JƐRƖMAAYA 31:32 - WƖA TENIŊ

³² Ʋ bɩ jaŋ nagɛ nii-la mɩ fa sɩ bile mɩ dɩ ba naabalɩmaba pɛgɛ, bʋa-la lɛ mɩ sɩ kɛmba kaa kʋʋ lɩɩ Ijipiti tinteeŋ lɛ. Mɩ fa ŋaa ba bala nɛ, aŋ ka ba ha pɛ vɩa aŋ chei nii-la sɩ hɛ mɩ dɩ ba pɛgɛ. La TƖƖNA nɛ bʋla.”

JƐRƖMAAYA 31:32 ပူးပေါင်းရင်းမြစ်များ

1 KUOROO 8:9

Kʋŋkala fa tuo Wɩa niiriŋ daga-la tʋɔŋ a pɛ tabɩɩ-taala-la balɩa Mosis sɩ joŋo hɛ ʋ tʋɔŋ Sɩnaɩ peel-la lɛ, bʋa-la lɛ La TƖƖNA sɩ hɛ niiŋ ʋ dɩ Iziral tɩŋŋaa pɛgɛ, ba sɩ lɩɩ Ijipiti tinteeŋ lɛ harɩŋ.

WƖA YƖƖLAA 73:23

Ama ŋ bʋbʋɔŋ nɛ mɩ hɛ bʋa na-kala ŋ kɛmmɛ arɩ ŋ naduo-la.

WƖA YƖƖLAA 78:37

Ba fa bɩ ba tʋɔŋ pʋla pɩ Wɩa, a bɩ nii-la ma sɩ hɛ ʋ dɩ ba pɛgɛ ka to.

MOSIS KƐŊ IZIRAL TƖŊŊAA LƖƖ 19:5

Lɛɛlɛ dɩ ma nɛ jaŋ to mɩ niiŋ woruŋ a kɛŋ nii-la sɩ hɛ mɩ dɩ ma pɛgɛ tɩtɩŋ, dʋnɩa nɩaa kala tʋɔŋ, ma jaŋ ŋaa nɩa mɩ sɩ tɩɩ.

MOSIS KƐŊ IZIRAL TƖŊŊAA LƖƖ 32:8

Ba daŋa vɩa wombii-la mɩ sɩ dagɛba nɛ, aŋ libi vene ʋ nagɛ nɛ-bie, ba kpʋ kɩaa pʋ aŋ zilu a bʋl, ‘Iziral tɩmma, vene-la sɩ kɛmma kaa kʋ lɩɩ Ijipiti tinteeŋ lɛ nɛ ŋ-la.’ ”

SOLOMOŊ YƖƖL-SƖMƖŊ 8:5

Kʋbɛɛ nɛ lɩɩ tintee-hɩlɩŋ kʋkɔ ŋ-la a yelli ʋ hɩɩla? Mɩ chɩsɩŋ tɩa-la ba sɩɩ yɩrɛ apʋl bʋbʋɔŋ nɛ. Nɩmɛ nɛ ŋ naaŋ kɛŋ ŋ luoruŋ. Nɩmɛ nɛ ʋ luoruŋ wɩɩ ʋ lʋlʋŋ.

AZAAYA 24:5

Dʋnɩa nɩaa ŋaa tinteeŋ kɛŋ disiniŋ nɛ. Ba chei La TƖƖNA wombie-la ʋ sɩ bile dɩ la tuto nɛ a vɩa wɩalɩŋ ʋ sɩ daga, aŋ ŋaa wɩaa chei nii-la fa sɩ maga ʋ hɛ ʋ dɩ ba pɛgɛ a kaa mʋ wuu.

AZAAYA 41:13

bɛɛ wɩaa mɩ nɛ ma TƖƖNA Wɩa. Mɩ kɛŋ ma nɩsɩŋ lɛ nɛ aŋ bʋl, “Má sɩ́ fawʋllʋŋ fá, mɩ jaŋ pɛ ma lɛ.”

AZAAYA 54:5

Nɩɩ-la sɩ ŋaaŋ nɛ jaŋ nagɛ ŋ bala lɛɛlɛ. Ʋ yɩrɩŋ nɛ ŋ TƖƖNA doluŋ kala Tɩɩna Iziral tɩŋŋaa Wɩa sɩ bɩ disiniŋ kɛnɛ. Ʋ nɛ ŋaa ŋ Laataara. Ʋ nɛ dʋnɩa kala Wɩa.

