JƐRƖMAAYA 31:5 - WƖA TENIŊ

⁵ Ma jaŋ bɩra pɛrɛ girep tɩɩsɩŋ bagɩsɩŋ Samarɩa dundolluŋ nyuŋ. Paaraa jaŋ chɔnsɛ tɩɩsɩ-la, a nɩɩ ba nɛnɛɛ sɩma.

JƐRƖMAAYA 31:5 ပူးပေါင်းရင်းမြစ်များ

WƖA YƖƖLAA 107:37

Ba pɛrɛ bagɩsɩŋ arɩ tɩɩnɛnɛɛ bagɩsɩŋ nɛ, a na kʋdiilee arɩ tɩɩnɛnɛɛ woruŋ.

JƐRƖMAAYA 32:15

bɛɛ wɩaa, wɩɩ-la La TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: Nɩaa jaŋ bɩra yɔɔ dɩɩsɩŋ, tinteyee arɩ girep tɩɩsɩŋ bagɩsɩŋ tinteeŋ deeŋ lɛ.”

ƐZƖKƖƐL 28:26

Ba jaŋ hɔŋ nɩmɛ, wɩɩkala bɩ baa walɩmɛ, a saa dɩɩsɩŋ a pɛrɛ girep tɩɩsɩŋ bagɩsɩŋ. Mɩ jaŋ dɔgɩsɛ nɩalɩŋ kala sɩ hɔnɔ kpagɛba a bene gʋʋnɛba. Iziral tɩŋŋaa jaŋ hɔŋ sɔm, ŋɩɩ nɛ ba jaŋ jɩŋ arɩ mɩ nɛ ba TƖƖNA.”

ƐZƖKƖƐL 36:8

Ama ma-na Iziral peelee, tɩɩsɩŋ jaŋ waa ma nyuŋ a kel naakelee a nɛŋ nɛnɛɛ a pɩ ma-na mɩ nɩaa Iziral tɩŋŋaa. Ʋ bɩ jaŋ dieni ka dɩ ma mɩɩra kɔ dɩa.

AMƆS 9:14

Mɩ jaŋ kɛŋ mɩ nɩaa Iziral tɩŋŋaa mɩɩra lɩɩ yoŋ-baga kɔ ba tɩtɩa tinteeŋ. Ba jaŋ paa ba tasɩ-la sɩ pɩŋ jikpeeŋ saa a jʋjʋʋ. Ba jaŋ pɛrɛ girep tɩɩsɩŋ bagɩsɩŋ a nyʋnyʋa ba sɩnɩŋ. Ba jaŋ pɛrɛ bagɩsɩŋ, a dii ba kɩaa.

OBADAAYA 1:19

Nɛgɛf nɩaa jaŋ laa Ɛsɔ tinteeŋ tɩɩ, dɩ nɩalɩŋ sɩ hɛ dundollu-la sɩ hɛ peeliŋ bʋbʋɔŋ ma laa Fɩlɩsɩtɩa nɩaa tinteeŋ. Ba jaŋ laa Efirem arɩ Samarɩa tinteeŋ, ka dɩ Bɛnjamɩŋ ma tɩɩ Gɩlɩad tinteeŋ.

MƖKA 1:6

Ŋɩɩ wɩaa La TƖƖNA sɩ, “Mɩ jaŋ leŋ dɩ Samarɩa pɩŋ jikpeeŋ a ŋaa pʋlʋŋ-jaala, lee ba sɩ jaŋ bil girep tɩɩsɩŋ baga. Mɩ jaŋ paa ʋ tabɩa-la sɩ tele daŋ dɔŋɔ tuu fuonaaŋ aŋ ka dɩ ʋ gentine nyɩɩsɛ.

MƖKA 4:4

Nʋʋkala jaŋ hɔŋ ʋ girep tɩa bʋbʋɔŋ a hɔŋ ʋ tutogo bʋbʋɔŋ arɩ yarɩfɩɛlaa. Nʋʋkala bɩ jaŋ ŋaa dɩ fawʋllʋŋ kɛmba, bɛɛ wɩaa La TƖƖNA doluŋ kala Tɩɩna nɛ bʋla.

ZƐKARƖYA 3:10

Tapʋlɩɩ-la, ma kʋŋkala jaŋ yɩrɛ ʋ dɔŋɔ tɩɩna dɩ ʋ kʋ hɔŋ ʋ girep tɩa arɩ ʋ tutogo bʋbʋɔŋ.”

MOSIS BƖRA WULLI WƖA WOMBIIŊ 20:6

Ma kʋŋ hɛ nɩmɛ a chɔnsɛ tɩɩsɩŋ baga, aŋ ha bɩ ba nɛnɛɛ die? Ʋ tɩɩna mɩɩra mʋ dɩa, dɩ ŋɩɩ dee ʋ jaŋ wuo sʋʋ laalɩŋ lɛ, ka dɩ nʋʋ dɔŋ mɩɩra dii tɩɩnɛnɛ-la.

MOSIS BƖRA WULLI WƖA WOMBIIŊ 28:30

Ma jaŋ sʋgɛ haala dɩ ma jaa, ka dɩ nʋʋ kɛŋ haal-la pɩŋ. Ma jaŋ saa dɩa aŋ bɩ jaŋ jʋʋ. Ma jaŋ pɛrɛ girep tɩɩsɩŋ baga aŋ bɩ jaŋ dii ʋ nɛnɛɛ.

1 SAMƲƐL 21:5

Devit bʋl, “Wʋtɩtɩɩ, mɩ dɩ mɩ harɩ-tooroo nɩɩ lɩɩ dɩ la tɩŋ tɩntɩmɩɩ, la dɩ haalaa bɩ bɔsɔ ka pɛ, la kʋŋkala bɩ disiniŋ kɛŋ. Dɩ la nɛ paala mʋ dɩ la tɩŋ tɩntɩmɩɩ dɔŋ sɩ bɩ sɩɩfɩaŋ tɩntɩmɩɩ ŋaa ma, la yie bɩ disiŋ wɩaa ka ŋaa, a saa wasa nyaŋ jɩnɩŋ tɩntɩmɩŋ sɩ ŋaa sɩɩfɩaŋ tɩntɩmɩɩ.”