JƐRƖMAAYA 32:10 - WƖA TENIŊ

¹⁰ Ŋɩɩ nɛ mɩ joŋ mɩ neniiŋ teŋ-la sɩ dagɛ wɩɩ-la mɩ sɩ ŋaa lɛ, aŋ kaa pilime tɔ, a leŋ nʋʋ pɛ na, aŋ joŋ warɩpʋla-la daŋ sanɩa lɛ a magɩsɛ.

JƐRƖMAAYA 32:10 ပူးပေါင်းရင်းမြစ်များ

WƖAA DƖ-SUOMUŊ 23:16

Ŋɩɩ nɛ Abɩraham sɛɩ a tiŋ moribii-la niiŋ Ɛfʋrɔŋ sɩ daga ʋ nɩaa sɩpaaŋ, warɩpʋla zɔɔ-banɛsɛ, arɩ bayalaa sɩɩ yallɛ ŋɩɩ.

WƖAA DƖ-SUOMUŊ 23:20

Hiti tɩŋŋaa sɩ to ŋɩɩ a yallɛ ŋmaŋkaa-la arɩ bʋ-bʋa-la kala a pɩ Abɩraham ʋ ŋaa ʋ sʋʋnʋŋ dɩ-huguŋ nɛ ŋɩɩ.

JOB 14:17

Ŋ jaŋ joŋ mɩ wʋcheelee hɛ lʋaga lɛ a kaa tɔ, ŋ jaŋ gbaa tɔ mɩ wʋbɔŋŋɔɔ kala.

SOLOMOŊ YƖƖL-SƖMƖŊ 8:6

Kɛmmɛ mɛrɛ ŋ tɩtɩa lɛ a nagɛ magɩlɩŋ dɩ mɩ nagɛ nenii-pɩrɩŋ ŋ nɩsɩŋ lɛ. Chonuŋ kɛŋ doluŋ a nagɛ sʋʋŋ nɛ, ʋ yarɩ-bieriŋ ma pɛsɛ a nagɛ lɛlɛɛ sɩ bɩ sʋʋnʋŋ joŋo tɩta ŋɩɩ. Ʋʋ dii a nagɛ nyiŋgeliŋ nɛ, a nagɛ nyiŋ-gel balɩŋ.

AZAAYA 30:8

Mʋ ŋmʋnsɛ mɩ nɩaa wʋkɛnɛɛ a hɛ tabɩɩ-taala arɩ teniŋ lɛ a bil, ʋ jaŋ pɩŋ a ŋaa magɩl pɩba a kaa mʋ wuu arɩ ba ŋaa nɩbɔmɔ nɛ.

AZAAYA 44:5

Dɔŋɔ jaŋ bʋl, ‘La TƖƖNA nɛ tɩɩmɛ.’ Nʋʋ dɔŋ ma jaŋ bʋl, ‘Mɩ ŋaa Jekɔb nʋʋ nɛ.’ Nʋʋ dɔŋ ma jaŋ ŋmʋnsa hɛ ʋ nɩsɩŋ lɛ, ‘Mɩ ŋaa La TƖƖNA nʋʋ nɛ,’ a yɩyɩrɛ ʋ tɩtɩa Iziral tɩɩna.”

JƐRƖMAAYA 32:12

a joŋo pɩ Baruk sɩ ŋaa Neria nanʋala, aŋ ŋaa Maasɛya ma nihiŋ. Mɩ ŋaa ŋɩɩ nɛ mɩ naambie Hanamɛl sɩɩŋ lɛ arɩ nɩalɩŋ kala sɩ paa ba neniee a ŋaa pɛ-naaraa, arɩ Juu tɩmma-la kala sɩ hɔŋ nɩalɩŋ sɩɩ pɔ leriŋ kaala-la lɛ.

JƐRƖMAAYA 32:25

Ŋ sɩ jaŋ joŋ tabal-la a hɛ Babɩlɔŋ tɩŋŋaa nɩsɩŋ lɛ ma, ŋ-na La TƖƖNA Wɩɩjarɩbakɔ ha bʋla pɩmɛ, ‘Joŋ warɩpʋla a yɔɔ tintee-la, aŋ leŋ dɩ nɩaa ŋaa pɛ-naaraa.’ ”

JƐRƖMAAYA 32:44

Nɩaa jaŋ joŋ warɩpʋla a yɔɔ ŋmaŋkaanɩŋ, dɩ ba ŋmʋnsɛ tenniŋ a joŋ neniee, a kɛŋ tenni-la pilime tɔ ka dɩ nɩaa dii ŋaa pɛ-naaraa. Wɩɩŋ deeŋ jaŋ ŋaa Bɛnjamɩŋ tinteeŋ arɩ tabiisi-la sɩ golli Jerusalɛm lɛ. Ʋ jaŋ ŋaa Juda tasɩŋ arɩ tintee-la peelee sɩ yʋga lɛ, a pɛ wɩɩjʋʋlʋŋ dundollu-la sɩ hɛ peelee bʋbʋɔŋ arɩ wɩɩpɔsʋŋ nadiiŋ dɩɩrɩŋ, bɛɛ wɩaa mɩ jaŋ leŋ dɩ ba bɩra mɩɩra kɔ ba tinteeŋ. Mɩ-na ma Tɩɩna nɛ bʋla.”

