JƐRƖMAAYA 30:9 - WƖA TENIŊ

⁹ Ama, ba jaŋ tɩma pɩ mɩ-na ba TƖƖNA Wɩa a tɩma pɩ Devit doho nɩɩ-la mɩ sɩ jaŋ lɩɩsɛ dɩ ʋ ŋaa ba kuoro.

JƐRƖMAAYA 30:9 ပူးပေါင်းရင်းမြစ်များ

WƖA YƖƖLAA 89:49

La Tɩɩna, nɩɩ nɛ ŋ faafaa kala chono-la sɩ bɩ dɛrɛ hɛ, kʋ-la ŋ sɩ kɛŋ wʋtɩtɩɩ a ŋmɩɛsa pɩ Devit?

JƐRƖMAAYA 23:5

La TƖƖNA sɩ, “Tapʋlaa ka kɔ nɛ, dɩ mɩ lɩɩsɛ tʋɔpʋl Tɩɩna Devit doho nɩaa tʋɔŋ, ʋ jaŋ ŋaa kuoru sɩ jaŋ beŋ ʋ nɩaa arɩ wʋjɩmɩŋ. Ʋ jaŋ kɛŋ wʋtɩtɩɩ, a ŋaa wɩaa ba bʋa lɛ tintee-la lɛ.

JƐRƖMAAYA 29:11

Mɩ jɩŋ tʋɔbɩɩna-la mɩ sɩ kɛnɛ arɩ ma nɛ. Mɩ-na ma TƖƖNA nɛ bʋla. Mɩ kɛŋ mɩ tʋɔŋ dɩ mɩ ŋaama woruŋ nɛ, mɩ bɩ chɛ dɩ mɩ ŋaa wʋbɔŋ ma lɛ. Mɩ kɛŋ mɩ tʋɔŋ dɩ mɩ leŋ dɩ ma kɛŋ yɩɛlaa nɛ, dɩ ma chie zɔŋ.

JƐRƖMAAYA 30:21

Ba tɩtɩa dɔŋɔ nɛ jaŋ ŋaa ba sɩpaalaara. Nɩɩ-la sɩ jaŋ bibemba jaŋ lɩɩ ba tɩtɩa tʋɔŋ. Mɩ jaŋ kɛnʋ kʋ kpagɛmɛ, dɩ ʋ kʋ yimi. Kʋbɛɛ nɛ nɩɩ-la sɩ jaŋ sɛɩ a kɛŋ ʋ tɩtɩa a kʋ kpagɛmɛ? Mɩ-na ma TƖƖNA nɛ pɩɛsa.

JƐRƖMAAYA 33:15

Tapʋlɩa-la lɛ, mɩ jaŋ lɩɩsɛ nʋʋ sɩ ŋaa tʋɔpʋl Tɩɩna Devit doho nɩaa tʋɔŋ dɩ ʋ dii kuoruŋ. Ʋ jaŋ ŋaa wɩaa ba bʋa lɛ arɩ wʋtɩtɩɩ tintee-la lɛ.

HOSIA 3:5

Ʋ ŋɩɩ harɩŋ lɛ, Iziral tɩŋŋaa jaŋ mɩɩra chɛ ba TƖƖNA Wɩa arɩ ba kuoro Devit leriŋ. Ba jaŋ fɩfá La TƖƖNA a kɔ ʋ teeŋ tapʋlaa dɩdɛrɩŋ a chɩchɛ dɩ ʋ pɛ ba lɛ dɩ ba na wʋzɔŋŋɔɔ.

Luuk 1:69

Ʋ lɩɩsɛ nɩduo nɛ pɩla dɩ ʋ kʋ laala ta. Ʋ lɩɩ Devit doho nɩaa tʋɔŋ nɛ.

Tɩntɩŋŋaa 13:23

Devit doho nɩaa tʋɔŋ nɛ Yesu lɩɩ. Wɩa ŋaa ʋ kʋ ŋaa Iziral nɩaa Laataara, arɩ ʋ fa sɩ hɛ niiŋ ŋɩɩ.

Tɩntɩŋŋaa 13:34

Wʋtɩtɩɩ, Wɩa chɩsɛ Yesu sʋʋŋ lɛ nɛ dɩ ʋ sɩ́ pʋa. Ba ŋmʋnsɛ Wɩa teniŋ tʋɔŋ arɩ Wɩa sɩ, ‘Mɩ jaŋ sɛnɛ to ʋ lɛ a pɛ ma lɛ woruŋ arɩ mɩ fa sɩ bʋl ŋɩɩ a pɩ Devit.’

Tɩntɩŋŋaa 2:30

Ʋ fa ŋaa Wɩa wʋlaabʋllʋ nɛ a wuo jɩŋ wɩalɩŋ Wɩa sɩ sɩ ʋ jaŋ ŋaa pʋ. Wɩa ŋmɩɛsa pʋʋ nɛ arɩ ʋ jaŋ leŋ dɩ ʋ-na Devit doho nɩaa dɔŋɔ dii kuoruŋ ʋ nyuŋ lɛ.