JƐRƖMAAYA 31:7 - WƖA TENIŊ

⁷ Wɩɩ-la La TƖƖNA sɩ bʋla nɛ ŋ-la: “Má yɩɩ yɩɩlaa arɩ tʋɔtɔrʋŋ a pɩ Iziral. Má ŋaa goŋ a pɩ tinteyee kala tʋɔŋ kʋbalɩŋ. Má leŋ dɩ nɩaa nɩɩ ma sɩ dɛnnʋ a bʋl, ‘La TƖƖNA, laa ŋ nɩaa ta, Iziral tɩŋŋaa nɩkaana-la.’

JƐRƖMAAYA 31:7 ပူးပေါင်းရင်းမြစ်များ

WƖA YƖƖLAA 106:47

Laala ta, La Tɩɩna Wɩa. Kɛnla lɩɩ tinteyee nɩaa tʋɔŋ a kʋ hɛ dɔŋɔ, dɩ la wuo lɔllʋŋ a dɛnnɛ ŋ yɩrɩ-balɩŋ sɩ bɩ disiniŋ kɛnɛ.

WƖA YƖƖLAA 126:2

La mɔmɔ nɛ woruŋ, a yɩɩ yɩɩlaa arɩ tʋɔtɔrʋŋ. Ŋɩɩ nɛ tintee-wogusuŋ nɩaa bʋl, “La Tɩɩna ŋaa wʋduoruŋ nɛ a pɩba.”

WƖA YƖƖLAA 14:7

Mɩɩ sʋl Wɩa nɛ dɩ nʋʋ lɩɩ Zaayɔŋ lɛ a kʋ laa Iziral tɩŋŋaa ta. La Tɩɩna, dɩ ŋ nɛ bɩra pɛ ŋ nɩaa lɛ, Jekɔb doho nɩaa, Iziral tɩŋŋaa tʋɔŋ jaŋ tɔrɛ dɩ ba jʋjʋɔsɛ.

WƖA YƖƖLAA 28:9

Laa ŋ nɩaa ta a pɛ ba lɛ. Ŋaa Nɩɩ-la sɩɩ beŋ ba nyuŋ, dɩ ba hɛ ŋ nɩsɩŋ lɛ a kaa mʋ wuu.

WƖA YƖƖLAA 67:1

Wɩa, leŋ dɩ ŋ tʋɔŋ tɔrɛ la nyuŋ, leŋ dɩ la na wʋzɔŋŋɔɔ, suri ŋ sɩaa pɩla.

WƖA YƖƖLAA 69:35

Wɩa jaŋ laa Jerusalɛm ta, aŋ paa Juda tinteeŋ tabalaa wasa saa, dɩ ʋ nɩaa hɔŋ tintee-la lɛ, dɩ ʋ ŋaa ba kʋŋ.

AZAAYA 1:9

Dɩ La TƖƖNA doluŋ kala Tɩɩna dee fa bɩ la dɔnsʋŋ yuo laa ta, la kʋbala ma fa bɩ jaŋ ka, Jerusalɛm fa jaŋ nagɛ Sodom dɩ la nagɛ Gomora nɩaa fa sɩ sʋʋ dɛrɛ ŋɩɩ.

AZAAYA 11:11

Dɩ bʋa-la nɛ yie, La TƖƖNA jaŋ tiire laa ʋ nɩkaanaa a lɩɩ Asiiria arɩ Ijipiti sɛmɛ-la sɩ hɛ bʋbʋɔŋ arɩ Ijipiti sɛmɛ sɩ hɛ nyuŋ arɩ Kus, Ɛlam, Babɩlɔŋ, Hamaf a pɛ tinteye-la kala mʋgʋ-balɩŋ sɩ gollo chu lɛ.

AZAAYA 37:31

Juda doho nɩaa nɩkaana-la wɩaa jaŋ chɩŋ woruŋ, a nagɛ tɩa naapoloo sɩ jʋʋ tinteeŋ woruŋ a nɛŋ.

AZAAYA 37:4

Ŋ bɩ pɔ ŋ Tɩɩna Wɩa jaŋ nɩɩ wɩalɩŋ Asiiria kuoro sɩ tɩŋ ʋ laalɩyuori-hɩaŋ ʋ kɔ a tʋʋsɛ Wɩa sɩ weye joŋŋoo. Ŋ Tɩɩna Wɩa sɛnɛ nɩɩ wɩalɩŋ nɛ, ʋ jaŋ lɛrɛ nɩɩ-la sɩ bʋlba dɩgɩlɩŋ. Ŋɩɩ wɩaa, sʋl Wɩa pɩ la nɩkaana-la sɩ hɛ nɩmɛ.’ ”

AZAAYA 44:23

Wɩa-nyuŋ arɩ tinteeŋ bʋbʋɔŋ kɩaa, ma yɩɩ yɩɩlaa a ŋaa goŋ arɩ tʋɔtɔrʋŋ, peelee arɩ tɩa na-kala sɩ hɛ duuŋ lɛ má faasa yɩɩ yɩɩlaa, bɛɛ wɩaa La TƖƖNA dagɛ ʋ doluŋ nɛ a laa Iziral tɩŋŋaa a ta.

