʋpɔsɛ tɩtaŋɩŋ, ʋ nɛ yie kɛŋ mʋgʋ-balɩŋ vuugi ʋ lɩɩ-peliŋ dɔŋ. Ʋ yɩrɩŋ nɛ La TƖƖNA doluŋ kala Tɩɩna.


Wɩɩ-la La TƖƖNA nɛ sɩ ŋaa dʋnɩa, ʋ nɛ sɩ mɛʋ a leŋ ʋ chɩŋ woruŋ, ʋ yɩrɩŋ ŋaa La TƖƖNA sɩ bʋla nɛ ŋ-la:


Ama ba Laataara kɛŋ doluŋ nɛ, ʋ yɩrɩŋ nɛ La TƖƖNA doluŋ kala Tɩɩna. Ʋ jaŋ faasa chɩna gbɛrɛba a leŋ dɩ ba na wiese ba tinteeŋ lɛ. Ama Babɩlɔŋ nɩaa-na bɩ jaŋ na wiese.


Duoso-la ŋ sɩ na dɩ bʋŋ yɛrɛ lɩɩ peeliŋ nyuŋ, ka nuhuobiine dee bɩ yɛrɛ, ʋ bʋbʋɔŋ nɛ ŋɩɩ. Bʋŋ-la sɩ yɛrɛ hɔɔ-la, kɔlɩɩ-la, chʋrʋ-la, hɔpʋla-la arɩ sɛlɩmɛ-la muno muno ŋɩɩ, Wɩa sɩ yʋga joŋ wɩɩ-la maachie sɩ jaŋ ŋaa nɛ a dagɛ ŋ-na kuoro ŋɩɩ. Ŋ duoso-la ŋaa wʋtɩtɩɩ nɛ, ʋ bʋbʋɔŋ ma ŋaa wʋtɩtɩɩ.”


“Ou La TƖƖNA, ŋ nɛ hɛ nɩmɛ faafaa kala. Mɩ Wɩa, ŋ bɩ disiniŋ kɛnɛ, la bɩ jaŋ sʋʋ. Ou mɩ TƖƖNA, ŋ nɛ fa lɩɩsɛ Babɩlɔŋ tɩŋŋaa dɩ ba laa la wɩaa jɩŋ. Mɩ Wɩa, ŋ nagɛ bʋŋ nɛ a chu tɔla, ŋ nɛ fa lɩɩsɛba a pɩba doluŋ dɩ ba dɔgɩsɛla.


Ŋ-na La TƖƖNA baanɩŋ bɩ lɩma lɩma ka sii, ŋ kɛŋ chonuŋ arɩ wʋtɩtɩɩ, a joŋ nɩaa wʋbɔŋŋɔɔ arɩ ba wʋcheelee aa chɛba, a bɩ nɩalɩŋ sɩ ŋaa wɩaa chei ka leŋ pɛɩ. Ŋ yie dɔgɩsɛ nyɩmmaba biiriŋ arɩ ba nihee arɩ ba nihi-lɩɛrɛba a tɩŋ ba nyɩmmaba wʋbɔŋŋɔɔ wɩaa.


Ŋɩɩ nɛ nɩ-daŋ-la kala bʋl, “Dɩ la nɛ cheye wɩɩŋ deeŋ lɛ, leŋ dɩ Wɩa dɔgɩsɛ la arɩ la biiriŋ a tɩŋ la sɩ kpʋʋ.”


Má ŋaa kɩaa pɩpɩ ma dɔnsʋŋ tɩŋŋaa. Dɩ ma nɩɩ ŋaa ŋɩɩ, Wɩa ma jaŋ ŋaa kɩaa a pɩma a kɛŋ zile ma teeŋ. Ʋ jaŋ magɩsɛ kɩaa chʋɔrɛ a pɩma. Kʋ-la ŋ sɩ kaa magɩsa pɩ ŋ dɔŋɔ tɩɩna, ʋ tɩtɩa nɛ Wɩa ma jaŋ kaa magɩsa pɩŋ.”


Ma TƖƖNA Wɩa nɛ kɩɩ vene kala. Ʋ nɛ kɛŋ doluŋ kʋŋkala lɛ a magɛ dɩ ma zizilu. Ʋ bɩ nɩaa kaa pʋpɔrɛ, nʋʋkala ma bɩ ʋ wuo kpal dɩ ʋ ŋaa wɩɩ.


Má sɩ́ leŋe dɩ fawʋllʋŋ kɛmma a tɩŋ nɩalɩŋ wɩaa, ma TƖƖNA Wɩa hɛ ma teeŋ nɛ, ʋ ŋaa Wɩa sɩ kɛŋ doluŋ nɛ woruŋ a magɛ dɩ nʋʋkala fɩfáʋ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