JƐRƖMAAYA 31:1 - WƖA TENIŊ

¹ La TƖƖNA sɩ, “Bʋa-la lɛ, mɩ jaŋ ŋaa Iziral doho nɩaa kala Wɩa, dɩ ba ma ŋaa mɩ nɩaa.”

JƐRƖMAAYA 31:1 ပူးပေါင်းရင်းမြစ်များ

2 SAMƲƐL 7:24

Ŋ leŋe Iziral tɩŋŋaa chaasa chɩŋ nɛ a ŋaa ŋ nɩaa a kaa mʋ wuu. Ŋ-na La TƖƖNA nɛ lɛɛlɛ ŋaa ba Wɩa.

WƖA YƖƖLAA 144:15

Nɩalɩŋ sɩ jaŋ na wʋzɔŋŋɔɔ deemba jaŋ kɛŋ tʋɔtɔrʋŋ. Nɩalɩŋ Wɩa sɩ ŋaa ba Tɩɩna, ba jaŋ kɛŋ tʋɔtɔrʋŋ.

WƖA YƖƖLAA 48:14

La Wɩa nɛ ŋ-la, ʋ nɛ la Wɩa a kaa mʋ wuu. Ʋ nɛ jaŋ pɔla a kaa mʋ la dɩdɛrɩŋ.

AZAAYA 20:6

Dɩ tapʋlɩɩ-la nɛ yie, nɩalɩŋ kala sɩ hɔŋ Mediterenia mʋga-la niiŋ jaŋ bʋl, ‘Má na wɩɩ-la sɩ ŋaa nɩalɩŋ lɛ la sɩ joŋ la yɩɛlaa hɛ dɩ ba laala ta Asiiria kuoro nɩsɩŋ lɛ. Nɩɩ nɛ la bɩra jaŋ to a fori?’ ”

AZAAYA 41:10

Má sɩ́ fawʋllʋŋ fá, mɩ hɛ ma teeŋ nɛ. Má sɩ́ leŋe dɩ ma tʋɔŋ vʋgʋmɛ, mɩ nɛ ma Wɩa. Mɩ jaŋ pɛ ma lɛ a pɩma doluŋ, mɩ jaŋ pɔma a laama ta.

JƐRƖMAAYA 23:6

Ʋ kuoruŋ bʋa lɛ, ʋ jaŋ laa Juda nɩaa ta, dɩ Iziral nɩaa ma hɔŋ sɔm. Yɩrɩ-la ba sɩ jaŋ yɩyɩrʋ nɛ: La TƖƖNA nɛ ŋaa la kɛŋ tʋɔpʋla koo La TƖƖNA nɛ laala ta arɩ wʋtɩtɩɩ.”

JƐRƖMAAYA 3:18

Bʋa-la lɛ Juda nɩaa jaŋ mʋ pɛ Iziral nɩaa lɛ. Ba kala jaŋ to dɔŋɔ a lɩɩ wɩɩpɔsʋŋ nagʋa tintee-la a kɔ tintee-la mɩ sɩ joŋo pɩ ma naabalɩmaba ʋ ŋaa ba kʋŋ.”

JƐRƖMAAYA 30:10

Ŋɩɩ wɩaa, má sɩ́ fawʋllʋŋ fá, mɩ tɩntɩnna Jekɔb doho nɩaa. Iziral tɩmma, má sɩ́ leŋe dɩ ma niiree maa. Mɩ-na ma TƖƖNA nɛ bʋla. Mɩ jaŋ sɛnɛ laama ta tintee-bolii-la ma sɩ hɛ lɛ a kɛmma kɔ dɩa. Mɩ jaŋ laa ma doho nɩalɩŋ sɩ hɛ yoŋ-baga lɛ ta. Iziral tinteeŋ jaŋ bɩra kɛŋ fɩɛlɩŋ dɩ ba hɔŋ sɔm, nʋʋkala bɩ jaŋ ŋaa dɩ fawʋllʋŋ kɛmba.

JƐRƖMAAYA 30:22

Ma jaŋ ŋaa mɩ nɩaa, dɩ mɩ ma ŋaa ma Wɩa.”

