JƐRƖMAAYA 31:20 - WƖA TENIŊ

²⁰ Efirem nɛ mɩ hambolibii-chooluŋ, mɩ tʋɔŋ tɔrɛ ʋ nyuŋ. Mɩ yie bʋl wɩaa a jʋʋ ʋ lɛ ma nɛ, ama mɩ haa liisi ʋ wɩaa nɛ. Mɩ tʋɔŋ kɛnʋ woruŋ, mɩ chaasaa fá ʋ nenige. Mɩ-na ma TƖƖNA nɛ bʋla.

JƐRƖMAAYA 31:20 ပူးပေါင်းရင်းမြစ်များ

WƖAA DƖ-SUOMUŊ 43:30

Josɛf sɩ na ʋ naambie, ʋ tʋɔŋ wɩɩ ʋ lɛ, sɩlɩɩrɩŋ chal ʋ sɩaa lɛ, ʋ fá jʋʋ ʋ dɩa a yel.

1 KUOROO 3:26

Ŋɩɩ nɛ nisusuŋ kɛŋ haal-la bie sɩ bɩ sʋba, ʋ bʋla pɩ kuoro, “Mɩɩ sʋlʋŋ kuoro, joŋ bile a pɩ haal-la, sɩ́ ʋ kpʋ.” Ama haal-la dɔŋɔ ma bʋl, “La kala jaŋ ta, la kʋŋkala bɩ jaŋ tɩɩ bile. Má kɛnʋ keri balɩa.”

WƖA YƖƖLAA 103:13

A nagɛ nyɩmma sɩɩ fá ʋ biiriŋ nisusuŋ ŋɩɩ, ŋɩɩ tɩtɩa nɛ La Tɩɩna ma fɩfá nɩalɩŋ sɩɩ zilu nenige.

NAMAGABA 3:12

bɛɛ wɩaa, La Tɩɩna yie kɛŋ nɩalɩŋ kala ʋ sɩ cho tʋraa kɩɩ nɛ, arɩ biiriŋ nyɩmmaba sɩ yie choba a kɛmba tʋraa kɩɩ ŋɩɩ.

SOLOMOŊ YƖƖL-SƖMƖŊ 5:4

Mɩ hɩɩla sɩ joŋ ʋ nɩsɩŋ hɛ boro bʋa lɛ, mɩ tʋɔŋ faasa fɩɛlɛ nɛ.

AZAAYA 16:11

Mɩ tʋɔŋ cheye nɛ woruŋ mɩ yiyel a tɩŋ Mʋab tinteeŋ arɩ taŋ-la ba sɩɩ yɩrɛ Kii Harɛsɛf wɩaa.

AZAAYA 30:18

La TƖƖNA ka gbɛrɛ nɛ dɩ ʋ dagɛma ʋ zile, ʋ jaŋ fá ma nenige. La TƖƖNA Wɩa kɛŋ wʋtɩtɩɩ nɛ woruŋ, ʋ jaŋ pɛ nɩalɩŋ kala sɩɩ gbɛrʋ lɛ.

AZAAYA 55:7

Nɩbɔŋŋɔɔ, má leŋ wʋbɔmɔ-la ma sɩɩ ŋaa, aŋ bɩrɩmɛ ma tʋɔbɩɩnaa. Má mɩɩra kɔ ma TƖƖNA Wɩa teeŋ, ʋ jaŋ fá ma nenige aŋ joŋ ma wʋbɔŋŋɔɔ chɛma lɩma.

AZAAYA 63:15

La TƖƖNA, ŋ kɛŋ tʋla nɛ woruŋ a bɩ disiniŋ kɛnɛ a hɔŋ ŋ kuoru kpasa nyuŋ Wɩa-jaŋ lɛ. Gʋra bee na wɩalɩŋ sɩɩ ŋaa la lɛ. Ŋɩɩ ŋ fa sɩ chɩl la wɩaa mʋ nɩɩ nɛ? Nɩɩ nɛ ŋ dol-la hɛ? Nɩɩ nɛ ŋ chono-la ŋ sɩ kɛnɛ a fɩfá nɩaa nenige mʋ? Sɩ́ la vɩa ta.

JƐRƖMAAYA 3:12

Mʋ heele bʋl wɩɩŋ deeŋ mɩ sɩɩ bʋl, wɩɩpɔsʋŋ nagʋa dɩɩrɩŋ, ‘Ma Iziral tɩŋŋaa sɩ bɩ wʋtɩtɩɩ kɛnɛ, La TƖƖNA sɩ má mɩɩra kɔ. Mɩ bɩra bɩ jaŋ kɛŋ mɩ sɩaa chei ma nyuŋ, mɩɩ fá nɩaa nenige nɛ. Mɩ-na ma TƖƖNA nɛ bʋla. Mɩ bɩ jaŋ na baanɩŋ ma nyuŋ a kaa mʋ wuu.

JƐRƖMAAYA 3:19

Mɩ-na tɩtɩa nɛ fa sɩ, “Mɩ tʋɔŋ fa jaŋ tɔrɛ dɩ mɩ kɛmma a nagɛ mɩ biiriŋ, a joŋ tinteeŋ sɩ zɔmɔ woruŋ a pɩma. Tintee-la nɛ zɔmɔ kɩɩ tintee kala dʋnɩa lɛ. Mɩ fa bɩɩna ma jaŋ kɛmmɛ yɩrɛ ‘Ma Nyɩmma’, aŋ bɩra bɩ jaŋ mɩɩrɛ mɩ harɩŋ.

