JƐRƖMAAYA 32:15 - WƖA TENIŊ

¹⁵ bɛɛ wɩaa, wɩɩ-la La TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: Nɩaa jaŋ bɩra yɔɔ dɩɩsɩŋ, tinteyee arɩ girep tɩɩsɩŋ bagɩsɩŋ tinteeŋ deeŋ lɛ.”

JƐRƖMAAYA 32:15 ပူးပေါင်းရင်းမြစ်များ

AZAAYA 44:26

Mɩ nɛ leŋe wɩalɩŋ mɩ tɩntɩnna arɩ mɩ tɩndaaraa sɩ bʋla kʋ ŋaa wʋtɩtɩɩba. Mɩ bʋla arɩ nɩaa jaŋ bɩra hɔŋ Jerusalɛm lɛ, ka ba wasa saa Juda tasɩ-la ma sɩ pɩŋ jikpeeŋ.

JƐRƖMAAYA 30:18

Wɩɩ-la La TƖƖNA sɩ bʋla nɛ ŋ-la: “Mɩ jaŋ leŋ dɩ mɩ nɩaa Iziral tɩŋŋaa bɩra tɩɩ ba tinteeŋ. Mɩ jaŋ fá ba nenige. Ba jaŋ bɩra paa Jerusalɛm kɛrɩsɩ-la sɩ tele a wasa saa, dɩ kuoru dɩa-la wasa chɩŋ ʋ dɩchɩnɩŋ.

JƐRƖMAAYA 31:12

Ba jaŋ kɔ a ŋaa goŋ arɩ tʋɔtɔrʋŋ Zaayɔŋ dundolluŋ nyuŋ. Ba jaŋ jʋɔsɛ a tɩŋ kʋ-daŋ-la mɩ-na ma TƖƖNA sɩ joŋo pɩba wɩaa. Mɩ pɩba mɩaa, girep nɛnɛɛ sɩ-falɩŋ arɩ nʋʋŋ, a pɛ biiri-la ba nɛsɩŋ arɩ ba piesee sɩ lʋla lɛ. Ba jaŋ nagɛ lɩga sɩ kɛŋ fɩɛlɩŋ woruŋ, ba tʋɔŋ bɩra bɩ jaŋ chei.

JƐRƖMAAYA 31:24

Nɩaa jaŋ hɔnɔ hɛ dɔŋɔ Juda tinteeŋ arɩ ʋ tasɩŋ kala lɛ, paaraa arɩ nɩalɩŋ sɩ kɛŋ ba pʋsʋŋ gɔllɔɔ baarɛ.

JƐRƖMAAYA 31:5

Ma jaŋ bɩra pɛrɛ girep tɩɩsɩŋ bagɩsɩŋ Samarɩa dundolluŋ nyuŋ. Paaraa jaŋ chɔnsɛ tɩɩsɩ-la, a nɩɩ ba nɛnɛɛ sɩma.

JƐRƖMAAYA 32:14

“Wɩɩ-la La TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: Laa tenniŋ deemba sɩ daga arɩ mɩ yɔɔ tintee-la nɛ, kʋ-la ba sɩ pilime tɔ arɩ kʋ-la ba sɩ bɩ pilime tɔ kala a joŋo hɛ pupoiŋ tʋɔŋ dɩ ba hɛ nɩmɛ a dieni a sɩ́ chei,

JƐRƖMAAYA 32:25

Ŋ sɩ jaŋ joŋ tabal-la a hɛ Babɩlɔŋ tɩŋŋaa nɩsɩŋ lɛ ma, ŋ-na La TƖƖNA Wɩɩjarɩbakɔ ha bʋla pɩmɛ, ‘Joŋ warɩpʋla a yɔɔ tintee-la, aŋ leŋ dɩ nɩaa ŋaa pɛ-naaraa.’ ”

JƐRƖMAAYA 32:37

Mɩ jaŋ sɛnɛ kɛsɛba hɛ dɔŋɔ lɛ a kaa lɩɩ tinteye-la kala lɛ mɩ sɩ chaasa na baanɩŋ mɩ yaraa hosi mɩ kiriba hɛ lɛ. Mɩ jaŋ kɛmba mɩɩra kɔ leriŋ deeŋ dɩ ba hɔŋ sɔm.

ƐZƖKƖƐL 28:26

Ba jaŋ hɔŋ nɩmɛ, wɩɩkala bɩ baa walɩmɛ, a saa dɩɩsɩŋ a pɛrɛ girep tɩɩsɩŋ bagɩsɩŋ. Mɩ jaŋ dɔgɩsɛ nɩalɩŋ kala sɩ hɔnɔ kpagɛba a bene gʋʋnɛba. Iziral tɩŋŋaa jaŋ hɔŋ sɔm, ŋɩɩ nɛ ba jaŋ jɩŋ arɩ mɩ nɛ ba TƖƖNA.”

ZƐKARƖYA 3:10

Tapʋlɩɩ-la, ma kʋŋkala jaŋ yɩrɛ ʋ dɔŋɔ tɩɩna dɩ ʋ kʋ hɔŋ ʋ girep tɩa arɩ ʋ tutogo bʋbʋɔŋ.”