JƐRƖMAAYA 11:3

Bʋla pɩba wɩɩ-la mɩ-na ma TƖƖNA Iziral tɩŋŋaa Wɩa sɩ bʋla nɛ ŋ-la, ‘Ŋmɩaŋ jaŋ dii nɩɩ-la kala sɩ vɩa dɩ ʋ to wɩalɩŋ sɩ hɛ niiŋ deeŋ sɩ hɛ mɩ dɩ ma pɛgɛ lɛ,

JƐRƖMAAYA 11:4

wɩalɩŋ mɩ sɩ joŋo dagɛ ma naabalɩmaba bʋa-la lɛ mɩ fa sɩ laaba ta Ijipiti tɩŋŋaa nɩsɩŋ lɛ a kɛmba kʋ lɩɩ, lee-la ba fa sɩ chaasa nɩna hɛɛŋ.’ Mɩ fa bʋla pɩba, ‘Má to mɩ niiŋ a ŋaa wɩalɩŋ mɩ sɩ dagɛma. Dɩ ma nɛ ŋaa ŋɩɩ, ma jaŋ ŋaa mɩ nɩaa, dɩ mɩ ma ŋaa ma Wɩa.’

JƐRƖMAAYA 2:2

“Mʋ heele bʋla pɩ Jerusalɛm nɩaa kala, mɩ liise yi ŋɩɩ ma fa sɩɩ to mɩ nɛ ma hambiriŋ lɛ. Ma fa chomi nɛ woruŋ a nagɛ nɩa sɩ cho ʋ ha-falɩŋ ŋɩɩ, a to mɩ harɩŋ tintee-hɩlɩŋ lɛ, gɩrɩpɩrɩŋ tʋɔŋ.

JƐRƖMAAYA 22:9

Wɩɩ-la ba sɩ jaŋ bʋla pɩba nɛ: ‘A tɩŋ ba sɩ vɩa nii-la sɩ hɛ ba dɩ ba TƖƖNA Wɩa pɛgɛ aŋ tuto vesiŋ a kpʋkpaarɛba nɛ tɩɩ.’ ”

JƐRƖMAAYA 3:14

Mɩ-na ma TƖƖNA sɩ, “Ma ŋaa nɩaa sɩ bɩ wʋtɩtɩɩ kɛnɛ nɛ, má mɩɩra kɔ mɩ teeŋ. Mɩ nɛ ma bala. Mɩ jaŋ bagɩsa lɩɩsɛ nɩaa ma tʋɔŋ. Mɩ jaŋ lɩɩsɛ nɩbala taŋ kala lɛ, aŋ lɩɩsɛ nɩaa balɩa ma nyɩŋ-nɩaa tʋɔŋ a kɛmba kaa kɔ Zaayɔŋ.

JƐRƖMAAYA 31:1

La TƖƖNA sɩ, “Bʋa-la lɛ, mɩ jaŋ ŋaa Iziral doho nɩaa kala Wɩa, dɩ ba ma ŋaa mɩ nɩaa.”

JƐRƖMAAYA 34:13

“Wɩɩ-la mɩ-na ma TƖƖNA, Iziral tɩŋŋaa Wɩa sɩ bʋla nɛ ŋ-la: Mɩ fa bil niiŋ nɛ mɩ dɩ ma naabalɩmaba pɛgɛ, bʋa-la lɛ mɩ sɩ kɛmba kaa kʋ lɩɩ Ijipiti tinteeŋ lɛ, lee-la ba fa sɩ ŋaa yosi. Mɩ fa bʋla pɩba:

JƐRƖMAAYA 34:14

Jɩsɩŋ balɩpɛ na-kala lɛ, ma kʋŋkala maga ŋ joŋ Hiburu tɩɩna sɩ ŋaa ŋ yomo ta nɛ, nɩalɩŋ sɩ joŋ ba tɩtɩa yalla pɩma. Dɩ ʋ nɛ tɩma pɩŋ jɩsɩŋ balɩdʋ, ʋ maga ŋ joŋu ta nɛ dɩ ʋ mʋ. Ama ma naabalɩmaba bɩ jegile nɩɩ mɩ teeŋ koo a kaa tɩŋ.

ƐZƖKƖƐL 16:8

Harɩŋ mɩ bɩra kʋʋ bal, a naŋ dɩ ŋ waa a magɛ baalaa chɛnɩŋ. Mɩ joŋ mɩ gɛrɩŋ a tɔ ŋ yarɩ-bire-la, aŋ chaasa bʋla pɩŋ arɩ mɩ jaŋ jaaŋ, ŋɩɩ nɛ mɩ dɩŋ bil niiŋ pɩ dɔŋɔ ŋ ŋaa mɩ kʋŋ. Mɩ-na ma TƖƖNA Wɩɩjarɩbakɔ nɛ bʋla.