JƐRƖMAAYA 31:9

Ba jaŋ kɔ aŋ yiyel, mɩ nɛ kɛmba mɩɩraa kɔ, ba jaŋ chʋchʋɔlɛmɛ. Mɩ jaŋ kɛmba to lere-la sɩ kɛŋ lɩɩŋ yʋgɛ, dɩ ba vɛŋ tinteeŋ sɩ magɛ dɔŋɔ nyuŋ a sɩ́ gɛrʋ, bɛɛ wɩaa mɩ nɛ Iziral tɩŋŋaa nyɩmma. Efirem nɛ ŋaa mɩ hambolibii bumbuŋ.

JƐRƖMAAYA 33:26

ŋɩɩ-na mɩ fa jaŋ vɩa Jekɔb doho nɩaa arɩ mɩ tɩntɩnna Devit, a bɩ jaŋ lɩɩsɛ ʋ hambolibiisiŋ dɔŋɔ dɩ ʋ beŋ Abɩraham, Aɩzɩk arɩ Jekɔb doho nɩaa. Mɩ jaŋ leŋ dɩ ba bɩra mɩɩra kɔ ba tinteeŋ a fá ba nenige.”

JƐRƖMAAYA 48:36

Mɩ tʋɔŋ lɛ, mɩ yele a pɩpɩ Mʋab nɛ a nagɛ ba sɩɩ ŋmʋʋ ŋmʋlʋŋ. Ʋʋ yel nɛ a nagɛ ŋmʋlʋŋ a pɩ Kɩɩ Harɛsɛf nɩaa. Dʋa-la kala ba sɩ chɛ lɛlɛ nɛ.

JEMBIEE 3:22

La TƖƖNA chono-la sɩ bɩ dɛrɛ wɩaa nɛ tɩɩ la bɩ sʋba, bɛɛ wɩaa ʋ sɩɩ fá nɩaa nenige ŋɩɩ bɩ birigi.

ƐZƖKƖƐL 33:11

Bʋla pɩba arɩ mɩ-na ma TƖƖNA Wɩɩjarɩbakɔ ŋmɩɛsa arɩ mɩ tʋɔŋ bɩ nɩbɔmʋŋ sʋʋŋ lɛ ka tɔrɛ. Mɩ tʋɔtɔrʋŋ nɛ dɩ ʋ bɩrɩma lɩɩ ʋ wʋŋaalaa lɛ a kɛŋ mɩɩsɩŋ. Iziral tɩmma, má leŋ wʋbɔmɔ-la ma sɩɩ ŋaa. Bɛɛ nɛ tɩɩ ma chɩchɛ dɩ ma sʋʋ?

HOSIA 14:4

La TƖƖNA sɩ, “Mɩ jaŋ vaarɛ ba dɩgɩlɩŋ-bɩnɩɩ-la sɩ hɛ ba lɛ, aŋ choba woruŋ, bɛɛ wɩaa mɩ baanɩŋ fɩɛlɛ ba nyuŋ nɛ.

LEVI DOHO NƖAA 26:44

Arɩ ŋɩɩ kala, dɩ ba nɛ hɛ ba dʋndɔŋŋɔɔ tinteeŋ lɛ, mɩ bɩ jaŋ vɩaba ta koo a bɛrɛba a cheiba, dɩ ŋɩɩ leŋ nii-la sɩ hɛ mɩ dɩ ba pɛgɛ chei. Mɩ nɛ ba TƖƖNA Wɩa.

Luuk 15:24

Ʋ naga mɩ bie deeŋ fa sʋba nɛ aŋ lɛɛlɛ sii. Ʋ fa lɛlɛ nɛ, ka la lɛɛlɛ naʋ.’ Ŋɩɩ nɛ ba dii kɩaa arɩ tʋɔtɔrʋŋ.

Luuk 15:32

Ama ʋ maga dɩ la gbieli gbiele a leŋ dɩ la tʋɔŋ tɔrɛ nɛ, bɛɛ wɩaa ʋ nagɛ ŋ ŋaana deeŋ fa sʋba nɛ aŋ sii. Ʋ fa lɛlɛ nɛ, ka la lɛɛlɛ naʋ.’ ”

MOSIS BƖRA WULLI WƖA WOMBIIŊ 32:36

La TƖƖNA jaŋ laa ʋ nɩaa ta, aŋ fá ʋ tɩntɩnnaa nenige, dɩ ʋ nɛ na dɩ ba doluŋ kala dɛrɛ, nɩalɩŋ sɩ ŋaa yosuŋ arɩ nɩalɩŋ sɩ tɩɩ ba tɩtɩa.

Fɩlɩpa Nɩaa 1:8

Mɩɩ bɩɩnɛ ma wɩaa nɛ woruŋ. Wɩa nɛ ŋaa mɩ pɛ-naara wɩɩŋ deeŋ lɛ. Mɩ choma nɛ woruŋ arɩ Kirisito Yesu sɩ choma ŋɩɩ.

SƖPAALAARAA 10:16

Ŋɩɩ nɛ ba joŋ vesi-la sɩ hɛ ba teeŋ ta, aŋ tuto La TƖƖNA. Ʋ chaasa fá ba nenige. Ʋ bɩra bɩ leŋe ba na hɛɛŋ.