JƐRƖMAAYA 32:17 - WƖA TENIŊ

¹⁷ “La TƖƖNA Wɩɩjarɩbakɔ, ŋ dol-balɩŋ arɩ ŋ naduo-la nɛ ŋ kaa ŋaa wɩa-nyuŋ arɩ tinteeŋ. Wɩɩkala tuo a dolie pɩŋ.

JƐRƖMAAYA 32:17 ပူးပေါင်းရင်းမြစ်များ

WƖAA DƖ-SUOMUŊ 18:14

Wɩɩ nɛ hɛ nɩmɛ La TƖƖNA bɩ ʋ doluŋ kɛnɛɛ? Bʋa deeŋ tɩtɩa mɩ sɩ daga lɛ, mɩ jaŋ mɩɩra kɔ dɩ Sara lʋl hambolibie.”

2 KUOROO 19:15

aŋ sʋlʋ, “La TƖƖNA, Iziral tɩŋŋaa Wɩa, ŋ sɩ hɔŋ ŋ kuoru kpasa-la sɩ hɛ kɩalɩŋ sɩ kɛŋ kɩŋkɛnsɩŋ a nagɛ Wɩa tɩndaaraa pɛgɛ, ŋ dʋndʋŋa nɛ Wɩa, a bibeŋ tinteye-la kala sɩ hɛ dʋnɩa lɛ. Ŋ nɛ ŋaa wɩa-nyuŋ arɩ tinteeŋ.

2 KUOROO 3:18

Wɩɩŋ deeŋ ŋaa wʋbie nɛ La TƖƖNA teeŋ. Ʋ jaŋ joŋ Mʋab tɩmma-la ma a hɛ ma nɩsɩŋ lɛ.

NƐHƖMAAYA 9:6

“Ŋ dʋndʋŋa nɛ ŋaa La TƖƖNA. Ŋ nɛ ŋaa wɩa-nyuŋ arɩ chɛnwʋlaa arɩ kɩalɩŋ kala sɩ hɛ ba lɛ. Ŋ nɛ ŋaa tinteeŋ arɩ kɩalɩŋ kala sɩ hɛ ʋ lɛ, a pɛ mʋgʋ-balɩŋ arɩ kɩalɩŋ kala sɩ hɛ ʋ lɛ. Ŋ nɛ pɩ kʋŋkala mɩɩsɩŋ, Wɩa-jaŋ kɩaa kala ziziliŋ.

JOB 42:2

“Mɩ jɩma ŋ jaŋ wuo ŋaa wɩɩkala, nʋʋkala bɩ wɩɩ ŋ sɩ bɩɩna dɩ ŋ ŋaa wuo birigi.

WƖA YƖƖLAA 102:25

Dɩ-suomuŋ kala, ŋ nɛ bil tinteeŋ gentine, ŋ nɛ ŋaa wɩa-nyuŋ ma.

WƖA YƖƖLAA 136:12

Ʋ naduo-la nɛ ʋ kaa laaba ta. Ʋ chonuŋ bɩ dɛrɛ.

MOSIS KƐŊ IZIRAL TƖŊŊAA LƖƖ 20:11

Tapʋlaa balɩdʋ nɛ mɩ-na ma TƖƖNA joŋo ŋaa wɩa-nyuŋ arɩ tinteeŋ, mʋgʋ-balaa arɩ kɩalɩŋ kala sɩ hɛ ba lɛ, tapʋl-pɛɩ chɛɛŋ nɛ mɩ wiesi. Ŋɩɩ nɛ mɩ joŋ chɛ-wiesiŋ deeŋ a wasʋ, a leŋ ʋ ŋaa tapʋl-zɔŋ.

AZAAYA 42:5

La TƖƖNA Wɩa nɛ ŋaa wɩa-nyuŋ a leŋ ʋ jɛrɛ tɔ leriŋ, ʋ nɛ ŋaa tinteeŋ arɩ kɩalɩŋ kala sɩ hɛ ʋ lɛ. Ʋ nɛ pɩ nuhuobiine mɩɩsɩŋ.

AZAAYA 44:24

Wɩɩ-la La TƖƖNA, ma Laataara, Nɩɩ-la sɩ ŋaama sɩ bʋla nɛ ŋ-la: “Mɩ nɛ ma TƖƖNA, mɩ nɛ ŋaa kʋŋkala. Mɩ dʋndʋŋa nɛ ŋaa wɩa-nyuŋ arɩ tinteeŋ.

AZAAYA 45:12

Mɩ nɛ ŋaa tinteeŋ arɩ nuhuobiine kala sɩ hɛ dʋnɩa lɛ. Mɩ nɛ ŋaa wɩa-nyuŋ, a ŋaa wɩɩpɔsʋŋ arɩ chɛnɛ arɩ chɛnwʋlaa kala a leŋ ba chɩŋ lere-la ba sɩ chɩna.

