JƐRƖMAAYA 31:8 - WƖA TENIŊ

⁸ Má bee na, mɩ jaŋ kɛmba lɩɩ wɩɩpɔsʋŋ nagʋa tinteeŋ dɩɩrɩŋ a kɔ, mɩ jaŋ kɛmba lɩɩ dʋnɩa sɛmɛ na-kala a kʋ hɛ dɔŋɔ. Nyʋlɩmaa arɩ gbɛrɩgɛɛ jaŋ hɛ ba tʋɔŋ, hapuugoo arɩ haalaa sɩɩ chɛ ba lʋl ba luoruŋ wʋwɩɩ ma jaŋ hɛ ba tʋɔŋ. Ba jaŋ yʋgɛ woruŋ a mɩɩra kɔ.

JƐRƖMAAYA 31:8 ပူးပေါင်းရင်းမြစ်များ

WƖA YƖƖLAA 107:3

ma nɩalɩŋ ʋ sɩ kaa lɩɩ wɩɩpɔsʋŋ, wɩɩjʋʋlʋŋ, wɩɩpɔsʋŋ nagʋa arɩ wɩɩpɔsʋŋ nadiiŋ tintee-wogusuŋ kʋ hɛ dɔŋɔ.

WƖA YƖƖLAA 65:5

Wɩa, la Laataara, ŋ laa la sʋla nɛ, a ŋaa tʋɔpʋl wɩaa sɩ kɛŋ fawʋllʋŋ. Ŋ joŋ yɩɛlaa pɩ dʋnɩa sɛmɛ kala nɩaa nɛ, a pɛ nɩalɩŋ ma sɩ hɛ mʋgʋ-balɩŋ cholo dɩ-bolii.

WƖA YƖƖLAA 98:3

Ʋ liise yi ʋ chono-la arɩ wʋtɩtɩɩ-la ʋ sɩ kɛnɛ Iziral tɩŋŋaa lɛ nɛ. Dʋnɩa nɩaa kala na ŋɩɩ la Wɩa sɩ laa nɩaa tɩta nɛ.

AZAAYA 40:11

Ʋ jaŋ beŋ ʋ nɩaa nyuŋ arɩ pie-daara sɩɩ beŋ ʋ piesee nyuŋ ŋɩɩ. Ʋ jaŋ paa ʋ pie-biisiŋ a nɔgɛ aŋ fɩɛla dɩdaa pie-naamba-la sɩ kɛŋ biiriŋ.

AZAAYA 42:16

Mɩ jaŋ laa nɩalɩŋ sɩ nyʋlɩma sɩpaaŋ, a kɛmba vɛŋ wombii-la ba ha sɩ bɩ vɛnɛ aŋ ka lɛ. Mɩ jaŋ pɔba a leŋ dɩ birimiŋ bɩrɩmɛ pʋlʋmʋŋ ba sɩpaaŋ. Mɩ jaŋ leŋ dɩ lere-la kala sɩ ŋaa nyʋra nyʋra ŋaa mʋla mʋla. Wɩalɩŋ mɩ sɩ jaŋ ŋaa pɩba nɛ ŋɩɩ: Mɩ bɩ jaŋ vɩaba ta.

AZAAYA 43:6

Mɩ jaŋ bʋla pɩ wɩɩpɔsʋŋ nadiiŋ nɩaa: ‘Má jomba tɩa,’ a bʋla pɩ wɩɩpɔsʋŋ nagʋa nɩaa: ‘Má sɩ́ ba lɛrɛ bil.’ Má jomba ta dɩ ba lɩɩ dʋnɩa sɛmɛ na-kala a kɔ.

AZAAYA 45:22

Má mɩɩra kɔ mɩ teeŋ dɩ mɩ laama ta, ma nɩalɩŋ kala sɩ hɛ dʋnɩa lɛ, bɛɛ wɩaa, mɩ dʋndʋŋa nɛ Wɩa, Wɩa dɔŋ bɩra tuo.

AZAAYA 52:10

La TƖƖNA jaŋ dagɛ ʋ doluŋ dɩ tinteyee kala na. Dʋnɩa sɛmɛ na-kala nɩaa jaŋ na ŋɩɩ, la Wɩa sɩ laa ʋ nɩaa ta.

JƐRƖMAAYA 16:15

Ama ba jaŋ bʋl, ‘La ŋmɩɛsɛ La TƖƖNA sɩ weye, ʋ nɛ kɛŋ Iziral tɩŋŋaa kaa lɩɩ wɩɩpɔsʋŋ nagʋa tinteeŋ arɩ tinteye-la kala lɛ ʋ sɩ kɛmba pɩsa hɛ.’ Mɩ jaŋ bɩra leŋ dɩ ba kʋ tɩɩ tintee-la mɩ sɩ joŋo pɩ ba naabalɩmaba.

JƐRƖMAAYA 23:3

Mɩ tɩtɩa jaŋ kɛŋ mɩ nɩaa nɩkaana-la kaa kʋ lɩɩ tinteye-la lɛ mɩ sɩ kiriba mʋ hɛ, a kɛmba mɩɩra kɔ ba tɩtɩa tinteeŋ. Dɩ ba nɛ kɔ nɩmɛ, ba jaŋ lʋl biiriŋ, a pʋŋa yʋgɛ.