JƐRƖMAAYA 30:24

La TƖƖNA baaŋ-la sɩ jaŋ chaasa sii bɩ fɩɛlɛ, see dɩ ʋ ŋaa wɩɩ-la kala sɩ hɛ ʋ tʋɔŋ lɛ. Tapʋlaa baŋmɛnɛ harɩŋ, ma jaŋ jɩŋ wɩɩŋ deeŋ bʋbʋɔŋ.

JƐRƖMAAYA 30:3

Tapʋlaa ka kɔ nɛ, mɩ-na ma TƖƖNA jaŋ kɛŋ mɩ nɩaa Iziral tɩŋŋaa arɩ Juda nɩaa mɩɩra lɩɩ yoŋ-baga kɔ, a bɩra leŋ dɩ ba hɔŋ tintee-la mɩ sɩ joŋo pɩ ba naabalɩmaba ʋ ŋaa ba kʋŋ lɛ. Mɩ-na ma TƖƖNA nɛ bʋla.”

JƐRƖMAAYA 31:33

La TƖƖNA bɩra sɩ, “Bʋa-la lɛ nii-la mɩ sɩ jaŋ bil mɩ dɩ Iziral tɩŋŋaa pɛgɛ nɛ ŋ-la: Mɩ jaŋ joŋ wombii-la mɩ sɩ bile dɩ ba tuto wɩaa hɛ ba nyuŋ lɛ, aŋ ŋmʋnsʋ a hɛ ba tʋɔŋ ma lɛ. Mɩ jaŋ ŋaa ba Wɩa, dɩ ba ma ŋaa mɩ nɩaa.

JƐRƖMAAYA 32:38

Ba jaŋ ŋaa mɩ nɩaa, dɩ mɩ ma ŋaa ba Wɩa.

JƐRƖMAAYA 33:14

La TƖƖNA sɩ, “Tapʋlaa ka kɔ nɛ, mɩ jaŋ leŋ dɩ tʋɔtɔrɛ nii-la mɩ sɩ hɛ pɩ mɩ nɩaa Iziral tɩŋŋaa arɩ Juda nɩaa sɛnɛ kʋ ŋaa wʋtɩtɩɩ.

JƐRƖMAAYA 33:7

Mɩ jaŋ kɛŋ Juda arɩ Iziral nɩaa mɩɩra lɩɩ yoŋ-baga-la ba sɩ yuo kɛsɛba mʋ a kɔ, a leŋ dɩ ba chɩŋ a nagɛ ŋɩɩ ba fa sɩ naga.

JƐRƖMAAYA 50:4

La TƖƖNA sɩ, “Tapʋlɩa-la lɛ, Iziral tɩŋŋaa arɩ Juda nɩaa kala jaŋ yele mʋ a chɛ ba TƖƖNA Wɩa.

ƐZƖKƖƐL 11:20

Ŋɩɩ nɛ ba jaŋ to mɩ wʋdagaa a fɩɛlɛ ba sɩaa a to mɩ wombie-la mɩ sɩ bile dɩ ba tuto. Ba jaŋ ŋaa mɩ nɩaa, dɩ mɩ ma ŋaa ba Wɩa.

ƐZƖKƖƐL 34:24

Mɩ-na ba TƖƖNA nɛ jaŋ ŋaa ba Wɩa, dɩ mɩ tɩntɩnna Devit ma ŋaa ba sɩpaalaara. Mɩ-na ma TƖƖNA nɛ bʋla.

ƐZƖKƖƐL 34:31

Ma nagɛ piesee nɛ mɩ teeŋ, mɩ pɩma kʋdiilee ma didii, ma ŋaa mɩ nɩaa nɛ mɩ ma ŋaa ma Wɩa. Mɩ-na ma TƖƖNA Wɩɩjarɩbakɔ nɛ bʋla.”

ƐZƖKƖƐL 36:28

Ma jaŋ hɛ tintee-la mɩ sɩ joŋo pɩ ma naabalɩmaba lɛ. Ma jaŋ ŋaa mɩ nɩaa, dɩ mɩ ma ŋaa ma Wɩa.

