JƐRƖMAAYA 31:10 - WƖA TENIŊ

¹⁰ Tinteyee nɩaa, má jegile nɩɩ mɩ-na ma TƖƖNA wɩaa. Má heele bʋlba a pɩ nɩalɩŋ sɩ hɔŋ mʋgʋ-balɩŋ niiŋ dɩ-bolii. Mɩ-na nɛ kɛŋ Iziral tɩŋŋaa pɩsɛ, mɩ saa jaŋ bɩra kɛmba kʋ hɛ dɔŋɔ. Mɩ jaŋ beŋ mɩ nɩaa nyuŋ a nagɛ pie-daara sɩɩ beŋ ʋ piesee ŋɩɩ.”

JƐRƖMAAYA 31:10 ပူးပေါင်းရင်းမြစ်များ

WƖAA DƖ-SUOMUŊ 10:5

Doho deeŋ nɩaa nɛ hɔŋ mʋgʋ-balɩŋ niiŋ a pɩsa hɔŋ taŋ taŋ. Tasɩ-la nɛ kʋ ŋaa tinteyee, tintee kala arɩ ʋ yikoro.

WƖA YƖƖLAA 147:2

La Tɩɩna nɛ wasa saa Jerusalɛm, ʋ nɛ kɛŋ Iziral tɩŋŋaa fa sɩ hɛ yoŋ-baga lɛ mɩɩra kɔ ba jaŋ.

WƖA YƖƖLAA 23:1

La Tɩɩna nɛ ŋaa Nɩɩ-la sɩɩ beŋ mɩ nyuŋ, a nagɛ pie-daara sɩɩ beŋ ʋ piesee nyuŋ woruŋ ŋɩɩ. Mɩ bɩ kʋŋkala chɛɛ ka.

WƖA YƖƖLAA 72:10

Leŋ dɩ Taasɩs tinteeŋ kuoroo arɩ tinteye-la nɩaa lɩɩŋ sɩ gollo chu to ʋ niiŋ a tiŋ lampoo a pʋpʋ. Leŋ dɩ tasɩ-la ma ba sɩɩ yɩrɛ Sɛba arɩ Sɩɩba kɛŋ kɩaa kʋ dii zile kuoro lɛ.

NAMAGABA 27:23

Jɩŋ ŋ piesee arɩ ŋ bʋʋnaa yarɩfɩɛlaa wɩaa a beŋ ba nyuŋ woruŋ,

AZAAYA 24:14

Nɩalɩŋ sɩ jaŋ ka jaŋ chaasa ŋaa goŋ arɩ tʋɔtɔrʋŋ. Ka nɩalɩŋ ma sɩ hɛ wɩɩjʋʋlʋŋ dɩɩrɩŋ heeli aa dagɛ La TƖƖNA ballɩŋ.

AZAAYA 27:12

Ama bʋa deeŋ lɛ La TƖƖNA jaŋ kɛsɛ Iziral tɩŋŋaa kʋŋ kʋŋ a kʋ hɛ dɔŋɔ lɛ, a chɩŋ Efireti fuo-la lɛ, a kaa mʋ yi Ijipiti tinteeŋ niiŋ. Ʋ jaŋ lɩɩsɛba a nagɛ ba sɩ yie chaarɛ mɩaa a lɩɩsɛ mɩɩ-biiŋ aŋ ka mɩɩ-jɔrʋŋ ŋɩɩ.

AZAAYA 40:1

La Wɩa sɩ, “Nyagɛ mɩ nɩaa bɔyɛ woruŋ dɩ ba tʋɔŋ pɩŋ dɩ-bala.”

AZAAYA 40:11

Ʋ jaŋ beŋ ʋ nɩaa nyuŋ arɩ pie-daara sɩɩ beŋ ʋ piesee nyuŋ ŋɩɩ. Ʋ jaŋ paa ʋ pie-biisiŋ a nɔgɛ aŋ fɩɛla dɩdaa pie-naamba-la sɩ kɛŋ biiriŋ.

AZAAYA 41:1

Wɩa sɩ, “Ma nɩalɩŋ sɩ hɛ tinteye-la lɩɩŋ sɩ gollo chu lɛ, má kɛŋ goŋ aŋ jegile nɩɩ mɩ teeŋ. Tinteyee nɩaa, má wasa chɛ doluŋ. Má kʋ lɩɩ bʋl ma wɩɩŋ. Má leŋ la cheŋ dɔŋɔ sarɩya dɩ-diiliŋ.

