JƐRƖMAAYA 31:9 - WƖA TENIŊ

⁹ Ba jaŋ kɔ aŋ yiyel, mɩ nɛ kɛmba mɩɩraa kɔ, ba jaŋ chʋchʋɔlɛmɛ. Mɩ jaŋ kɛmba to lere-la sɩ kɛŋ lɩɩŋ yʋgɛ, dɩ ba vɛŋ tinteeŋ sɩ magɛ dɔŋɔ nyuŋ a sɩ́ gɛrʋ, bɛɛ wɩaa mɩ nɛ Iziral tɩŋŋaa nyɩmma. Efirem nɛ ŋaa mɩ hambolibii bumbuŋ.

JƐRƖMAAYA 31:9 ပူးပေါင်းရင်းမြစ်များ

1 IZIRAL TƖŊŊAA NAABARƖŊ 29:10

Ŋɩɩ nɛ Devit chɩŋ nɩalɩŋ kala sɩpaaŋ a dɛnnɛ La TƖƖNA a bʋl, “Mɩɩ dɛnnɩŋ La TƖƖNA, la naabalɩma Jekɔb Wɩa, a leŋ dɩ ŋ yɩrɩŋ yɩrɛ a kaa mʋ wuu.

WƖA YƖƖLAA 107:7

Ʋ kɛmba joŋ wombiiŋ nɛ tegi tegi a mʋ tabal-la ba sɩ jaŋ hɔŋ.

WƖA YƖƖLAA 23:2

Ʋ leŋe mɩ pɩŋ sɩma tʋɔŋ nɛ, a nagɛ pie-daara sɩ kɛŋ ʋ piesee mʋ ba dii ya-fɩɛlɩŋ, ka ʋ kɛmba mʋ ba nyʋa lɩɩzɔmʋŋ.

WƖA YƖƖLAA 89:27

Mɩ jaŋ lɩɩsʋ dɩ ʋ ŋaa mɩ hambolibii bumbuŋ. Ʋ nɛ jaŋ laa yɩrɩŋ a kɩɩ kuorusu-la kala sɩ hɛ dʋnɩa lɛ.

MOSIS KƐŊ IZIRAL TƖŊŊAA LƖƖ 4:22

Dɩ ŋ nɛ mʋa, bʋla pɩ Ijipiti tinteeŋ kuoro arɩ La TƖƖNA Wɩa sɩ, ‘Iziral tɩŋŋaa nagɛ mɩ hambolibii bumbuŋ nɛ.

AZAAYA 42:16

Mɩ jaŋ laa nɩalɩŋ sɩ nyʋlɩma sɩpaaŋ, a kɛmba vɛŋ wombii-la ba ha sɩ bɩ vɛnɛ aŋ ka lɛ. Mɩ jaŋ pɔba a leŋ dɩ birimiŋ bɩrɩmɛ pʋlʋmʋŋ ba sɩpaaŋ. Mɩ jaŋ leŋ dɩ lere-la kala sɩ ŋaa nyʋra nyʋra ŋaa mʋla mʋla. Wɩalɩŋ mɩ sɩ jaŋ ŋaa pɩba nɛ ŋɩɩ: Mɩ bɩ jaŋ vɩaba ta.

AZAAYA 43:20

Baga kɩaa jaŋ zilmi, jolluŋ arɩ hajaaŋkuŋkumba jaŋ zilmi, bɛɛ wɩaa mɩ jaŋ leŋ dɩ lɩɩŋ hɛ tintee-hɩlɩŋ lɛ dɩ fuonuŋ pɩŋ, dɩ nɩalɩŋ mɩ sɩ lɩɩsa ba ŋaa mɩ nɩaa nyʋa.