JƐRƖMAAYA 23:8

Ama ba jaŋ bʋl, ‘La ŋmɩɛsɛ La TƖƖNA sɩ weye a kɛŋ Iziral tɩŋŋaa kaa lɩɩ wɩɩpɔsʋŋ nagʋa tinteeŋ lɛ arɩ tinteye-la kala lɛ ʋ sɩ kɛmba pɩsa hɛ.’ Ŋɩɩ nɛ ba jaŋ bɩra hɔŋ ba tɩtɩa tinteeŋ lɛ.”

JƐRƖMAAYA 29:14

ma jaŋ namɛ. Mɩ-na ma TƖƖNA nɛ bʋla. Mɩ jaŋ kɛmma mɩɩra lɩɩ yoŋ-baga-la kɔ. Mɩ jaŋ chɛ kɛsɛma a lɩɩ tinteye-la arɩ lere-la kala mɩ sɩ kɛmma pɩsa hɛ lɛ. Mɩ-na ma TƖƖNA nɛ bʋla. Mɩ jaŋ mɩɩra kɛmma kɔ lee-la ma fa sɩ hɛ, ka mɩ kɛmma mʋ yoŋ-baga.”

JƐRƖMAAYA 3:12

Mʋ heele bʋl wɩɩŋ deeŋ mɩ sɩɩ bʋl, wɩɩpɔsʋŋ nagʋa dɩɩrɩŋ, ‘Ma Iziral tɩŋŋaa sɩ bɩ wʋtɩtɩɩ kɛnɛ, La TƖƖNA sɩ má mɩɩra kɔ. Mɩ bɩra bɩ jaŋ kɛŋ mɩ sɩaa chei ma nyuŋ, mɩɩ fá nɩaa nenige nɛ. Mɩ-na ma TƖƖNA nɛ bʋla. Mɩ bɩ jaŋ na baanɩŋ ma nyuŋ a kaa mʋ wuu.

JƐRƖMAAYA 3:18

Bʋa-la lɛ Juda nɩaa jaŋ mʋ pɛ Iziral nɩaa lɛ. Ba kala jaŋ to dɔŋɔ a lɩɩ wɩɩpɔsʋŋ nagʋa tintee-la a kɔ tintee-la mɩ sɩ joŋo pɩ ma naabalɩmaba ʋ ŋaa ba kʋŋ.”

ƐZƖKƖƐL 20:34

Mɩ jaŋ na baanɩŋ a kɛmma lɩɩ tinteye-la arɩ tinteye-la kala lɛ mɩ sɩ kɛmma pɩsa hɛ a kʋ hɛ dɔŋɔ. Mɩ jaŋ kɛmma kʋ lɩɩ arɩ mɩ dol-balɩŋ.

ƐZƖKƖƐL 20:41

Dɩ mɩ nɛ kɛmma mɩɩra lɩɩ lere-la ma sɩ pɩsa hɛ lɛɛlɛ a kʋ hɛ dɔŋɔ, mɩ tʋɔŋ jaŋ tɔrɛ ma nyuŋ, arɩ mɩ tʋɔŋ sɩ tɔrɛ pʋsʋ-la ma sɩ yie kpʋ nyɩga pɩmɛ ba sʋɔra sɩŋ mɩ teeŋ ŋɩɩ. Mɩ jaŋ dagɛ arɩ mɩ bɩ disiniŋ kɛnɛ ma tʋɔŋ dɩ tinteyee nɩaa kala na.

ƐZƖKƖƐL 34:12

A nagɛ pie-daara piesee sɩ pɩsa ʋ kire hɛ dɔŋɔ a beŋ ba nyuŋ ŋɩɩ, ŋɩɩ nɛ mɩ jaŋ beŋ mɩ nɩaa. Mɩ jaŋ lorigo laaba a lɩɩ lere-la kala ba sɩ pɩsa mʋ tapʋlɩɩ-la duoŋ-bɩlɩmbaanaa arɩ birimiŋ sɩ tɔ.

ƐZƖKƖƐL 34:13

Mɩ jaŋ lɩɩsɛba tintee-wogusuŋ lɛ, a kɛmba hɛ dɔŋɔ a mɩɩra kɛmba kɔ ba tɩtɩa tinteeŋ. Mɩ jaŋ kɛmba mɩɩra kɔ Iziral tinteeŋ dɩ ba dii yaŋ peelee arɩ ba fuo-luŋoo arɩ lere-la kala ba sɩ hɔnɔ lɛ.

ƐZƖKƖƐL 34:16

Mɩ jaŋ chɛ kɛsɛ mɩ piese-la sɩ lɛlɛ, aŋ kɛŋ kɩalɩŋ ma sɩ yeŋŋe mɩɩra kɔ, a vɔɔ tɔ kɩalɩŋ ma sɩ pɩra naawɩɩlaa, a pɩ kɩalɩŋ ma sɩ bɩ doluŋ kɛnɛ doluŋ. Ama kɩalɩŋ sɩ nɛrɛ arɩ kɩalɩŋ sɩ kɛŋ doluŋ, mɩ jaŋ cheiba, bɛɛ wɩaa mɩ ŋaa pie-daarʋ-la sɩɩ ŋaa wɩaa ba bʋa lɛ nɛ.

