JƐRƖMAAYA 31:31 - WƖA TENIŊ

³¹ La TƖƖNA bɩra bʋla, “Bʋa dɔŋ jaŋ kɔ, dɩ mɩ bil nii-falɩŋ mɩ dɩ Iziral tɩŋŋaa arɩ Juda doho nɩaa pɛgɛ.

JƐRƖMAAYA 31:31 ပူးပေါင်းရင်းမြစ်များ

AZAAYA 59:21

La TƖƖNA bɩra sɩ, “Mɩ bil niiŋ nɛ mɩ dɩ ma pɛgɛ, mɩ joŋ mɩ Dɩma hɛ ma lɛ nɛ, a joŋ mɩ niiŋ wɩaa kala ma a hɛ ma niiree lɛ, wɩalɩŋ bɩ jaŋ lɛl ma niiree lɛ. Má joŋo dagɛ ma biiriŋ arɩ ma doho nɩaa kala sɩ jaŋ to harɩŋ kɔ dɩ wɩalɩŋ hɛ nɩmɛ a kaa mʋ wuu. Mɩ-na ma TƖƖNA nɛ bʋla.”

JƐRƖMAAYA 23:5

La TƖƖNA sɩ, “Tapʋlaa ka kɔ nɛ, dɩ mɩ lɩɩsɛ tʋɔpʋl Tɩɩna Devit doho nɩaa tʋɔŋ, ʋ jaŋ ŋaa kuoru sɩ jaŋ beŋ ʋ nɩaa arɩ wʋjɩmɩŋ. Ʋ jaŋ kɛŋ wʋtɩtɩɩ, a ŋaa wɩaa ba bʋa lɛ tintee-la lɛ.

JƐRƖMAAYA 30:3

Tapʋlaa ka kɔ nɛ, mɩ-na ma TƖƖNA jaŋ kɛŋ mɩ nɩaa Iziral tɩŋŋaa arɩ Juda nɩaa mɩɩra lɩɩ yoŋ-baga kɔ, a bɩra leŋ dɩ ba hɔŋ tintee-la mɩ sɩ joŋo pɩ ba naabalɩmaba ʋ ŋaa ba kʋŋ lɛ. Mɩ-na ma TƖƖNA nɛ bʋla.”

JƐRƖMAAYA 31:27

“Mɩ-na ma TƖƖNA nɛ bʋla, tapʋlaa ka kɔ nɛ, mɩ jaŋ leŋ dɩ nɩaa arɩ pʋsʋŋ bɩra pʋŋa su Iziral arɩ Juda tinteeŋ.

JƐRƖMAAYA 32:40

Mɩ jaŋ hɛ niiŋ sɩ bɩ dɩdɛrɩŋ kɛnɛ mɩ dɩ ba pɛgɛ. Mɩ bɩ jaŋ kɔ dɩ mɩ vɩa dɩ mɩ ŋaa wʋzɔŋŋɔɔ a pɩba. Mɩ jaŋ ŋaa dɩ ba fɩfámɛ, dɩ ŋɩɩ leŋ dɩ ba sɩ́ mɩ harɩŋ mɩɩrʋ.

ƐZƖKƖƐL 37:26

Mɩ jaŋ bil niiŋ mɩ dɩ ba pɛgɛ dɩ fɩɛlɩŋ hɛ ba teeŋ a kaa mʋ wuu. Mɩ jaŋ leŋ dɩ ba chɩŋ, a leŋ dɩ ba nɩaa pʋŋa pɛ. Mɩ dɩɩ-balɩŋ jaŋ hɛ ba tʋɔŋ a kaa mʋ wuu.

AMƆS 9:13

La Tɩɩna bɩra bʋla, “Bʋa kʋbala ka kɔ nɛ, ma bagɩsɩŋ kɩaa jaŋ wasɛ kɩŋkɛŋ. Ma bɩ jaŋ wuo kʋŋ ma mɩaa kala kɔ dɩa ka dɩ pɛrɩŋ bɩra yi. Ma bɩ jaŋ wuo tɔrɛ ma girep nɛnɛɛ dɛrɛ, ka dɩ ba tɔrʋŋ bɩra yi. Ma peelee arɩ dundolluŋ jaŋ tɔ arɩ girep tɩɩsɩŋ dɩ tɩɩnɛnɛɛ sɩnɩŋ pʋrɩgɛ.

Matiu 26:28

bɛɛ wɩaa mɩ chalɩŋ nɛ ŋɩɩ. Chalɩŋ deeŋ nɛ Wɩa joŋo hɛ niiŋ ma dɩ ʋ pɛgɛ. Mɩ chalɩŋ jaŋ jaasɛ nɩ-daŋ wɩaa, dɩ Wɩa joŋ ba wʋbɔŋŋɔɔ chɛba.

Maak 14:24

Ŋɩɩ nɛ Yesu bʋla pɩba, “Mɩ chalɩŋ nɛ ŋɩɩ. Chalɩŋ deeŋ nɛ Wɩa kaa hɛ niiŋ ma dɩ ʋ pɛgɛ. Mɩ chalɩŋ jaŋ jaasɛ nɩ-daŋ wɩaa, dɩ Wɩa joŋ ba wʋbɔŋŋɔɔ chɛba.

Luuk 22:20

Ba sɩ dii kɩalɩŋ dɛrɛ, ʋ bɩra joŋ nyʋnyʋala arɩ sɩŋ-la a pɩba aŋ bʋl, “Nyʋnyʋala arɩ sɩnɩŋ deeŋ ŋaa nii-falɩɩ nɛ Wɩa hɛ ʋ dɩ ma pɛgɛ. Mɩ chalɩŋ sɩ jaŋ jaasɛ ma wɩaa nɛ tɩɩ Wɩa ta nii-la.

