JƐRƖMAAYA 31:3 - WƖA TENIŊ

³ La TƖƖNA fa kɛŋ ʋ tɩtɩa dagɛla nɛ a bʋl, “Mɩ choma nɛ, chono-la bɩ dɩdɛrɩŋ kɛnɛ. Mɩ kɛmma kʋ kpagɛ mɩ tɩtɩa nɛ, a kɛŋ zile arɩ kenyiri ma teeŋ.

JƐRƖMAAYA 31:3 ပူးပေါင်းရင်းမြစ်များ

1 KUOROO 10:9

Mɩɩ dɛnnɛ ŋ Tɩɩna Wɩa, ʋ tʋɔŋ sɩ tɔrɛ ŋ nyuŋ, ʋ leŋ ŋ dii Iziral tɩŋŋaa kuoruŋ. A tɩŋ La TƖƖNA sɩ cho Iziral tɩŋŋaa a kaa mʋ wuu nɛ tɩɩ ʋ joŋuŋ ŋ ŋaa ba kuoro, dɩ ŋ kɛŋ wʋtɩtɩɩ arɩ tʋɔpʋla a bemba.”

WƖA YƖƖLAA 103:17

Ama La Tɩɩna-na cho nɩalɩŋ sɩɩ fáʋ nɛ a kaa mʋ wuu, a ŋaa tʋɔpʋl wɩaa pɩpɩ ba biiriŋ arɩ ba nihee,

WƖA YƖƖLAA 25:6

La Tɩɩna, liise yi ŋ chonuŋ sɩ yʋga arɩ ŋ sɩ faasa fá nɩaa nenige ŋɩɩ faafaa kala.

SOLOMOŊ YƖƖL-SƖMƖŊ 1:4

Pɛ kɛmmɛ mʋ, leŋ la ŋaa lɩma. Leŋ dɩ kuoro kɛmmɛ jʋʋ ʋ dɩpɩnɩŋ. Laa jʋɔsɛ ŋ lɛ nɛ, la tʋɔŋ ma tɔrɛ ŋ nyuŋ. La jaŋ bɛsɛ ŋ chonuŋ lɛ a kɩɩ girep nɛnɛɛ sɩnɩŋ. Ba kɩaa sɩma nɛ a magɛ dɩ ba bɛsɛ ŋ lɛ.

AZAAYA 43:4

A tɩŋ ma sɩ ŋaa nɩfɩɛma mɩ teeŋ wɩaa, mɩ choma a zizilma, mɩ jaŋ joŋ nɩaa lenni ma mɩɩsɩŋ.

AZAAYA 45:17

Ama La TƖƖNA jaŋ laa Iziral tɩŋŋaa ta, a laa ba ta a kaa mʋ wuu. Ba bɩ jaŋ dii hɩɩsɩŋ, a kaa mʋ deeŋ deeŋ, hɩɩsɩŋ bɩ jaŋ diiba.

AZAAYA 49:14

Ama Jerusalɛm nɩaa sɩ, “La TƖƖNA vɩala ta nɛ, ʋ yʋ la wɩaa nɛ.”

HOSIA 11:1

LA TƖƖNA sɩ, “Iziral fa sɩ ŋaa bii-bie, mɩ chou nɛ, a yɩrʋ a kaa lɩɩ Ijipiti tinteeŋ lɛ.

HOSIA 11:4

Mɩ nɛ kɛnʋ vɛŋ arɩ nuhuobiine chaachiliŋ a kɛnʋ arɩ chonuŋ. Mɩ nɛ lɩɩsʋ hɛɛŋ lɛ, aŋ tɩtɩa chɔgɩlɛ a dɩɛsʋ.

MALAKAƖ 1:2

“Iziral tɩmma, mɩ-na ma TƖƖNA, mɩ choma nɛ. Ama ma ha yie pɩɛsɛ, ‘Bɛɛ nɛ daga arɩ ŋ chola nɛ?’ Má liisi arɩ Ɛsɔ fa ŋaa Jekɔb malɩma nɛ, ka mɩ lɩɩsɛ Jekɔb a cho ʋ dɩ ʋ doho nɩaa kala,

Rom Tɩŋŋaa 8:30

Wɩa yɩrɛ nɩalɩŋ ʋ fa sɩ laa sɩpaaŋ lɩɩsɛ dɩ ba ŋaa ʋ nɩaa nɛ. Ʋ sɩ yɩrɛba ŋɩɩ, ʋ leŋ ba kɛŋ tʋɔpʋla ʋ sɩpaaŋ. Nɩalɩŋ ma sɩ kɛŋ tʋɔpʋla ʋ sɩpaaŋ, ʋ leŋ ba ma pɛ laa ʋ yɩrɩŋ.