AZAAYA 42:10

Ma nɩalɩŋ kala sɩ hɛ tinteeŋ lɛ, má yɩɩ yɩɩl-falɩŋ a dɛnnɛ La TƖƖNA. Ma nɩalɩŋ kala sɩɩ duori lɩɩŋ arɩ kɩalɩŋ kala sɩ hɛ lɩɩŋ tʋɔŋ, arɩ tinteye-la lɩɩŋ sɩ gollo chu nɩaa, má dɛnnʋ.

AZAAYA 42:4

Ʋ bɩ jaŋ kɔ dɩ ʋ lɔlɔ koo dɩ ʋ nandaasɩŋ yʋɔrɛ, see dɩ ʋ leŋe wʋtɩtɩɩ chɩŋ tinteeŋ lɛ kpaŋkpaŋ. Ʋ wʋdagaa lɛ nɛ tinteye-la kala lɩɩŋ sɩ gollo chu nɩaa jaŋ joŋ ba yɩɛlaa hɛ.”

AZAAYA 48:20

Má lɩɩ Babɩlɔŋ lɛ, má fá kagɛ Babɩlɔŋ tɩŋŋaa lɛ. Má heele bʋl arɩ tʋɔtɔrʋŋ: ‘La TƖƖNA laa ʋ nɩaa Iziral tɩŋŋaa ta nɛ.’ ” Má leŋ dɩ dʋnɩa sɛmɛ na-kala nɩɩ.

AZAAYA 54:7

“Mɩ fa vɩaŋ ta mʋa nɛ, ama lɛɛlɛ mɩ jaŋ fá ŋ nenige woruŋ a kɛnɩŋ mɩɩra kɔ.

AZAAYA 60:9

Tinteye-la lɩɩŋ sɩ gollo chu nɩaa sɛnɛ ka gbɛrɛ mɩ-na ma TƖƖNA nɛ. Lɩɩŋ daborusuŋ yʋga nɛ a laa sɩpaaŋ a lɩɩ Taasɩs kʋkɔ. Ŋ nɩaa sɩ hɛ dɩ-boloo nɛ ba paa kʋkɔ dɩa. Ba pɛ chʋŋ hɔpʋla arɩ sɛlɩmɛ nɛ dɩ ba kaa kʋ zil mɩ-na ma TƖƖNA Wɩa, Iziral tɩŋŋaa Wɩa sɩ bɩ disiniŋ kɛnɛ, bɛɛ wɩaa ʋ nɛ leŋe ŋ kɛŋ tʋla.

AZAAYA 66:19

Mɩ jaŋ bil magɩlɩŋ ba tʋɔŋ. Mɩ jaŋ kɛŋ ba nɩalɩŋ dɔnsʋŋ sɩ jaŋ ka a mʋ tintee-wogusuŋ arɩ tinteye-la lɩɩŋ sɩ gollu chu a ha bɩ mɩ wɩaa arɩ mɩ yɩrɩŋ nɩa, a bɩ mɩ doluŋ ma na. Tinteye-la nɛ ŋ-la: Taasɩs, Libiya arɩ Lidiya tɩmma-la sɩ jɩŋ toŋ yuonuŋ, Giriisi arɩ Tubal nɩaa. Ba jaŋ leŋ dɩ tinteye-la jɩŋ mɩ doluŋ sɩ magɛ ŋɩɩ.

JƐRƖMAAYA 23:4

Mɩ jaŋ lɩɩsɛ sɩpaalaaraa pɩba dɩ ba bemba. Fawʋllʋŋ bɩra bɩ jaŋ kɛmba, ba bɔyɛ ma bɩ jaŋ joŋ. Ba kʋŋkala bɩ jaŋ lɛl. Mɩ-na ma TƖƖNA nɛ bʋla.”

JƐRƖMAAYA 25:22

Taaya arɩ Sɩdɔŋ kuoroo, kuorusu-la sɩ hɛ fuoŋ niiŋ mʋgʋ-balɩŋ cholo,

JƐRƖMAAYA 3:15

Mɩ jaŋ pɩma sɩpaalaara-la mɩ tʋɔŋ sɩ tɔrɛ ba nyuŋ, ba jaŋ kɛŋ wʋjɩmɩŋ, a jɩŋ wɩaa bʋbʋɔsʋŋ a bibemma.

JƐRƖMAAYA 50:17

Iziral tɩŋŋaa nagɛ naachigiŋ sɩ kiri piesee ba pɩsɛ nɛ. Nɩɩ-la sɩ laa sɩpaaŋ yuo diiba nɛ ŋaa Asiiria kuoro. Nɩɩ-la ma sɩ to harɩŋ yɛrɛ ʋ haŋgbelee nɛ Babɩlɔŋ kuoro Nebukadineza.”

