JƐRƖMAAYA 31:2 - WƖA TENIŊ

² Wɩɩ-la La TƖƖNA sɩ bʋla nɛ ŋ-la: “Nɩalɩŋ sɩ foro laalɩŋ lɛ, ba jaŋ cheŋ nyu-sɩmɩŋ tintee-hɩlɩŋ lɛ. Mɩ jaŋ kɔ a leŋ dɩ Iziral tɩŋŋaa na wiese.”

JƐRƖMAAYA 31:2 ပူးပေါင်းရင်းမြစ်များ

WƖA YƖƖLAA 78:52

Ŋɩɩ nɛ ʋ kɛŋ ʋ nɩaa lɩɩ a nagɛ pie-laalɩŋ, a kɛmba kaa to tintee-hɩlɩŋ a mʋ.

WƖA YƖƖLAA 95:11

Ŋɩɩ nɛ mɩ na baanɩŋ a ŋmɩɛsa hɛ ba lɛ a bʋl, “Ma bɩ jaŋ jʋʋ tintee-la mɩ fa sɩ jaŋ joŋo pɩma, dɩ ma hɔnɔ wiesi.”

MOSIS KƐŊ IZIRAL TƖŊŊAA LƖƖ 1:16

“Dɩ Hiburu tɩŋŋaa haal kala nɛ togilo dɩ ʋ lʋl, má bee na, dɩ ʋ nɛ ŋaa hambolibie, má kpʋʋ, ka dɩ hantolibie nɛ, ma leŋu.”

MOSIS KƐŊ IZIRAL TƖŊŊAA LƖƖ 1:22

Ŋɩɩ nɛ Ijipiti tinteeŋ kuoro bʋla pɩ ʋ tinteeŋ nɩaa kala, “Má kɛsɛ Hiburu tɩŋŋaa hambolibiisiŋ kala a yuo hɛ fuo-la ba sɩɩ yɩrɛ Naayɩl lɛ, aŋ leŋ hantolibiisiŋ.”

MOSIS KƐŊ IZIRAL TƖŊŊAA LƖƖ 12:37

Iziral tɩŋŋaa vɛŋ naasɩŋ lɛ nɛ a lɩɩ Ramesis sɩ hɛ Ijipiti tinteeŋ lɛ a mʋ Sʋkɔf. Ba baalaa dʋndʋŋa yi bʋɩ zɔɔ-balɩdʋ nɛ, ba haalaa arɩ ba biiriŋ bɩ pɛ.

MOSIS KƐŊ IZIRAL TƖŊŊAA LƖƖ 2:23

Mosis hɛ Midiaŋ tinteeŋ lɛ ŋɩɩ nɛ halɩɩ, Ijipiti tinteeŋ kuoro kʋ sʋʋ, ka Iziral tɩŋŋaa ha ŋmuŋmoo niiŋ a tɩŋ yoŋ tɩntɩmɩa-la ba sɩɩ tɩŋ Ijipiti tinteeŋ lɛ. Ŋɩɩ nɛ Wɩa nɩɩ ba yele.

MOSIS KƐŊ IZIRAL TƖŊŊAA LƖƖ 33:14

Ŋɩɩ nɛ La TƖƖNA bʋla pɩ Mosis, “Mɩ jaŋ hɛ ŋ teeŋ lee na-kala ŋ sɩɩ mʋ, a leŋ dɩ ŋ na wiese.”

MOSIS KƐŊ IZIRAL TƖŊŊAA LƖƖ 5:21

Ŋɩɩ nɛ ba bʋla pɩ Mosis arɩ Arɔŋ, “La TƖƖNA na wɩɩ-la ma sɩ ŋaa nɛ, ʋ jaŋ dɔgɩsɛma. Ma leŋe Ijipiti tinteeŋ kuoro arɩ ʋ nɩhɩasɩŋ bɛrɛla nɛ a joŋ dʋndɔnnʋŋ hɛ la pɛgɛ dɩ ba kpʋla.”

JƐRƖMAAYA 2:2

“Mʋ heele bʋla pɩ Jerusalɛm nɩaa kala, mɩ liise yi ŋɩɩ ma fa sɩɩ to mɩ nɛ ma hambiriŋ lɛ. Ma fa chomi nɛ woruŋ a nagɛ nɩa sɩ cho ʋ ha-falɩŋ ŋɩɩ, a to mɩ harɩŋ tintee-hɩlɩŋ lɛ, gɩrɩpɩrɩŋ tʋɔŋ.