AZAAYA 59:1

La TƖƖNA bɩ nɩpʋgʋ ŋaa a bɩ ma wuo laa tɩta. Ʋ dɩgɩlaa ma bɩ kparɩma, ʋ sɩ bɩ jaŋ wuo nɩɩ ma sɩɩ yɩrʋ dɩ ʋ pɛ ma lɛ.

JƐRƖMAAYA 1:6

Ŋɩɩ nɛ mɩ bʋl, “Ou, La Tɩɩna Wɩɩjarɩbakɔ, mɩ bɩ wɩaa bʋlʋŋ jɩŋ. Mɩ ha ŋaa hambie nɛ.”

JƐRƖMAAYA 14:13

Ama mɩ sɩ, “Ah, La TƖƖNA Wɩɩjarɩbakɔ, ŋ wʋlaabʋllaa vɛnɛ bʋla pɩpɩba nɛ arɩ ŋ sɩ, ‘Laalɩŋ bɩ jaŋ jʋʋma koo dɩ losuŋ jʋʋma dɩ ma na hɛɛŋ. Wʋtɩtɩɩ, mɩ jaŋ leŋ dɩ ma hɔŋ tinteeŋ deeŋ lɛ arɩ fɩɛlɩŋ a kaa mʋmʋ wuu.’ ”

JƐRƖMAAYA 21:2

“Chɛ na wɩaa La TƖƖNA teeŋ a pɩla, bɛɛ wɩaa Babɩlɔŋ kuoro Nebukadineza ka yuola nɛ. Kapo La TƖƖNA jaŋ ŋaa wʋkpuŋkpere pɩla arɩ ʋ fa sɩɩ ŋaa ŋɩɩ, dɩ ʋ mʋ aŋ ka la.”

JƐRƖMAAYA 27:5

mɩ kɛŋ mɩ dol-balɩŋ arɩ mɩ naduoŋ nɛ a ŋaa dʋnɩa arɩ nuhuobiine arɩ pʋsʋ-la kala sɩ hɛ ʋ lɛ. Mɩ yie jomba pɩ nʋʋ na-kala mɩ tʋɔŋ sɩ tɔrɛ ʋ nyuŋ nɛ.

JƐRƖMAAYA 32:27

“Mɩ nɛ ma TƖƖNA, nuhuobiinee kala Wɩa. Wɩɩ nɛ hɛ nɩmɛ a dolie pɩmɛɛ?

JƐRƖMAAYA 33:3

“Yɩrɛmɛ, mɩ jaŋ sɛɩ, a dagɩŋ wʋduoruŋ arɩ wɩalɩŋ sɩ faa ŋ bɩ ba jɩŋ.

JƐRƖMAAYA 4:10

Ŋɩɩ nɛ mɩ bʋl, “Aa, La TƖƖNA Wɩɩjarɩbakɔ, ŋ chaasa nyɩsɛ nɩaa deemba arɩ Jerusalɛm nɩaa kala nɛ ŋ fa sɩ sɩ, ‘Má jaŋ hɔŋ arɩ fɩɛlɩŋ,’ ka tokobiiŋ pɛsɛ ba yikorusuŋ lɛ.”

JƐRƖMAAYA 51:15

Wɩa kɛŋ ʋ doluŋ nɛ a ŋaa tinteeŋ, a kɛŋ ʋ wʋjɩmɩŋ ma a ŋaa dʋnɩa. Ʋ sɩ jɩŋ wɩaa sɩaa ma lɛ nɛ ʋ to a ŋaa wɩa-nyuŋ a leŋ ʋ jɛrɛ.

JƐRƖMAAYA 51:19

Jekɔb Wɩa-na bɩ ba naga. Ʋ nɛ ŋaa kʋŋkala, aŋ lɩɩsɛ Iziral tɩŋŋaa ba ŋaa ʋ nɩaa. Ʋ yɩrɩŋ nɛ La TƖƖNA doluŋ kala Tɩɩna.

ƐZƖKƖƐL 11:13

Mɩ fa ha sɩɩ bʋl wɩaa Wɩa doluŋ lɛ ŋɩɩ, Bɛnaaya nanʋala Pɛlatɩa tele sʋʋ. Ŋɩɩ nɛ mɩ tele kɛŋ mɩ sɩaa chu tinteeŋ, aŋ ŋmoo niiŋ bogi bogi a pɩɛsɛ, “La TƖƖNA Wɩɩjarɩbakɔ, ŋ jaŋ kpʋ Iziral tɩŋŋaa nɩkaanaa kalaa?”

ƐZƖKƖƐL 9:8

Ba fa sɩɩ kpʋ nɩaa ŋɩɩ, ka mɩ chɩŋ mɩ dʋndʋŋ, ŋɩɩ nɛ mɩ tele chu a ŋmoo niiŋ a pɩɛsɛ, “Ou, La TƖƖNA Wɩɩjarɩbakɔ, ŋ baanɩŋ chaasa sii Jerusalɛm nyuŋ nɛ ŋ chɩchɛ dɩ ŋ kpʋ nʋʋ na-kala sɩ hɛ Iziral lɛɛ?”