JƐRƖMAAYA 50:19

Ama mɩ jaŋ mɩɩra kɛŋ Iziral tɩŋŋaa kaa kɔ ba tinteeŋ, ba jaŋ dii kɩaa Kamɛl peel-la nyuŋ arɩ Basaŋ fuonaaŋ lɛ. Ba jaŋ dii kɩaa a vɔgɛ Efirem arɩ Gɩlɩad dundolluŋ nyuŋ.

ƐZƖKƖƐL 11:16

Ŋɩɩ wɩaa, bʋla pɩ nɩalɩŋ sɩ hɛ yoŋ-baga lɛ, ‘Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Mɩ nɛ fa leŋe ba mʋ tintee-wogusuŋ a kɛmba pɩsa hɛ tinteyee sɩ bolie lɛ, ama mɩ hɛ ba teeŋ nɛ a pɔba tinteye-la kala lɛ ba sɩ mʋa.’

ƐZƖKƖƐL 20:34

Mɩ jaŋ na baanɩŋ a kɛmma lɩɩ tinteye-la arɩ tinteye-la kala lɛ mɩ sɩ kɛmma pɩsa hɛ a kʋ hɛ dɔŋɔ. Mɩ jaŋ kɛmma kʋ lɩɩ arɩ mɩ dol-balɩŋ.

ƐZƖKƖƐL 34:12

A nagɛ pie-daara piesee sɩ pɩsa ʋ kire hɛ dɔŋɔ a beŋ ba nyuŋ ŋɩɩ, ŋɩɩ nɛ mɩ jaŋ beŋ mɩ nɩaa. Mɩ jaŋ lorigo laaba a lɩɩ lere-la kala ba sɩ pɩsa mʋ tapʋlɩɩ-la duoŋ-bɩlɩmbaanaa arɩ birimiŋ sɩ tɔ.

ƐZƖKƖƐL 37:24

Mɩ tɩntɩnna Devit nɛ jaŋ ŋaa ba kuoro, dɩ ba kala pie-daara ŋaa kʋbala. Ba kala jaŋ tuto wombie-la mɩ sɩ bile dɩ ba tuto, a fɩɛlɛ ba sɩaa a tuto mɩ wʋdagaa ma.

ƐZƖKƖƐL 5:10

Jerusalɛm, ŋ lɛ nyɩmmaba jaŋ chaŋ ba biiriŋ, dɩ biiriŋ ma chɩchaŋ ba nyɩmmaba. Mɩ jaŋ dɔgʋsʋŋ, aŋ kɛŋ ŋ nɩalɩŋ sɩ ka kaa pɩsa hɛ lee-kala.

ƐZƖKƖƐL 5:2

Dɩ tapʋlɩa-la ŋ sɩ golli tabal-la a yuyuo nɛ kʋ dɛrɛ, joŋ pʋna-la sɛmɛ dɔŋɔ nyɩgɛ tabal-la tʋɔŋ. Joŋ pʋna-la sɛmɛ dɔŋɔ ma a kɛŋ tokobii-la ta kikeri aŋ gugolli tabal-la. Joŋ sɛmɛ dɔŋɔ ma yuo dɩ peliŋ kaa jaasɛ. Mɩ jaŋ leŋ dɩ laalɩŋ kire to ba harɩŋ.

DANƖƐL 11:18

Ŋɩɩ nɛ ʋ jaŋ mʋ yuo dii tinteyee yʋgɛ sɩ hɛ mʋgʋ-balɩŋ niiŋ, ama laalɩyuori-hɩaŋ kʋbala jaŋ kʋ yuo dii Siiria kuoru-la, dɩ hɩɩsɩŋ kɛnʋ dɩ ʋ babii-ballɩŋ dɛrɛ.

LEVI DOHO NƖAA 26:33

Mɩ jaŋ leŋ dɩ laalɩŋ kirima dɩ ma fá a pɩsa jʋʋ tintee-wogusuŋ, ka ma tinteeŋ arɩ ma tasɩŋ pɩŋ jikpeeŋ.

MƖKA 2:12

La TƖƖNA bɩra sɩ, “Mɩ sɛnɛ jaŋ kɛŋ ma Jekɔb doho nɩaa kala kʋ hɛ dɔŋɔ, mɩ sɛnɛ jaŋ kɛŋ Iziral nɩkaanaa kʋ hɛ dɔŋɔ lɛ. Mɩ jaŋ kɛmba kʋ hɛ dɔŋɔ a nagɛ piesee sɩ hɛ pie-dɩa lɛ. Ba jaŋ nagɛ pie-laalɩŋ sɩ hɛ yaŋ dɩ-diiliŋ. Nɩaa jaŋ bɩra su tintee-la.