ƐZƖKƖƐL 39:22

A chɩŋ tapʋlɩɩ-la a kaa mʋ, Iziral tɩŋŋaa jaŋ jɩŋ arɩ mɩ nɛ ba TƖƖNA Wɩa.

ƐZƖKƖƐL 39:25

Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Lɛɛlɛ, mɩ jaŋ fá Jekɔb doho nɩaa sɩ ŋaa Iziral tɩŋŋaa nenige, a leŋ dɩ ba mɩɩra lɩɩ yoŋ-baga kɔ, a tɩɩ ba tinteeŋ. Mɩ tʋɔŋ ka wɩɩ mɩ yɩrɩ zɔmʋŋ lɛ nɛ.

HOSIA 1:11

Juda nɩaa arɩ Iziral tɩŋŋaa jaŋ bɩra kɛŋ nii-bala. Ba jaŋ lɩɩsɛ sɩpaa-laarɩ bala, ba jaŋ pʋŋa pɛ a dʋa ba tinteeŋ lɛ, dɩ ŋɩɩ ŋaa tapʋl-bal a pɩ Jɛzɩrɛl.”

LEVI DOHO NƖAA 26:12

Mɩ jaŋ hɛ ma tʋɔŋ a ŋaa ma Wɩa dɩ ma ma ŋaa mɩ nɩaa.

ZƐKARƖYA 13:9

Kʋbala deeŋ ma, mɩ jaŋ joŋu hɛ nyiniŋ lɛ. Mɩ jaŋ wasɛba ta a nagɛ ba sɩ yie joŋ hɔpʋla hɛ nyiniŋ lɛ a lɩɩsɛ ʋ hɔɔ-bɩnɩŋ ta ŋɩɩ. Mɩ jaŋ magɩsɛba na a nagɛ ba sɩ yie joŋ sɛlɩmɛ hɛ nyiniŋ lɛ a magɩsa na ʋ zɔmʋŋ ŋɩɩ. Ba jaŋ yɩrɛmɛ dɩ mɩ sɛɩ. Mɩ jaŋ bʋl, ‘Ba ŋaa mɩ nɩaa nɛ,’ dɩ ba ma bʋl, ‘La TƖƖNA nɛ la Wɩa.’ ”

Jɔɔŋ 20:17

Ŋɩɩ nɛ Yesu bʋla pʋ, “Sɩ́ mɩ kɛŋ. Mɩ ha bɩ mɩ Nyɩmma teeŋ jɩla. Ama mʋ bʋla pɩ mɩ naambiiriŋ arɩ mɩ jaŋ jɩl mɩ Nyɩmma teeŋ. Ʋ ŋaa ma ma Nyɩmma nɛ a ŋaa mɩ Wɩa, a ŋaa ma ma Wɩa.”

2 Kɔrɩntɩ Nɩaa 6:16

La ŋaa Wɩa-la sɩ weye dɩa nɛ, ʋ hɛ la lɛ. Ŋ bɩ jaŋ wuo jʋʋ Wɩa dɩa a kpaarɛ vʋɩyaa nɩmɛ. Ŋ-la nɛ Wɩa tɩtɩa bʋl ʋ teniŋ tʋɔŋ. Ʋ sɩ, “Mɩ jaŋ hɛ mɩ nɩaa tʋɔŋ a gʋgɔllɛ. Mɩ nɛ jaŋ ŋaa ba Wɩa, dɩ ba ma ŋaa mɩ nɩaa.

Hiburu TƖŊŊAA 12:16

Má pɔ ma tɩtɩa lɛ dɩ ma tʋɔŋ nʋʋkala sɩ́ lɩɩlʋ koo, dɩ ma tʋɔŋ nʋʋkala sɩ́ nʋʋ sɩ bɩ Wɩa ka fá ŋaa, a nagɛ Ɛsɔ. Ʋ fa ŋaa ʋ nyɩmma bii-hɩaŋ nɛ, aŋ joŋ ʋ hɩasɩŋ lenni kʋdiilee ʋ ŋaana teeŋ.