JƐRƖMAAYA 31:19 - WƖA TENIŊ

¹⁹ Mɩ sɩ ŋaa wɩaa a yeŋŋi, mɩ bɩrɩma lɩɩ nɛ. Mɩ sɩ kʋ jɩŋ wɩalɩŋ sɩaa, mɩ gʋrɛ nyuŋ nɛ. Hɩɩsɩŋ fa kɛmmɛ mɩ muuri, bɛɛ wɩaa hɩɩsɩ-la diimi a tɩŋ wɩalɩŋ kala mɩ sɩ ŋaa mɩ hambiriŋ kala lɛ nɛ.’

JƐRƖMAAYA 31:19 ပူးပေါင်းရင်းမြစ်များ

ƐZƖRA 9:6

a sʋlʋ a bʋl, “Ou mɩ Wɩa, hɩɩsɩŋ kɛmmɛ nɛ arɩ mɩ sɩ jaŋ kɛŋ mɩ sɩaa je ŋ sɩpaaŋ, bɛɛ wɩaa la wʋbɔŋŋɔɔ chʋɔra nɛ a sii kɩɩ la nyusuŋ. La wʋcheelee paala jɩla yiyi wɩa-nyuŋ nɛ.

JOB 13:26

Ŋ ŋmʋnsɛ wɩaa sɩ chaasa lɔrɛ nɛ a tɩgɛ mɩ lɛ, ŋ liisimi mɩ wʋbɔmɔ-la kala mɩ sɩ ŋaa mɩ bapʋɔsʋŋ lɛ nɛ.

JOB 20:11

Ʋ bapʋɔsɩ dol-la ʋ fa sɩ kɛnɛ, ʋ jaŋ kɛnʋ mɩɩra jʋʋ hagɩla.

WƖA YƖƖLAA 119:67

Mɩ fa yeŋŋi ŋ wombiiŋ lɛ nɛ, ŋ dɔgɩsɛmɛ, ama lɛɛlɛ mɩ sɛɩ ŋ niiŋ nɛ.

WƖA YƖƖLAA 25:7

Joŋ wʋbɔmɔ-la kala mɩ sɩ ŋaa mɩ hambiiriŋ lɛ a chɛmɛ. A tɩŋ ŋ chonuŋ arɩ ŋ zile wɩaa, liisi mɩ wɩaa.

AZAAYA 54:4

Sɩ́ leŋe dɩ fawʋllʋŋ kɛnɩŋ, ŋ bɩ jaŋ dii hɩɩsɩŋ. Sɩ́ hɩɩsɩŋ fá, nʋʋkala bɩra bɩ jaŋ jolumuŋ. Hɩɩsɩ-la sɩ diiŋ ŋ hambiiriŋ lɛ, ŋ jaŋ yʋ ʋ wɩaa. Ŋ bɩra bɩ jaŋ liisi wɩalɩŋ ba sɩ joŋo to ŋ lɛ, ŋ fa sɩ ŋaa yo-haal.

JƐRƖMAAYA 22:21

Mɩ chagɩlɛma nɛ bʋa-la lɛ wɩaa fa sɩ vɛŋ woruŋ aa pɩma, ama ma sɩ, ‘La bɩ jaŋ jegile nɩɩ.’ Ŋɩɩ nɛ ma nagɛ ma hambiriŋ kala lɛ, ma bɩ mɩ niiŋ sɛyɛ.

JƐRƖMAAYA 3:25

Má leŋ la yaara kɛŋ la hɩɩsɩŋ pɩŋ, a leŋ la hɩɩsɩŋ diila. La ŋaa wʋbɔŋ nɛ La TƖƖNA Wɩa lɛ, la dɩ la naabalɩmaba kala. A chɩŋ la hambiiriŋ lɛ a kaa kɔ jɩnɩŋ, la bɩ La TƖƖNA Wɩa niiŋ to.”

JƐRƖMAAYA 32:30

Iziral tɩŋŋaa arɩ Juda nɩaa hambiiriŋ kala lɛ a kaa kɔ ŋ-la, ba bɩ wʋzɔŋ kala ŋaa mɩ sɩɩŋ lɛ, see wʋbɔŋ. Wʋtɩtɩɩ, Iziral tɩŋŋaa bɩ wʋzɔŋ kala ŋaa, ba mɩɩra kɛŋ vesi-la ba tɩtɩa sɩ ŋaa nɛ a leŋ mɩ baanɩŋ sii. Mɩ-na ma TƖƖNA nɛ bʋla.

ƐZƖKƖƐL 21:12

Nuhuobiiŋ, ŋmoo niiŋ a yel, mɩ nɩaa Iziral tɩŋŋaa arɩ ba sɩpaalaaraa nyuŋ nɛ tokobii-la kʋkɔ. Baa chɛ dɩ ba kpʋba nɛ, ŋɩɩ wɩaa paa ŋ nɩsaa chʋŋ ŋ nyuŋ lɛ.