MƖKA 4:6

La TƖƖNA sɩ, “Dɩ tapʋlɩɩ-la nɛ yie, mɩ jaŋ kɛŋ gbɛrɩgɛɛ kʋ hɛ dɔŋɔ a kɛŋ nɩalɩŋ ba sɩ kaa mʋ yoŋ-baga arɩ nɩalɩŋ mɩ sɩ leŋe ba nɩna hɛɛŋ kʋ hilimi.

MƖKA 5:4

Bile jaŋ chaasa chɩŋ a kɛŋ ʋ TƖƖNA Wɩa doluŋ arɩ ʋ yɩrɩ-balɩŋ, a beŋ ʋ nɩaa nyuŋ a nagɛ pie-daara sɩɩ beŋ ʋ piesee nyuŋ ŋɩɩ. Ba jaŋ hɔŋ wɩɩkala bɩ baa walɩmɛ, bɛɛ wɩaa ʋ ballɩŋ jaŋ yi dʋnɩa sɛmɛ kala.

ZEFANAAYA 2:11

La TƖƖNA jaŋ chei vʋɩya-la kala sɩ hɛ tintee-la lɛ, dɩ fawʋllʋŋ faasa jʋʋba. Tinteyee kala sɩ hɛ dʋnɩa lɛ jaŋ kpirimi ʋ sɩpaaŋ, nʋʋ na-kala jaŋ ŋaa ŋɩɩ ʋ tɩtɩa tinteeŋ lɛ.

ZEFANAAYA 3:19

Bʋa-la nɛ yie, mɩ jaŋ dɔgɩsɛ nɩalɩŋ kala sɩ wʋrʋgʋma. Mɩ jaŋ laa gbɛrɩgɛɛ ta, aŋ kɛŋ nɩalɩŋ sɩ pɩsa kʋ hɛ dɔŋɔ. Mɩ jaŋ leŋ dɩ ma kɛŋ yɩrɩŋ dɩ nɩaa zizilma tinteye-la kala lɛ ba sɩ hɩɩsɛma.

ZƐKARƖYA 10:8

Mɩ jaŋ fʋʋla yɩrɛba a kɛmba kʋ hɛ dɔŋɔ. Wʋtɩtɩɩ, mɩ jaŋ laaba ta, ba jaŋ bɩra yʋgɛ arɩ ba fa sɩ yʋga ŋɩɩ.

ZƐKARƖYA 2:6

La TƖƖNA sɩ, “Má kɔ, má kɔ. Má fá lɩɩ wɩɩpɔsʋŋ nagʋa tinteeŋ lɛ. Mɩ kɛmma pɩsa hɛ dʋnɩa loŋgorunuŋ banɛsɛ-la lɛ nɛ.

ZƐKARƖYA 9:16

Ba TƖƖNA Wɩa jaŋ laaba ta tapʋlɩɩ-la a tɩŋ ba sɩ ŋaa ʋ nɩaa. Ba jaŋ tʋtʋl ʋ tinteeŋ lɛ a nagɛ kpɩɛraa ba sɩ joŋo hɛ kuori-nyunchuulo lɛ.

Luuk 12:32

Ŋɩɩ nɛ Yesu bɩra bʋl, “Ma nɩalɩŋ sɩɩ tomi, ma bɩ yʋgɛ. Má sɩ́ leŋe dɩ fawʋllʋŋ kɛmma. Ma Nyɩmma tʋɔŋ tɔrɔ nɛ dɩ ʋ joŋ ʋ kuorii-la pɩma.

Jɔɔŋ 10:27

Mɩ piesee nɩɩ mɩ yikoro nɛ, mɩ ma jɩmba, ba tuto mɩ harɩŋ.

Jɔɔŋ 11:52

tinteeŋ deeŋ nɩaa ma dʋndʋŋa wɩaa dee, ama dɩ ʋ wuo pɛ kɛsɛ Wɩa biiri-la sɩ pɩsa hɛ leree dɔnsʋŋ ma a hɛ dɔŋɔ lɛ.

MOSIS BƖRA WULLI WƖA WOMBIIŊ 30:4

Dɩ ma nɛ paala pɩsɛ a mʋ hɛ dʋnɩa loŋgoru-la sɩ faasa bol lɛ ma, ma TƖƖNA Wɩa ha jaŋ kɛmma mɩɩra kʋ hɛ dɔŋɔ.

MOSIS BƖRA WULLI WƖA WOMBIIŊ 32:26

Mɩ fa sɩ mɩ jaŋ kɛmba pɩsɛ aŋ leŋ dɩ ba yɩrɩŋ lɛl dʋnɩa lɛ.