JƐRƖMAAYA 31:34 - WƖA TENIŊ

³⁴ Nʋʋkala bɩra bɩ jaŋ dagɛ ʋ dɔŋɔ tɩɩna koo ʋ naambii ŋɩɩ ʋ sɩ jaŋ ŋaa a jɩmmɛ, bɛɛ wɩaa ba kala jaŋ jɩmmɛ, a chɩŋ nɩbiisiŋ lɛ a kaa jɩl nɩbalaa. Mɩ jaŋ joŋ ba wʋbɔŋŋɔɔ chɛba. Mɩ bɩra bɩ jaŋ liliisi ba wʋbɔŋŋɔɔ wɩaa. Mɩ-na ma Tɩɩna nɛ bʋla.”

JƐRƖMAAYA 31:34 ပူးပေါင်းရင်းမြစ်များ

1 IZIRAL TƖŊŊAA NAABARƖŊ 28:9

Ŋɩɩ nɛ Devit bʋla pɩ ʋ nanʋala Solomoŋ ma, “Mɩ bii, to ŋ nyɩmma Wɩa a tɩma pʋ arɩ ŋ tʋɔŋ arɩ ŋ wɩɩwɩɩ kala. La TƖƖNA jɩŋ la tʋɔbɩɩnaa arɩ la wʋchɛɛlɛɛ kala nɛ. Dɩ ŋ nɛ chɛʋ, ŋ jaŋ naʋ, ama dɩ ŋ nɛ vɩaʋ, ʋ ma jaŋ vɩaŋ a kaa mʋ wuu.

WƖA YƖƖLAA 25:7

Joŋ wʋbɔmɔ-la kala mɩ sɩ ŋaa mɩ hambiiriŋ lɛ a chɛmɛ. A tɩŋ ŋ chonuŋ arɩ ŋ zile wɩaa, liisi mɩ wɩaa.

AZAAYA 11:9

Wɩa peel-zɔŋ-la kala lɛ wʋbɔŋ koo wʋcheyii bɩ jaŋ kɔ dɩ ʋ hɛ nɩmɛ. Wɩa wɩaa jaŋ su dʋnɩa kala a nagɛ lɩɩŋ sɩ yie su mʋgʋ-balɩŋ ŋɩɩ.

AZAAYA 29:24

Nɩyaaraa jaŋ gʋnnɛ wʋjɩmɩŋ, dɩ nɩalɩŋ ma sɩ cho wɩaa gʋrʋmʋŋ sɛɩ dɩ ba dagɛba.”

AZAAYA 30:26

Chɛnɛ pʋlʋmʋŋ jaŋ chaanɛ a nagɛ wɩɩpɔsʋŋ, ka wɩɩpɔsʋŋ ma chaanɛ a kɩɩ ŋɩɩ ʋ sɩ vɛnɛ chɩchaanɛ naansɩɩŋ bʋlɩpɛ, a nagɛ tapʋlaa balɩpɛ pʋlʋmʋŋ sɩ kʋ pɛ dɔŋɔ a chaanɛ tapʋl-bala. Wɩaa deemba kala jaŋ ŋaa bʋa-la lɛ La TƖƖNA sɩ jaŋ leŋ dɩ naawɩɩla-la ʋ sɩ hɛ ʋ nɩaa lɛ fɩɛlɛ.

AZAAYA 33:24

Nɩalɩŋ kala sɩ hɛ Zaayɔŋ lɛ kʋŋ bɩ jaŋ bʋl, “Mɩɩ wɩɩlɛ nɛ.” La TƖƖNA jaŋ joŋ nɩalɩŋ kala sɩ hɛ nɩmɛ wʋbɔŋŋɔɔ chɛba.

AZAAYA 33:6

Ʋ nɛ jaŋ ŋaa ma gentiŋ-duoŋ, ʋ teeŋ nɛ laatanɩŋ arɩ wʋjɩmɩŋ arɩ wɩaa sɩaa jɩmɩŋ kala hɛ. Dɩ ma nɩɩ fá La TƖƖNA, ŋɩɩ ŋaa dʋa bal nɛ.

AZAAYA 38:17

Wʋtɩtɩɩ, hɛɛ-la mɩ fa sɩ na kɛŋ nyʋʋrʋŋ nɛ a pɩmɛ. Ŋ chonuŋ bʋbʋɔŋ lɛ nɛ ŋ lɩɩsɛmɛ lɩɩ-lɩma lɛ aŋ joŋ mɩ wʋbɔŋŋɔɔ kala chɛmɛ.