AZAAYA 45:11

Wɩɩ-la La TƖƖNA sɩ bʋla nɛ ŋ-la: Iziral tɩŋŋaa Wɩa sɩ bɩ disiniŋ kɛnɛ, a ŋaaba sɩ, “Má kɛŋ wombiiŋ dɩ ma pɩɛsɛmɛ wɩalɩŋ maachie sɩ jaŋ ŋaa, koo a pɩɛsɛmɛ mɩ biiriŋ wɩaa, koo a dagɛmɛ ŋɩɩ sɩ maga dɩ mɩ tɩŋ mɩ tɩntɩŋŋaa?

AZAAYA 57:14

La TƖƖNA sɩ, “Má wasɛ wombiiŋ a leŋ dɩ mɩ nɩaa mɩɩra kɔ mɩ teeŋ, má sɩ́ leŋe dɩ kʋŋkala kɛrɛ ba wombiiŋ.

AZAAYA 63:13

Nɩɩ-la sɩ kɛŋ ʋ nɩaa chol mʋgʋ-luŋii-la, a nagɛ jaaba sɩɩ fá pɔkɔŋ nyuŋ a bɩ kʋŋkala gɛrɛ,

AZAAYA 63:16

Ŋ nɛ la nyɩmma. La naabalɩma, Abɩraham bɩ la jɩŋ, Jekɔb vɩa la ta nɛ. Ŋ nɛ La TƖƖNA arɩ la nyɩmma. Bumbuŋ kala ŋ nɛ la Laataara.

AZAAYA 64:8

La TƖƖNA, ŋ nɛ la nyɩmma, la nagɛ chʋrʋŋ nɛ, ŋ ma nɛ pupo-mɛɛrɛ, ŋ nɛ mɛ la kala.

JƐRƖMAAYA 3:19

Mɩ-na tɩtɩa nɛ fa sɩ, “Mɩ tʋɔŋ fa jaŋ tɔrɛ dɩ mɩ kɛmma a nagɛ mɩ biiriŋ, a joŋ tinteeŋ sɩ zɔmɔ woruŋ a pɩma. Tintee-la nɛ zɔmɔ kɩɩ tintee kala dʋnɩa lɛ. Mɩ fa bɩɩna ma jaŋ kɛmmɛ yɩrɛ ‘Ma Nyɩmma’, aŋ bɩra bɩ jaŋ mɩɩrɛ mɩ harɩŋ.

JƐRƖMAAYA 3:4

Lɛɛlɛ nɛ ma yɩrɛmɛ a bʋl, ‘Mɩ nyɩmma, ŋ nɛ mɩ nandɔŋɔ a chɩŋ mɩ hammiiriŋ kala lɛ a kaa kɔ.

JƐRƖMAAYA 31:20

Efirem nɛ mɩ hambolibii-chooluŋ, mɩ tʋɔŋ tɔrɛ ʋ nyuŋ. Mɩ yie bʋl wɩaa a jʋʋ ʋ lɛ ma nɛ, ama mɩ haa liisi ʋ wɩaa nɛ. Mɩ tʋɔŋ kɛnʋ woruŋ, mɩ chaasaa fá ʋ nenige. Mɩ-na ma TƖƖNA nɛ bʋla.

JƐRƖMAAYA 50:4

La TƖƖNA sɩ, “Tapʋlɩa-la lɛ, Iziral tɩŋŋaa arɩ Juda nɩaa kala jaŋ yele mʋ a chɛ ba TƖƖNA Wɩa.

HOSIA 12:4

Ʋ kɛŋ Wɩa tɩndaara loo, a loo dii, a yel a sʋlʋ dɩ ʋ pɛ ʋ lɛ. Jekɔb na Wɩa lee-la ba sɩɩ yɩrɛ Bɛtɛl, nɩmɛ nɛ Wɩa bʋl wɩaa ʋ teeŋ.

HOSIA 3:5

Ʋ ŋɩɩ harɩŋ lɛ, Iziral tɩŋŋaa jaŋ mɩɩra chɛ ba TƖƖNA Wɩa arɩ ba kuoro Devit leriŋ. Ba jaŋ fɩfá La TƖƖNA a kɔ ʋ teeŋ tapʋlaa dɩdɛrɩŋ a chɩchɛ dɩ ʋ pɛ ba lɛ dɩ ba na wʋzɔŋŋɔɔ.