ƐZƖKƖƐL 21:17

Mɩ ma jaŋ porisi mɩ nɩsaa, ka dɩ mɩ baanɩŋ fɩɛlɛ. Mɩ-na ma TƖƖNA nɛ bʋla.”

ƐZƖKƖƐL 23:3

Ijipiti tinteeŋ lɛ nɛ ba bɩrɩmɛ hachɔrʋmɔ, ba ŋaa hachɔrʋŋ wɩaa ba hatulluŋ kala lɛ nɛ. Tintee-la lɛ nɛ ba chagɩsɛ ba yɩlaa a pʋrʋmɛ ba yɩl niiriŋ.

ƐZƖKƖƐL 36:26

Mɩ jaŋ pɩma tʋɔ-falɩŋ, a joŋ dɩŋ-falɩŋ ma hɛ ma lɛ. Mɩ jaŋ lɩɩsɛ tʋɔ-dol-la ma sɩ kɛnɛ sɩ nagɛ tabɩɩŋ ta, aŋ pɩma tʋɔ-la sɩ pʋnyɛ.

ƐZƖKƖƐL 36:31

Ŋɩɩ nɛ ma jaŋ liisi wʋbɔmɔ-la ma sɩ ŋaa, dɩ ma tʋɔŋ lɩɩ ma tɩtɩa a tɩŋ ma wʋbɔŋŋɔɔ arɩ wʋkɩsɩa-la ma sɩ ŋaa wɩaa.

ƐZƖKƖƐL 6:9

Tinteye-la lɛ ba sɩ jaŋ kɛsɛba mʋ dɩ ba hɛ yoŋ-baga lɛ, ba jaŋ liisi ŋɩɩ ba sɩ ŋaa mɩ tʋɔŋ chei a tɩŋ ba sɩ bɩ wʋtɩtɩɩ kɛnɛ a joŋ harɩŋ yɩamɛ a cho vʋɩyaa. Ba tʋɔŋ jaŋ lɩɩ ba tɩtɩa a tɩŋ wʋbɔmɔ-la arɩ wʋkɩsɩa-la kala ba sɩ ŋaa.

ZƐKARƖYA 12:10

Mɩ jaŋ joŋ mɩ Dɩma hɛ Devit doho nɩaa arɩ Jerusalɛm nɩaa lɛ, dɩ ba fɩfá nɩaa nenige aŋ chʋchʋɔlɛmɛ. Ba jaŋ bibeŋ mɩ-na nɩɩ-la ba sɩ tɔbɔ, a yel mɩ lɛ a nagɛ nɩa sɩɩ yel ʋ bii-bala lɛ. Ba tʋɔŋ jaŋ faasa chei a nagɛ nɩa tʋɔŋ sɩ cheye ʋ bii-bumbuŋ sʋʋŋ lɛ.

Luuk 15:30

Ka ŋ bie deeŋ-na kɛŋ ŋ kɩaa kala chei hachɔrʋmʋŋ lɛ. Ka ʋ sɩ mɩɩra kɔ dɩa ŋɩɩ, ŋ kpʋ nɛ-fere a pʋ.’

Luuk 18:13

Ama lampoo laarʋ-la chɩŋ dɩ-bolii. Ʋ paala bɩ ʋ sɩaa ma kaa wʋl wɩa-nyuŋ aŋ paa ʋ nɩsaa chʋŋ ʋ nyuŋ lɛ aŋ bʋl, ‘Wɩa, fá mɩ nisusuŋ. Mɩ ŋaa wʋbɔŋ ŋaarʋ nɛ.’ ”

Rom Tɩŋŋaa 6:21

Wɩaa deemba ma fa sɩɩ ŋaa, nyʋʋrʋ bɛɛ nɛ ma na? Wɩalɩŋ mɩɩra ŋaa hɩɩsɩŋ kɛmma nɛ lɛɛlɛ. Ba dɩdɛrɩŋ nɛ saa ŋaa sʋʋŋ.

MOSIS BƖRA WULLI WƖA WOMBIIŊ 30:2

ama dɩ ma dɩ ma biiriŋ nɛ mɩɩra kɔ ma TƖƖNA Wɩa teeŋ a tou arɩ ma tʋɔŋ arɩ ma wɩɩwɩɩ kala, a to wɩalɩŋ kala mɩ sɩ joŋo dagɛma jɩnɩŋ,

2 Timoti 2:25

Ʋ maga dɩ ʋ sɩaa fɩɛlɛ dɩ ʋ nɩɩ dagɛ nɩalɩŋ sɩ bɩ ʋ harɩŋ chɩna. Ŋ bɩ pɔ, Wɩa jaŋ leŋ dɩ ba na wombiiŋ a wuo bɩrɩma lɩɩ ba wʋbɔŋŋɔɔ lɛ a kʋ jɩŋ wʋtɩtɩɩ-la.