AZAAYA 43:25

Mɩ nɛ Wɩa, mɩ nɛ joŋ ma wʋbɔŋŋɔɔ chɛma. Mɩ ŋaa ŋɩɩ a tɩŋ mɩ tɩtɩa wɩaa nɛ. Mɩ bɩra bɩ jaŋ liisi ma wʋbɔŋŋɔɔ wɩaa.

AZAAYA 44:22

Mɩ dʋɔrɛ ma wʋcheelee kala ta nɛ a nagɛ duoŋ-bɩlɩmbaanɩŋ sɩ sie, a lɩɩsɛ ma wʋbɔŋŋɔɔ ma kala ta arɩ nyalɩŋ sɩ huoso. Má mɩɩra kɔ mɩ teeŋ, mɩ laama ta nɛ.”

AZAAYA 52:6

Ŋɩɩ wɩaa bʋa kʋbala jaŋ yi dɩ mɩ nɩaa jɩŋ arɩ mɩ nɛ Wɩa, mɩ nɛ fa bʋl wɩaa deemba a pɩba.”

AZAAYA 54:13

Mɩ-na ŋ TƖƖNA tɩtɩa nɛ jaŋ dagɛ ŋ biiriŋ. Ba jaŋ kɛŋ fɩɛlɩŋ woruŋ.

JƐRƖMAAYA 24:7

Mɩ jaŋ pɩba tʋɔ-la sɩ jaŋ leŋ dɩ ba jɩŋ arɩ mɩ nɛ ba TƖƖNA. Ba jaŋ ŋaa mɩ nɩaa, dɩ mɩ ma ŋaa ba Wɩa, bɛɛ wɩaa ba jaŋ mɩɩra kɔ mɩ teeŋ arɩ ba tʋɔŋ kala.

JƐRƖMAAYA 32:40

Mɩ jaŋ hɛ niiŋ sɩ bɩ dɩdɛrɩŋ kɛnɛ mɩ dɩ ba pɛgɛ. Mɩ bɩ jaŋ kɔ dɩ mɩ vɩa dɩ mɩ ŋaa wʋzɔŋŋɔɔ a pɩba. Mɩ jaŋ ŋaa dɩ ba fɩfámɛ, dɩ ŋɩɩ leŋ dɩ ba sɩ́ mɩ harɩŋ mɩɩrʋ.

JƐRƖMAAYA 33:8

Mɩ jaŋ pɩɩsɛ wʋbɔŋ-la kala ba sɩ ŋaa mɩ lɛ a ta, a joŋ wʋbɔmɔ-la ma kala ba sɩ vɩamɛ aŋ ŋaa chɛba.

JƐRƖMAAYA 50:20

Bʋa-la lɛ ba jaŋ chɛ dɩ ba na Iziral tɩŋŋaa wʋcheeliŋ. Mɩ-na ma TƖƖNA nɛ bʋla, ama ba bɩ jaŋ na wʋcheeli kala. Ba jaŋ chɛ dɩ ba na Juda nɩaa ma wʋbɔŋŋɔɔ, ama ba bɩ jaŋ na wʋbɔŋ kala, bɛɛ wɩaa mɩ jaŋ joŋ nɩalɩŋ sɩ ka wʋbɔŋŋɔɔ chɛba.

JƐRƖMAAYA 9:23

Wɩɩ-la La TƖƖNA bɩra sɩ bʋla nɛ ŋ-la: “Wʋjɩnna bɩ maga dɩ ʋ kɛŋ ʋ wʋjɩmɩŋ ŋmoo bɔyɛ. Nɩduoŋ ma bɩ maga ʋ kɛŋ ʋ doluŋ ŋmoo bɔyɛ. Kɩaa tɩɩna ma bɩ maga dɩ ʋ kɛŋ ʋ kɩaa ŋmoo bɔyɛ.

HOSIA 2:20

Mɩ jaŋ jaaŋ arɩ wʋtɩtɩɩ. Ŋɩɩ nɛ ŋ jaŋ sɛɩ arɩ mɩ nɛ ŋ TƖƖNA.