ZƐKARƖYA 12:10

Mɩ jaŋ joŋ mɩ Dɩma hɛ Devit doho nɩaa arɩ Jerusalɛm nɩaa lɛ, dɩ ba fɩfá nɩaa nenige aŋ chʋchʋɔlɛmɛ. Ba jaŋ bibeŋ mɩ-na nɩɩ-la ba sɩ tɔbɔ, a yel mɩ lɛ a nagɛ nɩa sɩɩ yel ʋ bii-bala lɛ. Ba tʋɔŋ jaŋ faasa chei a nagɛ nɩa tʋɔŋ sɩ cheye ʋ bii-bumbuŋ sʋʋŋ lɛ.

MALAKAƖ 2:10

Ma bɩ jɩŋ arɩ la kala nyɩmma ŋaa kʋbala nɛɛ? Wɩɩ-bala-la nɛ ta la kala. Bɛɛ nɛ saa tɩɩ la gʋgʋrɛ dɔŋɔ a chichei nii-la sɩ hɛ Wɩa arɩ la naabalɩmaba pɛgɛ?

NAMBABA 2:18

Iziral doho doho-la sɩ jaŋ hɔŋ Wɩa dɩ-zɔŋ-la wɩɩjʋʋlʋŋ dɩɩrɩŋ arɩ ba magɩlɩŋ nɛ ŋ-la: Efirem doho nɩaa, Manasɛ doho nɩaa arɩ Bɛnjamɩŋ doho nɩaa. Efirem doho nɩaa sɩpaalaara nɛ ŋaa Amihud nanʋala Ɛlɩsama.

Matiu 3:3

Wɩa wʋlaabʋlla Azaaya fa bʋl ʋ wɩaa nɛ. Ʋ fa sɩ, “Nʋʋ nɛ chɩŋ tintee-hɩlɩŋ lɛ a heelee bʋl, ‘Má wasɛ wombiiŋ bil La Tɩɩna lɛ. Má pori wombii-la dɩ ʋ tʋʋlɛ.’ ”

Matiu 5:4

Wɩa jaŋ pɛ nɩalɩŋ sɩɩ yel lɛ. Ʋ jaŋ leŋ dɩ ba tʋɔŋ pɩŋ dɩ-bala.

Matiu 6:9

Ŋ-la nɛ maga dɩ ma chʋɔlɛ Wɩa: ‘La Nyɩmma sɩ hɛ Wɩa-jaŋ, leŋ dɩ ŋ yɩrɩŋ yɩrɛ.

Luuk 6:21

Ma ma nɩalɩŋ losuŋ sɩ kɛnɛ lɛɛlɛ, Wɩa jaŋ pɛ ma lɛ. Ʋ jaŋ pɩma kʋdiilee dɩ ma dii a vɔgɛ. Ma nɩalɩŋ sɩɩ yel lɛɛlɛ, Wɩa ma jaŋ pɛ ma lɛ, bɛɛ wɩaa Wɩa jaŋ ŋaa ma mɔŋ.

Rom Tɩŋŋaa 8:26

ŋɩɩ tɩtɩa nɛ Wɩa Dɩŋ-zɔmʋŋ ma yie kɔ a pɛ la lɛ a tɩŋ la sɩ bɩ doluŋ kɛnɛ dɩ la pɛ la tɩtɩa lɛ. La paala bɩ jɩŋ ŋɩɩ sɩ maga dɩ la chʋɔlɛ Wɩa. Ama Wɩa Dɩŋ-zɔŋ-la tɩtɩa sʋl Wɩa a pɩpɩla nɛ. Ʋ sɩ yie sʋsʋl Wɩa aa huuni ŋɩɩ, la bɩ jaŋ wuo kɛŋ niiŋ a dagɛ, ama

2 Kɔrɩntɩ Nɩaa 6:18

Mɩ jaŋ ŋaa ma Nyɩmma dɩ ma ma ŋaa mɩ hambolibiisiŋ arɩ mɩ toloo.” La Tɩɩna doluŋ kala Tɩɩna nɛ bʋl ŋɩɩ.