AZAAYA 52:8

Nɩalɩŋ sɩ pɔ Jerusalɛm kala ka ŋaa goŋ nɛ arɩ tʋɔtɔrʋŋ. Dɩ La TƖƖNA nɛ mɩɩra kɔ Zaayɔŋ, ba jaŋ naʋ arɩ ba sɩɩŋ.

AZAAYA 61:9

Mɩ nɩaa doho jaŋ kɛŋ yɩrɩŋ tinteyee tʋɔŋ, ba jaŋ zilba nɩaa tʋɔŋ. Nɩalɩŋ kala sɩ naba jaŋ jɩŋ, dɩ ba ŋaa nɩa mɩ-na ma TƖƖNA sɩ pɛ ba lɛ nɛ.”

JƐRƖMAAYA 20:13

Má yɩɩ yɩɩlaa a pɩ La TƖƖNA. Má dɛnnɛ La TƖƖNA. Ʋ yie laa nɩalɩŋ sɩ bɩ ba tɩtɩa lɛ wuo pɛ ta nɛ nɩbɔŋŋɔɔ nɩsɩŋ lɛ.

JƐRƖMAAYA 23:3

Mɩ tɩtɩa jaŋ kɛŋ mɩ nɩaa nɩkaana-la kaa kʋ lɩɩ tinteye-la lɛ mɩ sɩ kiriba mʋ hɛ, a kɛmba mɩɩra kɔ ba tɩtɩa tinteeŋ. Dɩ ba nɛ kɔ nɩmɛ, ba jaŋ lʋl biiriŋ, a pʋŋa yʋgɛ.

JƐRƖMAAYA 3:23

Goŋ-la kala la sɩɩ ŋaa dundolluŋ nyuŋ arɩ peelee nyuŋ a kpʋkpaarɛ vʋɩyaa, laa nyɩsɛ la tɩtɩa nɛ. La TƖƖNA Wɩa dʋndʋŋa nɛ jaŋ wuo laa Iziral ta.

JƐRƖMAAYA 31:12

Ba jaŋ kɔ a ŋaa goŋ arɩ tʋɔtɔrʋŋ Zaayɔŋ dundolluŋ nyuŋ. Ba jaŋ jʋɔsɛ a tɩŋ kʋ-daŋ-la mɩ-na ma TƖƖNA sɩ joŋo pɩba wɩaa. Mɩ pɩba mɩaa, girep nɛnɛɛ sɩ-falɩŋ arɩ nʋʋŋ, a pɛ biiri-la ba nɛsɩŋ arɩ ba piesee sɩ lʋla lɛ. Ba jaŋ nagɛ lɩga sɩ kɛŋ fɩɛlɩŋ woruŋ, ba tʋɔŋ bɩra bɩ jaŋ chei.

JEMBIEE 1:1

Bee na Jerusalɛm tabal-la sɩ pɩŋ jikpeeŋ ŋɩɩ, taŋ-la nɩaa fa sɩ suo, ʋ mɩɩra nagɛ yo-haal nɛ. Ʋ fa ŋaa ta-zɔŋ nɛ tinteyee tʋɔŋ. Tinteyee tʋɔŋ, ʋ nɛ fa yʋga, ʋ nɛ lɛɛlɛ bɩrɩmɛ yoŋ ŋɩɩ.

ƐZƖKƖƐL 6:8

Ama, mɩ jaŋ leŋ ma dɔnsʋŋ, laalɩŋ bɩ jaŋ kpʋma, aŋ kɛmma pɩsa hɛ tintee-wogusuŋ dɔnsʋŋ lɛ.

HOSIA 1:7

Ama mɩ jaŋ dagɛ mɩ chonuŋ Juda doho nɩaa lɛ, a laaba ta. Ama laalɩyuori kɩaa deemba dee mɩ jaŋ kaa laaba ta: Toŋ koo tokobiiŋ koo laalɩŋ janɩŋ koo laalɩŋ ja-jɩllaa. Mɩ-na ba TƖƖNA Wɩa nɛ jaŋ laaba ta.”

JOWƐL 2:32

Nɩɩ-la kala sɩ jaŋ yɩrɛ mɩ-na ma TƖƖNA yɩrɩŋ, mɩ jaŋ laaʋ ta, bɛɛ wɩaa, Zaayɔŋ peel-la arɩ Jerusalɛm lɛ laatanɩŋ jaŋ hɛ nɩmɛ, arɩ mɩ-na ma TƖƖNA sɩ bʋl ŋɩɩ. Ba nɛ ŋaa nɩkaana-la mɩ-na ma TƖƖNA sɩ lɩɩsa.