MƖKA 7:18

Wɩa, nʋʋkala tuo a nagɩŋ, ŋ nɛ nɩɩ-la sɩ joŋ ŋ nɩalɩŋ sɩ ka a bɩ sʋba wʋcheelee arɩ ba wʋbɔŋŋɔɔ a chɛba. Ŋ bɩ baanɩŋ na didieni, ŋ cho nɩaa nenige fanɩŋ nɛ.

MƖKA 7:19

Ŋ jaŋ bɩra fá la nenige, ŋ jaŋ nʋɔsa tɔ la wʋcheelee aŋ joŋ la wʋbɔŋŋɔɔ kala yuo hɛ mʋgʋ-balɩŋ dɩ-luŋuŋ lɛ.

HABAKU 2:14

Ama La Tɩɩna wɩaa arɩ ʋ tʋla jaŋ su tinteeŋ, a nagɛ lɩɩŋ sɩ su mʋgʋ-balɩŋ.

Matiu 11:27

Ŋɩɩ nɛ ʋ bɩra bʋl, “Mɩ Nyɩmma joŋ kʋŋkala doluŋ nɛ pɩmɛ. Mɩ Nyɩmma dʋndʋŋa nɛ jɩŋ ŋɩɩ mɩ sɩ naga. Mɩ ma dʋndʋŋa nɛ jɩŋ ŋɩɩ mɩ Nyɩmma sɩ naga. Nʋʋkala bɩra bɩ ʋ jɩŋ, see nɩalɩŋ mɩ sɩ cho dɩ mɩ daga pa.”

Luuk 1:77

Ŋ jaŋ bʋla pɩ nɩalɩŋ sɩ ŋaa siri dɩ ba tou, dɩ Wɩa jaŋ joŋ ba wʋbɔŋŋɔɔ chɛba aŋ laaba ta.

Jɔɔŋ 17:3

Nɩalɩŋ sɩ jɩma arɩ ŋ nɛ sɛnɛ ŋaa Wɩɩ-tɩtɩɩ, Wɩa dɔŋ bɩra tuo, aŋ pɛ jɩŋ mɩ-na Yesu Kirisito, Nɩɩ-la ma ŋ sɩ tɩma, ba nɛ kɛŋ mɩɩsɩ-la sɩ bɩ dɛrɛ.

Jɔɔŋ 17:6

Mɩ leŋe nɩalɩŋ ŋ sɩ lɩɩsa pɩmɛ dʋnɩa nɩaa tʋɔŋ jɩmɩŋ nɛ. Ba fa ŋaa ŋ kɩaa nɛ, ŋ nɛ lɩɩsɛba pɩmɛ. Ba sɛɩ ŋ niiŋ wɩaa.

Jɔɔŋ 6:45

Ba ŋmʋnsɛ ŋ-la nɛ Wɩa wʋlaabʋllaa teniŋ tʋɔŋ. Ba sɩ, ‘Wɩa jaŋ dagɛ nɩaa kala.’ Nʋʋkala sɩ kɛŋ ʋ tɩtɩa hɛ dɔŋɔ dɩ ʋ jegile nɩɩ wɩalɩŋ mɩ Nyɩmma sɩɩ dagʋ a gʋnnɛ ʋ teeŋ, ʋ nɛ jaŋ kɔ mɩ teeŋ.

Tɩntɩŋŋaa 10:43

Ʋ wɩaa nɛ Wɩa wʋlaabʋllaa fa bʋl ŋɩɩ. Ba sɩ nʋʋkala sɩ laa ʋ wɩaa dii, Wɩa jaŋ joŋ tɩɩna wʋbɔŋŋɔɔ chɛʋ ʋ yɩrɩŋ lɛ.”

2 Kɔrɩntɩ Nɩaa 2:10

Dɩ ma nɛ joŋ wɩɩ chɛ nʋʋ, mɩ ma joŋo chɛʋ nɛ, dɩ mɩ nɛ fa maga dɩ mɩ joŋ wɩɩ chɛ nʋʋ, mɩ joŋo chɛʋ nɛ, a tɩŋ ma wɩaa. Kirisito sɩpaaŋ nɛ mɩ ŋaa ŋɩɩ, bɛɛ wɩaa

2 Kɔrɩntɩ Nɩaa 4:6

Bumbuŋ Wɩa sɩ ŋaa dʋnɩa, ʋ leŋe pʋlʋmʋŋ chaanɛ birimiŋ tʋɔŋ nɛ. Ŋɩɩ tɩtɩa nɛ lɛɛlɛ ʋ leŋ pʋlʋmʋŋ kʋ jʋʋ la tʋɔŋ. Pʋlʋŋ-la nɛ leŋe la kɛŋ wʋjɩmɩŋ a wuo jɩŋ ŋɩɩ Wɩa sɩɩ tʋl. Wɩa to Kirisito lɛ nɛ a dagɛ ʋ tʋla.