ƐZƖKƖƐL 20:37

Mɩ jaŋ leŋ dɩ ma kʋŋkala to nii-la sɩ hɛ mɩ dɩ ma pɛgɛ.

ƐZƖKƖƐL 23:4

Nɩhɩaŋ yɩrɩŋ nɛ fa Ohola, ʋ ŋaana ma yɩrɩŋ nɛ Oholiba. Mɩ fa jaa ba nɛ ba lʋl hambolibiisiŋ arɩ hantolibiisiŋ kala. Ohola nɛ chɩŋ taŋ-la ba sɩɩ yɩrɛ Samarɩa nyuŋ, Oholiba ma nɛ chɩŋ taŋ-la ba sɩɩ yɩrɛ Jerusalɛm nyuŋ.

HOSIA 11:1

LA TƖƖNA sɩ, “Iziral fa sɩ ŋaa bii-bie, mɩ chou nɛ, a yɩrʋ a kaa lɩɩ Ijipiti tinteeŋ lɛ.

HOSIA 2:2

Má kpɩa ma naaŋ lɛ, má kpɩa ʋ lɛ, bɛɛ wɩaa ʋ tuo mɩ haal, mɩ ma tuo ʋ bala. Má leŋ dɩ ʋ lɩɩsɛ ʋ sɩaa hachɔrʋŋ wʋŋaalaa lɛ a leŋ dɩ hachɔrʋŋ wɩaa dɛrɛ ʋ tʋɔŋ lɛ.

HOSIA 3:1

La TƖƖNA bʋla pɩmɛ, “Bɩra mʋ dagɛ ŋ chonuŋ ŋ haal-la lɛ, arɩ ʋ sɩ ŋaa hachɔrʋŋ ma nʋʋ dɔŋ hɩɩlʋ. Ŋ-na ha chou a nagɛ mɩ-na ma TƖƖNA sɩ cho Iziral tɩŋŋaa ŋɩɩ, arɩ ba sɩɩ to vesiŋ a joŋ tɩɩ-nɛŋ hɩlaa pɩpɩba ma.”

LEVI DOHO NƖAA 26:15

aŋ vɩa mɩ niiŋ wɩaa mɩ sɩ daga arɩ wombie-la mɩ sɩ bile dɩ ma tuto a chei nii-la sɩ hɛ mɩ dɩ ma pɛgɛ,

Maak 8:23

Ʋ kɛŋ nyʋlʋŋ-la nɩsɩŋ lɛ a kaa lɩɩ taŋ-la tʋɔŋ a tʋ nantʋɔrʋŋ hɛ ʋ sɩaa lɛ a joŋ ʋ nɩsaa daŋ ʋ lɛ aŋ pɩɛsʋ, “Ŋ na leriŋ nɛɛ?”

Jɔɔŋ 3:29

Ha-falɩŋ tɩɩna nɛ tɩɩ haala, ama dɩ ha-falɩŋ tɩɩna nandɔŋɔ nɛ chɩŋ nɩmɛ a jijegili wɩalɩŋ ba sɩɩ bʋl, ʋ tʋɔŋ yie tɔrɛ nɛ dɩ ʋ nɛ nɩɩ ha-falɩŋ tɩɩna-la yikoro. Ŋɩɩ tɩtɩa nɛ mɩ tʋɔŋ ma tɔrɛ woruŋ Yesu nyuŋ.

Tɩntɩŋŋaa 23:19

Ŋɩɩ nɛ laalɩyuoroo kʋhɩaŋ-la kɛŋ bile nɩsɩŋ lɛ a kɛnʋ lɩɩ mʋa, a fɩɛla pɩɛsʋ, “Wʋbɛɛ nɛ ŋ kɛŋ dɩ ŋ bʋla pɩmɛ?”

2 Kɔrɩntɩ Nɩaa 11:2

Wɩa tʋɔŋ sɩɩ wɩɩ ma lɛ ŋɩɩ, ŋɩɩ tɩtɩa nɛ mɩ ma tʋɔŋ wʋwɩɩ ma lɛ. Ma nagɛ hatolo mɩ sɩɩ chɛ dɩ mɩ joŋo pɩ bala nɛ, ma bala nɛ ŋaa Kirisito. Mɩ saa chɛ dɩ ma nagɛ hatolo-la sɩ bɩ baal jɩŋ, a bɩ disiniŋ kɛnɛ nɛ dɩ mɩ jomma a pʋʋ.

