JƐRƖMAAYA 31:21 - WƖA TENIŊ

²¹ Má bil magɩlaa wombiee lɛ, má bil magɩla-la sɩ jaŋ dagɛma wombiiŋ. Má jɩŋ wombii-jalɩɩ-la wɩaa, wɛŋ-la ma fa sɩ to mʋ. Iziral tɩmma, má mɩɩra kɔ, má mɩɩra kɔ ma tasɩŋ.

JƐRƖMAAYA 31:21 ပူးပေါင်းရင်းမြစ်များ

1 IZIRAL TƖŊŊAA NAABARƖŊ 29:3

a lɩɩsɛ kɩaa deemba kala mɩ sɩ chɛ bil a ta. Mɩ ha bɩra joŋ mɩ tɩtɩa hɔpʋla arɩ sɛlɩmɛ nɛ a pɛ, a tɩŋ mɩ sɩ cho Wɩa dɩɩ-bal-la wɩaa.

2 IZIRAL TƖŊŊAA NAABARƖŊ 11:16

Iziral tɩmma-la kala sɩ kɛŋ ba tʋɔŋ a tuto La TƖƖNA, Iziral tɩŋŋaa Wɩa to Levi doho nɩalɩŋ harɩŋ a mʋ Jerusalɛm dɩ ba kpʋ pʋsʋŋ a ŋaa Wɩɩsʋlʋŋ pɩ ba TƖƖNA ba naabalɩmaba Wɩa.

2 IZIRAL TƖŊŊAA NAABARƖŊ 20:3

Fawʋllʋŋ kɛŋ Jehosafat, ʋ pɩɛsɛ La TƖƖNA dɩ ʋ na wɩɩ-la sɩ maga dɩ ʋ ŋaa, aŋ heele bʋla pɩ Juda tinteeŋ nɩaa kala ba vɔɔ niiŋ.

WƖA YƖƖLAA 62:10

Má sɩ́ dol-la ma sɩɩ dii nɩaa lɛ kaa ŋmoo bɔyɛ, koo a kɛŋ gaarɩ-kɩaa dɩdagɛ ma tɩtɩa. Dɩ ma dʋa nɛ paala pʋŋa yʋgɛ ma, má sɩ́ ma yɩɛlaa joŋo hɛ ba lɛ.

WƖA YƖƖLAA 84:5

Nɩalɩŋ kala ŋ sɩ joŋ doluŋ pa, ba tʋɔŋ tɔrɔ nɛ ba cho dɩ ba mʋmʋ Zaayɔŋ.

NAMAGABA 24:32

Ŋɩɩ nɛ mɩ joŋ wɩɩ-la mɩ sɩ na hɛ mɩ tʋɔŋ lɛ a bɩɩnɛ, a gʋnnɛ wɩɩ ʋ tʋɔŋ:

AZAAYA 48:20

Má lɩɩ Babɩlɔŋ lɛ, má fá kagɛ Babɩlɔŋ tɩŋŋaa lɛ. Má heele bʋl arɩ tʋɔtɔrʋŋ: ‘La TƖƖNA laa ʋ nɩaa Iziral tɩŋŋaa ta nɛ.’ ” Má leŋ dɩ dʋnɩa sɛmɛ na-kala nɩɩ.

AZAAYA 57:14

La TƖƖNA sɩ, “Má wasɛ wombiiŋ a leŋ dɩ mɩ nɩaa mɩɩra kɔ mɩ teeŋ, má sɩ́ leŋe dɩ kʋŋkala kɛrɛ ba wombiiŋ.

AZAAYA 62:10

Ma Jerusalɛm tɩmma, má suri ma boi-baalaa, má wasɛ wombiiŋ bil nɩaa lɛ. Má pori dɩ ʋ jal, má kɛŋ tabɩaa kala paa ta, aŋ kɛŋ jɔnjɔŋ je dɩ tinteyee nɩaa na.

JƐRƖMAAYA 3:12

Mʋ heele bʋl wɩɩŋ deeŋ mɩ sɩɩ bʋl, wɩɩpɔsʋŋ nagʋa dɩɩrɩŋ, ‘Ma Iziral tɩŋŋaa sɩ bɩ wʋtɩtɩɩ kɛnɛ, La TƖƖNA sɩ má mɩɩra kɔ. Mɩ bɩra bɩ jaŋ kɛŋ mɩ sɩaa chei ma nyuŋ, mɩɩ fá nɩaa nenige nɛ. Mɩ-na ma TƖƖNA nɛ bʋla. Mɩ bɩ jaŋ na baanɩŋ ma nyuŋ a kaa mʋ wuu.

