JƐRƖMAAYA 31:14 - WƖA TENIŊ

¹⁴ Mɩ jaŋ leŋ dɩ Wɩɩsʋllɩ sɩpaalaaraa vɔgɛ arɩ Wɩɩsʋlʋŋ kʋ-daŋ, a leŋ dɩ mɩ nɩaa vɔgɛ arɩ kʋ-daŋ-la mɩ sɩ jaŋ pɩba. Mɩ-na ma TƖƖNA nɛ bʋla.”

JƐRƖMAAYA 31:14 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 6:41

Lɛɛlɛ mɩ Tɩɩna Wɩa, sii kʋ jʋʋ ŋ dɩa, la joŋ ŋ niiriŋ daga-la bil nɩmɛ nɛ, kʋ-la sɩ ŋaa ŋ doluŋ magɩlɩŋ. Mɩ TƖƖNA Wɩa, ŋaa dɩ ŋ Wɩɩsʋllɩ sɩpaalaaraa leŋ dɩ nɩaa jɩŋ ŋɩɩ ŋ sɩ laa nɩaa tɩta. Dɩ ŋ nɩaa tʋɔŋ tɔrɛ ŋ wʋzɔŋŋɔɔ lɛ.

NƐHƖMAAYA 10:39

Levi doho nɩaa arɩ Iziral tɩŋŋaa kala, maga ba kɩɛsɛ mɩaa, girep nɛnɛɛ sɩnɩŋ arɩ olif nʋʋŋ nɛ, a kaa mʋ chʋgʋsʋŋ dɩa-la lɛ ba sɩɩ bil Wɩa dɩɩ-bal-la tɩntɩnnɩ kɩaa, arɩ lee-la Wɩɩsʋllɩ sɩpaalaaraa, boi-pɔɔrɔɔ arɩ yɩɩlɩ yɩɩraa sɩɩ jʋʋ. La bɩ jaŋ vɩa la Wɩa dɩɩ-balɩŋ ta.”

WƖA YƖƖLAA 107:9

Nɩalɩŋ lɩɩnyʋasʋŋ sɩ kɛnɛ, ʋ pɩba lɩɩŋ nɛ ba nyʋa vɔgɛ. Nɩalɩŋ ma losuŋ sɩ kɛnɛ, ʋ yie pɩba kʋzɔŋŋɔɔ nɛ ba dii vɔgɛ.

WƖA YƖƖLAA 132:16

Mɩ jaŋ laa ʋ Wɩɩsʋllɩ sɩpaalaaraa ta, aŋ leŋ dɩ ʋ nɩalɩŋ ma sɩ laa mɩ wɩaa dii yɩɩ yɩɩlaa a jʋjʋɔsɛ.”

WƖA YƖƖLAA 132:9

Leŋ dɩ ŋ Wɩɩsʋllɩ sɩpaalaaraa kɛŋ tʋɔpʋla, aŋ leŋ dɩ nɩalɩŋ ma sɩ laa ŋ wɩaa dii yɩɩ yɩɩlaa a jʋjʋɔsɛ.”

WƖA YƖƖLAA 17:15

Ama mɩ-na jaŋ naŋ, bɛɛ wɩaa mɩ ŋaa tʋɔpʋl tɩɩna nɛ. Dɩ mɩ nɛ sie, mɩ yie na ŋɩɩ ŋ sɩ naga nɛ, mɩ tʋɔŋ tɔrɛ.

WƖA YƖƖLAA 36:8

Ŋ pɩba kʋdii-daŋ nɛ ŋ dɩa lɛ, a pɩba kʋnyʋalaa yʋgɛ a nagɛ fuoŋ sɩɩ pɛllʋ.

WƖA YƖƖLAA 63:2

Mɩ na ŋ doluŋ arɩ ŋ tʋla nɛ, ŋ dɩɩ-bal-la lɛ ba sɩɩ dɛnnɩŋ.

WƖA YƖƖLAA 63:5

Ŋ jaŋ leŋ dɩ mɩ dɩma vɔgɛ a nagɛ nɩa sɩ dii kʋdii-zɔŋŋɔɔ vɔgɛ, dɩ mɩ tʋɔŋ tɔrɛ dɩ mɩ yɩɩ yɩɩlaa a dɛnnɩŋ.