DANƖƐL 2:22

Ʋ nɛ yie joŋ wɩalɩŋ sɩ kpere arɩ wɩalɩŋ sɩ faa a dagɛ nɩaa. Ʋ nɛ jɩŋ wɩalɩŋ sɩ hɛ birimiŋ tʋɔŋ, ʋ lɛ nɛ pʋlʋmʋŋ hɛ.

DANƖƐL 6:20

Ʋ sɩ kʋ kpagɛ naachigee dɩ-jʋʋlɩɩ-la, ʋ chele yɩrɛ, “Danɩɛl, Wɩa sɩ weye tɩntɩnnʋ, ŋ Wɩa-la ŋ sɩɩ chʋɔlʋ bʋa na-kala wuo laaŋ ta nɛ naachigee deemba niiŋ lɛɛ?”

ZƐKARƖYA 12:1

Wɩɩ-la La TƖƖNA sɩ bʋla tɩgɛ Iziral lɛ nɛ ŋ-la. La TƖƖNA sɩ ŋaa wɩa-nyuŋ a leŋ ʋ jɛrɛ, a ŋaa dʋnɩa gentine, a mɛ nuhuobiine a joŋ dɩma hɛ ʋ lɛ, wɩɩ-la ʋ sɩ bʋla nɛ ŋ-la:

ZƐKARƖYA 8:6

Wɩɩ-la La TƖƖNA doluŋ kala Tɩɩna sɩ bʋla nɛ ŋ-la: “Bʋa-la lɛ ʋ jaŋ wuo ŋaa wʋkpuŋkpere nɩalɩŋ nɩkaana-la teeŋ, ama ʋ bɩ jaŋ wuo ŋaa wʋkpuŋkpere mɩ-na teeŋ. Mɩ-na ma TƖƖNA doluŋ kala Tɩɩna nɛ bʋla.”

NAMBABA 11:23

Ŋɩɩ nɛ La TƖƖNA bʋla pɩ Mosis, “Ŋ bɩɩna mɩ bɩ doluŋ kɛnɛ nɛ koo? Ŋ jaŋ na wɩɩ-la mɩ sɩ bʋla pɩŋ jaŋ ŋaa koo ʋ bɩ jaŋ ŋaa.”

Matiu 19:26

Yesu mɩɩra bemba aŋ bʋl, “Wɩɩ-la sɩ jaŋ kperi nuhuobiine, ʋ bɩ Wɩa wuo kperi. Wɩa wuo wɩɩkala ŋaa nɛ.”

Maak 10:27

Yesu mɩɩra bemba aŋ bʋl, “Wɩɩ-la sɩ jaŋ kperi nuhuobiine, ʋ bɩ Wɩa wuo kperi. Wɩa wuo wɩɩkala ŋaa nɛ.”

Luuk 1:37

Wɩɩkala bɩ Wɩa wuo kperi.”

Luuk 18:27

Ŋɩɩ nɛ Yesu bʋla pɩba, “Wɩɩ-la sɩ jaŋ kperi nuhuobiine, ʋ bɩ Wɩa wuo kperi.”

Tɩntɩŋŋaa 14:15

“Nandɔmba, bɛɛ nɛ tɩɩ maa ŋaa ŋ-la? La ma ŋaa nuhuobiinee nɛ a nagɛ ma. La kɔ dɩ la bʋl La Tɩɩna Yesu wʋzɔmɔ-la nɛ a pɩma, dɩ ma wuo leŋ ma vʋɩyaa sɩ ŋaa kʋpɛɩba aŋ bɩrɩma to Wɩa sɩ weye. Ʋ nɛ ŋaa wɩa-nyuŋ, arɩ tinteeŋ, mʋgʋ-balaa arɩ fuonuŋ, arɩ kʋŋkala sɩ hɛ ba lɛ.

Tɩntɩŋŋaa 15:18

Wɩa bʋl ŋɩɩ faafaa kala nɛ dɩ nɩaa jɩŋ.”

Tɩntɩŋŋaa 17:24

Wɩa-la sɩ ŋaa dʋnɩa arɩ kʋŋkala sɩ hɛ ʋ lɛ, a ŋaa wɩa-nyuŋ arɩ tinteeŋ kala Tɩɩna, ʋ bɩ lere-la nuhuobiine sɩ saa aa kpaarɛ vʋɩyaa ka jʋʋ.

Jɔɔŋ Wʋnaalaa 4:11

“La Tɩɩna Wɩa, ʋ maga dɩ la chʋɔlʋŋ, ʋ maga dɩ la dɛnnɩŋ a yɩyɩrɛ ŋ yɩrɩŋ, ŋ nɛ doluŋ Tɩɩna. Ŋ nɛ ta kʋŋkala, ŋ tʋɔtɔrʋŋ lɛ nɛ ŋ taba ba hɛ nɩmɛ.”