Rom Tɩŋŋaa 9:13

Ba bɩra ŋmʋnsɛ Wɩa teniŋ tʋɔŋ a bʋl ŋ-la nɛ: “Mɩ cho Jekɔb nɛ aŋ bɛrɛ Ɛsɔ.”

MOSIS BƖRA WULLI WƖA WOMBIIŊ 10:15

Arɩ ŋɩɩ kala, La TƖƖNA chaasa cho ma naabalɩmaba nɛ. Ŋɩɩ nɛ tɩɩ ʋ bɩ tintee dɔŋ-kala lɩɩsa, aŋ lɩɩsɛma dɩ ma nɛ ŋaa ʋ nɩaa. Ma nɛ ha ŋaa ʋ nɩaa arɩ jɩnɩŋ kala.

MOSIS BƖRA WULLI WƖA WOMBIIŊ 33:26

Kʋŋkala tuo a magɛ ma Iziral tɩŋŋaa Wɩa. Ʋ yie lɩɩ wɩa-nyuŋ a to duoŋ-bɩlɩmbaanaa tʋɔŋ arɩ ʋ tʋla a kʋ tuu pɛ ma lɛ.

MOSIS BƖRA WULLI WƖA WOMBIIŊ 33:3

Wʋtɩtɩɩ, La TƖƖNA cho ʋ nɩaa nɛ. Nɩalɩŋ kala sɩ kɛŋ tʋɔpʋla hɛ ʋ nɩsɩŋ lɛ nɛ, ʋ sɩpaaŋ nɛ ba kala kpirimi a laa wɩalɩŋ ʋ sɩ daga,

MOSIS BƖRA WULLI WƖA WOMBIIŊ 4:37

Ʋ sɩ cho ma naabalɩmaba nɛ tɩɩ ʋ lɩɩsɛma, a tɩtɩa kɛmma kaa kʋ lɩɩ Ijipiti tinteeŋ lɛ arɩ ʋ doluŋ.

2 Timoti 1:9

Wɩa nɛ laala ta a yɩrɛla dɩ la ŋaa ʋ nɩaa. Ʋ bɩ naga Wɩa to la wʋzɔŋŋɔɔ lɛ nɛ a laala ta. Ama ʋ tɩtɩa tʋɔtɔrʋŋ lɛ nɛ ʋ fá la nenige a laala ta. Yesu Kirisito lɛ nɛ ʋ to a ŋaa ŋɩɩ pɩla. Ʋ jɩma arɩ ʋ jaŋ ŋaa ŋɩɩ pɩla faafaa kala nɛ, ka dʋnɩa-na suomi.

Jeems 1:18

Ʋ tʋɔtɔrʋŋ lɛ nɛ ʋ laa sɩpaaŋ bʋl ʋ niiŋ wɩaa sɩ ŋaa wʋtɩtɩɩ a pɩla dɩ la wuo tutoba, a ŋaa ʋ bii-bumbumba kɩalɩŋ kala ʋ sɩ ŋaa tʋɔŋ.

1 Pɩɩta 1:3

Má leŋ dɩ la dɛnnɛ Wɩa, ʋ nɛ ŋaa La Tɩɩna Yesu Kirisito Nyɩmma. Ʋ fá la nenige nɛ kɩŋkɛŋ a leŋ la kɛŋ mɩɩ-falɩŋ, a tɩŋ ʋ sɩ chɩsɛ Yesu Kirisito sʋʋŋ lɛ. La saa yɩɛlʋ arɩ la jaŋ kɛŋ mɩɩsɩŋ,

1 Jɔɔŋ 4:19

Wɩa nɛ laa sɩpaaŋ chola. Ŋɩɩ nɛ tɩɩ la ma wuo cho Wɩa arɩ nɩaa.