WƖA YƖƖLAA 63:6

Mɩ bɔsɔ lɛ, mɩ yie liisi ŋ wɩaa nɛ, a kɛmba bɩɩnɛ ŋɩɩ deeŋ deeŋ tɩtaŋɩŋ kala.

WƖA YƖƖLAA 65:4

Ŋ pɛ nɩalɩŋ ŋ sɩ lɩɩsa lɛ nɛ, a kɛmba kʋ hɛ ŋ dɩa lɛ. Wʋzɔmɔ-la sɩ hɛ ŋ dɩa-la ŋ sɩ lɩɩsa pɩ ŋ tɩtɩa lɛ, la jaŋ nɩɩ ba sɩma.

WƖA YƖƖLAA 85:13

Tʋɔpʋl wʋŋaalaa nɛ jaŋ laa La Tɩɩna sɩpaaŋ, a wasɛ wombiiŋ pʋ.

WƖA YƖƖLAA 90:14

Chʋchʋɔ na-kala, dagɛla ŋ chono-la sɩ bɩ dɛrɛ, dɩ ŋɩɩ leŋ dɩ la yɩɩ yɩɩlaa arɩ tʋɔtɔrʋŋ la mɩɩsɩŋ kala lɛ.

SOLOMOŊ YƖƖL-SƖMƖŊ 5:1

Mɩ dɩhaala, mɩ ha-falɩŋ, mɩ kʋ jʋʋ mɩ lɩga nɛ. Mɩ kɛŋ mɩ tɩɩ-kel-la sʋɔra sɩ sɩma baa yɩrɛ mɛɛ arɩ mɩ tegisiŋ hɛ dɔŋɔ nɛ. Mɩ dii mɩ tʋʋ-nʋʋŋ arɩ ʋ tʋʋ-jaga kala nɛ. Mɩ nyʋa mɩ girep nɛnɛɛ sɩnɩŋ arɩ mɩ nayɩlɩŋ ma kala nɛ. La nɩchooloo, má dagɛ ma chonuŋ, a magɛ ŋɩɩ kala ma sɩɩ chɛ, a nagɛ nɩa sɩ dii kɩaa a nyʋa kɩaa vɔgɛ.

AZAAYA 25:6

Peel-la ba sɩɩ yɩrɛ Zaayɔŋ nyuŋ nɛ La TƖƖNA doluŋ kala Tɩɩna jaŋ yɩrɛ gbiele, a ŋaa kʋdii-zɔŋŋɔɔ arɩ nammɩɩ-zɔmʋŋ arɩ sɩŋ-la sɩ chaasa sɩŋ a pɩ dʋnɩa nɩaa kala.

AZAAYA 61:6

Ma-na jaŋ ŋaa La TƖƖNA Wɩɩsʋllɩ sɩpaalaaraa, a ŋaa la Wɩa tɩntɩnnaa. Ma nɛ jaŋ tɩɩ tinteyee kala dʋa, a kɛŋ ba kɩalɩŋ ŋmuŋmoo bɔyɛ.

JƐRƖMAAYA 31:25

Mɩ jaŋ leŋ dɩ nɩalɩŋ sɩ lɔlɔ yaraa polli, a leŋ dɩ nɩalɩŋ ma sɩ yiege bɩra kɛŋ doluŋ.”

JƐRƖMAAYA 33:9

Ŋɩɩ nɛ tabalɩŋ deeŋ jaŋ laa yɩrɩŋ pɩmɛ dɩ mɩ tʋɔŋ tɔrɛ, dɩ nɩaa dɩdɛnnɛmɛ a zizilmi dʋnɩa tinteye-la kala nɩaa sɩ nɩɩ wʋzɔmɔ-la mɩ sɩ ŋaa pʋ sɩpaaŋ. Fawʋllʋŋ jaŋ kɛmba dɩ ba chichel a tɩŋ dʋa bal-la arɩ fɩɛl-la mɩ sɩ pʋ wɩaa.”

