JƐRƖMAAYA 31:23 - WƖA TENIŊ

²³ Wɩɩ-la La TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: “Dɩ mɩ nɛ kɛmba mɩɩra lɩɩ yoŋ-baga kɔ, nɩalɩŋ sɩ hɛ Juda tinteeŋ arɩ ʋ tasɩŋ lɛ jaŋ bɩra kɔ a bʋl wɩaa deemba: ‘La TƖƖNA jaŋ pɛ tʋɔpʋl dɩa deeŋ sɩ chɩŋ peel-la sɩ bɩ disiniŋ kɛnɛ lɛ nyuŋ.’

JƐRƖMAAYA 31:23 ပူးပေါင်းရင်းမြစ်များ

WƖA YƖƖLAA 128:5

Mɩ Wɩɩsʋlʋŋ nɛ dɩ La Tɩɩna lɩɩ Zaayɔŋ lɛ a kʋ pɛ ŋ lɛ, ŋ mɩɩsɩŋ tapʋlaa kala lɛ. A leŋ dɩ ŋ na dɩ Jerusalɛm dʋa.

WƖA YƖƖLAA 129:8

Sɩ́ leŋe dɩ nɩalɩŋ sɩ to nɩmɛ bɩbal bʋl, “Laa sʋl La Tɩɩna dɩ ʋ pɛ ŋ lɛ, laa yɩrɛ La Tɩɩna dɩ ʋ pɛ ŋ lɛ.”

WƖA YƖƖLAA 134:3

La Tɩɩna sɩ hɛ Zaayɔŋ lɛ, a leŋ dɩ ʋ pɛ ma lɛ. Ʋ nɛ ŋaa wɩa-nyuŋ arɩ tinteeŋ.

WƖA YƖƖLAA 28:9

Laa ŋ nɩaa ta a pɛ ba lɛ. Ŋaa Nɩɩ-la sɩɩ beŋ ba nyuŋ, dɩ ba hɛ ŋ nɩsɩŋ lɛ a kaa mʋ wuu.

AZAAYA 1:21

Jerusalɛm fa nagɛ haala sɩ kɛŋ wʋtɩtɩɩ nɛ arɩ ʋ bala, ama lɛɛlɛ ʋ mɩɩra bɩrɩmɛ nɛ a ŋɩŋaa wʋlɩɩlɩŋ. Taŋ-la nɩaa fa kɛŋ wʋtɩtɩɩ, tʋɔpʋl tɩŋŋaa nɛ fa hɛ taŋ-la lɛ, ama lɛɛlɛ nɩkpʋʋraa nɛ suo.

AZAAYA 1:26

Mɩ jaŋ leŋ dɩ nɩalɩŋ sɩ jaŋ bibemma nagɛ faafaa-la nɩaa, ma nɩalɩŋ sɩ bʋl wɩaa chɩchagɩlɛma jaŋ bɩra nagɛ bumbuŋ nɩalɩŋ. Nɩaa jaŋ yɩyɩrɛ Jerusalɛm tabal-la nɩaa sɩ kɛŋ tʋɔpʋla, taŋ-la nɩaa sɩ kɛŋ wʋtɩtɩɩ.”

AZAAYA 11:9

Wɩa peel-zɔŋ-la kala lɛ wʋbɔŋ koo wʋcheyii bɩ jaŋ kɔ dɩ ʋ hɛ nɩmɛ. Wɩa wɩaa jaŋ su dʋnɩa kala a nagɛ lɩɩŋ sɩ yie su mʋgʋ-balɩŋ ŋɩɩ.

AZAAYA 32:16

Wʋtɩtɩɩ jaŋ hɛ tintee-la sɩ hɩla lɛ dɩ tʋɔpʋla ma hɛ tintee-la lɛ.

AZAAYA 33:5

La TƖƖNA yɩrɩŋ nɛ jaŋ yɩrɛ, ʋ nɩɩ beŋ kʋŋkala. Ʋ jaŋ leŋ dɩ tʋɔpʋla arɩ wʋtɩtɩɩ hɛ Zaayɔŋ lɛ.

AZAAYA 60:21

Ŋ nɩaa kala jaŋ ŋaa tʋɔpʋl tɩmma, ba jaŋ tɩɩ tintee-la a kaa mʋ wuu. Ba nagɛ tɩɩsɩŋ mɩ sɩ chɔnsɔ nɛ, mɩ tɩntɩmɩŋ nɛ ŋɩɩ dɩ mɩ dagɛ mɩ doluŋ.