1 Kɔrɩntɩ Nɩaa 11:25

Ŋɩɩ nɛ ba sɩ dii boroboro-la dɛrɛ, ʋ bɩra joŋ nyʋnyʋala arɩ sɩnɩŋ aŋ bʋl, “Nyʋnyʋala deeŋ nɛ Wɩa joŋo hɩhɛ nii-falɩɩ-la ʋ dɩ ma pɛgɛ. Mɩ jaŋ sʋʋ dɩ mɩ chalɩŋ jaasɛ. Bʋa na-kala lɛ dɩ ma nɩɩ nyʋaʋ, má nyʋa a liliisi mɩ wɩaa.”

2 Kɔrɩntɩ Nɩaa 3:6

Wɩa tɩtɩa nɛ pɩla doluŋ la ŋaa nii-faalɩɩ-la ʋ sɩ hɛ pɩ nuhuobiinee tɩntɩnnaa. Nii-la bɩ naga ʋ ŋaa wɩɩ ba sɩ ŋmʋnsa bil a tuto, ama nii-falɩɩ-la doluŋ lɩɩ Wɩa Dɩŋ-zɔmʋŋ wɩalɩŋ nɛ. Wɩalɩŋ Mosis sɩ ŋmʋnsa bil dɩ nɩaa tuto bɩ nɩaa mɩɩsɩŋ wuo pa, ama Wɩa wʋzɔmɔ-la sɩ lɩɩ ʋ Dɩŋ-zɔŋ-la teeŋ nɩɩ pa mɩɩsɩŋ.

Galiisia Nɩaa 6:16

Nɩalɩŋ kala sɩ to wɩɩŋ deeŋ, Wɩa jaŋ fá ba nenige a leŋ dɩ ba hɔŋ arɩ yarɩfɩɛlaa, ba dɩ Wɩa nɩaa kala. Ba nɛ ŋaa Iziral tɩŋŋaa tɩtɩa Wɩa teeŋ.

MOSIS BƖRA WULLI WƖA WOMBIIŊ 29:14

Ma dʋndʋŋa dee La TƖƖNA bil niiŋ deeŋ arɩ wɩalɩŋ nii-la sɩ sɩ maa to a pa,

Fɩlɩpa Nɩaa 3:3

La nɛ paala chaasa ŋaa nɩalɩŋ sɩ sɛnɛ keri ba penee, bɛɛ wɩaa la-na to Wɩa Dɩŋ-zɔmʋŋ niiŋ lɛ nɛ aa chʋɔlɛ Wɩa. Ŋɩɩ wɩaa, laa jʋɔsɛ Kirisito Yesu teeŋ nɛ. La-na bɩ la yɩɛlaa joŋo hɛ yaraa wʋŋaalaa lɛ.

Hiburu TƖŊŊAA 12:24

Ma kɔ Yesu ma teeŋ nɛ. Ʋ nɛ hɛ Wɩa arɩ nuhuobiine pɛgɛ. Wɩa to ʋ lɛ nɛ a bil nii-falɩŋ ʋ dɩ nuhuobiinee pɛgɛ. Ʋ chalɩŋ jaasɛ nʋʋkala wɩaa nɛ. Ʋ chal-la-na faasa tɩŋ nɛ a pɛ la lɛ. Ʋ bɩ Ebil chalɩŋ naga. Ebil chalɩŋ-na fa joŋ cheeriŋ pɩ nɩɩ-la sɩ kpʋʋ nɛ.

Hiburu TƖŊŊAA 13:20

A leŋ dɩ Wɩa sɩɩ pɩ nɩaa fɩɛlɩŋ pɛ ma lɛ. Ʋ nɛ chɩsɛ La Tɩɩna Yesu Kirisito sʋʋŋ lɛ. Yesu Kirisito nagɛ pie-daarɩ-duo nɛ aa beŋ ʋ nɩaa nyuŋ woruŋ. Ʋ chalɩŋ nɛ Wɩa kaa bil nii-la sɩ jaŋ hɛ nɩmɛ a kaa mʋ wuu ʋ dɩ ʋ nɩaa pɛgɛ.

Hiburu TƖŊŊAA 7:12

Dɩ nʋʋ sɩ bɩ Levi doho nʋʋ ŋaa nɛ kʋ ŋaa Wɩɩsʋllɩ sɩpaalaarʋ, ŋɩɩ-na ʋ maga dɩ ba kɛŋ wɩalɩŋ Mosis fa sɩ bile dɩ nɩaa tuto ma kaa bɩrɩmɛ nɛ.

Hiburu TƖŊŊAA 9:15

Ŋɩɩ nɛ tɩɩ Kirisito ŋaa nɩɩ-la lɛ Wɩa sɩ to bil nii-falɩɩ-la ʋ dɩ nuhuobiinee pɛgɛ. Wɩa ŋaa ŋɩɩ dɩ nɩalɩŋ kala ʋ sɩ yɩra wuo na kɩalɩŋ ʋ sɩ sɩ ʋ jaŋ joŋo pɩba ʋ jaŋ lɛ nɛ. Lɛɛlɛ Kirisito sʋba nɛ dɩ ʋ laa nɩaa wʋbɔŋŋɔɔ ta, nɩalɩŋ sɩ ŋaa wʋbɔŋŋɔɔ bʋa-la lɛ ba fa sɩɩ to bumbuŋ nii-la Wɩa sɩ bile ʋ dɩ ʋ nɩaa pɛgɛ.