JƐRƖMAAYA 31:4 - WƖA TENIŊ

⁴ Iziral tɩmma, mɩ jaŋ bɩra kɛmma kɩɩ dɩ ma chɩŋ woruŋ. Ma jaŋ bɩra paa ma chɩnchɩgɩsɩŋ, a lɩɩ dɩ ma dɩ nɩalɩŋ tʋɔŋ sɩ tɔrɔ gʋa.

JƐRƖMAAYA 31:4 ပူးပေါင်းရင်းမြစ်များ

2 KUOROO 19:21

Wɩɩ-la mɩ-na ma TƖƖNA sɩ bʋla a tɩgɛ ʋ lɛ nɛ ŋ-la: Zaayɔŋ nɩaa ka mɔŋ Sɛnakɛrɩb nɛ a sisieri ʋ lɛ. Jerusalɛm nɩaa kɛŋ nyuŋ kpukpegisi nɛ, ka ʋ fɩfá dɩ ʋ laa ʋ mɩɩsɩŋ.

WƖA YƖƖLAA 149:3

Má du chenniŋ, a chɩgɩsɛ chɩnchɩgɩsɩŋ a yɩɩ yɩɩlaa a gʋa, a dɛnnɛ La Tɩɩna.

WƖA YƖƖLAA 30:11

Ŋ leŋe mɩ tʋɔ-cheeŋ bɩrɩmɛ tʋɔtɔrʋŋ nɛ mɩ gʋgʋa. Ŋ wuri mɩ tʋɔ-chei gɛrɩŋ ta nɛ aŋ joŋ tʋɔtɔrɛ gɛrɩŋ laalɛmɛ,

WƖA YƖƖLAA 51:18

La Tɩɩna, leŋ dɩ ŋ tʋɔŋ tɔrɛ Zaayɔŋ nyuŋ, dɩ ŋ pɛ ʋ lɛ, a wasa saa Jerusalɛm jeyee.

WƖA YƖƖLAA 69:35

Wɩa jaŋ laa Jerusalɛm ta, aŋ paa Juda tinteeŋ tabalaa wasa saa, dɩ ʋ nɩaa hɔŋ tintee-la lɛ, dɩ ʋ ŋaa ba kʋŋ.

AZAAYA 14:1

La TƖƖNA jaŋ fá Iziral tɩŋŋaa nenige. Ʋ jaŋ bɩra lɩɩsɛ Iziral tɩŋŋaa dɩ ba ŋaa ʋ nɩaa, a leŋ dɩ ba hɔŋ ba tɩtɩa tinteeŋ lɛ. Nɩwogusuŋ jaŋ kʋ pɛ hɔŋ Jekɔb doho nɩalɩŋ tinteeŋ lɛ dɩ ba niiŋ ŋaa kʋbala.

AZAAYA 30:32

La TƖƖNA jaŋ yuo Asiiria tɩŋŋaa. Dɩ ʋ nɛ joŋ ʋ daa-la ʋ sɩ kaa dɔgɩsɛ nɩaa ŋmooba na-kala, ʋ nɩaa jaŋ yɩɩ yɩɩlaa a chɩgɩsɛ chɩnchɩgɩsɩŋ a du cheŋ hɛ.

AZAAYA 37:22

Wɩɩ-la mɩ-na ma TƖƖNA sɩ bʋla a tɩgɛ ʋ lɛ nɛ ŋ-la: Zaayɔŋ nɩaa ka mɔŋ Sɛnakɛrɩb nɛ a sisieri ʋ lɛ. Jerusalɛm nɩaa kɛŋ nyuŋ kpukpegisi nɛ, ka ʋ fɩfá dɩ ʋ laa ʋ mɩɩsɩŋ.

JƐRƖMAAYA 1:10

Jɩnɩŋ, mɩ lɩɩsɩŋ nɛ a leŋ ŋ kɛŋ doluŋ tinteyee arɩ kuoroo tinteyee lɛ, dɩ ŋ wuo churiba a yigiba lo, dɩ ŋ wuo cheiba a yuo diiba, dɩ ŋ wuo saaba a leŋ dɩ ba chɩŋ.”

JƐRƖMAAYA 14:17

Ʋ fa bɩra bʋla pɩmɛ nɛ dɩ mɩ bʋl wɩɩŋ deeŋ pɩba: “Mɩ sɩaa ka pɛllɛ sɩlɩɩrɩŋ tɩtaŋɩŋ arɩ wɩɩhɛyɛ kala nɛ a bɩ kɛrɛ, bɛɛ wɩaa mɩ nɩaa chaasa bolimi nɛ a nɩna hɛɛŋ woruŋ.

JƐRƖMAAYA 18:13

Ŋɩɩ wɩaa, wɩɩ-la La TƖƖNA sɩ bʋla nɛ ŋ-la: “Ma pɩɛsɛ tinteyee lɛ a na, kʋbɛɛ nɛ ha nɩɩ wʋdoho deeŋ? Iziral tɩŋŋaa ŋaa wɩɩ sɩ chaasa lɔrɛ nɛ.