JƐRƖMAAYA 29:14

ma jaŋ namɛ. Mɩ-na ma TƖƖNA nɛ bʋla. Mɩ jaŋ kɛmma mɩɩra lɩɩ yoŋ-baga-la kɔ. Mɩ jaŋ chɛ kɛsɛma a lɩɩ tinteye-la arɩ lere-la kala mɩ sɩ kɛmma pɩsa hɛ lɛ. Mɩ-na ma TƖƖNA nɛ bʋla. Mɩ jaŋ mɩɩra kɛmma kɔ lee-la ma fa sɩ hɛ, ka mɩ kɛmma mʋ yoŋ-baga.”

JƐRƖMAAYA 30:18

Wɩɩ-la La TƖƖNA sɩ bʋla nɛ ŋ-la: “Mɩ jaŋ leŋ dɩ mɩ nɩaa Iziral tɩŋŋaa bɩra tɩɩ ba tinteeŋ. Mɩ jaŋ fá ba nenige. Ba jaŋ bɩra paa Jerusalɛm kɛrɩsɩ-la sɩ tele a wasa saa, dɩ kuoru dɩa-la wasa chɩŋ ʋ dɩchɩnɩŋ.

JƐRƖMAAYA 32:44

Nɩaa jaŋ joŋ warɩpʋla a yɔɔ ŋmaŋkaanɩŋ, dɩ ba ŋmʋnsɛ tenniŋ a joŋ neniee, a kɛŋ tenni-la pilime tɔ ka dɩ nɩaa dii ŋaa pɛ-naaraa. Wɩɩŋ deeŋ jaŋ ŋaa Bɛnjamɩŋ tinteeŋ arɩ tabiisi-la sɩ golli Jerusalɛm lɛ. Ʋ jaŋ ŋaa Juda tasɩŋ arɩ tintee-la peelee sɩ yʋga lɛ, a pɛ wɩɩjʋʋlʋŋ dundollu-la sɩ hɛ peelee bʋbʋɔŋ arɩ wɩɩpɔsʋŋ nadiiŋ dɩɩrɩŋ, bɛɛ wɩaa mɩ jaŋ leŋ dɩ ba bɩra mɩɩra kɔ ba tinteeŋ. Mɩ-na ma Tɩɩna nɛ bʋla.”

JƐRƖMAAYA 50:7

Nʋʋ na-kala sɩ naba yie kpʋba nɛ. Ba dʋndɔŋŋɔɔ sɩ, ‘La bɩ cheeriŋ kɛnɛ, bɛɛ wɩaa ba ŋaa wʋbɔŋ nɛ ba TƖƖNA teeŋ, Nɩɩ-la sɩɩ pɩba kʋdiilee. La TƖƖNA lɛ nɛ ba nyɩmmaba fa joŋ ba yɩɛlaa hɛ.’

OBADAAYA 1:17

Ama Zaayɔŋ peel-la nyuŋ nɛ laatanɩŋ jaŋ hɛ, ʋ jaŋ ŋaa lee sɩ bɩ disiniŋ kɛnɛ, dɩ Jekɔb doho nɩaa tɩɩ ʋ dʋa kala.

MƖKA 4:1

Tapʋlaa dɩdɛrɩŋ, La TƖƖNA peel-la nyuŋ Wɩa dɩɩ-balɩŋ sɩ chɩna nɛ jaŋ kɩɩ peelee kala. Ʋ nɛ jaŋ sii je kɩɩ dundolo kala, dɩ tinteyee gire mʋ ʋ leriŋ.

ZƐKARƖYA 8:3

Wɩɩ-la La TƖƖNA sɩ bʋla nɛ ŋ-la: “Mɩ jaŋ mɩɩra kɔ Zaayɔŋ a hɛ Jerusalɛm lɛ. Ŋɩɩ nɛ ba jaŋ yɩyɩrɛ Jerusalɛm tabal-la sɩ kɛŋ wʋtɩtɩɩ. Ba jaŋ yɩyɩrɛ mɩ-na ma TƖƖNA doluŋ kala Tɩɩna peeliŋ ma, Peel-la sɩ bɩ disiniŋ kɛnɛ.”

RUF 2:4

Ʋ bɩ diene dɩ Bʋas lɩɩ Bɛtɩlɛhɛm kɔ, a chʋɔlɛ tɩntɩnna-la aŋ bʋl, “La TƖƖNA Wɩa jaŋ hɛ ma teeŋ.” Ba ma bʋl, “La TƖƖNA jaŋ pɛ ŋ lɛ.”