JƐRƖMAAYA 50:19

Ama mɩ jaŋ mɩɩra kɛŋ Iziral tɩŋŋaa kaa kɔ ba tinteeŋ, ba jaŋ dii kɩaa Kamɛl peel-la nyuŋ arɩ Basaŋ fuonaaŋ lɛ. Ba jaŋ dii kɩaa a vɔgɛ Efirem arɩ Gɩlɩad dundolluŋ nyuŋ.

ƐZƖKƖƐL 34:14

Mɩ jaŋ daaba lee-la ya-zɔmʋŋ sɩ hɛ, Iziral peelee nyuŋ nɛ jaŋ ŋaa ba dɩ-diiliŋ. Nɩmɛ ba jaŋ pɩŋ tintee-la ya-zɔmʋŋ nyuŋ, a didii Iziral peelee nyuŋ ya-zɔmʋŋ.

HAGAƖ 2:19

Kʋdoho nɛ ka vire tʋɔŋ? A kaa kɔ lɛɛlɛ, girep tɩɩsɩŋ arɩ tutogusuŋ, tɩa-la nɛnɛɛ sɩ nagɛ kampoi nɛnɛɛ arɩ nʋʋŋ tɩɩsɩŋ bɩ nɛŋ kala nɛnɛ. Ama a chɩŋ jɩnɩŋ a kaa mʋ, mɩ jaŋ pɛ ma lɛ.’ ”

Matiu 5:6

Wɩa jaŋ pɛ nɩalɩŋ sɩ faasa chɩchɛ tʋɔpʋla a nagɛ losuŋ koo lɩɩnyʋasʋŋ sɩ kɛŋ nɩaa ba chɩchɛ kʋdiilee koo lɩɩŋ ŋɩɩ. Wɩa jaŋ leŋ dɩ ba kɛŋ tʋɔpʋla.

Ɛfɛsɩs Nɩaa 1:3

Má leŋ dɩ la dɛnnɛ Wɩa. Ʋ nɛ ŋaa La Tɩɩna Yesu Kirisito Nyɩmma. La dɩ Kirisito sɩ ŋaa kʋbala nɛ tɩɩ ʋ pɛ la lɛ a joŋ wʋzɔŋ na-kala sɩ lɩɩ ʋ teeŋ a pɩla.

Ɛfɛsɩs Nɩaa 3:19

Ama nʋʋkala bɩ jaŋ wuo jɩŋ Kirisito chono-la sɩ magɛ ŋɩɩ. Ʋ nɛ kɩɩ wɩalɩŋ kala la sɩ wuo jɩŋ. Mɩɩ sʋl Wɩa dɩ ʋ leŋ dɩ ma nagɛ ŋɩɩ Wɩa sɩ naga.

MOSIS BƖRA WULLI WƖA WOMBIIŊ 33:23

Nafɩtalɩ doho ma lɛ, ŋ-la nɛ ʋ bʋl, “La TƖƖNA tʋɔŋ tɔrɛ Nafɩtalɩ nyuŋ nɛ woruŋ, ʋ pɛ ʋ lɛ kɩŋkɛŋ. Ʋ nɛ jaŋ tɩɩ Galilii mʋgʋ-bal-la wɩɩpɔsʋŋ nadiiŋ dɩɩrɩŋ tinteeŋ.”

1 Pɩɩta 2:9

Ama Wɩa lɩɩsɛma nɛ dɩ ma ŋaa ʋ nɩaa, a laa nɩaa nyuŋ a tɩma pɩpɩ ma Kuoro. Ma ŋaa nɩa sɩ bɩ disiniŋ kɛnɛ nɛ. Wɩa tɩtɩa nɛ tɩɩma. Ʋ yɩrɛma dɩ ma wuo bʋl wʋkpuŋkperisi-la kala ʋ sɩ ŋaa a pɩ nɩaa arɩ ŋɩɩ ʋ sɩ lɩɩsɛma birimiŋ tʋɔŋ a kaa kʋ jʋʋ ʋ pʋlʋŋ-jalɩɩ-la tʋɔŋ.

Jɔɔŋ Wʋnaalaa 5:10

Ŋ leŋe nɩalɩŋ ŋ sɩ yɔbɔ, dii kuoruŋ nɛ a laa nɩaa nyuŋ a tɩma pɩpɩ Wɩa. Ba jaŋ beŋ tinteeŋ kala.”