ƐZƖKƖƐL 20:35

Mɩ jaŋ kɛmma kɔ tintee-hɩlɩɩ-la tinteyee sɩ gollo chu, dɩ la joŋ sɩaa chaasɛ dɔŋɔ dɩ mɩ dɔgɩsɛma.

HOSIA 11:4

Mɩ nɛ kɛnʋ vɛŋ arɩ nuhuobiine chaachiliŋ a kɛnʋ arɩ chonuŋ. Mɩ nɛ lɩɩsʋ hɛɛŋ lɛ, aŋ tɩtɩa chɔgɩlɛ a dɩɛsʋ.

NAMBABA 10:33

Ŋɩɩ nɛ ba sii La TƖƖNA peel-la nyuŋ, a joŋ Wɩa niiriŋ daga-la, daga-la laa ba sɩpaaŋ ba vɛŋ tapʋlaa batori dɩ ʋ dagɛba lee-la ba sɩ jaŋ hɔnɔ wiesi.

NAMBABA 14:20

Ŋɩɩ nɛ La TƖƖNA bʋl, “Ŋ sɩ bʋl ŋɩɩ, mɩ joŋo chɛba nɛ.

Matiu 11:28

Ŋɩɩ nɛ Yesu bɩra bʋla pɩ nɩaa, “Má kɔ mɩ teeŋ, ma nɩalɩŋ kala sɩ lɔlɔ, aŋ ka wɩaa nyagɛma bil, mɩ jaŋ pɩma wiese.

MOSIS BƖRA WULLI WƖA WOMBIIŊ 1:30

Ma TƖƖNA Wɩa sɩ laa ma sɩpaaŋ jaŋ yuo nɩalɩŋ a pɩma arɩ ʋ fa sɩ yuo Ijipiti tɩŋŋaa ŋɩɩ pɩma ma sɩɩŋ lɛ.

MOSIS BƖRA WULLI WƖA WOMBIIŊ 1:33

Ʋ fa yie laa ma sɩpaaŋ nɛ tɩtaŋɩŋ a nagɛ nyiniŋ, a laa ma sɩpaaŋ wɩɩhɛyɛ a nagɛ duoŋ-bɩlɩmbaanɩŋ aa dagɛma lere-la ma sɩ jaŋ to arɩ lere-la ma sɩ jaŋ hɔŋ.

MOSIS BƖRA WULLI WƖA WOMBIIŊ 12:9

a tɩŋ ma ha sɩ bɩ tintee-la yie, lee-la ma sɩ jaŋ jʋʋ a na wiese aŋ laa dʋa-la ma TƖƖNA Wɩa sɩ jaŋ joŋo pɩma.

MOSIS BƖRA WULLI WƖA WOMBIIŊ 2:7

Ma TƖƖNA Wɩa pɛ ma lɛ nɛ woruŋ ma tɩntɩmɩɩ-kala lɛ. Ʋ beŋ ma nyuŋ nɛ bʋa-la kala lɛ ma sɩɩ vɛŋ tintee-hɩlɩŋ deeŋ tʋɔŋ. Jɩsɩŋ mahɩŋ balɩa-la kala ma TƖƖNA Wɩa sɩ kɛmma baarɛ tintee-hɩl-jalɩŋ deeŋ lɛ, ʋ hɛ ma teeŋ nɛ, ma bɩ kʋŋkala chɛ ka.

MOSIS BƖRA WULLI WƖA WOMBIIŊ 8:16

Ʋ pɩma kʋdiile-la ba sɩɩ yɩrɛ ‘Mana’ nɛ tintee-hɩlɩɩ-la lɛ, kɩalɩŋ ma dɩ ma nyɩmmaba kʋŋkala ha sɩ bɩ die aŋ ka. Ʋ ŋaa ŋɩɩ a magɩsɛma nɛ dɩ ma sɩaa tʋʋ tinteeŋ, dɩ wɩaa vɛŋ woruŋ a pɩma.

JOSUA 1:13

“Má liisi wɩɩ-la La TƖƖNA tɩntɩnna Mosis sɩ bʋla pɩma arɩ ma TƖƖNA Wɩa joŋ Jɔdaŋ wɩɩpɔsʋŋ dɩɩrɩŋ tinteeŋ deeŋ a pɩma nɛ, dɩ ma hɔŋ a na wiese.