MƖKA 4:6

La TƖƖNA sɩ, “Dɩ tapʋlɩɩ-la nɛ yie, mɩ jaŋ kɛŋ gbɛrɩgɛɛ kʋ hɛ dɔŋɔ a kɛŋ nɩalɩŋ ba sɩ kaa mʋ yoŋ-baga arɩ nɩalɩŋ mɩ sɩ leŋe ba nɩna hɛɛŋ kʋ hilimi.

ZEFANAAYA 3:19

Bʋa-la nɛ yie, mɩ jaŋ dɔgɩsɛ nɩalɩŋ kala sɩ wʋrʋgʋma. Mɩ jaŋ laa gbɛrɩgɛɛ ta, aŋ kɛŋ nɩalɩŋ sɩ pɩsa kʋ hɛ dɔŋɔ. Mɩ jaŋ leŋ dɩ ma kɛŋ yɩrɩŋ dɩ nɩaa zizilma tinteye-la kala lɛ ba sɩ hɩɩsɛma.

ZƐKARƖYA 2:6

La TƖƖNA sɩ, “Má kɔ, má kɔ. Má fá lɩɩ wɩɩpɔsʋŋ nagʋa tinteeŋ lɛ. Mɩ kɛmma pɩsa hɛ dʋnɩa loŋgorunuŋ banɛsɛ-la lɛ nɛ.

Matiu 12:20

Ʋ sɩaa jaŋ fɩɛlɛ nɩalɩŋ sɩ ŋaa puwuoloo teeŋ. Ʋ bɩ jaŋ chei ba yɩɛla-la mʋa sɩ ka ta. Ʋ jaŋ pɛsɛ halɩɩ, see wʋtɩtɩɩ-la Wɩa sɩɩ chɛ yuo dii leriŋ kala.

Jɔɔŋ 21:15

Ba sɩ dii boroboro-la arɩ chenfile-la dɛrɛ, ŋɩɩ nɛ Yesu pɩɛsɛ Saamɔŋ Pɩɩta, “Jɔɔŋ nanʋala Saamɔŋ, ŋ chomi a kɩɩ nɩaa deemba nɛɛ?” Ŋɩɩ nɛ Pɩɩta sɩ, “Oo mɩ Tɩɩna, ŋ tɩtɩa jɩma arɩ mɩ choŋ nɛ.” Ŋɩɩ nɛ Yesu bʋla pʋ, “Beŋ mɩ nɩaa nyuŋ, arɩ pie-daara sɩ yie beŋ ʋ piesee nyuŋ ŋɩɩ.”

1 Kɔrɩntɩ Nɩaa 8:10

Ma nɩalɩŋ sɩ waa Wɩa wɩaa lɛ, dɩ ma dɔnsʋŋ nɛ jʋʋ vʋɩŋ dɩa a hɔnɔ didii kɩaa, dɩ nɩalɩŋ sɩ bɩ waa Wɩa wɩaa lɛ nɛ nama dɩ maa dii kʋdiilee deemba, ma bɩ jɩŋ arɩ ba ma jaŋ to ma lɛ a didii kɩaa deemba?

MOSIS BƖRA WULLI WƖA WOMBIIŊ 30:4

Dɩ ma nɛ paala pɩsɛ a mʋ hɛ dʋnɩa loŋgoru-la sɩ faasa bol lɛ ma, ma TƖƖNA Wɩa ha jaŋ kɛmma mɩɩra kʋ hɛ dɔŋɔ.

1 Tɛsalonaaka Nɩaa 5:14

La naambiiri, laa sʋlma dɩ ma kpʋrɩsɛ yarɩwɩɩ tɩŋŋaa dɩgɩlaa, a pɛ fawʋlʋbaa lɛ dɩ ba kɛŋ bɔɩ-duoŋ, a pɛ nɩalɩŋ sɩ bɩ faasa chɩŋ Wɩa wɩaa lɛ. Má kɛŋ kenyiri arɩ nʋʋkala.

Hiburu TƖŊŊAA 12:12

Ŋɩɩ wɩaa má leŋ dɩ ma yaraa polli.

Hiburu TƖŊŊAA 4:15

Yesu bɩ nagɛ Wɩɩsʋllɩ sɩpaalaaraa kʋhɩasɩŋ sɩ bɩ nɩaa nenige ka fá ŋɩɩ. Ʋ nɛ wuo fá la nenige a jɩŋ wɩalɩŋ sɩɩ walɩmɛla, bɛɛ wɩaa ba fa walɩmɛ ʋ ma nɛ. Sɩtaanɩ magɩsʋ nɛ arɩ ʋ sɩ magɩsɛla ŋɩɩ, ama ʋ bɩ wʋbɔŋ kala ŋaa.