JƐRƖMAAYA 24:6

Mɩ jaŋ beŋ ba nyuŋ dɩ wɩaa zɔmɔ pɩba, a kɛmba mɩɩra kɔ tinteeŋ deeŋ. Mɩ jaŋ leŋ dɩ ba chɩŋ, mɩ bɩ jaŋ leŋ dɩ ba tel. Mɩ jaŋ leŋ dɩ ba naapoloo jʋʋ tinteeŋ, mɩ bɩ jaŋ churiba.

JƐRƖMAAYA 31:13

Hatoloo jaŋ gʋa dɩ ba tʋɔŋ tɔrɛ, a pɛ bapʋɔsaa arɩ banɩhɩasɩŋ lɛ. Mɩ jaŋ leŋ dɩ ba yele bɩrɩmɛ tʋɔtɔrʋŋ. Mɩ jaŋ nyagɛ ba bɔyɛ, a leŋ dɩ ba tʋɔ-chei-la bɩrɩmɛ tʋɔtɔrʋŋ.

JƐRƖMAAYA 31:21

Má bil magɩlaa wombiee lɛ, má bil magɩla-la sɩ jaŋ dagɛma wombiiŋ. Má jɩŋ wombii-jalɩɩ-la wɩaa, wɛŋ-la ma fa sɩ to mʋ. Iziral tɩmma, má mɩɩra kɔ, má mɩɩra kɔ ma tasɩŋ.

JƐRƖMAAYA 31:38

La TƖƖNA bɩra sɩ, “Tapʋlaa ka kɔ nɛ, ba sɩ jaŋ wasa saa tabalɩŋ deeŋ a pɩmɛ, a chɩŋ Hananɛl dɩɩ-leŋii-la lɛ a kaa mʋ yi boi-baal-la sɩ hɛ je-gʋnʋŋ lɛ.

JƐRƖMAAYA 33:7

Mɩ jaŋ kɛŋ Juda arɩ Iziral nɩaa mɩɩra lɩɩ yoŋ-baga-la ba sɩ yuo kɛsɛba mʋ a kɔ, a leŋ dɩ ba chɩŋ a nagɛ ŋɩɩ ba fa sɩ naga.

JƐRƖMAAYA 46:11

Ijipiti nɩaa, ma mʋ Gɩlɩad a bee chɛ daalusuŋ. Ma daalusu-la kala ŋaa pɛɩ nɛ, kʋŋkala bɩ ma wuo vaarɛ.

JEMBIEE 1:15

La TƖƖNA vɩa mɩ laalɩyuori duori-la kala nɛ. Ʋ yɩrɛ laalɩyuoroo a hɛ mɩ lɛ nɛ, dɩ ba kpʋ mɩ bapʋɔsaa kala. La TƖƖNA nʋɔsɛ Juda nɩaa a nagɛ ŋɩɩ ba sɩɩ chagɛ girep nɛnɛɛ sɩnɩŋ nɛ.

JEMBIEE 2:13

Jerusalɛm nɩaa, wʋbɛɛ nɛ mɩ jaŋ wuo bʋla pɩma? Bɛɛ kʋŋ nɛ mɩ jaŋ kɛmma kaa magɩsɛ? Ɛɛ nɛ mɩ jaŋ ŋaa nyagɛ ma bɔyɛ dɩ ma tʋɔŋ pɩŋ dɩ-bala? Ma naawɩɩlɩŋ luŋie a nagɛ mʋga nɛ. Kʋbɛɛ nɛ jaŋ wuo vaarɛma?

AMƆS 5:2

“Iziral tɩmma, ma tele nɛ a bɩra bɩ wuo sii, ba vɩama ta nɛ ma pɩŋ ma tɩtɩa tinteeŋ lɛ, nʋʋkala tuo dɩ ʋ kɛmma dɩ ma sii.”

AMƆS 9:11

Tapʋlɩɩ dɔŋ mɩ jaŋ wasa saa kuoro Devit dɩa-la sɩ tele a pɩŋ jikpeeŋ dɩ ʋ nagɛ ʋ fa sɩ nagɛ ŋɩɩ, mɩ jaŋ wasa saa lere-la kala sɩ cheye.

Luuk 15:23

Má mʋ kɛŋ nɛŋ-la ma sɩ nɛrɛ a kaa kʋ kpʋ dɩ la kala dii, dɩ la tʋɔŋ tɔrɛ.

Tɩntɩŋŋaa 15:16

‘Mɩ jaŋ mɩɩra kɔ a chʋʋlɛ Devit dɩa-la sɩ tele. Mɩ jaŋ wasa taasɛ je-kɩɛrɩ-la dɩ ʋ chɩŋ woruŋ.

SƖPAALAARAA 11:34

Jɛfɩta sɩ mɩɩra kʋkɔ ʋ jaŋ Mɩzɩpa, nʋʋ sɩ laa sɩpaaŋ kʋ lɩɩ chemu nɛ ŋaa ʋ tolo. Ʋ fa chɩgɩsɛ chɩnchɩga nɛ aŋ gʋgʋa a tɩŋ ʋ nyɩmma sɩ yuo laalɩŋ dii. Jɛfɩta bie kala nɛ fa ŋɩɩ.