MOSIS BƖRA WULLI WƖA WOMBIIŊ 1:31

Ma fa sɩ hɛ tintee-hɩlɩɩ-la lɛ, ma na ŋɩɩ ma TƖƖNA Wɩa sɩ pɔma nɛ, a kɛmma kaa kɔ daha a nagɛ bie nyɩmma sɩ yie pɔ ʋ bie ŋɩɩ.”

MOSIS BƖRA WULLI WƖA WOMBIIŊ 29:1

Nii-la La TƖƖNA sɩ bile ʋ dɩ Iziral tɩŋŋaa pɛgɛ Mosis daga pɩ Iziral tɩŋŋaa Mʋab tinteeŋ lɛ nɛ ŋ-la, a pɛ nii-la ʋ sɩ bile ʋ dɩ ba pɛgɛ Sɩnaɩ peel-la lɛ.

MOSIS BƖRA WULLI WƖA WOMBIIŊ 29:21

La TƖƖNA jaŋ lɩɩsɛ ʋ dʋndʋŋa Iziral doho doho kala tʋɔŋ a dɔgɩsʋ, a leŋ dɩ ŋmɩaŋ-bɔmɔ-la kala sɩ mʋ tɩgɛ nii-la lɛ ba sɩ ŋmʋnsa hɛ Wɩa wombiiŋ teniŋ tʋɔŋ diiu.

MOSIS BƖRA WULLI WƖA WOMBIIŊ 29:24

Dʋnɩa nɩaa kala jaŋ pɩɛsɛ, ‘Bɛɛ nɛ tɩɩ La TƖƖNA ŋaa tinteeŋ deeŋ ŋ-la? Bɛɛ nɛ tɩɩ ʋ baanɩŋ faasa sii ŋ-la?’

MOSIS BƖRA WULLI WƖA WOMBIIŊ 31:16

aŋ bɩra bʋla pɩ Mosis, “Ŋ jaŋ sʋʋ a mʋ ŋ nyɩmmaba teeŋ. Ŋ sʋʋŋ harɩŋ lɛ, nɩaa deemba jaŋ vɩamɛ aŋ suomo ŋɩŋaa wʋlɩɩlɩŋ, aa kpaarɛ vesiŋ tintee-la ba sɩɩ mʋ lɛ, a chei nii-la mɩ sɩ bile mɩ dɩ ba pɛgɛ.

MOSIS BƖRA WULLI WƖA WOMBIIŊ 31:20

Dɩ mɩ nɛ kɛmba mʋ tintee-la sɩ sɩma a kɛŋ kɩaa woruŋ, tintee-la mɩ sɩ hɛ niiŋ pɩ ba naabalɩmaba dɩ mɩ joŋo pɩba, ba jaŋ na kʋdiilee a magɛ ŋɩɩ kala ba sɩɩ chɛ a didii ba tʋɔtɔrʋŋ, ama ba jaŋ vɩa mɩ niiŋ aŋ kpʋkpaarɛ vesiŋ a chei nii-la mɩ sɩ bile mɩ dɩ ba pɛgɛ.

MOSIS BƖRA WULLI WƖA WOMBIIŊ 5:2

Sɩnaɩ peel-la lɛ La TƖƖNA Wɩa hɛ niiŋ nɛ la dɩ ʋ pɛgɛ.

MOSIS BƖRA WULLI WƖA WOMBIIŊ 5:3

Ʋ dɩ la nyɩmmaba dʋndʋŋa pɛgɛ dee ʋ hɛ nii-la, ama ʋ hɛ nii-la ʋ dɩ la nɩalɩŋ kala ha sɩ hɛ la mɩɩsɩŋ lɛ jɩnɩŋ pɛgɛ nɛ.

Hiburu TƖŊŊAA 8:9

Ʋ bɩ jaŋ nagɛ nii-la mɩ fa sɩ bile mɩ dɩ ba naabalɩmaba pɛgɛ, bʋa-la lɛ mɩ sɩ kɛmba kaa kʋʋ lɩɩ Ijipiti tinteeŋ lɛ. Ba fa bɩ mɩ nii-la lɛ to, ŋɩɩ nɛ tɩɩ mɩ joŋ harɩŋ yɩaba.”