Ɛfɛsɩs Nɩaa 1:7

La sɩ mɛrɛ Kirisito lɛ ŋɩɩ, ʋ joŋ ʋ chalɩŋ jaasɛ la wɩaa a tiŋ la wʋbɔŋŋɔɔ chɩmɩŋ, dɩ Wɩa joŋ la wʋbɔŋŋɔɔ chɛla. Wɩa zile yʋga nɛ kɩŋkɛŋ la teeŋ,

1 Tɛsalonaaka Nɩaa 4:9

Mɩ naambiiri, ʋ bɩ maga dɩ mɩ ŋmʋnsɛ teniŋ a bʋla pɩma ŋɩɩ ma sɩ jaŋ cho dɔŋɔ, bɛɛ wɩaa Wɩa tɩtɩa dagɛma ŋɩɩ ma sɩ jaŋ cho dɔŋɔ nɛ.

Hiburu TƖŊŊAA 5:12

Ma sɩ nɩɩ Wɩa wʋzɔmɔ-la, ʋ diene nɛ. Ʋ fa maga dɩ ma nɛ dɩdagɛ nɩaa, ama ma haa chɛ dɩ nʋʋ nɛ dɩdagɛma Wɩa niiŋ wɩalɩŋ ma sɩ nɩa bumbuŋ. Ʋ naga maa chɛ yɩlɩŋ nɛ, ma ha bɩ kʋduoruŋ wuo didii.

Hiburu TƖŊŊAA 8:11

Nʋʋkala bɩra bɩ jaŋ dagɛ ʋ dɔŋɔ tɩɩna koo ʋ naambii ŋɩɩ ʋ sɩ jaŋ ŋaa a jɩmmɛ, bɛɛ wɩaa ba kala jaŋ jɩmmɛ, a chɩŋ nɩbiisiŋ lɛ a kaa jɩl nɩbalaa.

Hiburu TƖŊŊAA 8:12

Mɩ jaŋ joŋ ba wʋbɔŋŋɔɔ chɛba. Mɩ bɩra bɩ jaŋ liliisi ba wʋbɔŋŋɔɔ wɩaa.”

1 Jɔɔŋ 2:20

Ama ma-na jɩŋ wʋtɩtɩɩ nɛ, bɛɛ wɩaa Kirisito joŋ ʋ Dɩŋ-zɔmʋŋ hɛ ma lɛ nɛ.

1 Jɔɔŋ 2:27

Ama Kirisito joŋ ʋ Dɩŋ-zɔŋ-la hɛ ma lɛ nɛ. Ʋ Dɩŋ-zɔŋ-la sɩ hɛ ma lɛ ŋɩɩ, ma bɩra bɩ nʋʋ ka chɛ dɩ ʋ dagɛma. Ʋ Dɩŋ-zɔŋ-la sɩ hɛ ma lɛ ka dagɛma wɩɩkala nɛ. Wɩalɩŋ kala ʋ sɩɩ dagɛma ŋaa wʋtɩtɩɩba nɛ, wʋnyɩɛrɩ dee. Má to wɩalɩŋ ʋ Dɩŋ-zɔmʋŋ sɩ dagɛma, a leŋ ma dɩ Kirisito ŋaa kʋbala.

1 Jɔɔŋ 5:20

La bɩra jɩma arɩ Wɩa Bie nɛ kɔ a suri la sɩaa la wuo jɩŋ Wɩɩ-tɩtɩɩ-la. La dɩ Wɩɩ-tɩtɩɩ-la ŋaa kʋbala nɛ. La hɛ ʋ Bie lɛ. Ʋ nɛ ŋaa Wɩa tɩtɩa. Ʋ nɛ joŋ mɩɩsɩ-la sɩ bɩ dɛrɛ pɩla.

1 SAMƲƐL 2:12

Eli hambolibiisiŋ fa ŋaa bii-bɔmɔ nɛ, ba bɩ La TƖƖNA ka fá.