DANƖƐL 8:26

Wɩalɩŋ ŋ sɩ na a nagɛ duosoo tʋɔŋ tɩgɛ dɩdaanɩŋ arɩ chʋchʋɔŋ Wɩɩsʋlʋŋ kɩalɩŋ lɛ sɛnɛ jaŋ kʋ ŋaa wʋtɩtɩɩ, ama pɔ ŋ sɩ́ bʋla pɩ nʋʋkala, bɛɛ wɩaa ba ŋaa maachie wɩaa nɛ.”

Matiu 27:66

Ŋɩɩ nɛ ba laalɩyuoro-la mʋ a fere tɔ tabɩɩ-la ba sɩ kaa tɔ bʋa-la niiŋ aŋ leŋ nɩaa pɔ lee-la.

Jɔɔŋ 3:33

Nɩɩ-la kala sɩ sɛɩ ʋ niiŋ wɩalɩŋ jɩma arɩ Wɩa hɛ nɩmɛ nɛ a kɛŋ wʋtɩtɩɩ.

Jɔɔŋ 6:27

Má sɩ́ ma doluŋ kala hɛ a chɛ kʋdiile-la sɩ jaŋ chei, ama má tɩma chɩchɛ kʋdiile-la sɩ jaŋ pɩma mɩɩsɩ-la sɩ bɩ dɛrɛ. Kʋdiilee deemba mɩ-na Nuhuobiine Bie nɛ jaŋ pɩma, bɛɛ wɩaa mɩ Nyɩmma Wɩa joŋ doluŋ hɛ mɩ lɛ nɛ dɩ mɩɩ ŋaa ŋɩɩ.”

2 Kɔrɩntɩ Nɩaa 1:22

a joŋ ʋ magɩlɩŋ hɛ la lɛ a tɩɩla. Ʋ joŋ ʋ Dɩŋ-zɔmʋŋ a hɛ la lɛ nɛ, dɩ la wuo jɩŋ arɩ maachie ʋ jaŋ joŋ kʋ-daŋ ma pɩla.

Ɛfɛsɩs Nɩaa 1:13

Ma ma kʋ ŋaa Kirisito nɩaa nɛ bʋa-la lɛ ma sɩ nɩɩ Wɩa wɩalɩŋ sɩ ŋaa wʋtɩtɩɩba, Yesu wʋzɔmɔ-la sɩ laa nɩaa tɩta. Ma sɩ laa ʋ wɩaa dii ŋɩɩ, Wɩa joŋ ʋ Dɩŋ-zɔmʋŋ hɛ ma lɛ nɛ a magɩlɛma, kʋ-la ʋ fa sɩ sɩ ʋ jaŋ joŋo pɩ nɩalɩŋ sɩ laa ʋ wɩaa dii.

Ɛfɛsɩs Nɩaa 4:30

Má sɩ́ leŋe dɩ Wɩa Dɩŋ-zɔmʋŋ tʋɔŋ chei. Ʋ nɛ Wɩa joŋo hɛ ma lɛ, ʋ ŋaa magɩlɩŋ ma lɛ a dagɛ arɩ Wɩa jaŋ laama ta tapʋlɩɩ-la Kirisito sɩ́ jaŋ mɩɩra kɔ.

MOSIS BƖRA WULLI WƖA WOMBIIŊ 32:34

Mɩ joŋ wɩɩ-la ba sɩ ŋaa a hɛ mɩ tʋɔŋ lɛ nɛ aa gbɛrɛba.

JOSUA 18:9

Ŋɩɩ nɛ baala-la mʋ a beŋ tintee-la a ŋmʋnsɛ ŋɩɩ ba sɩ jaŋ kɛnʋ kpaa leree balɩpɛ a hɛ teniŋ lɛ a ŋmʋnsɛ tasɩ-la sɩ hɛ nɩmɛ a kaa mɩɩra kɔ Josua teeŋ Sɩlɔ lɛ.

Jɔɔŋ Wʋnaalaa 7:2

Ŋɩɩ nɛ ka mɩ na Wɩa tɩndaara dɔŋɔ dɩ ʋ to wɩɩpɔsʋŋ dɩɩrɩŋ aa jɩl wɩa-nyuŋ, a kori kʋ-la Wɩa sɩ weye sɩ kaa magɩlɛ ʋ nɩaa. Ŋɩɩ nɛ ʋ faasa yɩrɛ Wɩa tɩndaara-la banɛsɛ Wɩa fa sɩ pa doluŋ dɩ ba chei tinteeŋ arɩ mʋgʋ-balɩŋ.

Jɔɔŋ Wʋnaalaa 9:4

Wɩa bʋla pɩba dɩ ba sɩ́ yaŋ dii koo tɩɩsɩŋ koo kɩalɩŋ sɩ nyʋ tinteeŋ lɛ, ama dɩ ba dɔgɩsɛ nɩalɩŋ sɩ́ bɩ Wɩa magɩlɩŋ kɛnɛ ba tilliŋ lɛ.

RUF 4:1

Ŋɩɩ nɛ Bʋas mʋ hɔŋ ba taŋ-la boiŋ niiŋ, lee-la ba sɩɩ hilimu, dɩ Ɛlɩmɛlɛk naambile wɩaa Bʋas sɩ bʋla kʋʋ bal. Bʋas yɩrʋ, “Nandɔŋ, kʋ hɔŋ daha.” Ŋɩɩ nɛ ʋ mʋ a hɔŋ.