AMƆS 5:15

Má bɛrɛ wʋbɔŋŋɔɔ, aŋ cho wʋzɔŋŋɔɔ, a leŋ dɩ wʋtɩtɩɩ chaasa chɩŋ ma sarɩya dɩ-diilee. Kapo La TƖƖNA doluŋ kala Tɩɩna jaŋ fá ma Josɛf doho nɩkaanaa nenige.

MƖKA 2:12

La TƖƖNA bɩra sɩ, “Mɩ sɛnɛ jaŋ kɛŋ ma Jekɔb doho nɩaa kala kʋ hɛ dɔŋɔ, mɩ sɛnɛ jaŋ kɛŋ Iziral nɩkaanaa kʋ hɛ dɔŋɔ lɛ. Mɩ jaŋ kɛmba kʋ hɛ dɔŋɔ a nagɛ piesee sɩ hɛ pie-dɩa lɛ. Ba jaŋ nagɛ pie-laalɩŋ sɩ hɛ yaŋ dɩ-diiliŋ. Nɩaa jaŋ bɩra su tintee-la.

MƖKA 7:18

Wɩa, nʋʋkala tuo a nagɩŋ, ŋ nɛ nɩɩ-la sɩ joŋ ŋ nɩalɩŋ sɩ ka a bɩ sʋba wʋcheelee arɩ ba wʋbɔŋŋɔɔ a chɛba. Ŋ bɩ baanɩŋ na didieni, ŋ cho nɩaa nenige fanɩŋ nɛ.

ZEFANAAYA 2:9

Ŋɩɩ wɩaa, mɩ-na ma TƖƖNA doluŋ kala TƖƖNA sɩ ŋaa Iziral tɩŋŋaa Wɩa ŋmɩɛsa nɛ, mɩ nɛ bʋla: wʋtɩtɩɩ, mɩ jaŋ chei Mʋab dɩ ʋ nagɛ taŋ-la ba sɩɩ yɩrɛ Sodom a chei Amɔŋ tɩŋŋaa dɩ ba ma nagɛ taŋ-la ba sɩɩ yɩrɛ Gomora. Ba leriŋ kala jaŋ tɔ yaŋ arɩ kpesi bʋɔsʋŋ a pɩŋ kʋŋkʋlʋŋ a kaa mʋ wuu. Mɩ nɩalɩŋ sɩ ka jaŋ paa ba kɩaa, mɩ tintee-la nɩalɩŋ sɩ bɩ sʋba jaŋ laa ba tinteeŋ tɩɩ.” La TƖƖNA nɛ bʋla.

Rom Tɩŋŋaa 11:5

Ŋɩɩ tɩtɩa nɛ ʋ nagɛ Iziral tɩŋŋaa lɛ bʋa deeŋ lɛ. Iziral tɩŋŋaa baŋmɛnɛ nɛ Wɩa lɩɩsɛ a fá ba nenige.

Rom Tɩŋŋaa 9:27

Azaaya fa ŋaa Wɩa wʋlaabʋllʋ nɛ. Ʋ ma fa heele bʋl a tɩgɛ Iziral nɩaa lɛ a bʋl, “Dɩ Iziral tɩŋŋaa nɛ paala faasa yʋgɛ a nagɛ hagɩlɩ-bumbugulo sɩ pɩŋ mʋgʋ-balɩŋ niiŋ ma, ba tʋɔŋ nɩaa baŋmɛnɛ dʋndʋŋa nɛ Wɩa jaŋ laa ta,

MOSIS BƖRA WULLI WƖA WOMBIIŊ 28:13

La TƖƖNA jaŋ leŋ dɩ ma ŋaa sɩpaalaara, ma bɩ jaŋ ŋaa harɩ-tooro. Dɩ ma nɛ jegile a nɩɩ ma TƖƖNA Wɩa wɩalɩŋ mɩ sɩ joŋo dagɛma jɩnɩŋ, a fɩɛlɛ ma sɩaa a toba, ma jaŋ laa sɩpaaŋ wɩɩkala lɛ, ma bɩ jaŋ to harɩŋ.

MOSIS BƖRA WULLI WƖA WOMBIIŊ 32:43

Tinteyee nɩaa, ma pɛ La TƖƖNA nɩaa lɛ a jʋɔsɛ, La TƖƖNA jaŋ chɩŋ ʋ nɩaa nyuŋ a laa ba yuosuŋ yuo, aŋ joŋ ʋ nɩaa wʋbɔŋŋɔɔ chɛba aŋ pɩɩsɛ ba tinteeŋ disiniŋ ta.