MOSIS BƖRA WULLI WƖA WOMBIIŊ 14:1

Ma ŋaa La TƖƖNA Wɩa biiriŋ nɛ. Dɩ nʋʋ nɛ sʋba dɩ ma yiyel ʋ yoho, má sɩ́ ma yaraa kpɛrʋ, a sɩ́ ma tilliŋ ma fʋŋ arɩ nɩaa dɔnsʋŋ sɩɩ ŋaa ŋɩɩ,

MOSIS BƖRA WULLI WƖA WOMBIIŊ 32:6

Ma nɩyaaraa deemba sɩ bɩ wɩɩkala jɩŋ, ŋ-la nɛ maga dɩ ma joŋo ŋaa La TƖƖNA lɛɛ? Ʋ dee ma nyɩmmaa? Ʋ dee bɩ ma ta, a leŋ ma ŋaa nɩaa?

Hiburu TƖŊŊAA 12:13

Wʋtɩtɩɩ-la ma sɩ nɩa, má kɛnʋ kaa tɩtɩŋ a mʋmʋ sɩpaaŋ. Dɩ ma nɛ ŋaa ŋɩɩ, ma jaŋ wuo pɛ nɩalɩŋ sɩ hɛ ma tʋɔŋ a laa Wɩa wɩaa dii aŋ bɩ doluŋ kɛnɛ wɩalɩŋ lɛ. Ma jaŋ wuo pɛ ba lɛ dɩ ba chɩŋ a sɩ́ begilu.

Hiburu TƖŊŊAA 12:23

lee-la nɛ nɩalɩŋ Wɩa sɩ laa sɩpaaŋ laa ta hɛ, nɩalɩŋ yɩraa ʋ sɩ ŋmʋnsa bil ʋ jaŋ lɛ. Ma kɔ Wɩa teeŋ nɛ, nɩɩ-la sɩ jaŋ dii nʋʋkala sarɩya. Ma kɔ Wɩa nɩalɩŋ sɩ sʋba teeŋ nɛ, nɩalɩŋ ʋ sɩ leŋe ba ŋaa tʋɔpʋl tɩŋŋaa ʋ sɩpaaŋ.

Hiburu TƖŊŊAA 5:7

Yesu fa sɩ hɛ ʋ mɩɩsɩŋ lɛ dʋnɩa deeŋ lɛ, ʋ chʋɔlɛ Wɩa a faasa yel sɩlɩɩrɩŋ a sʋl Wɩa, ʋ-na nɩɩ-la sɩ jaŋ wuo laa ʋ mɩɩsɩŋ ta dɩ ʋ sɩ́ sʋʋ. Yesu kɛŋ ʋ tɩtɩa muuri nɛ a ŋaa wɩalɩŋ sɩɩ tɔrɛ Wɩa tʋɔŋ, ŋɩɩ nɛ tɩɩ Wɩa laa ʋ Wɩɩsʋlʋŋ.

Jɔɔŋ Wʋnaalaa 7:17

Wɩɩkala bɩ jaŋ ŋaaba, bɛɛ wɩaa Pie-bie-la sɩ chɩŋ Wɩa kuoru kpasa-la sɩpaaŋ nɛ jaŋ bibeŋ ba nyuŋ, a nagɛ pie-daara. Ʋ nɛ jaŋ kɛmba kaa mʋ lɩɩ-bulo leriŋ, lɩɩ-la sɩɩ pɩ nɩaa mɩɩsɩŋ. Wɩa ma jaŋ fɩɩsɛ sɩ-lɩɩrɩ kala sɩ hɛ ba sɩaa lɛ ta.”