JƐRƖMAAYA 3:14

Mɩ-na ma TƖƖNA sɩ, “Ma ŋaa nɩaa sɩ bɩ wʋtɩtɩɩ kɛnɛ nɛ, má mɩɩra kɔ mɩ teeŋ. Mɩ nɛ ma bala. Mɩ jaŋ bagɩsa lɩɩsɛ nɩaa ma tʋɔŋ. Mɩ jaŋ lɩɩsɛ nɩbala taŋ kala lɛ, aŋ lɩɩsɛ nɩaa balɩa ma nyɩŋ-nɩaa tʋɔŋ a kɛmba kaa kɔ Zaayɔŋ.

JƐRƖMAAYA 31:4

Iziral tɩmma, mɩ jaŋ bɩra kɛmma kɩɩ dɩ ma chɩŋ woruŋ. Ma jaŋ bɩra paa ma chɩnchɩgɩsɩŋ, a lɩɩ dɩ ma dɩ nɩalɩŋ tʋɔŋ sɩ tɔrɔ gʋa.

JƐRƖMAAYA 46:11

Ijipiti nɩaa, ma mʋ Gɩlɩad a bee chɛ daalusuŋ. Ma daalusu-la kala ŋaa pɛɩ nɛ, kʋŋkala bɩ ma wuo vaarɛ.

JƐRƖMAAYA 50:5

Ba jaŋ pɩɛsa chɛ Zaayɔŋ wombiiŋ, a bɩrɩma joŋ ba sɩaa chaasɛ nɩmɛ. Ba jaŋ joŋ ba tɩtɩa mɛrɛ La TƖƖNA lɛ, a hɛ niiŋ sɩ bɩ dɩdɛrɩŋ kɛnɛ ba sɩ bɩ jaŋ yʋ ʋ wɩaa.

JƐRƖMAAYA 51:50

La TƖƖNA bʋla pɩ ʋ nɩalɩŋ sɩ hɛ Babɩlɔŋ lɛ, “Ma nɩalɩŋ sɩ foro laalɩŋ lɛ, má lɩɩ, ma sɩ́ dienu. Ma hɛ dɩ-bolii nɛ, ama má liisi mɩ-na ma TƖƖNA wɩaa a bɩɩnɛ Jerusalɛm ma wɩaa.

JƐRƖMAAYA 51:6

Má fá lɩɩ Babɩlɔŋ lɛ. Má fá a laa ma mɩɩsɩŋ. Má sɩ́ ma tɩtɩa chei a tɩŋ ʋ wʋbɔŋŋɔɔ wɩaa. Bʋa-la yie nɛ dɩ mɩ-na ma TƖƖNA joŋ mɩ baanɩŋ tiŋ ʋ lɛ, mɩ jaŋ dɔgɩsʋ ŋɩɩ sɩ maga.

JƐRƖMAAYA 6:16

Wɩɩ-la La TƖƖNA sɩ bʋla nɛ ŋ-la: “Má chɩŋ wɛŋ-chɛŋŋɛɛ lɛ aŋ beŋ, má pɩɛsa chɛ a jɩŋ wombii-bɩnɩa-la, má pɩɛsa na lee-la wombii-zɔŋ-la sɩ hɛ, a tou, dɩ ma dɩnsɩŋ na wiese. Ama ma sɩ, ‘La bɩ jaŋ tou.’

ƐZƖKƖƐL 40:4

Ŋɩɩ nɛ baal-la bʋla pɩmɛ, “Nuhuobiiŋ, suri ŋ sɩaa, a wuoli ŋ dɩgɩlaa ma a jegile nɩɩ wɩalɩŋ kala mɩ sɩ jaŋ dagɩŋ, ŋɩɩ wɩaa nɛ mɩ kɛnɩŋ kɔ daha. Bʋl wɩalɩŋ kala ŋ sɩ na daha a pɩ Iziral tɩŋŋaa.”

HAGAƖ 1:5

Wɩɩ-la La TƖƖNA doluŋ kala Tɩɩna bɩra sɩ bʋla nɛ ŋ-la, “Má fɩɛlɛ ma sɩaa a kɛŋ ma wʋŋaalaa bɩɩna na.

ZƐKARƖYA 10:9

Mɩ kɛmba pɩsa hɛ nɩaa dɔnsʋŋ tʋɔŋ ma nɛ, ama ba ha jaŋ liisi mɩ wɩaa tintee-bolie-la lɛ. Ba dɩ ba biiriŋ kala jaŋ kɛŋ mɩɩsɩŋ, a mɩɩra kɔ.

MOSIS BƖRA WULLI WƖA WOMBIIŊ 32:46

ʋ bʋla pɩba, “Má joŋ wɩalɩŋ mɩ sɩ chaasa bʋla pɩma jɩnɩŋ a hɛ ma tʋɔŋ lɛ, a dagɛ ma biiriŋ dɩ ba fɩɛlɛ ba sɩaa a to wombie-la kala mɩ sɩ daga.